@@NouraSahab تابعت أغلبه ممل بشكل غير طبيعي جايبين لي ناس مبتدئين في التجارة خمس سنين مو كفو بأنه يطلع بالاعلام ويتكلم واغلب كلامهم تحوم كبدك منه خالطين العربي بالانجليزي جيبوا لنا شياب عندهم تجارب ومغامرات اكثر من الصغار, ابي واحد حكته الدنيا على وجهه ويكون هو المؤسس مو الجيل الثاني او ورثها من ابوه كل شي جاهز ابي نصائح عن كيفية اختار الشركاء والتعامل معهم وكيف العقود معهم تتوثق ابي تجارب ابي واحد راعي سوق يقول لي و ش اللي فشل فيه ايش الصعوبات والتحديات اللي بالسوق وبالتفصيل,, بالنسبة لي الفشل مهم جدا لانك تتعلم منه اكثر من النجاح
@@fakeuser3803 ما عندي مشكلة ادفع فلوس وين تنباع هذه المعلومات ايش اسم الكتاب؟؟ روح شوف مقاطع لجنة شباب الاعمال واللقائات مع كبار تجار السعودية الجريسي والمهيدب والراجحي وابونيان وفي برنامج ثاني اسمه شركاء في النحدي لقائات مع ابانمي والمنجم والعثيم شوف كيف كلامهم وقارنه مع المبزرة اللي يقول لك واحد منهم لازم يكون عندك شهادة عشان تنجح في التجارة مدري مين قال هالكلام نسيت
@@bayan3036 ما احسد احد اللي عطاه يعطينا الحمدلله. لكن الوطنجية المطبلين عاللي يسوى واللي ما يسوى صاروا ما ينطاقون وهذا واحد من الاشكال اجل القهوه التركيه صارت قهوه عربيه سوداء 🤣
جمال لا يوصف بحق هذا الرجل العظيم، حقيقة اللقاء فيه معلومات ثرية للناس الي تفكر في تجارة وثراء وتوسع، عقلية جبارة وشخصية رائعة وصراحة ملفتة وحب كبير أكثر ما عجبني في اللقاء : - لمن أتكلم عن ارتفاع الأسعار وانه مو عيب انها تكون عالية، العيب لمن المنتج يكون عادي أو مو لذيذ - دعم المنافسين عشان ينتعش سوق الفطور وتزيد حصته السوقية - عمل السعودي لمن يؤمن فيه صاحب العمل ويقرر دعمه واظهار قدراته الحقيقة - هل تفضل الأسعار تزيد وتبقى داخل البلد ولا ترخص وتخرج خارج البلد بسبب سيطرة الغير سعوديين على التجارة والأعمال؟! أشكركم جدا على الإبداعات الدائمة
ياليت تكون فيه سلسلة بودكاست خاصة مقابلات مع رواد الاعمال السعوديين اللي نتعامل معهم دائمًا ولا نعرف ايش خلفهم❤️ بيكون ممتع جدًا سماع قصص النجاح هذي من وجهات نظر مختلفة ومدن مختلفة وتخصصات مختلفة.
أبو رعد شخصية أحبها كثيرًا.. واقعي جدًا وواثق بنفسه ويعطيك الزبدة المفيدة، وبالنسبة لأبو مالح؛ صراحة كنت ممن يكره طريقته في التقديم لكن شيئًا فشيئًا صاير أحبها 😅
بأسمي و بأسم الفوارس. اشكرك على رفع اسم فارس عاليا و نحن فخورين بك ونتمنى لك مزيد من التقدم و النجاح. استمر بارك الله فيك و لا تنسو تدعمونا عشان نستمر في العطاء 🥳😂
فطور فارس عنده فلسفة تعتمد على السعر مقابل الخدمة ولايعتمد على المنيو فقط وشخصياً اعتبر الفرق بينه وبين المطاعم الشعبية مثل الفرق بين الدرجة الأولى والسياحية مع إن الطائرة واحدة.
بالنسبه لغلا الاسعار يعني اشوف انه اقنعني قليل ...اعجبني الصراحه الي فيه واحس انه اندق اللين قال بس ..بس صراحه يمكن من اول المطاعم في السعوديه كانت نسبه السعوده عاليه جدا عنده وهاذي خطووة جريئه وخطيرة ..لاكن كفو ويستاهل ....الحقيقه شف له لقاءات كثير وكان بشوش بسيط تحس بروح الشباب فيه ....في هاذي المقابله مادري احس فيه شي مو طبيعي واتحدا وكانه مقهور او مظغوط من شي ....او انه بداء مرحله التحول من البساطه الي النظج والثقل
@@10SA اذا استخدمت منطق مقارنة الغالي بالرخيص ماراح توصل لنتيجة وبإمكانك استخدام الفكرة حتى في أسعار السيارت. بغض النظر هو فول ولارز اذا حطيت المنتج في بزنز موديل مصروف عليه راح تتقبل الفكرة حتى لو ماراح تشتري منه. مقارنة مطعم باكستاني او يماني متستر عليه ماعليه التزامات موظفين شهرية وهم عبارة عن شلة يتقاسمون المدخول شهريا حسب السوق مع شركة عليها التزامات شهرية ثابتة وسعودة مقارنة غير عادلة ولا هي في محلها اساسا وكأنك تقول المرسيدس غالي لان الهونداي رخيص.
@@almahuob-ms-256 معادلة غبية تدل على جهل من كتبها، مين سبب مشكلة قلة الرواتب وزيادة العمالة؟ اللي راتبه 2000 - 3000 ريال كيف تبيع يعيش؟ الأسعار عالية وبتروح ببطن واحد هنا لا أنها قليل ولا أنك وفرت فلوسك لنفسك، عطيتها واحد يكبر مطاعمه على قفانا وقفا ال"الوطن".
فارس من الناس اللي ملهم في رياده الاعمال ما شاء الله عليه ، من يعرف فكره بدايه فطور فارس ، يعلم انه اصلاً ما كان الا عبارة عن صور فطور في تويتر ولم يكن مطعم بل من اقتراحات المتابعين تترجم الى مطعم ممتاز وراقي
من باب تجربة بدوام جزئي وبراتب متوسط كان الفارق في حياتي ايجابي ، لا تبخلوا على السعوديين بمجرد ما تثق فيه وتقدم له اللي يستاهله تاكد انه بيسوي لك شيء ما يسويه الف اجنبي
لما تكلم عن أزمة كرونا والمصروفات ذكرني بلعبة سيتيز سكايلاين ( كيف تخفض من من مصروفات الكهرباء والماء وصيانة الطرق ) إذ لم تكن المدينة بحاجة لهذا الضخ، على سبيل المثال المدينة تحتاج 68 من طاقة الكهرباء وتجي تحصلها 90 من أصل 150 هنا عندك هدر بالمصروفات وتبدا تخفض مستوى الضخ سواء من المياه او الكهرباء من اجل توفير واعادة ضبط المهدر من الطاقة .
