النرجسي الكريم ( السر وراء كرم النرجسي )
HTML-код
- Опубликовано: 15 сен 2024
- ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتس اب الحجز 00971568496791
لينك الواتس اب wa.me/message/...
العطاء القهري عند النرجسي
على عكس المعروف عن طبيعة النرجسي من بخل وانانية ونقص تعاطف وعدم إحساس بالاخرين بنلاقي بعضهم عنده كرم رهيب مع الناس، أي حد عايز أي حاجة يجبهاله، يدي فلوس، يشتري هدايا غالية جدا لاهله ( ما عدا مراته طبعا، ضحيته ) ويصرف بالهبل وكأنه في منتهى الكرم والإنسانية !!
مع انه في نفس الوقت بيبقى بخيل جدا على مراته، مش بيجبلها حاجة خالص ولو طلبت حاجة محتاجاها يقولها لا ويذل فيها ويهينها وفي الاخر ممكن يجيبها وممكن لا ولو جابها هيقعد يذل فيها سنة بعدها
طيب ايه السبب الحقيقي ورا كرم النرجسي مع الناس كلها والعطاء ببذخ كدة ؟؟
اول حاجة طبعا جذب الانتباه والاعجاب والتقدير من اللي حواليه فبيبقى عايز يرضيهم بأي طريقة عشان يشوفوه شخص كويس ويعجبوا بيه ويمجدوه ودي اهم حاجة عند النرجسي ، كمان أحيانا بيكون العطاء ده نوع من أنواع التلاعب بالاخرين عشان يحسوا دايما انهم مدينين للنرجسي ، انه ليه فضل عليهم ، بيخلي التلاعب بيهم والسيطرة عليهم اسهل
و حاجة مهمة اوي للنرجسي،انه بالطريقة دي بيقدر يلهي الناس عن افعاله السيئة وتصرفاته الضارة، الناس بتشوفه شخص كريم ، مش حارمهم من حاجة ، بيوفرلهم اللي عايزينه من غير ما يطلبوه حتى فالبتالي لما بيتصرف تصرف غير لائق هيقولوا اكيد مش قصده وهيلتمسوله ميت عذر .
كمان النرجسي بيعمل حاجة زي ميكانيزم دفاع كدة يدافع عن نفسه ضد المشاعر الدونية الداخلية ، يعني ايه يعني هو داخليا حاسس بالنقص او العجز فيحاول يقدم نفسه كشخص مخالف تماما للصورة الداخلية كمحاولة لاثبات لنفسه انه كويس ، بس برضه مش بينفع .
واحيانا بيكون العطاء ده مشروط ، يعني هديك اللي انت عايزه بس في المقابل ولاءك ليا ، خضوعك الكامل ، لو عايزني افضل اديك يبقى هتاخد على دماغك وتسكت هتفضل تحت سيطرتي وتصرفي و الا هوقف العطاء ده .
ده غير طبعا ان العطاء ده بيحسس النرجسي انه فوق البشر وفوق الناس اللي بيديهم اذكى منهم واقوى منهم واشيك منهم وبيفهم اكتر منهم و بالتالي محتاجين ليه ولمساعدته لانهم معندهمش الخبرة والذكاء الكافي زيه فدايما محتاجين ليه .
وبما ان النرجسي عنده رعب دائم من الهجر والوحدة فهو بيستخدم العطاء الزايد ده عشان يضمن ان اللي حواليه يفضلو دايما معاه وعمرهم ما يبعدوا عنه ، بيخليهم يدمنوا عطاءه عشان يفضلوا تحت سيطرته تماما، دايما محتاجين ليه وبالتالي ميقدروش يسيبوه ولا يبعدوا عنه .
