其实我知道尹光这个歌手已经很久很久了,之前偶尔也是有听他的歌的,说不上很喜欢啦,我喜欢的歌手包括有林子祥谭咏麟和七八十年代那些香港歌手,大多数是听这些歌手的,尹光的偶尔听而已,但自从 ai 尹光开始和 Dear My Self 的歌一出,我其他的歌手就很少很少听了,每天就听光B一个歌手罢了,尤其是 Dear My Self 这首歌每天都有听几次,这首歌,他一开声,我就马上感动,太好听了,他的感情发挥完全是真情流露,比什么天王巨星,歌神,歌王都好,有一点最值得欣赏的是他已经接近 80 岁,他依然学习和尝试不同的音乐来充实自己,这种毅力不是夸张讲,什么歌神,歌王,天王巨星都做不到,就算是全世界的艺人也好,企业家也好,在这个年纪,这种毅力做到的人都没有几个,这点是他最值得被尊敬和被崇拜的原因,所以光 B 这次不管他拿不拿到最受欢迎男歌手奖,他在我心目中已经是香港最受欢迎的男歌手了,这个奖是他应该拿的,是叱吒乃至全香港欠他的
Bridge 的那四句真的是回味無窮。 如果 AI 沒有出來接唱,光哥親自唱:「我唱著無無聊聊從未太閃耀,我在唱日日夜夜為搏你一笑」的話,這句的意思就是自嘲從來沒有大紅大紫,一直唱下去也只是為了傳播歡樂,這就是我一路走來唱了這麼多年的原因。 AI 出來接唱卻讓一切都改變了。原來這個世界還有這樣的一種可能性,那麼光哥就放心了,就是人老了不能再唱出跟年輕一樣的水準,也還有 AI 接棒為大家帶來我想傳播的歡樂。 我特別特別感動的是光哥用了全個 MV 最認真的表情唱出了 「我把這個使命過繼 AI 了」 。傳播歡樂就是最重要的事 AI 來唱還是親自來唱都無所謂。
由細到大,老豆都係播尹光,老豆字都唔識多隻,但淨係識唱尹光。8年前讀緊書,老豆cancer ,
托朋友搵尹光拍咗條片鼓勵我老豆,佢二話不說應承咗。
最後老豆做完手術,即刻帶老豆睇佢演唱會。
8年後,工作上比我遇返尹光,可以親口多謝佢當日拍片俾我老豆,佢仲主動提出要拍多條片祝佢身體健康。
我想講,多謝你呀尹光!帶比我同老豆,甚至每一個香港人,咁多美好貼地嘅回憶!❤
光哥 唱佳心善
你的故事都很感動…謝謝你!
尹光依個真係真.善良。你同爸爸都要身體健康
人情更可貴,光哥❤
祝你同世伯身體健康
唔知點解,一路聽一路睇,眼淚一路流⋯ 今年𠮟咜,我想見到尹光上台攞獎。
今年𠮟咜,我都想見到尹光上台攞獎
我都係
樂壇欠他一個男歌手獎
我都想見到尹光上叱咤❤
樂壇欠尹光一個膠袋
太精彩了,特意登入來留言,
全歌採用「ABCDBC」的佈局,只有副歌「BC」部份是重複的,也是歌中最朗朗上口的部份,這確保了傳唱度,而「AD」部份從編排到音色處理都為戲劇化而服務。
首一段AB是由尹光用「現在的」唱腔表達,樂器聲音也相對簡單,
目的在於先讓大家聽清楚旋律及尹光的唱詞,專注在詞曲唱的表現上,詞的內容圍繞著過去的風光、也保留了搞笑歌詞的成份「細數著頭毛流走
」,伴隨著走下舞台的步伐,很一致性地體現出從過去一直走到現在慢慢步出的尹光。
當然,單憑這一點唱完全曲,還不至於封神。
於是在第二段「D」開始,在尹光準備開口時,突然插入「喂喂」便由老派唱腔的尹光AI來唱,這也是代表著大家印象中的尹光,(就是那個被大家笑說尹光AI唱一人之境、字節到字節之間的空隙會插入嘆詞的唱法),而這時才是全曲最精彩的部分,因為AI是突然之間闖入他歌曲(生命)之中的,所以MV中尹光面對這樣的狀況先是手足無措,再到欣然接受地拿回主控權唱出「到了我聲線亦折舊了,把這個使命過繼AI了」,也就正正呼應現實中這個時侯,當大家還在傳唱AI尹光一人之境時,拿出dear myself 的尹光,就這樣突然之間又站在舞台上,站在大眾的眼前。
這當中有錯愕,卻又有欣慰,因為就算我不在了,卻還是有辦法讓我(笑聲)繼續存在的。
到達第二次副歌時,尹光已經很快地適應並接受了現狀,從「D」衝突段轉到合唱版的第二次副歌「B」,這時畫面及聲道開始各分一半,把尹光及AI的分別淡化,再也沒有區分誰是誰;
於是便有了最後由「尹光」唱出這兩句「朝朝睇鏡中這個老友,鏡中的我和我 是摯友」,因為大家所象中AI唱腔的我是我、「數波波」的是我,爆炸頭白背心「少理啊爸」的我也是我,都是過去的、同時是現在的我。
這首是名乎其實只能由尹光演唱的曲目,因為表面上唱的是歌,但卻是一個人的歷史,包含了完整的世界觀和設定。
綜合以上各點,是樂壇近來少有的神作,等到歌曲取得獎項我會再回來留言的。
打咁多字都冇人理你 你話你7唔7😂
@@9788abC 謝謝你理我🫶🏻
我理你,評得好👍
真係講得好好👍🏼
高汁
既然係我最喜愛,你可以投一個唔識唱歌嘅後生仔,點解我唔可以投俾一個在樂壇唔起眼位置服務50年嘅歌手,佢嘅服務對象唔係嗰班有錢太太,而係一班基層香港人,帶俾佢哋好多快樂!2023年係你啦,支持你
講得非常好👍🏻
光B完美示範左一次乜野叫做“用作品說話”
感謝尹光多年來帶比香港人各種笑聲及歡樂,希望此歌可以係叱吒發亮發熱!❤
恭喜今個星期上左叱吒榜!年尾大家記住投佢,等佢可以上叱吒台!!!!