الحلقات اللي كذا مع شخصيات زي فارس وابراهيم الجاسم تخلي الوقت يمر بسرعه والحلقه تخلص وانا ما حسيت. شخصيته حلوه ماشاء الله ودعمه للشباب يخلينا نتحمس نجرب مطعمه وندعمه احنا كمان 👍🏻
قهرني يوم قال كامري اصلا مو رخصية الاستاندرد حول 90 الف (زمان تجيب 2003 من البسامي مدري البسام لي فترة طويلة عن الرياض اذكر عمي زمان امتلك بي 61000 و v6الرياضيه حدود 70 الف وبضعة الاف ) وجاي يطقطق ترا مو عشان عندك فلوس تقوم تقول كذا بعدين انا اعرف السوالف هذي قد سمعتها من بعض الناس المقرشين لما يتذكر الدخل المحدود يجي فراسه كامري اتق الله اعرف ناس غصب شروا اكسنت 2006 بعدين انا جربت اكله عزمني واحد يوم رحت جدة فطور تقريبا كنا 5 طلع حول 100 ولاكن جبنا انواع وكذا اشوف حقه بالكثير على الطعم والكمية 50 60 ويحمد ربه طعم عادي يوم رجعت انا مادفعت طبعا اخذت لي من دار الحجر الذ بمراحل( اكل البيت اللي تسويه انت او الاهل افضل طبعا لانك تسويه على مزاجك وتضمن المكونات لاكن الواحد مافيه حيل اواواوا ظروف،طبعا لو تشتري المكونات ما ارخص زيادة ) وسعر ارخص صراحة لاكن ميب غريبة اعرف مطعم قلك فخم قال يبيع كيلو لحم ريش بي190 ولا وحتى مو كيلو بس مش كل المطاعم الفخمة والذييذة غاليه عندك فيه مطاعم هندية سعرها معقول ولذيذة ومشويات وبرجر وووو مو لازم لذيذ وجودة يساوي غالي عندك البيك وووو بالنسبة للوضع اعتقد مطعمة مجرد ضجة اعلامية .
@@sultantntal6865 فعلا الكامري ماهي رخيصه واللي دخله ضعيف مايقدر ياخذها والله يرزقه خير منها لكن تدري ليش اول شي يجي في بالهم لان الكامري اكثر سيارة تبيع عندنا وسمعتها زي النار في الهشيم ولا عليك يرجال جعلنا نصير مقرشين ونطلع عشرين كامري وبخصوص المطاعم اللي اسعارهم غاليه فعلًا ماهو شرط اكلهم زين لكن انا جربت فطور فارس واشوفه طيب بس حق مره في السنه اما اكثر من كذا والله مايساعد اكل الوالده ازين واطيب
*أتفق و أختلف ...* * *بعض المصطلحات بحكم أنه تعلمها باللغة الإنجليزية .. هو لا يجد المصطلح أو المفردات العربية التي تعبر عنها .* * *لكن يجب المحاولة إلى أبعد حد إيجاد العبارات و الكلمات و المصطلحات العربية بعد معرفة الترجمة العلمية الصحيحة لها .*
عمل مطعم شعبي لطبقه راقية لها برستيج خاص في اختيار المطاعم ومبرراته لارتفاع اسعاره المبالغ فيها غير مقنعه وركيكه.. عندك البيك رغم شعبيته ورقي منتجاته الا ان اسعاره في متناول الجميع.. ياسيدي الفاضل القيمه الشرائيه في الطبقة الفقيره لانها هي الغالبيه وهي وقود اي سوق
شهادة حق .. مره رحت لفرع اللي ع تركي الاول جيت قبل صلاة الجمعة بنص ساعة وزححححححمة انتظار برا قالو لي تقريبا انتظارك 42 دقيقة .. الصراحة ماكملت 15 دقيقة ! لما دخلت كان واضح الشغل فوضى شويتين يسبب الزحمة والضغط وكانو الويترز بنات شوي واضح جدد ع الشغله وتأخروا علينا المهم تنرفزت شوي وقمت واستقبلني واحد اسمر ورابط شعره ع ورا .. الصراحة يوم شفته خفت حسبته بيصفقني كف 😂 الرجالاستقبلني احلا استقبال وهداني وقال ابد 3 دقاايق قسم بالله لو مانزلك الفطور حسابك اليوم علي والله ماتدفع ولا ريال .. وجد جد 3 دقايق بالضبط نزل الطلب كامل وللامانة كانو مزحومين بس تاخروا علي حول 15 دقيقة وكان المعصوب باااارد ورحت له و دقيقتين بالضبط وبدله لي بمعصوب ثاني جديييد ..
@@fahod_9497 اتوقع واضح كلامه ياشباب .. السعر ماتقدر تنتقده لان السعر يحكمه امور كثير لكنه وضح بعد قال لا لو احد انتقد الاكل لازم نسمع له ونوقف ونشوف ايش المشكلة بينما السعر معروف اي محل سعره عالي لو ما اقنعك رح وخله
@@isalman991 يحكم ايش كلها بيض وطمام يعطيكيها ٣١ ريال بأسم شكشوكة تونسية 😂👊🏼 بالعقل ؟ تراها بيض و طمام مو لحم ويخوذ بمكان معي بجسم الحيوان عشان يكون سعر عالي ولا معصوب نفس معصوب العادي ٢٦ ريال سلامات سلامات
كلامك ي مذيع جدا مستفز يعني انته تبغى الاجنبي عشان راتبه اقل رخيص و تربطه بنظام العبودية مو الكفالة و فوق ذا كله تكرفه 20 ساعة عشان الفين ريال ليه مو انسان حتى هو زيك ؟؟؟
الله يوفقك والله من اجمل الافطار الي مرة علي وسعر جدا وسط روح فندق تفطر دبل ومو زين الاكل الله يعز النعمه على حسب مستوى الاكل صراحة رخيص جدا انا على حسب تجاربي في اماكن نفس الفخامه واقل لذه بكثيرصراحه روعه و بتوفيق والى الامام فارس👍
من جد .. استغربت كلمته يوم قال مافي الرياض معصوب كويس !!!! لكن يبدو انه يقصد في طريقة التقديم وليس الطعم .. لأن حرفيا المعصوب اللي يقدمونه رغم لذاذته بس ماهو المعصوب الصحيح وطريقته فيها اختلاف بسيط
صحيح من عام ٩٨ واذكره موجود فالرياض وبحسب تجربتي للمعصوب بشكل عام الافضل كان القرموشي في الملز قشطتهم كانت قيمر وبعده يجي السبيعي كانت قشطتهم التاج معليش عالشطحه بس المعصوب طيييييب 😅
ياريت من الأخوان في بوردكاست فنجان يترجمون الكلمات الإنجليزية الي يحكيها الضيف اثناء كلامه على اساس نفهم الكلمة الي يقولها ونبحث عنها خصوصًا في بعض المصطلحات ماتعرف وش يقصد فيها الضيف.
