Doulce Mémoire - Puisque Vivre En Servitude
HTML-код
- Опубликовано: 15 сен 2024
- Paroles:
Puisque vivre en servitude
Le devoye triste & dolent,
Bien heureux je me repute
D'estre en lieu si excellent
Mon mal est bien violent,
Mais amour l'ordonne ainsi,
Vueillez en avoir merci.
Vostre beauté sans pareille
Ne doit prendre à déplaisir,
S'a l'aimer je m'appareille,
Car on ne peult mieux choisir :
Si i'ay par trop de desir,
I'ay beaucoup de foy aussi,
Vueillez en avoir merci.
Autre bien ne veux pretendre
Pour mes plaintes & clameurs,
Sinon que vueillez entendre
Que c'est pour vous que ie meurs :
En mes yeux n'ha plus de pleurs,
Et mon coeur est si transsi,
Vueillez en avoir merci.
Vous seulle estes ma fortune,
Qui va mon bien mesurant,
Si vous m'estes opportune,
Peu me chaut du demourant :
Sans vous je vi en mourant,
Et m'est le iour obscurci,
Vueillez en avoir merci.
Au coeur des bestes sauvages
Rigueur loge proprement :
Mais sur les humains ouvrages
Amour ha commandement :
Et toutesfois en tourment
Me tient le vostre endurci,
Vueillez en avoir merci.
Ce vous est peu de conqueste
D'aller ma fin poursuyvant,
Bien vous seroit plus honneste
Sauver le vostre servant :
Un qui pourroit en vivant
Vostre nom rendre esclarci,
Vueillez en avoir merci.
Interprète: Anne Quentin
----
Images tirées du film: De la servitude moderne:
www.delaservitu...