Battsetseg 💚 Salkhin tsenkher khorvoo 💚 Батцэцэг 💚 Салхин цэнхэр хорвоо

Үг, ая: М.Цэрэнтогтох
Дуучин: Т.Батцэцэг
САЛХИН ЦЭНХЭР ХОРВОО
Өтгөн цагаан сүүгээ ангир намраар хөөрүүлнэ үү ээжээ
Өргөн шандны эхнээс ээ рашаан хүртэж уярна уу ээжээ
Өөдөө тулганы галдаа аргал зэрэглэн нэмнэ үү ээжээ
Өлгий нялх үрийг минь өсгөн бүүвэйлэн санана уу ээжээ
Салхин цэнхэр хорвоод ганцхан хүслээ өргөлөө би
Сайхан буурал ээжийнхээ сүүтэй хайранд эрхлэе дээ
Холдоо яваа хүүгийнхээ дуулсан дуунд мэлмэрнэ үү ээжээ
Хоймор дүүрэн аавд минь хүүгээ л магтан жаргана уу ээжээ
Гэрэлт долоон бурхандаа ерөөлийн цацлаа өргөнө үү ээжээ
Гэнэн бага насны минь гэгээн сайхнаар аялна уу ээжээ
Салхин цэнхэр хорвоод ганцхан хүслээ өргөлөө би
Сайхан буурал ээжийнхээ сүүтэй хайранд эрхлэе дээ
Далай нууры хөвөөндөө сэтгэл уужран сууна уу ээжээ
Давхраат өндөр ууландаа хүслээ даатган залбирна уу ээжээ
Дээрээс төөнөх наран шиг ачлалт таныгаа хайрлалаа ээжээ
Дэврэн цалгин байгаа сэтгэлээ хөглөн дууллаа ээжээ
Салхин цэнхэр хорвоод ганцхан хүслээ өргөлөө би
Сайхан буурал ээжийнхээ сүүтэй хайранд эрхлэе дээ