اعتقد ان البراند الحقيقي لفطور فارس هو فارس نفسه، الناس لا شعورياً ولاءها للمطعم حباً في الشخص والحقيقة هو فعلاً محبوب ولطيف. الله يوفقك يبورعد، مثال جميل للمواطن السعودي العصامي الناجح
بس فيه نقطه ودي انوه عليها يوم يقول فارس ان حتى 2018 او 2019 ماكان فيه معصوب في الرياض او احد يضبطه ، هذا الكلام غير صحيح من عام 2005 وانا اشتري المعصوب من محلات السبيعي في السويدي وغرب الرياض بشكل عام والقرموشي وكان لذيذ جداً وبدا يتطور وجت عليه الاضافات مثل الكرون فلكس والجبن وغيرها وشكرا لكم👍🏻👍🏻
انا كشخص يعمل في مجال المطاعم استفدت كثير من هذا الحوار الشيق وتمنيت ان يفهم نموذج العمل في المطابخ السحابية واتمنى لك التوفيق اخوي فارس ولمن يحب انا تحدثت بايجاز عن المطابخ السحابية في فيديو اسمه مستقبل المطاعم في العالم
كل اللي اتمناه ان عندنا النظام الماشيه عليه المملكة العربية السعودية عندنا في العراق ماكو لا ضمان ولا أمن غذائي ولا رقابة ولا ولا ولا بين قوسين عايشين برحمة الله ولا حول ولا قوة إلا بالله العلي العظيم
الله يكثر من امثاله عجبني انه كان واثق من نفسه جداً ماقلل من قيمة مشروعه في اثناء الحديث عن غلاء الاسعار احيي كل شخص يبني نفسه وان شاءلله نكون من رواد وقادة المجتمع 🙏🏻
هو مثل اغلب التجار من كلامه يبين انه جشع قاعد تقولي مافيه كبدة طازجة بريالين صح هذي اتفق اما تحطها لياها ب ٢٠ سلمات ما اختلفنا نبي جودة عالية بس موب مثل هالاسعار الفلكية مايصدق كلامي الا اللي راح خارج المملكة وشاف اسعار المطاعم الفخمة والراقية فرق بين هنا وهناك من ناحية السعر هناك ارخص بكثير مع ان هناك تكلفة انشاء المطعم غالية جدا من ضرائب الخ مثال بسيط يا ابو جودة انت قارنوا ياشباب بالله باسعار السيارات هنا وبرا تلقون هنا اغلى بكثير من برا ليش؟ لان فيه ناس مهبل يشترون باي مبلغ هذا اللي خلا الوكلاء يرفعون المبالغ
"مطعمو غالي" ميزانيتك معتدلة، كُل و استمتع! ميزانيتك صعبة، خليك في اقرب بوفية. إنسان من حقو يبيع بِ أي سعر لأنو في الأول و الأخير، ظهرو أنكسر و تعب عشان يحقق حلمو و في النهاية يجوك السخيفين و يرموا تعليقات بنص ريال للأسف :/
الضيوف في البرنامج مميزين جداً لكن عندي تحفّظ على مقدم البرنامج يحتاج يطوّر نفسه في الحوار و اعداد الاسئلة و الاهم من هذا مراجعة جيده للمعلومات قبل اللقاء
حقيقي من افضل رواد الاعمال ، اتابعه بشغف وفكل مره يتكلم بتعلم منه شي، الله يحفظو ويوفقو ونعيش ونسمع ونتعلم منو .. وبالنسبه للاسعار ابدا مهي غاليه مقارنه بجودة الاكل والمكان والخدمة ف بطبيعه الحال الواحد لمن يخرج يبغى يرفه عن نفسو يغير البيئة والروتين وهذا اسمه رفاهية ، والرفاهيه لها تكلفة وكل شخص على حسب مادياتو يقدر يحدد مدى رفاهيتو .. ف فعلا دائما اقول للناس لمن ندخل مطعم احنا مابندفع حق الاكل وبس لكن حق الخدمة والمكان والراحة والجودة والنظافة وهكذا .. كذلك الموضوع بالنسبه للفنادق وحتى السيارات كما ذكر استاذ فارس من افضل المطاعم ودائما بين كل فترة لازم اروح فطور فارس ، فخر وشرف ومتعة الفطور حاجه عظيمة ♥️♥️
لقاء جميل واستراتيجية البدايات كانت من احد اسرار نجاحه والله اعلم (300 الف كاش تحويشة عمر + 300 الف قرض شخصي) ... انصح الجميع دائما بعدم البدء في اي مشروع بقروض فقط فلابد من مزج رأس المال بمبلغ من حر مالك لتقليل المخاطر
للامانه انا احب انكم تستضيفون التجار ويحكون عن تجاربهم للامانه استفيد منهم كثييررر وشكراً لكم
تابع بودكاست سوالف بزنس، كله تجار ومرة مفيد
@@NouraSahab شكرا نورة جاوبتي على سؤال كان دايم في بالي
@@NouraSahab تابعت أغلبه ممل بشكل غير طبيعي جايبين لي ناس مبتدئين في التجارة خمس سنين مو كفو بأنه يطلع بالاعلام ويتكلم واغلب كلامهم تحوم كبدك منه خالطين العربي بالانجليزي
جيبوا لنا شياب عندهم تجارب ومغامرات اكثر من الصغار, ابي واحد حكته الدنيا على وجهه ويكون هو المؤسس مو الجيل الثاني او ورثها من ابوه كل شي جاهز
ابي نصائح عن كيفية اختار الشركاء والتعامل معهم وكيف العقود معهم تتوثق
ابي تجارب ابي واحد راعي سوق يقول لي و ش اللي فشل فيه ايش الصعوبات والتحديات اللي بالسوق وبالتفصيل,, بالنسبة لي الفشل مهم جدا لانك تتعلم منه اكثر من النجاح
@@مقاطعمتنوعة-ت4ن لا ياشيخ وكل هذا تبيه ببلاش
@@fakeuser3803 ما عندي مشكلة ادفع فلوس وين تنباع هذه المعلومات ايش اسم الكتاب؟؟
روح شوف مقاطع لجنة شباب الاعمال واللقائات مع كبار تجار السعودية الجريسي والمهيدب والراجحي وابونيان
