Это видео недоступно.
Сожалеем об этом.
فلترة 1: تخلص من الإنجازات الوهمية وتحكم في حماسك الشديد وطموحاتك الغير واقعية
HTML-код
- Опубликовано: 7 авг 2024
- مونتاج :محمد سلطان
تصوير :أحمد المرتضى
تقديم :ضحى حربي
تعرفي أنا سجلت النهارده في ثلاث دورات واحده لتكوين ذاتي والتانيه لتعلم البرمجة والثالثة لأسرار الثراء وكمان هكلم مركز معين علشان أتعلم معاهم ألماني وياريت بقى لو تقوليلي على برنامج ديني أتابعه
إيه يا بنتي حيلك حيلك
هتعملي كل ده إزاي؟ إنتي ناسيه إنك عندك كليه وحياة شخصية لازم تاخد جزء من وقتلك
كلية يا ستي هذاكر ليها في أي وقت لكن إيه حياة شخصية دي
أيوه هو مش لنفسك حق، حق إهتمام ورعاية وراحه هو إنتي آلة في ساقيه
راحة إيه يا ضحى لازم أستغل وقتي وأعمل إنجازات كتير وأطور من نفسي وأغير العالم
يا نهارك أبيض إنجازات وتغيري العالم كمان!
يا بنتي إنت عارفه ترتبي سرير أوضتك علشان تغيري العالم
ضحى علفكرة إنتي محبطة كده ومش هقولك على حاجه تاني
يا حبيبتي أنا مش بحبطك أنا بلفت نظرك لنقاط إنتي مش واخده بالك منها
يعني مثلا إنتي عايزه تعملي كل الحاجات دي ليه! هل فعليا مفيده ليكي ولا عايزه تروحي تكتبي على مواقع التواصل أنا بدري في كذا وبعمل كذا وبخلي كذا وتحسي بإنجاز مزيف مش بيضيف لحياتك معنى
دا غير إنه الحاجات دي مالهاش علاقه أصلا بحياتك يعني إنتي مالك ومال البرمجة يعني علشان فلان إتعلمها يبقى تروحي تتعلميها، ثانيا مش عندك وقتك ولا طاقه لكل ده هتلاقي نفسك مش قادرة تعملي كل ده وبعدها هتقعدي تقولي أنا فاشله ومش نافعه في أي حاجه
وفي النهاية هتحسي إنك بقيتي مرهقه من تفكيرك المستمر ومن المجهود المبذول واللي مش شايفه له نتيجة لأنك نسيتي إن لنفسك حق عليكي وإنك مش مطلوب منك تغيري العالم
مش ده اللي بيحصل كل مره ولا إيه
أه
طب علشان ما يحصلش تاني بقى يبقى لازم نعمل فلتره يالا بينا
ضحكوا عليك وقالولك خليك زي فلان الفلاني طالما هو حقق كذا يبقى إنت تقدر تحققه فإنت مش ناقصك رجل ولا إيد عنهم ولما جيت تحقق لقيت إنك مش قادر فدخلت في دوامة من الإحباط والفشل
ضحكوا عليك وقالولك إنك لازم تغير العالم ولازم تسيب بصمه فيه لكن للأسف إنت لا غيرت نفسك ولا العالم
ضحكوا عليك وقالولك إنك لازم تستغل كل دقيقه من وقتك وإنك لازم تحقق إنجازات بإستمرار لحد لما لقيت نفسك مستنزف تماما وعايش دايما سباق خسران مع الوقت وما حققتش حاجه في النهايه
ضحكوا عليك وقالولك إنك هتوصل لحياه مثاليه سعيده جميله لكن الحقيقه إن الحياه المثاليه في خيالنا وبس وإن الكمال مش موجود وإن الإنسان فطر على النقص والإحتياج
فيه نظريه إسمها (انحياز البقاء) Survivorship،
ومعناها إننا بنركز دايما على الأشخاص اللي نجحت نجاح باهر (وده الحياه المثاليه اللي إحنا عايزينها) وننسي خالص لأشخاص اللي ما حققوا نجاح أو بمعنى أوضح الأشخاص اللي عايشين حياتهم عادي بالنسبه لتفكيرنا أو بمعنى أوضح الناس اللي هما قريبين مننا وبنفس مستوانا
