Sharada Bhujanga Prayaata Ashtakam
HTML-код
- Опубликовано: 16 окт 2024
- Composed by Shri Adi Shankaracharya, this octet is dedicated to the presiding deity of the temple town of Shringeri, Goddess Sharadambal, the incarnation of Saraswati.
Time Stamps
00:00 Recital
03:20 Introduction
03:41 Shloka 1
05:46 Shloka 2
07:32 Shloka 3
09:04 Shloka 4
10:42 Shloka 5
12:14 Shloka 6
13:55 Shloka 7
15:14 Shloka 8
शारदाभुजङ्गप्रयाताष्टकम्
सुवक्षोजकुम्भां सुधापूर्णकुम्भाम्
प्रसादावलम्बां प्रपुण्यावलम्बाम् ।
सदास्येन्दुबिम्बां सदानोष्ठबिम्बाम्
भजे शारदाम्बामजस्रं मदम्बाम् ॥ १॥
कटाक्षे दयार्द्रां करे ज्ञानमुद्राम्
कलाभिर्विनिद्रां कलापैः सुभद्राम् ।
पुरस्त्रीं विनिद्रां पुरस्तुङ्गभद्राम्
भजे शारदाम्बामजस्रं मदम्बाम् ॥ २॥
ललामाङ्कफालां लसद्गानलोलाम्
स्वभक्तैकपालां यशःश्रीकपोलाम् ।
करे त्वक्षमालां कनत्प्रत्नलोलाम्
भजे शारदाम्बामजस्रं मदम्बाम् ॥ ३॥
सुसीमन्तवेणीं दृशा निर्जितैणीम्
रमत्कीरवाणीं नमद्वज्रपाणीम् ।
सुधामन्थरास्यां मुदा चिन्त्यवेणीम्
भजे शारदाम्बामजस्रं मदम्बाम् ॥ ४॥
सुशान्तां सुदेहां दृगन्ते कचान्ताम्
लसत्सल्लताङ्गीमनन्तामचिन्त्याम् ।
स्मरेत्तापसैः सङ्गपूर्वस्थितां ताम्
भजे शारदाम्बामजस्रं मदम्बाम् ॥ ५॥
कुरङ्गे तुरङ्गे मृगेन्द्रे खगेन्द्रे
मराले मदेभे महोक्षेऽधिरूढाम् ।
महत्यां नवम्यां सदा सामरूपाम्
भजे शारदाम्बामजस्रं मदम्बाम् ॥ ६॥
ज्वलत्कान्तिवह्निं जगन्मोहनाङ्गीम्
भजे मानसाम्भोजसुभ्रान्तभृङ्गीम् ।
निजस्तोत्रसङ्गीतनृत्यप्रभाङ्गीम्
भजे शारदाम्बामजस्रं मदम्बाम् ॥ ७॥
भवाम्भोजनेत्राजसम्पूज्यमानाम्
लसन्मन्दहासप्रभावक्त्रचिह्नाम् ।
चलच्चञ्चलाचारुताटङ्ककर्णाम्
भजे शारदाम्बामजस्रं मदम्बाम् ॥ ८॥
-
सु-वक्षो-ज-कुम्भां सुधा-पूर्ण-कुम्भाम्
प्रसाद-अवलम्बां प्रपुण्य-अवलम्बाम् ।
सदा-आस्य-इन्दु-बिम्बां सदान-ओष्ठ-बिम्बाम्
भजे शारदा-अम्बाम् अजस्रं मत्-अम्बाम् ॥ १॥
कटाक्षे दया-आर्द्रां करे ज्ञान-मुद्राम्
कलाभि: विनिद्रां कलापैः सु-भद्राम् ।
पुर-स्त्रीं विनिद्रां पुरस्तुङ्ग-भद्राम्
भजे शारदा-अम्बाम् अजस्रं मत्-अम्बाम्॥ २॥
ललाम-अङ्क-फालां लसद् गान-लोलाम्
स्व-भक्त-एक-पालां यशःश्री-कपोलाम् ।
करे तु अक्ष-मालां कनत् प्रत्न-लोलाम्
भजे शारदा-अम्बाम् अजस्रं मत्-अम्बाम् ॥ ३॥
सु-सीमन्त-वेणीं दृशा निर्जित-एणीम्
रमत् कीर-वाणीं नमद् वज्र-पाणीम् ।
सुधा-मन्थर-आस्यां मुदा चिन्त्य- वेणीम्
भजे शारदा-अम्बाम् अजस्रं मत्-अम्बाम् ॥ ४॥
सु-शान्तां सु-देहां दृग्-अन्ते कच-अन्ताम्
लसत् सल्लताङ्गीम् अनन्ताम् अचिन्त्याम् ।
स्मरेत् तापसैः सङ्ग-पूर्व-स्थितां ताम्
भजे शारदा-अम्बाम् अजस्रं मत्-अम्बाम् ॥ ५॥
कुरङ्गे तुरङ्गे मृग-इन्द्रे खग-इन्द्रे
मराले मद-इभे महोक्षे अधिरूढाम् ।
महत्यां नवम्यां सदा साम-रूपाम्
भजे शारदा-अम्बाम् अजस्रं मत्-अम्बाम् ॥ ६॥
ज्वलत् कान्ति-वह्निं जगन्-मोहन-अङ्गीम्
भजे मानस-अम्भो-ज-सु-भ्रान्त-भृङ्गीम् ।
निज-स्तोत्र-सङ्गीत-नृत्य-प्रभा-अङ्गीम्
भजे शारदा-अम्बाम् अजस्रं मत्-अम्बाम् ॥ ७॥
भव-अम्भो-ज-नेत्र-अज-सम्पूज्यमानाम्
लसत्-मन्द-हास-प्रभा-वक्त्र-चिह्नाम् ।
चलत् चञ्चला-चारु-ताटङ्क-कर्णाम्
भजे शारदा-अम्बाम् अजस्रं मत्-अम्बाम् ॥ ८॥