وفي برنامج ثاني اسمه شركاء في النحدي لقائات مع ابانمي والمنجم والعثيم شوف كيف كلامهم وقارنه مع المبزرة اللي يقول لك واحد منهم لازم يكون عندك شهادة عشان تنجح في التجارة مدري مين قال هالكلام نسيت
ذكي يدعم منافسية ،،،،يعني انا مثلا بفطر عند فارس كل يوم ما راح استمر عليه لكن لو فيه مطاعم اخرى ثقافة الفطور راح تترسخ معي واستمر بزيارة هذه المطاعم
شكرا على اعادة الكلام اللي قاله اضافة رائعة
@@abalkhailomar مالك صلاح
بس مستحيل اكل فطور فارس كل يوم
عشان السعر
لكنه جميل
تحية وتقدير لدعمه بتوظيف السعوديين وثقة بانجازهم
اذا كان الكلام طالع من القلب وبعفوية دون لف ودوران يدخل القلب شكراً استاذ فارس❤️
لقاء مميز جدًا .. فارس التركي رجل اعمال وطني و محترم بمعنى الكلمة .. الله يزيدك من نعيمه يارب و يبارك لك في رزقك
وطني!! شكلها عجبتك سالفه تغييره لاسم القهوه التركيه هههههههههههه الله يشفيه
@@Abbotte ههههه تشوف
Sir.Abod بلا غباء نتكلم عن السعوده ودعمه للموظفين تحبون تتصيدون في الماء العكر، اوصلو لنفس نجاحه بعدين انطقو
@@bayan3036 ما احسد احد اللي عطاه يعطينا الحمدلله. لكن الوطنجية المطبلين عاللي يسوى واللي ما يسوى صاروا ما ينطاقون وهذا واحد من الاشكال اجل القهوه التركيه صارت قهوه عربيه سوداء 🤣
@@Abbotte
مو لازم تحشر خشمك 🙂
جمال لا يوصف بحق هذا الرجل العظيم، حقيقة اللقاء فيه معلومات ثرية للناس الي تفكر في تجارة وثراء وتوسع، عقلية جبارة وشخصية رائعة وصراحة ملفتة وحب كبير
أكثر ما عجبني في اللقاء :
- لمن أتكلم عن ارتفاع الأسعار وانه مو عيب انها تكون عالية، العيب لمن المنتج يكون عادي أو مو لذيذ
- دعم المنافسين عشان ينتعش سوق الفطور وتزيد حصته السوقية
- عمل السعودي لمن يؤمن فيه صاحب العمل ويقرر دعمه واظهار قدراته الحقيقة
- هل تفضل الأسعار تزيد وتبقى داخل البلد ولا ترخص وتخرج خارج البلد بسبب سيطرة الغير سعوديين على التجارة والأعمال؟!
أشكركم جدا على الإبداعات الدائمة
ياليت تكون فيه سلسلة بودكاست خاصة مقابلات مع رواد الاعمال السعوديين اللي نتعامل معهم دائمًا ولا نعرف ايش خلفهم❤️ بيكون ممتع جدًا سماع قصص النجاح هذي من وجهات نظر مختلفة ومدن مختلفة وتخصصات مختلفة.
ياليت
شيك على بودكاست مشهور فنفس القناه
شوف سوالف بزنس حق مشهور الدبيان
@@Aziz-lo7xg
👍🏼👍🏼👍🏼👍🏼👍🏼 💯
لقاء جميل جداً جداً جداً الى ابعد حدود واهنيكم فريق ثمانية على اختيار الضيف 👍🏻👍🏻 استمرو
أبو رعد شخصية أحبها كثيرًا..
واقعي جدًا وواثق بنفسه ويعطيك الزبدة المفيدة، وبالنسبة لأبو مالح؛ صراحة كنت ممن يكره طريقته في التقديم لكن شيئًا فشيئًا صاير أحبها 😅
نفس الشيّ صراحة، لكن إلى الآن باقي في مواضيع قليلة وبشكل عام اشوف في تطور في الأسلوب وأغلب الحلقات الجديدة الأسلوب حلو
أتفق معك في فترة تركت بودكاست ثمانية بسبب تقديم أبومالح، وتفاجأت أني صوت أحبه الفتره هذي ! شيء غريب
براڤو على انه يدعم السعودين نادر في شركات مثله او بالأصح مافي إلا هو واسلوبه واضح وصادق، اهنييه
اغلب الموظفين اجاني ومدراء المطاعم اجانب فين الوقفه لانضحك على بعض ونلمع من كلامه الواقع غير ياحبي
الي يعجبني بثمانية يشيل قشرة التكلف والوهم والتفائل والوردية الحياة محتاجه تخطيط وشغل وتعب بعدها يجي الحظ والراحة
لقاء جميل جداََ
واجوبته مقنعه بخصوص غلاء المطاعم وانا معها اذا فيها توظيف سعوديين
اخر عشر دقائق أجمل جزء في الحلقة تكتشف انه اكبر من انه صاحب مطعم
صراحة دا اللقاء خلاني اغير فكرتي عن الاستاذ فارس ١٨٠ درجة
حقيقي طلع محترم ومؤدب وذكي ماشاءالله عليه ♥️
بأسمي و بأسم الفوارس. اشكرك على رفع اسم فارس عاليا و نحن فخورين بك ونتمنى لك مزيد من التقدم و النجاح. استمر بارك الله فيك و لا تنسو تدعمونا عشان نستمر في العطاء 🥳😂
ههههههه 🤣 تستاهل الدعم و احلى فولو
😂😂عهههههه
وانا باسمي و باسم عائلة تركي نشكر الاخ فارس التركي لرفع اسمع تركيا عاليا ✌🏻✌🏻😂
@@turkeyhamadda3131 عزيز التركي لا تشخر نفسك معانا احنا الفوارس
احم احم هههههههههههه
مبدع يافارس وافضل مافي فطور فارس هو انه جمع بين الفخامه والاكل اللذيذ والخدمه الممتازه من قبل السعوديين
هذا اللي يبيع فول القلابة ب 19 والشكشوكة ب 22 !! قال جودة قال
ومعصوب أبويا ب 26
فطور فارس عنده فلسفة تعتمد على السعر مقابل الخدمة ولايعتمد على المنيو فقط وشخصياً اعتبر الفرق بينه وبين المطاعم الشعبية مثل الفرق بين الدرجة الأولى والسياحية مع إن الطائرة واحدة.