2:26 尹光想開聲唱 突然發現有另一把聲出現 佢呆左一呆 認真聽原來係自己AI既聲音 佢欣慰咁笑左一笑 接住唱:到了我聲線亦折舊了 我把這個使命過斷AI了。 好Touch到我 有失落係因為已經有野可以取代到佢既聲音 亦有安慰既係知道佢既聲線有另一種方式可以繼續陪住大家😢
尹光從來唔會被時代拋棄嘅原因,就係因為尹光從來唔會拋棄時代
尹光真係老一輩歌手裡面最願意貼近年輕人嘅,而且咁多年都一直努力帶俾大家歡樂,十分極度強烈respect💯樂壇欠你一個金針獎!
真 尹光絕對有資格攞
十分極度強烈respect +1
黎明呢
我不是光酥餅,但我非常支持這位年輕人,他未必是唱歌跳舞最好的,但他努力兼勤力,且應對有紋有路,謙遜而不矯情。在近年這個對年輕歌手不太友善的社會氣氛裏,他要承受的多重壓力和攻擊,已超過以前那一代歌手所面對的
@@Roka417黎明行前咗太多了
"我唱著無無聊聊從未太閃耀
我在唱日日夜夜願搏你一笑
到了我聲線亦折舊了
我把這個使命過繼AI了" ------------------ 要有幾闊嘅胸襟,經歷過同幾多人生嘅歷練,先可以將呢幾句唱到有呢個效果!! Respect!
叱吒數波波, 全城撑尹光
請大家投尹光一票, 推上我最喜愛男歌手!
投了, 希望更多人支持光B
@@swjoo987 尹光加油!!!!大家加油,投光B一票!!!
send 條LINK 出來, 求
今次真係不論光譜都撐
姜 B 更值得支持
怪不得張家輝話聽完“dear myself”會流淚,我都聽到眼濕濕,親切,貼地,無太多技巧,但唱出尹光最真實嘅一面。
其實尹光從小到大都唔系我杯茶,我真系唔識欣賞,但佢呢首歌真心覺得佢勁,佢呢首歌完全唔系佢年代的產物,佢無停留系果種‘’名曲挑那星‘’/‘’流行經典得幾年‘’果種老人除……
正野!
2:30 驚訝表情‘’點解有另一把聲‘’,到2:37 對有“AI”傳承聲音嘅豁達笑容..
再唱出 "到了我聲線亦折舊了,我把這個使命過繼AI了‘’😢好感慨
多謝尹光咁多年嘅努力同咁正能量嘅人生。
認真要推上吒咤!!!
今個禮拜叱咤第十四位😭😭希望推到上第一位❤樂壇應該畀個獎光B
#叱咤903 #尹光
連登一開波不斷出post 推光B 上我最喜愛,一開始我都只係唔想又係班鏡拎,一直投光B ,諗住搞下笑,但依幾日聽依首歌,好彩我真係堅持投光B ,一個唱足幾廿年既歌手,真係敬業樂業,永遠保持自己年輕心態,肯接受自己唔識既野,永遠唔out,依首歌真係佢一生人既心聲寫照,絕對值得我最喜愛依個獎❤
呢首歌可以話係尹光嘅一個自述,好感人!薛晉寧嘅詞真係好有heart,係聽/睇到眼濕濕。個MV亦拍得好好,俾個like 張子丰同團隊。果一句「到了我聲線亦折舊了,我把這個使命過繼AI了」,好touching,科技係好係壞暫時都唔知道,但係有咁嘅眼界,著實係好難得。希望之後嘅50年或更久,香港都仲有尹光嘅歌聲。
多謝你啊!!!!!!!!!
不經不覺已經將呢首歌聽咗超過20次,做做吓嘢無聊又攞嚟聽吓揸車嘅時候又聽,仲唔知點解聽吓聽吓會流眼淚。呢一首歌唔知點解令我覺得唱歌既人有一種謙卑嘅感覺,亦都有一種暮然回首嘅情懷。但係絕對唔係懷才不遇壯志未酬,而係好清楚知道自己嘅位置,自己盡咗力去發一點光去娛樂大家。填詞嘅人應記一功,如果有聽過幾十年前尹光唱嘅歌,例如數波波14座再聽返而家呢啲歌詞就會有一種莫名嘅感動。當時所謂嘅鹹濕歌,相士大隻西同埋荷李活有間大酒店呢一啲當時都係比較大膽嘅廟街歌,當時係唔會上到任何頒獎典禮,但係就為基層或者喺嗰個生活圈子入邊嘅人提供左好大嘅娛樂。好似歌詞入邊咁講雖然冇去過荷里活,但係就過足口癮、唱無無聊聊嘅歌從來都唔係好閃耀,但係就能夠搏到大家一笑。最欣賞嘅係佢差唔多每一兩年就會有一首同年青人接軌嘅歌,從來都冇out過。到最後同AI合唱嗰幾句直頭係催淚彈,試想吓如果我哋有一位已經過世嘅朋友,而將來嘅AI係可以將嗰個人嘅性格語氣甚至面部表情都可以結合埋一齊,我唔敢講話呢件係好嘅事,但係都係一種為對方係呢個世界上面嘅一種生命既延伸。最後想講嘅係呢首歌除咗聽得出歌手係一個好謙卑嘅人之外,亦都聽得出佢好豁達佢會知道有一日佢呢一種對唱歌嘅熱愛會喺A I嗰度延續落嚟。好慶幸係今年可以聽到呢一首歌。
真係會流眼淚㗎😢我以為自己有病
真心聽到喊 好感動
多謝!