طبعا ده بيخلينا نعمل حاجه بتدمر كل الخطط اللي بنعملها وهي إننا نحط أهداف بعيده كل البعد عن واقع حياتنا بهدف إننا نوصل للأشخاص الناجحين من وجهة نظرنا
مشكلة النظريه دي بتخلينا معميين تماما عن الحقيقة خاصة لما يكون كل تركيزنا موجه على قصة نجاح حصلت بأقل جهد وأقصي سرعه زي بالظبط لما يقولك طفل مليونير وهو عنده عشر سنين اللي هو إنت لما كنت عندك عشر سنين كان أكتر حاجه شغلاك هنلعب غميضه ولا عسكر وحرامي
طبعا النوع ده من القصص بيخلينا نحط
بالنسبة لإضاءة الفديو هيتم تعديلها في الحلقات التي لم يتم تصويرها بعد، وبالنسبه للإنجازات أتمنى كل واحد يكتب ما أنجزه فنحن نريد أي إنجاز ولو بسيط، أتمنى تستمتعوا بأول حلقة من البرنامج ♥️
فين الحلقة بتاعت القنوات تعلم اللغات التانية غير الأنجلش
ما يحتاج اضاءة يا ضحى نورك يكفي ويوفي🙏🏻🌹
Doha Harby _ضحى حربي
ماشاء الله تبارك الله
مبدعة 👌🏾👌🏾
فيديو جاء فوقتو كنت اراقب زملاء لي اشتغلوا في القضاء واقول اكييييد هما بذلوا مجهود خيالي ..........والفيديو ده وضحلي الكثييير شكرا ضحى جدا
ربنا يزيدك 😍
بالتوفيق، سعدت بمتابعة الحلقة.
شكرا كتير ليك يا دكتور وبالتوفيق في قناتك الجميله
الحمد لله ...الاسبوع ده خلصت حفظ سوره البقره ..لله الحمد والشكر 😍😍
أنت ذكية مقارنة بعمرك ما شاء الله لا قوة الا بالله 🌹
8:25
بتيجي ع الانسان فتره بيحس فيهه بالامبالاة..... اخيرا حد صادق قالي الكلمه دي انا حرفيا بقالي سنتين كدا مش عايزه اعمل حاجه وكل الي حوالياه محسيني اني كدا مذنبه وعندي نقص 💔
وانا بس خد الثانوى معاه
والله انا ضيعت وقت وفلوس وراحة بال في الركض وراء التنمية البشرية ولا كنت عارفة استمتع بايامي ولا بانجازاتي بس الحمد لله فقت من هذه الخرافة الي صنعوها وبالعكس حياتي حاليا ابسط واجمل بكثير 🥰🥰🥰
ضحى... انتي لك مستقبل كبييير صدقيني... أكبر من الي عم تعمليه هلأ... استمرييي 🙏🏻♥️
انا الحمد لله اطلعت الاولى على الادارة ف تالتة اعدادى والسنة دى فوزت على مستوى الجمهورية فى مسابقة كتابة قصص قصيرة
ممكن نصائح لكتابه القصص
@@yasmeenmohmmed4263 اه طبعا
بصى اول حاجة انك تمارسى الكتابة يعنى اول ما تيجى فكرة قصة فى دماغك على طول تروحى مسجلة الفكرة فى اجندة عندك ووقت ما تفضى تبدأى تبنى أفكار القصة وتكتبيها
تانى حاجة تابعى مع شخص يكون ليه فى الاعمال الادبية يعنى مكتبة المدرسة او الكلية او انك تروحى قصر ثقافة دة هيساعدك جدا
اخر حاجة تنك تقرأى كتير دة بيديكى معلومات اكتر عشان تحسنى اسلوب القصة بتاعتك ودورى على اليوتيوب عن كيفية كتابة قصة قصيرة
إنجازي هذا الأسبوع: مبارح فزت بالمركز الثاني بمسابقة حفظ قرآن على مستوى محافظتي 💙
اللله يبارك
الحقيقة اسم على مسمى الفلترة..