يسلم فمك يا شيخ
@@عبدالله-ط9س8ص وتسلم ياغالي. شكراً لمرورك اللطيف.
لقاء جميل و مليء بالفوائد و النصائح و عجبني فيه حب الوطن و الروح الرياضية لدعم المنافسين و تحفيز الموظفين و خلق البيئة المناسبة
فطور فارس للمهايطيه يوم بالعمر ويندم على فعلته ولن يعود للأبد
بالنسبه لغلا الاسعار يعني اشوف انه اقنعني قليل ...اعجبني الصراحه الي فيه واحس انه اندق اللين قال بس ..بس صراحه يمكن من اول المطاعم في السعوديه كانت نسبه السعوده عاليه جدا عنده وهاذي خطووة جريئه وخطيرة ..لاكن كفو ويستاهل ....الحقيقه شف له لقاءات كثير وكان بشوش بسيط تحس بروح الشباب فيه ....في هاذي المقابله مادري احس فيه شي مو طبيعي واتحدا وكانه مقهور او مظغوط من شي ....او انه بداء مرحله التحول من البساطه الي النظج والثقل
😂😂 واضح صاحب القناه مايبي الا مدح لضيوفه. في التعليق. لان اشوفها خاليه من الحقيقه
لقاء شيق وضيف مميز وشكرا لكم على هذه الحلقة
الحقيقه كنت مستاء من غلاء اسعاره بس بعد كلامه عن توظيف المواطنين اقتنعت وكلامه صحيح وواجب علينا دعم اي منشأه وطنيه وتوظف سعوديين
مع نفسك
صحيح كلامك
فاتورة السعودة عالية جدا والناس تعودت على اسعار مطاعم التستر تحسبها التسعيرة الطبيعيه
@@meogo7851 اجل فول ب 14و 16 تسعيرة طبيعية 😂
@@10SA اذا استخدمت منطق مقارنة الغالي بالرخيص ماراح توصل لنتيجة وبإمكانك استخدام الفكرة حتى في أسعار السيارت.
بغض النظر هو فول ولارز اذا حطيت المنتج في بزنز موديل مصروف عليه راح تتقبل الفكرة حتى لو ماراح تشتري منه.
مقارنة مطعم باكستاني او يماني متستر عليه ماعليه التزامات موظفين شهرية وهم عبارة عن شلة يتقاسمون المدخول شهريا حسب السوق مع شركة عليها التزامات شهرية ثابتة وسعودة مقارنة غير عادلة ولا هي في محلها اساسا وكأنك تقول المرسيدس غالي لان الهونداي رخيص.
@@meogo7851 ليه الشركات الثانيه اللي فيها سعوده ما رفعت الاسعار زيه عندك مايسترو بيتزا والطازج..والبيك
زرت مطعمه وتفاجأت الحصص فقيره مقابل السعر طلعت وانا جوعانه..
الاسعار اعلى وتبقى هنا ولا اسعار نازله وتطلع برى كلام من ذهب ولا يفهمه الا الوطنيين
خل وطنيتك تنفعك لمين تموت جوع
كلامك صح بس مخبا المواطن مهوب سبيل يعني اغلبنا طبقه متوسطه و 100 ريال تهز ميزانيتنا😂
*معادلة رائعة تحتاج فكر عالي لفهمها .*
@@almahuob-ms-256 معادلة غبية تدل على جهل من كتبها، مين سبب مشكلة قلة الرواتب وزيادة العمالة؟
اللي راتبه 2000 - 3000 ريال كيف تبيع يعيش؟
الأسعار عالية وبتروح ببطن واحد هنا لا أنها قليل ولا أنك وفرت فلوسك لنفسك، عطيتها واحد يكبر مطاعمه على قفانا وقفا ال"الوطن".
ما شاء الله عليك ساعة ونص لخصت فيها شي يقدم فدورات بالاشهر وافدت اكتر كمان
فارس من الناس اللي ملهم في رياده الاعمال ما شاء الله عليه ، من يعرف فكره بدايه فطور فارس ، يعلم انه اصلاً ما كان الا عبارة عن صور فطور في تويتر ولم يكن مطعم بل من اقتراحات المتابعين تترجم الى مطعم ممتاز وراقي
ونعم الضيف لقاء ممتع وثري شكرا ابو رعد شكرا ابومالح 👍👍
افضل دقيقه في البرنامج 29-30 هذا الكلام المنطقي ترتفع الاسعار ويتوظف السعودي احسن من تنخفض الاسعار ويبق الاجنبي ملك
انا مع هذي النقطه ارفع سعرك وادفع رواتب للسعوديين
@@mohd-obid معصي، خل الحكومة توقف نهب والناس كلهم بيصيرون ملوك
@@mr.h_arab شوفوا خر ثلاث تعليقات له تعرفون عقليته 🤭🤭🤭
وش النصب ذااا
وش دخل توظيف السعوديين في غلاء الأسعار
@@abdullahalshehri9244 راتب السعوديين اعلى فطبيعي ترتفع الاسعار
فطور فارس ... فطور تقليدي عادي جدا وغالي
من باب تجربة بدوام جزئي وبراتب متوسط كان الفارق في حياتي ايجابي ، لا تبخلوا على السعوديين بمجرد ما تثق فيه وتقدم له اللي يستاهله تاكد انه بيسوي لك شيء ما يسويه الف اجنبي
لقاء ممتع و غير مكلف من فارس التركي اجوبه واضحه وبدون مبالغات
لما تكلم عن أزمة كرونا والمصروفات
ذكرني بلعبة سيتيز سكايلاين ( كيف تخفض من من مصروفات الكهرباء والماء وصيانة الطرق ) إذ لم تكن المدينة بحاجة لهذا الضخ،
على سبيل المثال المدينة تحتاج 68 من طاقة الكهرباء وتجي تحصلها 90 من أصل 150 هنا عندك هدر بالمصروفات وتبدا تخفض مستوى الضخ سواء من المياه او الكهرباء من اجل توفير واعادة ضبط المهدر من الطاقة .