النرجسي من النوع ده تلاقيه دايما بيلوم الناس اللي مش بتدي ويستنكر البخل ويبقى شايف انه بيعمل تضحيات عظيمة جدا بعطاءه ده وان مفيش حد زيه ومفيش حد بيدي كدة
في نفس الوقت هو شايف ان الاخد استغلال ، فدايما حاسس ان اللي حواليه بيستغلوه عشان بياخدوا منه كتير ( رغم ان هو بياخد كل ما تملك ضحيته وهو مرتاح البال تماما وشايف ان ده حقه لانه متخيل انه بيمتلكها وبيمتلك أي حاجة تخصها ) المهم ان احساسه انه مستغل طول دايما بيخليه طول الوقت حاسس بالاحباط والعدوانية ، وخلي بالك ان في بداية العلاقة هو بيستخدم العطاء ده في الهوفرينج عشان يتلاعب بالضحية ويسيطر عليها ويوهمها انه ميزته انه بيحب العطاء وبيدي كل الناس اللي حواليه كل اللي يقدر عليه وطبعا في المرحلة دي بتبقي واحدة منهم ( ولكن في حقيقة الامر هو عمره ما حس ان العطاء متعة بل استغلال واستنزاف). تناقض المشاعر الداخلية عند النرجسي
وطبعا بيدعي طول الوقت ان عطاءه ده دون مقابل وانه مش مستني حاجة من حد، لكن هو طبعا مستني التمجيد والثناء والولاء والطاعة ومستني برضه من الناس رد الجميل ورد الهدية مع انه هتلاقيه كتير بيرفض الهدايا والمجاملات والمساعدات من الناس عشان يبان انه متواضع ولا ينتظر المقابل من احد، وانه بيدي عشان هو بيحب العطاء فقط مش عشان هو مستني مقابل من حد وعشان وقت اللزوم لما يجي يصطاد ضحية جديدة يوريها هو ازاي بيدي كل اللي حواليه بس هو محدش بيديه حاجة ولا حد بيعمله حاجة
انتي بقى كزوجة نرجسي مطرودة من الرحمة والعطاء الوهمي بتاعه مفروض انك فهمتيه فلا تزعلي ولا تنقهري وتقولي اشمعنى انا بيستخسر فيا ليه انا بيكرهني خلاص عدينا كل دة ودلوقتي وقت الذكاء بقى ازاي تدخلي في زمرة الناس اللي بتاخد بدون حساب دول ؟ بيني له انك مستغنية عنه اشتغلي واستقلي عنه وحسسيه ان فلوسه مش لازماكي حيكون حريص كل الحرص انه يديكي عشان يضمن ولائك وطبعا كل دة بعد التعافي والقوة ، اما لو انتي لسة في اول الطريق فتجاهلي العطاء اللي بيديه للناس وابدا ماتنوهيش ان الموضوع فارق معاكي عشان هو مايستغلش الحكاية دي في ايذائك وغيظك ، بالعكس شجعيه وقولي له اكسب ثواب ،صحح النية ، كلام يبين انك مبسوطة باللي بيعمله ومن وقت للتاني تفكريه بحديث سيدنا خيركم خيركم لاهله في وسط الكلام ولو قال لك انا خيركم لاهله اطلبي في لحظتها حاجة ضرورية ناقصاكي وقولي له فعلا انت كذلك بس انا محتاجة الشيء الفلاني . انتهزي كل فرصة تاخدي فيها حقك
#صحةـنفسية #القوة #الاكتئاب #النرجسي #النرجسية
النرجسى الغبى مش معتبر مراته اهله اصلا...هو اهله اللى ربوه ....قصدى اللى معرفوش يربوه لانه قليل الرباية
هههههههههه😂😂😂 عسل ضحكتينى 😂
ضحكتيني والله
شر البالية ما يضحك
الحمدلله الذي عفاني يارب
زوجته يعتبرها أَمة مملوكه مالهاش اي حق هذه والله الحقيقه انا عشتها 36 سنه حسبي الله ونعم الوكيل
@@Doona0754 ايوه فعلا ده اللى اكتشفته وكنت بكدب نفسي ف الاحساس ده
بس فعلا صح
و الله عسل و قشطة و شهد اضحك الله سنك و جعلك من سعداء الدارين
فى نقطه خطيره
ربنا يكرمك بجد حبيبتنا حسيت انك الوحيده اللى مصدقانا
والله يا دكتوره لما كنت اشتكى لحد يفتكرونى بشيل العين عن نفسي علشان متحسدش على الزوج الكريم كرم الخيال اللى انا متجوزاه دا
بننزل من الامارات والله كانه بابا نويل يفرق بالبذخ وتليفونات وفلوس الغربه كلها على الفشخره وحرفيا محسسسسوده عليييييييييه
تخيلى 😅 انا ماسكه تليفون مستخدم معفن وهوا بيفرق موبايلات
وبيشترى لكل اخواته هدايا دهب وامه وانا متغربه معاه اقوله مش هتجبلى زيهم يقولى لا
هما اهلى وبيقفوا جنبي لو احتجت هيبعولى الدهب دا وانتى لا حرفيا بتجلط منه
وشوفى بيعاملونى ازاى طبعا بيعظموا جلالته فتره وجودنا فى مصر واحلامه اوامر ويطبخوله ولو قال الغراب ابيض يقولوا امين لانهم نرجسين زيه
طيب بيعاملوه كدا شهر اجازه ويغوروه انا اللى متغربه معاه مقدرش اتملقه طول السنه لان انا شيفاه اغبي مخلوق وسفيه ومريض نفسيا ومختل
وبقوله كدا صراحه لان غربتنا كلها رايحه للفشخره وعندى ولاد معملهمش حاجه كلللللله على اصحابه واخواته وبنات القهاوى هنا وطبعا اكتشفت علاقات وزنا لدرجه بيبعتوله فواتير لبسهم يدفعها
وانا طلعت مجرد ديكور قدام الناس مراتى محترمه وبنت ناس بيمثل بيا الشكل الاجتماعى وهوا قاهرنى نفسيا وعاطفيا ومفيش لا كلمه طيبه ولا علاقه ولا هديه ومانعنى اشتغل الذل وبس معااااه
اكتشفت انى شغاله ستاااااااااره اه والله
بس جيبت حكم محكمه بالنفقه الاول وباخد بالغصب منه وهيتقهر منى وبالفلوس اللى اخدتها
رفعت طلاق علشان كمان اخد حقوقى كامله هنا منه
وفى المحكمه بقا ادعى الفقر وجاب ورق أنه عليه دين وقروض علشان مصمم يحرمنا
وفضحته لما اكتشفت انى عايشه مع مستغل وقذر ومتلاعب واتحولت اى ضرب ولا شتيمه أجرى اعمله محضر وعايش مهزوز وخايف من الفضائح ومن التفنيش
وربنا ينصرنى عليه والناس كلللها شايفه انى جاحده النعمه ومفتريه عليه الطيب الكريم ظا و
طبعا
تشويه سمعه شغال بسس ولا هممنى مش شايفه غير انى لازم اخد حق عمرى
من عينه وبسسس
ادعولي ربنا ينصرنى عندى جلسه يوم 21/3
اعووذ بالله ابليس والله ابليس
الله ينصرك عليه خليك واثقه من نفسك و الله معاك بإذن الله
ربنا ينصرك
ربنا معاكي وإن شاء الله هينصرك عليه
نفس زوجي ..حتى وقت المشاكل يوقفو معو ضدي
وعشان لما احكي صفاتو ما حدا يصدقني . لأنهم بشوفو شخص كريم و حنون والخ ...
