HTML-код
- Опубликовано: 16 ноя 2024
- 單車郊遊##東涌再上大佛##東澳古道##深屈道##昂平##深屈村##沙螺灣村##法門古道##半懷疑人生##
各位朋友早晨，我係深山大叔，今日踩單車。
喜愛踩單車的朋友，你呢個禮拜踩咗單車未
今日再介紹由東涌踩上大佛。東涌站起步，沿單車徑去到逸東邨，入東澳古道，踩一段東澳古道，經過救援徑後，無耐就到沙螺灣村，然後會到一段激斜上到深石亭。東澳古道最難踩的一段，又直又高。落斜後會到深屈村。由深屈道就可以大佛。由深屈道水平面起步，踩5K連續上斜路段就會到昂平大佛。
深屈道無人、無車、無蛇、無狗，間中有村民駕車外出。適合操車、操山，因為連續上斜，絕對係對大小腿肌肉的訓練。全段深屈道有3個較平緩即是無咁斜的位置，可以回吓氣。今次係冬天踩，無上次踩咁辛苦。
上次踩上大佛係懷疑人生，今次咁凍踩，只係半懷疑人生。所以結論係夏天唔好踩，冬天可以多踩呢段。
由昂平返東涌可以有幾個選擇
1.原路折返
2.踩去大澳，轉車、轉船，或者踩東澳古道返東涌
3,踩去梅窩，轉車、轉船，或者踩東梅古道返東涌
謝謝收看
歡迎訂閱、點讚、留言、分享
拜拜
好犀利👍🏽👍🏽👍🏽
踩到撕哂“吓“，辛苦生恃！
👍💪
👍👍👍
東梅古道.踩唔到.上落山有梯級.要搬車喎
係呀！有幾段要抬車上去。
大叔勁！👍👍
我上次試過用34拖32，上觀景亭及深石亭，上到快斷氣，又似燒內臟😬要飲清涼茶。我就不能一腳上深屈道，要在中間打圈回氣及飲水😂
上到都好堅，果段真係好直
我踩果日無咁熱，我細餅39，拖32，最直果段要抽車，然後過咗好直果段，坐低再俾餅上
想問問由大佛去法門古道落返石門甲去東涌可行嗎？🙏
非法路段，不可行
感謝大叔题點🙏🙏
不知對你來說，以難度和辛苦程度來計算，大帽山波波、飛鵝山道沙田㘭道上飛鵝山及昂坪大佛，應該如何排名?
最難，深屈上大佛，然後波牌上波波，沙田坳上飛鵝山，清水灣道上飛鵝山
同感
落斜好危險😜
今次1腳，勁😂
深屈上大佛 入門級黎啫
東涌道>嶼南道>羌山道上大佛先辛苦
有能力可以去埋大澳+梅窩
最辛苦上大佛路線係
東涌道>梅窩>羌山道>大澳>大佛>嶼南道
舊東涌道回程