7اخطاء اوعى تقعى فيهم لو عاوزة بسبوسة متماسكة زى بتاعة الحىوانى واحلى كمان👍💯💯
HTML-код
- Опубликовано: 4 фев 2025
- قناتنا هى المصدر المفضل لديك للحصول على وصفات الطبخ المصرية والعربية الاصيلة. نحن نقدم مزيجا فريدا من الوصفات التقليدية والحديثة، ونقدم تجربة طبخ فريدة من نوعها حقا.
اتمنى ان يكون فيديو مفيد وممتع ،، لا تنسونا من دعمكم بالكومنتات واراءكم،، وتفاعلكم بالايك👍 والاشتراك فى القناة وتفعيل زر الجرس 🔔 ليصلكم كل جديد 🤩
للتواصل مع الشيف اميمة على مم خلال واتساب على رقم 201550317766+
عملنا النهاردة مع بعض بسبوسة الحلوانى بكل تكاتها وتفاصيلها
اتمنى اكون غطيت كل التساؤلات اللى بتدور فى دماغكم لو فشلت معاكم البسبوسة
ناس كتير بتفشل منها البسبوسة رغم بساطة تحضيرها وده بيرجع لاخطاء ممكن يعملوها وهما مش واخدين بالهم علشان كدى البسبوسة هى السهل الممتنع
حاولت احل اغلب المشاكل اللى بتقابل الناس وهى
ان البسبوسة ممكن تطلع ناشفة
او مش متماسكة
او مش مرملة
كمان قلنا على طريقة التسوية الصحيحة
تابعى الفيديو علشان تعرفى تطلعى احلى بسبوسة واحلى من بتاعة برة بمراحل وفى بيتك وباقل تكاليف
==================================
مقادير البسبوسة بالكوب العيارى ٢٥٠ مل او بالمج الازاز العادى
----------------------------------------------------------------
٣ اكواب سميد ناعم
كوب الاربع حليب
كوب الاربع سمنة بلدى دايبة
كوب سكر حبيبات
تلت كوب جوز هند ناعم
٢ م.ك من ملاعق الاكل العادية مليانة من عسل الجلوكوز
مقادير الشربات بنفس الكوب
---------------------------------
كوب ونصف ماء
كوب وربع سكر حبيبات
ماء زهر او اى منكه تفضليه
م.ك سمن بلدى
================================
المقادير بالجرام
--------------------
٥٥٠ جرام سميد ناعم
١٩٥ جرام حليب
١٦٠ جرام سمنة بلدى دايبة
٢٢٥ جم سكر حبيبات
٤٠ جرام جوز هند ناعم
٢ م.ك من ملاعق الاكل العادية
مليانة من عسل الجلوكوز
مقادير الشربات بالجرام
-------------------------
٣٧٥ مل ماء
٢٨٠ جرام سكر حبيبات
م.ك سمن بلدى
ماء زهر او اى منكه تفضليه
-------------------------------------
الخبز على حرارة ٢٠٠ فى فرن مسخن قبل دخوى الصينية ب١٠ دقايق على الرف الاوسط ونكون شايلين الصاجة من
تحت
مدة التسوية ٣٠ دقيقة و٥ دقايق على الشواية
قطر الصينية ٣٠ سم
وصفات العيد 👇👇👇👇
كفتة الحاتى 👇👇
• اسرار لاول مرة هتعرفيه...
الكبدة الاسكندرانى 👇👇
• Video
الفايش علشان تشوفى طريقة معايرة الدقيق الصح داخل الفيديو 👇👇👇
• سر نجاح الفايش الصعيدى...
الكوارع وفتة الكوارع
• طريقة عمل طاجن الكوارع...
تابعونا!!!
Facebook
/ chef.omaimaali
Instagram
...
Tiktok
www.tiktok.com...