انت لست مبدعة فحسب!!!
بل أنت الإبداع بحد ذاته🌹🌹
مذا يمكن أن أقول لك
الله يدخلك الفردوس الأعلى بلا حساب ولا سابق عذاب 😌💚💚💚
صلوا علي من يشفع لنا يوم القيامة💚💚💚💚
بجد غيرتي لى مفهومى لحاجات كتير شكرا
كلامك صح في ثالث متوسط كنت اتمنى مجموع كويس وكانت تجي فترات الامبالاه وقت النتيجه.كانت90%..بس الحمد لله اعتبرته إنجاز رغم انه صغير بإذن الله مجهود أكبر في ثالث ثانوي 🎓💕🌸
الله عليكِ ، خرجتيني بفضل الله من دوامة آلمتني كثيييييير
(الحقيقة المرة خيرٌ من الوهم المريح) ما شاء الله عليك يا ضحى كلام بينبه الواحد على حاجات، انا بقارن نفسي ب أحمد زويل وعمري ما حقق اي شيء. الحمدلله وشكرا ضحى 🌺🖤
انا جيت مصر من ١٠ سنين و مكنتش اعرف العربي خالص و الحمدلله بعد ١٠ سنين و كمية تعب عشان اتعلم اللغة و كمية نقد اتوجهلي عشان مكنتش شاطرة في العربي و دخلت ادبي طلعت الاولي علي ادبي في مدرستي في ٢ ثانوي و اتمني اقدر كمان في ثالثة يارب ♥️ و كمان الcontent بتعك حلو جدا و مفيد لناس كتيرة و بشكرك علي مجهودك يا ضحى ♥️
شخصيه محترمة واسلوبك جميل 💙
استمري ❤❤
اخيررررا ولله الحمد قبل كل شئ ان بعتلى حد بيقولى فيها الرسالة و بيوعينى و يفهمنى الصح و الحقيقة 💙💙
ما شاء الله اللهم بارك عسولة انت يا ضحي اتمني بنتي
ربنا يرزقها العلم والتقوي قولوا امين❤️
#ماشاء الله . اعتقد .. ان العديد من زميلاتها في العمل يحسدونها على قوة شخصيتها . #انها الطاقة الايجابية و الإقدام في هذه الحياة .👍
خلصت غالبية الباب التاني الرخم ف الكيميا اللهم لك الحمد😂
ومخلصة خلال الشهر دا 3 انميهات وماشية في الرابع😂
بارك الله فيكِ شابوه♥👏
ايه أسماء الانمي
انجازي البسيط جداً بي فرحني
جاوبت عن سؤالين بالجامعة كان بقية الطلاب فيها ساكتين مع اني ما احسهم صعبين
ادعولي ادخل كلية سياسه واقتصاد واطلع من اوائل الجمهورية علشان افرح ولدتى ❤😍 وان ربنا يوفقنى ويشجعنى على المذاكرة لانى الفتره دى نفسيتى تعبانه خالص ومش قادره اذاكر وكل ما اجى اذاكر اعيط ومقدرش وخايفه محققش حلمى ادعولى ولكم بالمثل😥💔
شكرا ليكي ضحى على الفلترة اللي عملتيها لدماغنا ... أنت مطلوب بالسعي مش الوصول
الوصول دقيقة ؟ دقيقتين؟ تلاتة؟ لكن المشوار هو اللي هيطول فإستمتع بالمشوار وإن وصلت خير وإن ما وصلتش تبقى استمتعت
بحبك في الله ياضحى استمري ❤️ دايما
ماشاء الله حبيت الفيديو جدا جدا ...انا ف ٣ ث ومن وانا صغيره اصلا مش حابه المجال الطبي وجييت م فتره من اولي ثانوي اهتميت اني ادخل تجاره انجليزي ودا هدفي الاساسي بس عشان الكلام الي انتي قولتيه م انت مش ناقصك حاجه الي الناس بتقوله قولت لبه ميبقاش هدفي طب وكدا وقعدت فعلا كام يوم انا بشتغل عشان طب كنت مضغوطه جدا جدا مستوايا قل وحسيت بضغط نفسي وحسيت اني بذاكر كدا مش عشان هدف فعلا انا عاوزا فا كلامك فعلا صح كل واحد بيختلف عن التاني وكل واحد وليه دماغه. .