لقاء جميل جدا
خصوصا بين الاحباب فارس وابو مالح 😍
الحلقات اللي كذا مع شخصيات زي فارس وابراهيم الجاسم تخلي الوقت يمر بسرعه والحلقه تخلص وانا ما حسيت. شخصيته حلوه ماشاء الله ودعمه للشباب يخلينا نتحمس نجرب مطعمه وندعمه احنا كمان 👍🏻
يابو رعد الإسقاط هذا على الكامري ماحبيته 6:22 😂
يجرح🤣
جِداً مؤلم و الله 💔
😅😂 الله يعز فطورنا من يد الوالدة أعلى جودة والذ وطعم وخلنا نركب كامري ولا ينضحك علينا وادفع ١٤ على صحن فووول وبيض عادي جدا
قهرني يوم قال كامري اصلا مو رخصية الاستاندرد حول 90 الف (زمان تجيب 2003 من البسامي مدري البسام لي فترة طويلة عن الرياض اذكر عمي زمان امتلك بي 61000 و v6الرياضيه حدود 70 الف وبضعة الاف ) وجاي يطقطق ترا مو عشان عندك فلوس تقوم تقول كذا بعدين انا اعرف السوالف هذي قد سمعتها من بعض الناس المقرشين لما يتذكر الدخل المحدود يجي فراسه كامري اتق الله اعرف ناس غصب شروا اكسنت 2006 بعدين انا جربت اكله عزمني واحد يوم رحت جدة فطور تقريبا كنا 5 طلع حول 100 ولاكن جبنا انواع وكذا اشوف حقه بالكثير على الطعم والكمية 50 60 ويحمد ربه طعم عادي يوم رجعت انا مادفعت طبعا اخذت لي من دار الحجر الذ بمراحل( اكل البيت اللي تسويه انت او الاهل افضل طبعا لانك تسويه على مزاجك وتضمن المكونات لاكن الواحد مافيه حيل اواواوا ظروف،طبعا لو تشتري المكونات ما ارخص زيادة ) وسعر ارخص صراحة لاكن ميب غريبة اعرف مطعم قلك فخم قال يبيع كيلو لحم ريش بي190 ولا وحتى مو كيلو بس مش كل المطاعم الفخمة والذييذة غاليه عندك فيه مطاعم هندية سعرها معقول ولذيذة ومشويات وبرجر وووو مو لازم لذيذ وجودة يساوي غالي عندك البيك وووو بالنسبة للوضع اعتقد مطعمة مجرد ضجة اعلامية .
@@sultantntal6865
فعلا الكامري ماهي رخيصه واللي دخله ضعيف مايقدر ياخذها والله يرزقه خير منها لكن تدري ليش اول شي يجي في بالهم لان الكامري اكثر سيارة تبيع عندنا وسمعتها زي النار في الهشيم ولا عليك يرجال جعلنا نصير مقرشين ونطلع عشرين كامري وبخصوص المطاعم اللي اسعارهم غاليه فعلًا ماهو شرط اكلهم زين لكن انا جربت فطور فارس واشوفه طيب بس حق مره في السنه اما اكثر من كذا والله مايساعد اكل الوالده ازين واطيب
لا ماعنده الknow-how وبس! عند بعد recovery لذلك يقدر يخاطر بدون ضغوط!
الرجال هدفة مو بس يبيع اكل وخلاص.
يبيع تجربة اكل لطبقه معينة من الناس تبي اكل شعبي لكن بأسلوب ومكان فخم.
استمتعت باللقاء و الضيف ماشاء الله تبارك الله واعي و مثقف و فاهم و واثق من نفسه و متحدث لبق جدا الله يوفقه و كذلك احيي فيه وطنيته
جدة لانه عندنا مطاعم شعبية كثيره لي درجة توصل ناخذ الفول من محل والمعصوب محل ثاني مالها دخل كثافة السكان
لقاء رااااائع بمعنى الكلمة
نشكر استاذنا فارس التركي على صراحته و مصداقيته
اللقاء هذا بيكون درس ومرجع لكل شخص بيدخل مجال المطاعم ، شكرا من القلب ابو رعد ❤️❤️
اللقاء تحسه دورة مصغرة للمصطلحات الانجليزية
ياليت تستمر الحلقات من غير الفلسفة اللغوية هذي ونعتز بلغتنا
*أتفق و أختلف ...*
* *بعض المصطلحات بحكم أنه تعلمها باللغة الإنجليزية .. هو لا يجد المصطلح أو المفردات العربية التي تعبر عنها .*
* *لكن يجب المحاولة إلى أبعد حد إيجاد العبارات و الكلمات و المصطلحات العربية بعد معرفة الترجمة العلمية الصحيحة لها .*
الضيف يحتاج وقت أكثر من ساعتين
عمل مطعم شعبي لطبقه راقية لها برستيج خاص في اختيار المطاعم ومبرراته لارتفاع اسعاره المبالغ فيها غير مقنعه وركيكه..
عندك البيك رغم شعبيته ورقي منتجاته الا ان اسعاره في متناول الجميع..
ياسيدي الفاضل القيمه الشرائيه في الطبقة الفقيره لانها هي الغالبيه وهي وقود اي سوق
ياخي مهي لك
شهادة حق .. مره رحت لفرع اللي ع تركي الاول
جيت قبل صلاة الجمعة بنص ساعة وزححححححمة انتظار برا قالو لي تقريبا انتظارك 42 دقيقة .. الصراحة ماكملت 15 دقيقة ! لما دخلت كان واضح الشغل فوضى شويتين يسبب الزحمة والضغط وكانو الويترز بنات شوي واضح جدد ع الشغله وتأخروا علينا المهم تنرفزت شوي وقمت واستقبلني واحد اسمر ورابط شعره ع ورا .. الصراحة يوم شفته خفت حسبته بيصفقني كف 😂 الرجالاستقبلني احلا استقبال وهداني وقال ابد 3 دقاايق قسم بالله لو مانزلك الفطور حسابك اليوم علي والله ماتدفع ولا ريال .. وجد جد 3 دقايق بالضبط نزل الطلب كامل وللامانة كانو مزحومين بس تاخروا علي حول 15 دقيقة
وكان المعصوب باااارد ورحت له و دقيقتين بالضبط وبدله لي بمعصوب ثاني جديييد ..