جميله جدا تسلم ايدك يا شيف وبالتوفيق يارب العالمين ،،ام مروه
جميل جدا
تحفه البسبوسة فاخر من الاخر ماشاء الله
شكلها رووووعه واكيد الطعم اروع
تسلم او تسلمى مش عارفة بصراحة
عموما حضرتك نورت القناة 🌷
ماشاء الله اللهم بارك شرحك ممتاز ❤
تسلمى حببتى
منورانى يا قلبى 🙏😘❤️
ما شاء الله عليكي تسلم يدك يارب
جزاكي الله خيرا
جزانا واياك حبيبتى ❤️
تسلم الايادي روعه
حببتى تسلمى ❤️🙏🌷😘
تسلم الايادي يا قمر تحفه بجد
❤انتي قولتي كل حاجه المفروض تتقال ربنا يباركلك ويسعدك اللهم اجعله في ميزان حسناتك ❤❤❤
حضرتك بصراحه شيف ونصف ❤
تسلميلى يا روحى
شكرا لذوقك وكلامك القمر زيك
كل سنة وانت طيبة ❤️🌷
تسلم ايدك
ربنا يبارك لك ❤
تسلمى يا حبيبة قلبى
نورتينى 🌹🌹
تسلم ايدك
❤️🌷🌷🌷🌷❤️
تسلم ايدك
ان شاء الله هعملها وهصورهالك
اختك ام عمرو
@@Chef.OmaimaAli ان شاء الله اي حاجه هعملها هبعتلك صورها
ينفع اقلل كمية السكر اخليها نصف كوب او كوب الا ربع ؟
الرجاء الرد
صباح الفل حببتى
اه طبعا ينفع خليه كوب الاربع
ولوانت يعنى زى حلاتى بتجزعى من السكر الكتير ممكن تحطى على السيرب عسل جلوكوز مش هيخلى السكر طعمه باين
وكمان هيدى لمعة حلوة والشربات ميسكرش منك وممكت تحتفظى بيه لمدة طويلة ودى مقاديرة وطريقته
كوب ونص ماء
كوب سكر
نص كوب عسل جلوكوز
نص ليمونة
رشة فانيايا او اى منكه تانى
بتنزلى بالسكر والمية وتدةبيهم على البارد وبعدين ترفعيهم على النار اول ما يغلى تنزلى بعسل الجلوكوز تقلبيه وبعد ما يدوب ويغلى تنزلى بالليمون وتسيبيه ٤ دقايق بالظبط
يغلى وتطفى عليه وتضيفى الفانيليا
@hasnaaelamir4220
رديت يا قمر
تحت امرك يا غاليه 😘❤️
ممكن نعمل بالزبدة بدل السمنة؟
أيوة بس سيحيها الاول على نار هادئة خالص و عديها على مصفى
شكرا على المعلومات 💐
العفو حبيبتى 💕😘❤️
فين السكر 🙄🤔 .. ٢٢٥جم سكر فينهم ؟؟؟
ممكن تقوليلي ليه وش صينيه البسبوسه بتشقف بيكون فيها تشققات
ممكن يحصل تشققات خفيفة بعد ما تطلع من الفرن بتبقى مقبولة وبتختفى مجرد ما تسقيها بالشربات
انما لو جامدة ده بيبقى عيب فى العجينة
سوايلها قليلة أو سيبتيها فى الفرن زيادة شوية
هى أول ما تطلع من الفرن سقيها بالشربات يكون سخن وهى سخنة وغطيها على طول
هتكلع طرية وحلوة
طيب ينفع أعملتها بكوبايتين بس سميد؟
أيوة حبيبتى ينفع أنا عندى فيديو لمقدار الكوبايتين ده اللينك بتاعه👇👇
ruclips.net/video/1st8764xqGI/видео.html
انتى ماذكرته البيكنج بودر ولا حطتيه
مفيش بيكنج بودر حبيبتى
دى وصفة بسبوسة الحلوانى المصرية مش بينضاف ليها بيكنج بودر
❤
لو سمحت انا عايزه اعرف ليه البسبوسه بتكون معجنه بالرغم من انها بتكون محمره من الجوانب بفكرها استوت وتطلع فالاخر من تحت مش محمره
البسبوسة بتاخد ٣٥ دقيقة فى الفرن على حرارة ٢٠٠على الرف الاوسط
ممكن ده يكون عيب فى الفرن او أن الصينية بتاعتك تكون قعرتها محملة شوية
ممكن تنزلى الصينية رف كمان تحت النص