ربنا يوفق اي حد ف ٣ ويوصل للي عاوزه ويوصلني ل تجاره انجليزي ❤
واو بجد اول مرة الاقي توأم ليا
هتوصليلهه ان شاء الله لانك حباهه ولانك عرفتي المناسب ليكي شابوووه بجد 💜
أن شاء الله ربنا يحقق احلامنا جميعا يااااارب 💕😍
انا اولى ثانوى اخدت فتره محبطه جدا لدرجه انى في وقت جه عليا انى احول لتجاره بس صليت صلاه استخاره حلمت انى بزاكر فيزياء الشيخ قالي انتى شاطره وهتبقى حاجه حلوه في المستقبل ومن هنا حسيت فعلا الدنيا تفتحت ☺☺☺☺☺☺
وفعلا انا بعد العسر يسر
انتي زيي بالظبط ، بس انا مش فاهمة قصدك ، يعني انتي كان هدفك تجارة انجلش ، وبعد كده بقا هدفك طب لأنك شايفة انك مش ناقصة حاجة ، ولا ايه بالظبط
@@gamalali6150 ايووون
ممكن تتكلمي عن إقناع الأهل بالسفر بالنسبة للبنات
ياريت جدااا ي دكتورة ضحى تتكلمى عن الموضوع ده
ما أروع هذه العقلية
❤️❤️✨كنت مستنياه
كلامك صحيح ياضحى وبتحدث المفاهيم الموروثة بالخطا...احستنى👌....دماغك كبيرة ومداركك اوسع من عمرك....تبارك الله علبكى
باااارك الله فيكي ..اوفيتي ❤️❤️برناامج رائع
فخورة جداً بيكي
ربنا يفتح عليكي
انا اتفق و اختلف في بعض النقاط و ارجوا اذا اردت ان تنتقدني ان تتجنب السب انا اتفق ان تعدد المهام يسبب الاحباط و في النهاية لن تصل لشيء لكن هذا ليس سببا للكسل فبعض الناس قد يفهمون مقطعك على انه سبب للكسل فبالنسبة لي اري ان الانسان مادام حيا عليه التعلم و التطور و انا لا اتابع المحاظرات و المقاطع التحفيزية و لا اعترف بها لكن اعترف انه للوصول لاي شي يجب التعب و الصبر كما قال تعالى:"وجعلنا منهم أئمة لما صبروا و كانوا بآياتنا يوقنون" لكن انا من وجهة نظري ارى ان السبيل هو بوضع اهداف و العمل باجتهاد لكن تبدا بالاهم ثم المهم و لا تنسى نصيبك من المتعة و الراحة و في مسئلة البرمجة لا اتفق معك فانا اعرف ناس لم يكونوا يعرفون اي شيء عن البرمجة لكن تعلموها و نجحوا فيها مثل صديق لي تعلم البرمجة و فتح شركة و الان ما شاء الله دخلوا بقا كويس جدا فلما قلتي تجيك فترة ما تعملش فيها حاجة في حياتك و لازم تستريح فيها انا لا اتفق معك و خلاصة القول: ان كل شيء تقوم به ليس مهما لذاته بل هو مهم لما سيوصلك له" اذا قرات تعليقي للنهاية فبارك الله فيك واذا كان لك راي مختلف اكتبهولي و رجاءا بدون سب او انتقاص من قيمة اي احد
كلامك جداً كنت محتاجتة ...شكراً من القلب ❤
الله يبارك لحضرتك يادكتورة ويجعله في ميزان حسناتك ويزيدك علما وفهما
شكرا جداا يا ضحى على الفيديو 😘😍
شوقتينا يا دكتور واللهِ💛.. ربنا يكرمك ويوفقك.. الفيديو ده عظيم وبالتوفيق ♥️.