呢個年代唔會買碟
但係… 作品有價
在商言商, 我好理解好多時候獎項係商業決家大於一切, 不過佢地自稱"專業推介", 一首170萬view既歌(我相信冇人得閒為一個70幾歲歌手買view), 下面一堆知名KOL, 什或至去到影帝張家輝都公開講聽此曲會流淚, 最終比那個電台擺上檯玩一餐, 最後光B都冇機會上台, 當然, 由投票開始, 要分3輪我自己都知道結果會如事, 因為我地係日常市民, 唔係職業FANS, 又唔係某M教徙, 我都只能呼喊大家幫手, 並不能組織什麼, 失望不是光B坐幾個鐘, 失望的事這些只懂商業操作的媒體將這裡的人氣用到盡, 但用完即棄, 嘔心至極, 正正代表住我對這個香港的失望, 幾十年從無改變, 有風的人就使盡利, 奶權貴的人就奶到盡, 縱使用這裡很多很多人真誠被感動, 都盲目一切為他們的主子貼金, 呻完了, 算了, 反正我有生之年都冇興趣再參與那些虛假的投票
對
演唱會當日唔係香港。無辦法現場支持。唯有係RUclips課金以表支持。
光B一直以來創作咁多音樂。由粵曲,70年代粵語時代曲,唱RAP,電子舞曲,到而家結合AI唱粵語抒情歌。不斷嘗試新可能,學新曲風但又保留強烈個人特色。很感動的一首歌,流左好多次眼淚。
多謝你嘅支持👍🏻
有d恨自己點解從來冇將尹光放在眼內,一直都覺得佢係玩另類玩低俗既阿叔。
但衣家諗返,光b係香港文化史中不可或缺既一部分,唔係個個都係張國榮,亦有一d音樂人係享受為廣大草根階層創作娛樂,光是這個精神已經很偉大了
呢首歌集合好多完美既洋蔥元素,一係唱老去,人變老係無法逃避既事實,但尹光好embrace呢件事,雖然自己都係一個老人家但繼續敬業地唱下去,同時開放地接受新事物
第二當然係回憶,光b唔係大明星,但有邊個香港人唔識佢,代表作d歌詞都融合哂入呢首歌
第三係佢唱左佢既一生,而且仲同一個AI版既自己合唱,好豁達咁接受左呢種科技去轉承自己既Legacy,但更催淚既係,大家一聽就知AI Wan K根本永遠無可能取代到真正有血有肉有歷練既尹光,但我地又要無奈接受佢點都會有離開我地既一日
Anyway,請大家推爆呢首歌,我好好好希望佢拎今年既我最喜愛歌曲與男歌手
完全同你感受一樣
細個覺得少理阿爸, 荷里活嗰d 唔知做乜撚
但年紀大左再番睇
就明白每個人背後既故事
同埋佢點樣係自己生命中努力做下去…
尹光 其實真係好勁
有啲似九龍皇帝,當年個個都話佢痴線,到而家突然變咗文化遺產
七十幾歲,三分幾鐘,一鏡過,光哥你係得嘅,今年叱吒我呢票定投俾你
相信光b明知無獎但都出席,係因為想答謝粉絲支持同期望,志在參與同時希望粉絲見到佢有去架👏🏻
誠意可嘉!
好心叱咤就俾佢唱啦!