@@Chef.OmaimaAli هو ممكن نوع السميد هو كان سميد جاهز
لو قصدك الاكياس الجاهزة دى ليها طريقة تانية غير السميد السائب
ما اتقدش يعنى نوع السميد هو السبب
السبب هنا التسوية وتظبيط الفرن
نولع فوق وتحت مع بعض انا بعملها بتكون طريه بس الوش ناشف
ولعى من تحت بس واخر ٥ دقائق نزلى الشبكة شوية خليها على الرف اللى تحت خالص وشغلى الشواية تاخد وش من فوق على مهلها
لما تكون بعيدة من الشواية تاخد وش على راحتها وتعمل طبقة من فوق مش تتحمر بسرعة وتتلسع
@@Chef.OmaimaAli انا بعمل كده والله هيا مش بتتلسع لكن الوش بيكون ناشف
بعد ما تسقيها بالشربات دخليها الفرن وهو مصطفى وسيبيها شوية وبعد ما تخرج غطيها على طول هتبقى طرية
@@Chef.OmaimaAli متشكره جدا لتعاون حضرتك معايا انا فعلا عملت كده بس بعد ما طلعت سبتها بدون غطاء
@bisimamamdouh8514 العفو يا حبيبة قلبى ❤️❤️❤️❤️❤️
مقاس الصنية كام؟
٣٠ سم وممكن ٣٢ بردو تمشى
كل ما اعمل البسبوسه تتحرق من تحت والوش مايحمرش
ويتطلع ناشفه
محتاجة تظبطى الفرن مش اكتر
وخليها على حرار٢٠٠ الرف الاوسط ولو فرنك بيحرق عند ال٢٠٠ يبقى خلى الحرارة ١٨٠ يعنى هديها أو ما تلاحظى كدى أن الجوانب احمرت وفصلت تبقى هى كدى تمام من تحت فى نفس الوقت الوش مش هيكون اخد لون ده طبيعى لأننا مشغلين الفرن من تحت بس
اول ما الجوانب تفصل وتحمر اطفى من تحت وشغلى عليها الشواية بس نزلى الشبكة رف كمان بحيث تاخد وش من فوق على الهادى ومتتلسعش منك
افضلى تابعيها لأنها مش بتاخد وقت واول ما تطلع سقيها على طول بالشربات الساخن بس مش يكون لسه نازل من على النار بنسيبه يهدى شوية بسيطة وبالف هنا على قلبك ❤️
متعجنيش فيها كتير علشان متنشفش منك
ليه بتلزق في الصينية
ادهنى الصينية سمنة كتيير
لو سمحت ياشيف انا البسبوسة عندي بعد التسويه وبطلعها من الفرن واسقيها بالشربات بعدها بنص ساعة ببتنفخ وتعمل زي القبب لفوق بيبقى شكل الصينية سيء جدا ومش عارفة ايه السبب ياريت تساعديني لو تكرمت 😢
طيب ممكن اسألك سؤال ،؟
هل هى بتشرب الشربات اصلاوشكلها بعد ما تطلع من الفرن هل كويس ولا بتكون عاملة قبة بردو ؟
لا والله ماشربت الشربات كويس وهي بتقب في الفرن شوي اثناء التسوية بتنتفخ في بعض الامتكن في الصبنبة لكن بعد الشربات بيبقى الوصع اسوأ بس انا شاكة اصلا انو المقدار ماكانش مضبوط بسبب حجم الكوب وانت ربنا يبارك لك نبهت الان على النقطة دي على كل انا حعمل البسبوسة بالطريقة والمقادير بتاعتك وارجع اكتب لك ❤❤❤❤ سكرا لردك ورقيك❤
بصى يا حبيبة قلبى طالما البسبوسة مشربتش الشربات كويس تبقى كدى هى مش ناجحة للاسف وده له سببين
اولا اما نوع السميد مش حلو
او انك قلبتى فيها كتير اثناء خلط المكونات
وده بيخليها تنشف فبتعمل القبب فى الفرن فعلا ومش بتشرب الشربات خالص
حاولى تغيرى نوع السميد وان شاء الله تنجح معاكى وتطلع احلى بسبوسة
شكد تحجين لخاطر الله
حضرتك تقصدى ايه مش فاهمة