برافو ربنا معاكى محتوى مختلف عن القطيع. كله بتوفيق الله بعد أخذ للاسباب
شكرا بجد علي الفديو ❤🌝
الطريقه بتاعت الفيديو جميله جدا ربنا يوفقك❤
كنت محتاجه الكلام دا جدا.. ربنا يباركلك يااارب.. 😍
شكراً جدا على كل شيء بتقديمه لنا وربنا يجعل هذه الاعمال في ميزان حسناتك
شكككككرا ضحى انتِ بجد وعيتيني وطمنتيني 🥺❤️
واااو كلااام قوي وكله تطبيقي ومفيد ماشاء الله شكرااا الك
جزاك الله خيرااا فعلا فيديو قييييم جدا😍💞
ايه الإبداع ده كله
ماشاءالله
ياااريت فيديوهات كتيرة من النوعية دى😄😄😄
محتوى جدا رائع 👌👌👌، أتى في الوقت المناسب.
ب التوفيق ضحى ❤❤❤.
فيديو مفيد جدا .. زادك الله علما وخلقا ..🌷🌷
والله يا ضحى ربنا يوفقك ويزيدك علم وينور طريقك زي ما نورتي طريقنا ❤️❤️
أزاي الإنسان يقدر يعرف طاقته ، أنا أفتكر أني أتحطيت في كزا موقف فوق طاقتي و عرفت أخرج منهم ، أعتقد أن الطاقة ملهاش حدود نقدر نتوقعها . ولك كل الحرية في مناقشتي 👇
جميلة يا ضحى جدا اللهم بارك عليكى ربنا يحفظك بجد أستمرى 💖💖
اللهم بارك فتح الله عليكى
انا استفدت جدا
لا حُرمت فيديوهاتك.. ربنا يزيدك 💪
انتي عظيمة
مبسوطة جدا انك طرحتي الموضوع دا و بكل مصداقية ❤
شكرا جدا يا حبيبة قلبي ضحي
ماشاء الله على العقل الذي تحمليه 💜
أحسنتي يا ضحى
كلامك رائع واقعي مميز صادق حقيقي . بتمنالك التوفيق go ahead . تحية لك من سورية حبيتك وحبيت اسلوبك سهل بسيط ممتع . للتحدث عن الانجازات كسيدة عربية الحمد لله عندي انجازات كتير مادية فكرية ومعننوية . بالنسبة الي اهم انجاز فكري لي هو برنامج تحدث الانكليزية بشهر . فقد قمت بنمذجة اللغة الانكليزي مع اللغة العربية بشكل ان تفكر بالعربي وتتكلم انكليزي بنفس الوقت . لكن لم تنشر هذه النظرية بعد بانتظار الاذن الالهي . تحياتي .
كلام جميل ومهم للجيل.
ضحى ؛ ذات منطق سليم ، وفقك الله .