今日先識得聽呢首《Dear Myself》,我會說很值得花幾分鐘時間去聽聽尹光講故事。首歌除左反串返尹光AI外,亦好似想借首歌同你講:你想聽我唱Dear My Friend咩?我就唱首Dear Myself俾你聽!先唔講呢首歌,尹光一直都係行到好前既人,時至今日七十幾歲既佢重可以夠膽突破自己唱抒情歌,認真出歌玩香港樂壇未有人敢玩既同自己AI 合唱,明明係上時代既人但唔會好似大雨咁淨係識得loop爛首倒轉地球,而係先做返音樂人本份再借力打力咁將《Dear My Friend 》變身成為一首說自己故事既歌,呢位阿伯講野唔似廟街阿伯咁大大聲要塞錢落你袋,佢想做返個謙虛老人咁同你講自己嘅歷練同人生,首歌初段會似一位唏噓老人咁訴說人生高山低谷,但去到中段一句(我在唱日日夜夜願搏你一笑 )會明白佢已經很純粹想令到聽佢唱歌嘅人可以會心微笑便心意滿足。一直聽到最後一句(鏡中的我和我是摯友)會發現佢原來想表達既係,生生不息,努力做好自己才會值得驕傲地直望自己人生。
成首歌佢打開自己,自然地用情感來演繹。細閱佢嘅人生亦令我聯想起一句說話,不因碌碌無為而悔恨,不為虛度年華而羞恥。尹光絕對係一個人辦去話俾大家聽咩叫沒有虛度年華。言而我最喜歡既一句歌詞就係 「數一生的智慧與荒謬」,佢唱既歌以前可能看似很荒謬但現在看來又好有智慧。如果聽一首歌係有共鳴既就值得一聽再聽同分享俾人,希望叱咤可以見到尹光在台上來證明大家對佢嘅肯定。
我都係吖爸教我聽尹光架,到吖爸走左,我覺得我要介紹下一代去欣賞尹光,同自己小朋友講~爺爺好鍾意尹光架⋯⋯如果有一日真係可以複製走左啲人,我都好希望可以再同爸爸傾計同聽歌,你走得太突然啦⋯⋯未同我講再見呢😢
「我唱著無無聊聊從未太閃耀
我在日日夜夜為博你一笑」
配合番第一句有什麼得意成就
從來搞笑無聊低俗都被看低-些
但係歌曲可以令到人笑嘅
可以將歌與笑串連起來
尹光真係表表者
再到「聲線折舊 我把這使命過繼AI了」
真係控制唔到啲眼淚
香港人好好珍惜尹光❤
Legend 🎉
呢個團隊不得了🎉
觀看次數:100萬次
係今時今日冇打手冇職業FANS黎講,好勁
仲要係全部香港人
@@kamingwong9410 所以真心勁
但好奇 是否全是麻甩佬麻甩仔 唔知有冇女人呢?😅
@@jackalyeung9480有
尹光以現在的年齡,還可以有新歌,再度成為焦點,再次引起香港樂迷的注意。這首歌有機會為尹光創造另一個高峰,前一個事業高峰他未曾完全發揮,就好像黃子華奮鬥多年才由票房毒藥變靈藥。所以說AI不一定是取代人類,反而可以為人創造出意想不到的機遇,只看你能不能把握。祝尹光11月演唱會成功,香港樂壇還你一個公道。
尹光可否過來英國開concert,我去唔到紅館😭
以为广东歌死了 真到这首歌出现
@@yyyrich9096 正宗的粵語歌曲應該不是書面語,而是純以廣東口語寫成,像許冠傑的半斤八兩和尹光的荷李活。這首歌主要還是中文書面語,再附以一兩個廣東口語詞,例如過足口癮、就快、篤下波、睇化、唔化。現在絕大部分的粵語歌曲都只是以粵語唱出,卻沒有用粵語的語法。
好想睇,希望出年又開😍
光B open mind, 吾怕比人笑,又玩得,與時並進,不讚不得哦。
903睇唔起尹光,唯有幫手推上100萬點擊率
當聽到這句「我把使命過繼給AI了」,真的有點眼濕濕😢,因為被這種「傳承」感動,這首歌真的滿滿情懷,又有其個人特色👏👏👏
「到了我聲線亦折舊了,我把這使命過繼AI了。」聽到呢句喊左。
尹光一個獎都拎唔到,商台要同香港人交代!!
咪就係!
一位從唔做殿堂級行俓嘅殿堂級歌手,用行動講俾大家知,偉大,唔需要一定要一鳴驚人,而要取得認同,亦唔一定每日都需要別人掛在口唇邊,面對AI來襲,亦可將其化做自己的力量,收為己用。
一邊聽著呢首同AI合唱嘅歌一邊想:究竟呢種胸襟係來自厚度?係智慧?到最後,答案係,不發一言,繼續同大家上到佢嘅唱十四坐,去到荷里活,同一家一齊睇幾個肥波學踢波,士井一番,然後同原本惡搞佢嘅AI合唱,要你感動落淚,繼續沉默地同大家“數波波“,尹光!!你。。好。。嘢!!
👍
呢首歌嘅歌詞總結咗好多人一生都唔能夠睇通嘅人生智慧,仲夾雜住一份急速消逝嘅老香港情懷,所以好多人都睇到眼濕濕,包括我自己,呢首歌除咗尹光都冇人適合唱出嚟,只有佢先唱得出歌詞裏面嘅意境,因為係佢嘅人生歷練,好希望佢可以攞獎得到認同。
點諗到聽尹光都會眼濕濕? 幾十年風霜仍䇄立不倒,是真漢子!
這首歌是最近幾年最觸動我既粵語歌。我都係人生第一次投票,就係投比光B!從粵劇,國語歌時代,粵語歌,Rap,再到抒情歌。光B 順應年代一次次突破自己。縱然多年來被海量負面批評,但仍然默默努力做好自己。 這才是真正努力謙虛的歌手!
相反,用成個大台資源捧紅既某偶像都係賣努力謙虛既人設。 但係最近就露出真本性,連咪嘴批評都接受唔到,需要動用自己既頂流影響力公審批評者。我從來沒有見過“謙虛”的人咁“努力”去公審人。 點解佢唔反思有人質疑佢咪嘴呢? 如果係歌唱實力備受肯定既上一代歌手,例如張學友,陳奕迅等等,又會有幾多人懷疑佢咪嘴呢? 就算有人批評佢地咪嘴,又會有幾多人相信呢?