واسعار عالية
هههههههههههههه كل هذا واسعار عالية
@@10q-x9o ههههههههههههههههههههههههههههههههههههههههههههههههههههههههههههههههههههه . ولا زعلان انو ناس تنتقد الأسعار
@@fahod_9497 اتوقع واضح كلامه ياشباب .. السعر ماتقدر تنتقده لان السعر يحكمه امور كثير لكنه وضح بعد قال لا لو احد انتقد الاكل لازم نسمع له ونوقف ونشوف ايش المشكلة بينما السعر معروف اي محل سعره عالي لو ما اقنعك رح وخله
@@isalman991 يحكم ايش كلها بيض وطمام يعطيكيها ٣١ ريال بأسم شكشوكة تونسية 😂👊🏼 بالعقل ؟ تراها بيض و طمام مو لحم ويخوذ بمكان معي بجسم الحيوان عشان يكون سعر عالي ولا معصوب نفس معصوب العادي ٢٦ ريال سلامات سلامات
كل زق يا فارس
كلام مقنع من ناحية الاسعار ، كنت اتضجر من اسعاره بس اقنعني👏🏻.
وش قال عن الاسعار اي دقيقه؟
@@SRK007HD خلاصة ما قال انه جودته جدا كبيرة ورواتب موظفيه عالي كمان جو المطعم على قوله انه مميز واكيد الاجارات غالية كل الاحترام .
كلامك ي مذيع جدا مستفز يعني انته تبغى الاجنبي عشان راتبه اقل رخيص و تربطه بنظام العبودية مو الكفالة و فوق ذا كله تكرفه 20 ساعة عشان الفين ريال ليه مو انسان حتى هو زيك ؟؟؟
والله ذا الرجل انه من ثروات البلد يعجبني الشخص لما يدعم بلده وناسه واخوانه المواطنين وذا ممكن من أسباب توفيقه من الله عز وجل
ماشالله تبارك الله فخورة بابنأء بلدنا مثل فارس، وفعلا قدوة لنا كلها في الادب والاخلاق والتجارة والطموح
الله يرزقه بواسع رزقه .. والله من بداياته متابعه شخص والنعم فيه وشخص قدوة .. بالعكس افتخر كسعودي مثله
اكثر حلقه استمتعت فيها، استمتعت بأسلوب عبدالرحمن وشخصية فارس المميزة
يعجبني هالرجل تبارك الله ❤ حلقه في منتهى الجمال
عقلية رائعه ابو رعد♥️
متى تفتح فرع بالكويت او على الاقل الشرقيه عشان نجيك 😘
الله يوفقك والله من اجمل الافطار الي مرة علي وسعر جدا وسط روح فندق تفطر دبل ومو زين الاكل الله يعز النعمه على حسب مستوى الاكل صراحة رخيص جدا انا على حسب تجاربي في اماكن نفس الفخامه واقل لذه بكثيرصراحه روعه و بتوفيق والى الامام فارس👍
نبي الجزء الثاني معع فارس ارجوك.
الي يوافقني لايك عشان يشوفون التعليق
المغرب إستطاع نشر مطبخه خارج البلد
المعصوب موجود من زمان بس ما شفتوه شكلكم
من جد .. استغربت كلمته يوم قال مافي الرياض معصوب كويس !!!!
لكن يبدو انه يقصد في طريقة التقديم وليس الطعم .. لأن حرفيا المعصوب اللي يقدمونه رغم لذاذته بس ماهو المعصوب الصحيح وطريقته فيها اختلاف بسيط
صحيح من عام ٩٨ واذكره موجود فالرياض
وبحسب تجربتي للمعصوب بشكل عام الافضل كان القرموشي في الملز قشطتهم كانت قيمر
وبعده يجي السبيعي كانت قشطتهم التاج
معليش عالشطحه بس المعصوب طيييييب 😅
ابو رعد انسان ما تمل منه الله يزيده ويوفقه يارب
ياريت من الأخوان في بوردكاست فنجان يترجمون الكلمات الإنجليزية الي يحكيها الضيف اثناء كلامه على اساس نفهم الكلمة الي يقولها ونبحث عنها خصوصًا في بعض المصطلحات ماتعرف وش يقصد فيها الضيف.
كلمه شباب سعودي هذي يعني زيادة 50% عالفاتوره
مافي اي جودة فول ب٢٠ ريال !!!
وهو بريالين
طيب قالك هو رايك في السعر غير مهم تقدر تروح تشتري ابو ريالين
اتمنى يا فارس ان تفتح مطعمك في الكويت ، لاننا متشوقين للفطور والاكلات السعودية
لا يقول السلام عليكم.. يقول أهلا ! تكلم نصارى؟
كل مرة اتابع أ. فارس اطلع منه بحاجة تضيف لي معرفة اكثر وانسى الوقت معاه
شكرا اذاعة ثمانية لهذا الضيف الرائع
فارس التركي افتخر انك ابن بلدي
اعتقد ان البراند الحقيقي لفطور فارس هو فارس نفسه، الناس لا شعورياً ولاءها للمطعم حباً في الشخص والحقيقة هو فعلاً محبوب ولطيف. الله يوفقك يبورعد، مثال جميل للمواطن السعودي العصامي الناجح
اتفق تمام. والدليل اعطيه كافيه قطرات وشوف ايش يسوي فيه
الحلقه تنفع تكون مرجع لكل شخص ناوي يفتح بزنس اكل
بس فيه نقطه ودي انوه عليها يوم يقول فارس ان حتى 2018 او 2019 ماكان فيه معصوب في الرياض او احد يضبطه ، هذا الكلام غير صحيح من عام 2005 وانا اشتري المعصوب من محلات السبيعي في السويدي وغرب الرياض بشكل عام والقرموشي وكان لذيذ جداً وبدا يتطور وجت عليه الاضافات مثل الكرون فلكس والجبن وغيرها وشكرا لكم👍🏻👍🏻
انا كشخص يعمل في مجال المطاعم استفدت كثير من هذا الحوار الشيق وتمنيت ان يفهم نموذج العمل في المطابخ السحابية واتمنى لك التوفيق اخوي فارس ولمن يحب انا تحدثت بايجاز عن المطابخ السحابية في فيديو اسمه مستقبل المطاعم في العالم
الله يوفقك يا فارس وعينك على دبي مدينة ممتازة للانتشار
اول كذبة قالها انه للفئة المتوسطة واسعار معقولة 10:08
من تجمل اللقاءات
والله افتخر كسعودي بشخص مثل فارس التركي
ما أثق في اي حجازي ماسك منصب او صاحب مكان، تفكيره غالبا حقير وغير إنساني نهائياً لكن لا يمنع من وجود قلة قليلة جداً كويسين.
