Subaru 10代全車翻新大整備

[@barrychan3022]

我最近架車都搵榮哥執完，16年Alphad 二手，香港巳經搵人整完都唔係咁理想。早前又炒左面板一次過揸去比榮哥清積炭全車檢查維修埋，之後一次過順便換晒果D損耗件，整完如無意外架車咁又可以舒舒服服揸多幾年。
其實無論咩牌子車，車齡有番6，7年就算冇咩問題都應該全車執一執因為汽車太多損耗件。香港唔係冇好修車師傅同維修店，但租金人工咁貴真係冇價格優勢，講真香港一年停車場費用都幾萬銀，基本上用唔使一半價錢就可以全車機件執靚晒點解唔做？
車主如果可以放底架車係小欖三兩日比榮哥仔慢慢整理就最好，始終手作仔急就冇好野。
另外就係交通方面我同各位師兄分享下，佢地車房係中山小欖鎮，如果要放底架車修理，走時就係叫車去城軌站落珠海，珠海再坐金巴到香港，再轉巴士。缺點就係城軌班次唔密，同埋轉車轉到碌七咁真係唔建議。
另一個相信比較好就係坐直通巴，冇記錯好似係環島遊，淨係將軍澳開有幾個站頭，之後經深圳灣過關就直去小欖，單程3個鐘到。去程班次都幾密係回程就要查清楚時間唔係咁多，落車地點就係小欖市中心，果日未有時間行但環境睇落唔錯，離佢車房幾公里叫車過去好近。直通巴唯一要注意就儘量唔好假日去因為過關好多人同塞車。
榮哥幫我執好架車好滿意係度寫番段野回饋你，大家唔好以為我係寫手，講真我評論收費仲貴過佢修車費。
最後同各位師兄講句真話，有環境有錢唔志在嘅就搵番香港車房整啦長整長有，我自己都係月月清果種咁緊係要計過度過，車對我係必需品靠佢搵食冇車又唔得。唔怕你精唔怕你呆，大家有時間咪搵條假髮佬攪下做下懵仔。

[@波波盡]

條友個頭髮係咪假髮😂，咁似凸朗嘔白泡😂

[@lstimlau]

少啲 鈔能力 都唔🉐😂

[@salonleberiel6770]

on9