口口聲聲話要做亞洲第一同衝出亞洲,但而家唔單止紅不過羅湖橋,就連台灣,韓國,日本同東南亞又有幾多人認識呢,更唔好講美洲同歐洲? Black Pink 出道只係比佢多兩年,就已經係紅遍全球。 請虛心跟前輩好好學習。人生有無限可能性!共勉!
Cant agree more
11月27號最後一輪投票❤
已經投左光B!@@jaywonghk1223
真,40年以黎比主流媒體封殺,都冇阻礙佢對音樂嘅熱愛。一首好嘅音樂根本唔需要賣弄歌技,只係需要觸動人心就OK。Beyond係咁,佢都係咁
第一次聽歌手玩自己個AI,非但沒有違和感,仲配合埋歌詞,宇宙最潮系你系你
尹光真係勁,你又點會想到佢唱左幾十年,2023年今日重可以再一次銳變自己。
#不一樣的尹光
#用抒情曲風跳出廟街
好可惜 輸左俾軒公 我成30歲人第一次因為心儀歌手攞唔到獎而覺得sad
不過軒公都值得既 始終有實力 又落手落腳拉票
真係學光b話齋 轉轉心情人又照舊
商台又好,港台又好...,終身成就奬又好,金針奬又好,最受歡迎男歌手又好.... 記得今年要留返個奬俾用作品說話,多年為普羅大眾,為樂壇付出過的尹光,我們的光B!🏆🥇
真係比你感動到,同AI尹光合唱係個好正嘅idea,你嘅真情演繹係AI無法可比嘅,睇👀你呢個MV勝過搞乜7夜市🌜或同孫女劈酒🍻,多謝尹光
五十幾歲人,佐敦道舊街坊,細個時每去廟街都偶會聽到光 B 的歌,他的歌,我大部分都識唱,這個 MV,睇到一半已經感動到喊出嚟。
日語 “ 一生懸命" 就是盡己之力只做好一件事,光 B 五十年來在乎唱好廣東歌,為搏你一笑,我從未投票叱吒,今年是我第一次投票,光 B ,謝謝你。
因為尹光在不惑之年,可以再重踏舞台,非常難能可貴。許多佢年輕時的同行,那怕費九牛二虎之力,終歸也寂寂無名,一生只是一個任人擺佈的配角,例如鄧寄塵。
整首歌,出現了很多佢舊嘅歌名。就等於回顧了尹光的大半生。
人生於世,有若寄塵,尹光唱〈荷里活有間大酒店〉,佢卻沒有踏足荷里活,已經錯過太多,所以請大家還尹光應有的成就。
唔知點解,聽完好有唏噓感,必左少少眼淚,回一回想,尹光真係由細聽到大,雖然以前唔識欣賞,但現在懂了,佢唱嘅唔只係搞笑,係每個時代嘅嬉笑怒罵,感謝尹光你嘅歌聲陪住我地呢啲中坑咁多年😊🙆♂️
就呢首歌没有四五十年的歌手底蕴是唱不好的,单凭这个我认为今届最佳男歌手是他了
尹光前輩真系好好魄力同接受新事物精神
唔好話74歲,我諗我到47歲
我都已經係一條咸魚
呢枝歌真係聽到我喊左出嚟
加油,尹光前輩!!!❤
快啲變返條鮮魚,游呀游呀💪
我49了,應該仲未係咸魚嚟😂
我60都仲係鮮魚!
呢枝歌 good
我聽住呀爸播尹光既歌大,唔算好中意不過的確係有廣東話既精髓,值得被記住,值得被珍惜。依首歌係誤打誤撞遇上AI而食住個勢所出現,但真心欣賞幕後創作人,好有心機,尹光亦好大方試新野,唔怕衰。
睇完叱咤,雖然覺得佢出席左又無機會係台上講句野唱首歌,但尹光應該真心enjoy既,有咩未見過呀⋯
70幾歲 大部分老人家可能連講嘢行路都唔夠氣
呢個前輩竟然可以開紅館 我真心寫個服字 希望尹光可以一直身體健康 長唱長有
真係感動,想起離世十幾年嘅公公,佢係我細過果時成日聽尹光,當時覺得老土、低俗,當時人人都聽四大天王,我就哼尹光既歌,成日比同學人笑,但係真聽好多,幾十歲仲有新嘢,聽到光B真係掛念公公同好多兒時回憶,謝謝你
家吓你可以笑翻當年聽四大天王又笑你嗰啲朋友仔了。笑到最後才能笑得最響亮的😊
獎項對於光b 黎講,係對佢幾十年對音樂或者演藝生涯既肯定同付出,佢唔似一啲經常登上頒獎台既歌手,光 b 咁多年黎踏上頒獎台領獎既機會寥寥可數,但今年喺佢黃金機會,希望各位,電台或者電視台可以成就光b 。
頒獎台上,鎂光燈下既光b , 相信對光b 黎講一生難忘!
一直唔鍾意留言,今次真係忍唔住,我已經好多年冇聽新出既廣東歌,呢首聽到ai 唱既時候真係好感動,完全唔明點解首歌會冇獎拎
呢首歌完完全全只屬於尹光自己一個,任何人都翻唱唔到,真真正正用作品說話
因為啲正義L帶風向
環星唱片難得打入903 希望攞到獎
我從來都唔理香港樂壇, 但今年我終於為尹光踏出第一次投票, 最佳男歌手我投左光B, 我認為香港成個社會都欠左光B一個尊重, 一位70幾歲既歌手, 一生都在做音樂, 每每都突破自己, 5-60歲走去RAP, 整首 唱盡香港人辛酸, 70幾歲首位同AI合唱既香港歌手, 內容道盡一生大起大落, 就為搏你一笑, 充滿洋蔥我都聽到眼濕濕, 佢老喇, 錯過今次機會我相信再有獎狀機會好細. 我都老喇, 除左被感動外我都希望大家幫幫手去投票, 光B需要大家每一位既一分力量, 縱使四大天王年代, 我都冇咁既感覺, 咁想一個歌手得到一份Respect, 拎個獎, 講幾句感想唱半首歌, 之後同大家揮揮手落番台, 係呀, 佢唱左50年可能就係得今年一次機會.