هذا بهتان عظيم كيف تحكم على مجتمع كامل بسبب مواقف معدودة من اشخاص غير جيدين
طلع اسرار العمل كلها
بودكاست مميز شكراً ابو مالح و فارس 👍🏼
كل اللي اتمناه ان عندنا النظام الماشيه عليه المملكة العربية السعودية
عندنا في العراق ماكو لا ضمان ولا أمن غذائي ولا رقابة ولا ولا ولا
بين قوسين عايشين برحمة الله ولا حول ولا قوة إلا بالله العلي العظيم
forat
الله كريم وانا اخوك
الله يكثر من امثاله عجبني انه كان واثق من نفسه جداً ماقلل من قيمة مشروعه في اثناء الحديث عن غلاء الاسعار احيي كل شخص يبني نفسه وان شاءلله نكون من رواد وقادة المجتمع 🙏🏻
يسعد صباحكم عجبني جوابه في تصدير الاكلات من الجنسيات الاخرى مقارنة بالسعوديين ، دام عزك يا وطني ❤️🇸🇦
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههه 51
الي يعجبني في فارس اذا ارسلت له في السناب يشوف الرساله 😂
هو مثل اغلب التجار من كلامه يبين انه جشع قاعد تقولي مافيه كبدة طازجة بريالين صح هذي اتفق اما تحطها لياها ب ٢٠ سلمات ما اختلفنا نبي جودة عالية بس موب مثل هالاسعار الفلكية مايصدق كلامي الا اللي راح خارج المملكة وشاف اسعار المطاعم الفخمة والراقية فرق بين هنا وهناك من ناحية السعر هناك ارخص بكثير مع ان هناك تكلفة انشاء المطعم غالية جدا من ضرائب الخ مثال بسيط يا ابو جودة انت قارنوا ياشباب بالله باسعار السيارات هنا وبرا تلقون هنا اغلى بكثير من برا ليش؟ لان فيه ناس مهبل يشترون باي مبلغ هذا اللي خلا الوكلاء يرفعون المبالغ
رجاءً بدون صوت الموسيقى لانها تصير عاليه بعض المرات و تصحيني من النوم
انا اسمع البودكاست قبل النوم
😂
لقاء رائع لكن الضيف ما كان صريح وواضح انه يحاول يطلع بصورة الشخص العصامي المثالي حاله حال باقي التجار بالسعوديه
"مطعمو غالي"
ميزانيتك معتدلة، كُل و استمتع! ميزانيتك صعبة، خليك في اقرب بوفية. إنسان من حقو يبيع بِ أي سعر لأنو في الأول و الأخير، ظهرو أنكسر و تعب عشان يحقق حلمو و في النهاية يجوك السخيفين و يرموا تعليقات بنص ريال للأسف :/
@@mr.rzqa.tmm.s8636 اصرف فلوسي في أي مكان، انت ليه زعلان؟
خلاص انا اسف 💔😄. لاتزعل ياطويل العمر
الضيوف في البرنامج مميزين جداً لكن عندي تحفّظ على مقدم البرنامج يحتاج يطوّر نفسه في الحوار و اعداد الاسئلة و الاهم من هذا مراجعة جيده للمعلومات قبل اللقاء
الله يوفقك يافارس
شخصية صادقه ومحترمه
انسان جميل و مدرسه..
احزنني عبدالرحمن ابو مالح وهو يقول في الدقيقة الرابعة ان الرياض ما فيها معصوب، انا من اهل الرياض و المعصوب بها من عشرات السنين
الفطور غالي مررررره. فول ب ١٥ ريال؟؟؟ ووووووين
بلا غباء ناظري المطعم والجودة الي يقدومنها والتكاليف اكيد بيصير غالي ولا روحي الفوال اذا ماتبين غالي مشكلتكم تقارنونهم بالفوالين الي ماتكلفوا بشيء ابد طبيعي بيكون غالي قدامهم
@@A_rrrr111 صح عليك👏
@@A_rrrr111 ههههههههههههههههههههه أعصابك
اين تقوى الله سعر غالي مايهمني !!!!!!!
كنت اسمع عن فارس
وشفته وسبحان الله كما يقال من سمع ليس كمن رأى
من خلال اللقاء ابو رعد شخص جميل صريح مجتهد عصامي خفيف دم 😁
اتمنى لك التوفيق يا فارس
فارس التركي شخصية جميلة جدا شكرا لأختيار الضيف ❤❤
حقيقي من افضل رواد الاعمال ، اتابعه بشغف وفكل مره يتكلم بتعلم منه شي، الله يحفظو ويوفقو ونعيش ونسمع ونتعلم منو ..
وبالنسبه للاسعار ابدا مهي غاليه مقارنه بجودة الاكل والمكان والخدمة ف بطبيعه الحال الواحد لمن يخرج يبغى يرفه عن نفسو يغير البيئة والروتين وهذا اسمه رفاهية ، والرفاهيه لها تكلفة وكل شخص على حسب مادياتو يقدر يحدد مدى رفاهيتو .. ف فعلا دائما اقول للناس لمن ندخل مطعم احنا مابندفع حق الاكل وبس لكن حق الخدمة والمكان والراحة والجودة والنظافة وهكذا .. كذلك الموضوع بالنسبه للفنادق وحتى السيارات كما ذكر استاذ فارس
من افضل المطاعم ودائما بين كل فترة لازم اروح فطور فارس ، فخر وشرف ومتعة الفطور حاجه عظيمة ♥️♥️
افضل لقاء شفته كل كلمه فيه مفيده ،، أهني المقدم وأهني أنفسنا بالضيف 👍🏽
الضيف المناسب مع المحاور الغير مناسب. المفترض مع سوالف بزنس
لقاء جميل واستراتيجية البدايات كانت من احد اسرار نجاحه والله اعلم (300 الف كاش تحويشة عمر + 300 الف قرض شخصي) ... انصح الجميع دائما بعدم البدء في اي مشروع بقروض فقط فلابد من مزج رأس المال بمبلغ من حر مالك لتقليل المخاطر
كنت متردد اشوف الحلقة واحسها مضيعة وقت
لكن الحمد لله ما ندمت أبدا
اللي يقول غالي يقارن بفوال الشعبي فيه تكاليف كثيره تاثر بالسعر