Payme 2.0 乜銀行都玩得！
HTML-код
- Опубликовано: 22 авг 2019
- Payme可以話係香港近年流行嘅電子錢包、除咗因為介面易用之外，作為第一批本地嘅電子錢包，喺「早着先機」嘅情況之下，亦都加大咗 Payme 嘅市場佔有率。
2018 年當轉數快推出嘅時候，Payme 系統未有即時加入轉數快嘅功能，相信一眾用家都非常失望。不過呢個功能最近就隨住新版 Payme 而一齊推出，同大家一齊睇下！
新一代嘅 Payme 支援由更多銀行增值電子錢包，同埋發錢去其他嘅電子錢包陣營，不過如果你好似我咁，之前已經加咗滙豐銀行嘅戶口同埋信用卡，以前已經設定咗滙豐嘅收款戶口、呢個新功能就幫助唔大。
不過我就建議你 Update 咗 Payme app 之後第一時間去設定「轉數快」喇。好似我咁，只要確認番你嘅手機號碼同埋電郵地址，轉數快就好快設定好。好處就係當你要喺 Payme 收錢嘅時候，有人無 Payme，你一樣可以用其他嘅網上銀行或者電子錢包增值，方便好多架！
我就試一次由 Tap and Go 嘅 App 過錢去 Payme 先。首先打開我嘅 Tap and Go App，之後揀 Pay Buddy，再輸入銀碼，好等我試吓轉15蚊先， 跟住輸入番收款人、即係我嘅電話，再揀埋 Send 去我嘅 Payme 戶口。睇番 Payme App，15蚊已經即時到帳啦。
另外、如果你預設嘅收款銀行唔係滙豐，以前你可能要等多一個工作天先至可以拎到錢。但係隨著 Payme 加入轉數快服務，而家只要設定好 FPS 轉數快嘅設定，喺錢包過錢落自己銀行嘅戶口，都可以做到即時收款啦！
提提大家啦，因為增值方便咗，所以官方透露可能減低每個月由信用卡增值電子錢包嘅上限，由原先港幣$5000一個月大幅減到兩千蚊一個月，鍾意用呢個方法儲分嘅朋友就要額外留意！
《Z世代達人》
麥卓華 
Наука
多謝分享
正，長知識
睇完才發現用轉數快再加tap & go先係最正👍
呢個apps係咪一定要有銀行戶口先可以用得到㗎 同埋我想問如果增值呢去嗰啲ok便利店seven得唔得呀
我渣打 連唔到嘅。。。 得unionpay冇mastercard/visa....
可否用香港支付寶過數去payme
如果對方沒有payme，我用payme轉數給她，是否收到呢？
Payme 收錢有上限嗎?
啱啱麥當勞APP 先至用到payme 比＄，其他都用5⃣️到，真把鬼！
想問點解而家payme揀唔到其他銀行戶口???? 無論係付款至銀行戶口，還是綁定銀行戶口都set死左係匯豐，無得揀其他銀行，點解會咁?????
我都係！明明之前中銀都得
每次轉帳只可5000?
虛擬信用卡八達通充payme
可不可以沒說
和教
申請過程中，需要先由戶口過數一元到指定戶口！我可以經櫃員機嗎？
應該要在App內完成！ -Alfred
永隆銀行沒得搞