我依然始終相信及期望依個社會還對匠人精神既光B, 帶來佢一生最有份量最有意義既一份尊崇, 一票投尹光! 我相信奇蹟!
貼條link出黎,你講到咁,撐你投光B一次
@@qopwdfb11111大家都加油,成就一個小人物用一生去說的故事
我已投光B了
香港欠光B一個尊重
十分十分同意,已投😊
@@qopwdfb11111 似乎唔比貼LINK, 麻煩你自己seach 叱吒投票😫
好癲丫,點諗到一位7x歲既歌手😮,依然跟到潮流,無唱足廿年都仲一起森巴舞😂,唔係餐餐用舊野搵錢,一鏡到底加AI,寫出自己想法,好似一個一生完滿既作品,突破先係香港人精神,學下人地啦🎉
all in 光b
絕對同意
仍清楚記得 卅十多前尹光在多倫多唐人街一间酒廊登台。當年我仍是學生,表哥駕近一小時車帶著我哋幾表兄弟姊妹去捧場,現場那種熱烈氣氛永遠難忘。看了一晚,第二晚表哥又encore帶我們再去看😂。光B,謝謝你數十年来對表演藝術的投入和專業,在香港樂壇你是無人可代的❤
聽完光B最新呢首《Dear Myself》,忍唔住即刻買佢4/11場紅館show嘅飛。
雖然我細個讀書時成日話自己係「尹光國際歌迷後援會榮譽會員」,好似喺度玩膠,但我真心係好欣賞佢。
當然,中學時會為佢嘅歌而笑,而且都係笑《少理阿爸》夠膠,去親唱K一定要同成班朋友一齊「少理阿爸正仆街」。
然而,當佢2011年同KZ 合作《Mr One》時,我就真真正正欣賞佢。
佢老,亦都唔係唔認老,但佢不服老。
去到光B呢個年紀,相信佢就算年年拍住環星攪啲咩「名曲再重聚」,年年出嚟同大家數下波波、數下毛毛,再黐下膠線,肯定都會有班支持者基本盤,保佢衣食無憂;
但佢無咁做,反而會同KZ 呢個唔係最出名、但喺香港Hip Hop界玩字最強嘅玩字大師合作玩rap,仲要首歌係認真製作,老馬有火、有心有力,就證明光B對演藝事業係有熱誠,有膽色。
之後,無論係《你老闆》、《潮神》等等新派歌曲,甚至去到最近嘅AI,光B都一樣緊貼潮流,而且交貨有質素。對於一個唱大戲、文武生出道嘅老派歌手嚟講,呢點真係好難能可貴。
講返《Dear Myself》,呢首真係光B嘅個人signature之歌 (唔似以前楊千嬅首《楊千嬅》咁,話就話係自傳歌,但內容就fit 落每個人度都OK)。
首歌基本上包晒尹光多年來嘅名曲,可以話係彩蛋滿瀉 (阿檸呢份詞真係落足心機);更珍貴嘅係,呢首歌唔係單純塞彩蛋,而真係寫到一個老派歌手回眸一生、以及面對新時代科技同潮流轉變嘅心境。
作為一個中佬,聽到以下幾句歌詞,真係會眼濕濕:
1.「十四座那坐客就快歸隱,唱着最後餘韻」
2.「數波波點算每顆星球,多麼感激有幸置身這裏望滿天星宿」
3.「這段旅程人來人往,細數著頭毛溜走 / 季節是歲月神偷,聽過幾多落淚大笑歡呼拍手」
4.「我唱著無無聊聊從未太閃耀,我在唱日日夜夜願搏你一笑,到了我聲線亦折舊了,我把這個使命過繼AI了」
5. 「黐膠花的歲數永不停留 / 數一生的智慧與荒謬,所得所失怎說起,轉轉心情人又照舊,朝朝睇鏡中這個老友,鏡中的我和我,是摯友」
4/11,萬分期待。期待可以全場紅館接近一萬人,同光B一齊「少理阿爸正仆街」,到時真係何其壯觀,亦係對光B嘅一個致敬與肯定。
Mr One 係你~係你~
紅館王子係你~係你~
你係邊個?
光哥!光哥!光哥!光哥!