فيديو رائع يا ضحى جزاك الله خيرا
المقدمة واسلوبك في الكلام والنصيحة رائع 🌸❤
انت عبقرية يا ضحى ماشاء الله عليك❤ تنبهت لامور مهمة خلال حلقتك وزادني ذلك حماسا واراحني نفسيا حفظك الله قناتك من اكثر القنوات التي تفيدني💚💚💚
بجد إنت ممتازه ربنا يسددك ويوفقك
انتي فعلا إنسانه رائعه وبدعيلك دائما استمري متابعاكي جزاكِ الله خيرا ♥️♥️♥️♥️♥️
أفضل صانعة محتوى في نظري تحياتي من الجزائر! و الله هته الحالة عايشها كل اسبوع ان شاء الله أطبق الأفكار المحورية التي قدمت 🙏🙏😍
ايه الجمال ده ، بجد كل كلمة خلتني اعرف اني قصرت في حق نفسي جدا جدا ، كلامك جميل جدا يا ضحي مفيش فيديو ليكي مش بستفاد منه اللهم بارك عليكي💜💜💜💜💜💜💜💜
والله حتى أنا كنت ألوم نفسي و أضغط عليها
استفدت جدا بارك الله فيكى بجد القناه الاروع على اليوتيوب📖
ماشاء الله كلام في منتها الروعة شكرا 🖐
أبدعتى
جزاكي الله خيرا
بحبك ياضحي بجد انتي قدوة انا متباعاكي من لما قناتك اتسرقت ورجعتي عدتي كل اللي وصلتيله تاني بجد انتي مميزة اتنمي ليكي النجاح والتوفيق
كلام واقعي وفي الصميم
عاش بجد بتوفيق ياضحي❤️💁
بارك الله فيكى يا دكتورة ♡♡
شكرا ياضحى على الفيديو ده ، انا عندى ٣١ سنه وكلامك جه على جرحى . بشكرك ، وبحبك ف الله
فيديو مريح و كلام رائع ❤
الله يبارك فيكِ❤
روعه ي ضحي ربنا يوفقك😊😊
بجد شكرا جدا جدا جزاكي الله كل خير فديو جميل اوى اوى 😘😘😘👍👍👏👏👏👏
جزاك الله خيرا ❤
جزاك الله خيرا، بجد بجد انا بحبك جدا :)
اسلوبك ممتع وروعة وكلامك مقنع جدا
كلام تحفه مفيد و واقعى كمان
بارك الله فيك وأكثر من أمثالك
جزاك الله كل خير يا دكتورة
ربنا يكرمك
وعليكم السلام ورحمة الله وبركاته، أحسن الله إليكِ ياغالية🌸♥️والله اثلجتي صدري عندما وضحتي النتائج العكسية للتنمية البشرية، وكنتِ محقة. بارك الله فيكِ أخيَّتي🌷.
طريقة عرض المحتوى و طريقة إيصال الفكرة اكثر من رائعة....... 🧡يعطيكي العافية
شكرااا دكتوره ضحى ربي يحفضك ويديمك يااحلى دكتوره في العالم •😁❤
جزاك الله خير في الدنيا و الآخرة❤❤❤❤
شكرا ضحى 😇
بارك الله فيكم اختي الكريمة... حقا عقولنا نحتاج فلترة
أحبك في الله ♥️
إنتي شخصيه محترمه ♥️♥️
ربنا يخليكي يا ضحي علي فيديوهاتك الجميله
شكراا ليكي بجد❤❤❤❤❤
مفيد الفيديو كنت محتاج حاجة زي كده
شكرا لكل من شارك
مشاء الله علبك سيدا ضحى كلامك واقعي وموزون في يوتيوب اتابعك انت وعلى وكتاب وايوب بيتر وسعدت في اشتراك في قناتك ربنا يوفقك في مسيرتك العلمية وجعلك نبراس لكل من يبحث عن العلم🌷🌷🌷🌷
احلى شرح وموهبه في الأداء
بارك الله فيك ❤🌸
ممكن تتكلمى عن موضوع سفر البنات سواء للدراسه ف الخارج أو الترفيه والشغل وأزمة يقدروا يحبوا نفسهم ويكونوا قادرين على كل صعوبات اللى ممكن تواجهم
فتح الله لكِ👍🏻👍🏻👍🏻👍🏻
ماشاء الله كلامك جميل