67, 睇到D感想好似自己打咁
多謝你用心感受🙏🏻
講返《Dear Myself》,呢首真係光B嘅個人signature之歌 (唔似以前楊千嬅首《楊千嬅》咁,話就話係自傳歌,但內容就fit 落每個人度都OK)。
剩係哩句 就知你真係識音樂既人
醉愛乂光b
Nice one. 後段有哂光b 嘅經典造型,好正😊
“少理呀爸”堅正 我細個時都推過比好多同學仔😂
大家集氣支持光B推到去過百萬View….直入叱咤我最喜愛候選男歌手😂😂
歌感動到我, 我從來不投票, 我今日特別開戶投我既第一票比尹光, 不單他個人好。 而佢真係代表緊香港幾代人既歌手, 係香港人既回憶。 拿唔到獎都好, 光B 都係我既最受歡迎男歌手, 大家投光B 一票, 再造香港人既奇蹟。
和你差不多是不會投票我值得我的歌手,但光B是我第一次。😊
我都係揀尹光。。
我都係特登開戶為投光B
Same here
呢首歌唔攞年度金曲真係冇天理,曲旋律好聽,短短一份詞可以寫出光b人生再加埋佢d名曲,加上破格將AI納入流行曲,再由70+既光b去演繹,諗唔到有咩理由唔贏
由數波波,少理阿爸,到依家dear myself ,由歌聲都聽得出佢嘅經歷同辛酸,直係會聽到喊,雖然我成日聽903,但從來冇投過票,今次我會獻出我嘅第一次,光B加油,多謝你一直以來帶俾香港人嘅快樂🫰🏻
原以為此歌是抽水, 大玩黑色幽默,點知咁大驚喜,曲詞都好好,觸動人心,這是真正用作品打動人,不用多說話,好野光B 👍👏👏👏
我終於都知點解我聽完會眼濕濕。因為光B 呢首歌唱到一種急流勇退,放下,自在,共存既感覺出黎,首歌勉勵任何時代,任何時空,都吾好糾結係過去既每一樣野,而係應該要學識點令到自己釋懷,對自己好一點,玩個夠。
因為每個人係時代巨輪入面都只係微小既存在,一定係將來有野會取代你既權利地位,甚至價值,所以欣然急流勇退,然後繼續自己個快樂人生,係首歌想表達既。
我係睇晒所有留言(好多神級)再自己去感受出黎,呢首歌真係好正。❤❤❤❤❤
光B,你已經係最受歡迎男歌手,加油😢😢
你又點諗到香港第一個歌手同AI合唱嘅係尹光叔,第一次聽到佢唱咁有深度有意境嘅抒情歌,AI對唱果下有種莫名嘅感動,歌詞愈嗒愈有味,樂壇欠尹光叔一個膠袋
我唱著無無聊聊從未太閃耀
我在唱日日夜夜願搏你一笑
好鍾意呢一段,每日都會LOOP呢首歌,一首很有感染力既歌
me2
Me 3
推到上叱咜,屌打12妖鏡
本身尹光都已經係一個香港好重要嘅文化icon,呢次製作昇華到藝術層次。連登一開始AI化佢把聲果位巴打真係人才黎。
最欣賞尹光唔會齋食老本,每次作品都畀到人驚喜,又願意聽後生意見。今次無論畫面定係聲音歌詞內容都非常出色,之前聽尹光嘅作品都係笑嘅,今次第一次喊咗出嚟。希望你身體健康繼續唱多啲好歌!
雖然尹光既歌唱生涯都係唱比較市井既歌,可以算係非主流亦未必個個會欣賞,但係佢曾經為一代香港人帶嚟歡樂。睇見佢今日高齡仍不言休,仲勇於轉型嘗試新既曲風,淨係呢種對歌唱既熱情同尊重我地都應該向佢致敬。
更何況,隻歌係真心好聽,好感動。
我係一個956歲嘅老人家,聽完光B唱呢首歌我充滿了力量跑了一次60KM馬拉松,希望大家多多支持光B呢位年青人,佢實在太努力同謙虛
全力支持光B
956歲是年輕人!
過左2個500年,你係年輕人
🤭
@@olahk 真正500年一遇啊😂😂
原來喺AI出現前,成個MV係一鏡不剪,勁
好耐冇聽一首歌而感觸,估唔到係聽尹光,呢首歌肯定係今年最佳金曲😭
74歲,能夠成為大家的喜愛,大家都明白是什麼原因。一位24歲的年輕偶像叫人留意他的努力,大家點解唔留意及欣賞一位74歲付出大半生在歌唱事業的尹光叔?欣賞他的豁達,欣賞他的氣量,尹光叔才是真真正正帶給香港人半個世紀的正能量和歡樂!
有道理 👍🏻
7張9啦!
24歲那個係不知所謂!
各有精彩,但個人十分欣賞Wan K.
24歲那位如果知道什麼是努力,應該讀緊大學?
雖然無獎 但已是無數港人的 最愛年度金曲 多謝哩首充滿感恩及人生智慧 和人生觀的好歌 ❤
跪求今年我最喜愛男歌手係尹光,
佢絕對值得。
唔該推爆佢
2023叱叱我最喜愛歌手-尹光
香港本土文化不能沒尹光
剛投左票比光B,希望1月1日晚見到佢上台領獎
一個年餘古稀嘅老人家 用時下最新嘅ai技術 用最正經嘅唱腔 演繹佢地踎歌王嘅一生 真係前無古人 單係咁樣已經值得攞獎 人哋就dear my friend 佢就dear myself 光B好嘢 製作團隊就更加好嘢
王者風範同依家啲男歌手真係冇得畀啲後輩真係要向佢好好學習
同AI合唱呢啲有啲前瞻性嘅作品,最終由尹光成功完成,當初應該無人估到,成首歌變成回憶錄咁,真心出色😢
十幾歲聽光B到現在50幾,聽到呢隻歌,睇咪演唱會,佢嘅成積有目共睹,我要為佢做返啲野,我手上一票佢值得擁有.
咁你投咗未,第一輪已經開始
第三輪巳經投左比光B一票,大家集氣支持光B成為今屆叱吒樂壇最受歡迎男歌手。
好感動嘅歌,第二,三輪都投左光B,差不多80歲,希望佢團火燃燒到最後吧❤
add埋條投link响度得嘛?
叱咤十大专业推荐 麻烦留一席位 尹光Dearmyself 值得推介❤😢
為什麼他沒有被時代拋棄?因為他從未拋棄這時代
👏👏👏🫵👍
我冇喊我冇喊!
我係感慨尹光用歌曲同香港道別,一個已經74歲歌手大半生人喺歌壇默默耕耘
「我唱著無無聊聊從未太閃耀,我再唱日日夜夜願博你一笑」
我感慨我認識嘅香港正在轉變,我感慨,我都老了
佢個mv 入面既形象
當日後生既時候我真係恥笑
但廿年後先睇到原來佢真係不停突破自己
以前聽到你個名“尹光” 2個字既時候都係“陰陰咀笑或恥笑”,但近幾日係地鐵聽到‘’一人之境-順德演唱會‘’,我喊咗出黎,一個七十幾歲既老人家唱出一種看破紅塵同心酸既感覺,好有共鳴。
叱吒-我最喜愛男歌手比尹光
我住在油麻地,細個鹹廟街聽尹光數波波,应用零用錢買了盒帶听,是童年的回憶
叱吒 數波波, 全城撑 尹光!
請大家投 尹光 一票, 推上 我最喜愛男歌手!
第一階段及第二階段禾已經投光b了
光b不紅,天理難容。已投尹光1票
其实我知道尹光这个歌手已经很久很久了,之前偶尔也是有听他的歌的,说不上很喜欢啦,我喜欢的歌手包括有林子祥谭咏麟和七八十年代那些香港歌手,大多数是听这些歌手的,尹光的偶尔听而已,但自从 ai 尹光开始和 Dear My Self 的歌一出,我其他的歌手就很少很少听了,每天就听光B一个歌手罢了,尤其是 Dear My Self 这首歌每天都有听几次,这首歌,他一开声,我就马上感动,太好听了,他的感情发挥完全是真情流露,比什么天王巨星,歌神,歌王都好,有一点最值得欣赏的是他已经接近 80 岁,他依然学习和尝试不同的音乐来充实自己,这种毅力不是夸张讲,什么歌神,歌王,天王巨星都做不到,就算是全世界的艺人也好,企业家也好,在这个年纪,这种毅力做到的人都没有几个,这点是他最值得被尊敬和被崇拜的原因,所以光 B 这次不管他拿不拿到最受欢迎男歌手奖,他在我心目中已经是香港最受欢迎的男歌手了,这个奖是他应该拿的,是叱吒乃至全香港欠他的
我果一票係屬於尹光的,多謝你一直陪伴著香港人
第一次課金,請笑納🙏🏻本來想睇你的演唱會,不過時間夾唔到,預祝演出成功🎉
好感動, 雖然光哥自嘲佢自己唱歌無無聊聊, 唯一最唔放心的, 就係如果以後唱不到逗人歡笑的歌, 怎算好? 然後 AI 的出現, 佢可以放心將呢個使命交畀佢...真的哭了...
一啲都唔無聊。反而覺得佢唱嘅歌能夠代表到當時香港嘅情況。呢首歌聽落去好好。亦明白到時代嘅更替⋯
唔係玩嘢, 個MV 睇到最後真係喊出嚟
由粵曲, 流行曲, 口水歌同Rap, 世上就只有一個歌手嘅曲風可以盡數囊括, 佢就係尹光
同意
商台造馬可以造到人神共憤!走哂音都可以攞獎,尹光就白坐一場!
最重要,尹光係上幾代歌手,但佢仲會不斷求變,創新~ 跟時代很貼~ 唔會只停流在過去曲風等~ 真心RESPECT 🫡👍🏾
Bridge 的那四句真的是回味無窮。
如果 AI 沒有出來接唱,光哥親自唱:「我唱著無無聊聊從未太閃耀,我在唱日日夜夜為搏你一笑」的話,這句的意思就是自嘲從來沒有大紅大紫,一直唱下去也只是為了傳播歡樂,這就是我一路走來唱了這麼多年的原因。
AI 出來接唱卻讓一切都改變了。原來這個世界還有這樣的一種可能性,那麼光哥就放心了,就是人老了不能再唱出跟年輕一樣的水準,也還有 AI 接棒為大家帶來我想傳播的歡樂。
我特別特別感動的是光哥用了全個 MV 最認真的表情唱出了 「我把這個使命過繼 AI 了」 。傳播歡樂就是最重要的事 AI 來唱還是親自來唱都無所謂。
完全認同
寫得真好.
仲要係AI 特登用返光哥唱諧趣歌嘅唱腔嚟表達AI 可以延續到光哥將歡樂帶比人嘅使命
這首歌這個 MV還有很多很多細節值得品味。在現在這個只為了流量而推砌彩蛋的世界,我們還能夠看到這樣為了圍繞主題而堆滿細節的作品實在難能可貴。
Well put
新城勁爆榜升上第三位,恭喜光哥
光B係唱緊個情懷出黎,無咩特別技巧但個感情湧到瀉,一首歌好似聽緊由佢既年代去到而家既畫面,用佢獨特既唱法唱緊現代編寫既歌曲風格,fushion野唔係個個岩但佢handle到,肯試肯改變呢種香港人精神只能講句respect!今年我最喜愛唔投你真係唔知投比邊個。。