نفس الشئ مثلي لما اروح اشكي لأهلي بألولي انت مبتعرفش النعمة لي انت فيها واحد معارف الجحيم لي انا عيشاه
صح والله
اللهم اجعل لأهلنا في غزة وسوريا والسودان ولكل مبتلى ومعتقل من كل هم فرجا ومن كل بلاء عافيه ومن كل ضيق مخرجا قريبا يارب العالمين
اللهم آمين
مع أهله بقى بيدفع غصب عنه ولو مدفعش بياخد بالجزمة
والله يا دكتورة انا بكون محطمة نفسيا اول ما بسمعك برتاح نفسيا جدا ربنا يديكى الصحة ويخليكى لينا
انا ما كنتش عارفة اعيش بعد ما سمعتك قدرت اعيش حياتى شكرا
كل الحب والتقدير والاحترام لشخصكم المحترم جزاكم الله خير الجزاء عنا يارب
من فضلك عايزين حلقات للحفاظ على أبناء النرجسي ونفسيتهم
وصف رائع احيانا الكرم يصل الى حد الغباء بحيث في نص الشهر او اقل تخلص فلوسه ويقول لاهل بيتو انتو مصاريفكم كثيرة في حين انه يبذر الفلوس على ناس وفي حاجات ليس لها داعي مجرد ليحصل على شكر اونا اعرف انهم يستغلونه وهو يعرف ذلك اكثر ولكن التبذير ادمان مرضي والعياذ بالله
فعلا يادكتور صدقتى اى حد ممكن يعمل صدقة او خير ويخالف شرع ربنا ويتبعها بمن واذى يبقى انسان مش سوى وبيعمل اعمال مش لوجه الله انما رياء
حسبي الله ونعم الوكيل في كل نرجسى وظالم
ربنا قادر ينتقم منهم دنيا واخرة
دكتورة ماهو السر بتحول النرجسي في رمضان الى حمل وديع وكل ما بطلب منو فلوس للأولاد بيعطيني انا متفاجئة جدا
لأن النرجسية سببها مرض روحي سحر عين حسد وفي رمضان الشياطين تتصفد تقدري تعالجية بالرقيه الشرعيه والنفث في الماء وخليه يشرب ويستحمى منها
لقد وصفهم القرأن الكريم بدقة شديدة قال تعالى(( لا يأتون الصلاة الا وهم كسالى ولاينفقون الا وهم كارهون)) النرجسيون المنافقون اللهم إنا نعوذ بك من النفاق والشقاق والرياء وسوء الأخلاق💔
المنافقين في الدرك الاسفل من النار..،،،،
احسنت واصبت بارك الله فيك هذا لانهم أظهروا الخير وابطنوا الشر وابتغوا بالعمل الصالح وجه غير الله ولمصلحة دنيوية استحقوا ذلك العذاب اللهم نجنا من القوم الظالمين المنافقين ولا تجعلنا مثلهم أو معهم 💔
موشرط اعرف نرجسين بحياتهم ماماخرين فرض وصلاه صبح وليل ونوافل وتعقيبات وزيارات وعمره
@@ايوحيدرحسين كله تمثيل ياروحي اشياء ينسبوها لانفسهم انهم فاضلين
حسبنا الله ونعم الوكيل في كل ظالم متكبر جبار
ماتقدريش تقولي انه كرم حتي لما بيدي لاخواته حاجات كتيرة وغالية كان بيعاملهم معامله فيها من واذى ويدي لاولاده مصروف ويتحكم هايشتروا بيه ايه وانا بقى فوق مصروف البيت مافيش مليم ليه ولو مريضة او سناني وجعاني يقولي روحي لابوكي يديكي وابويا متوفي فاباضطر اخد من مصروف البيت عشان اشتري بعض احتياجاتي بس بناكل كويس والحمد لله
كلامك كله صح... مع اهله الكريم اللي مالوش حدود ومعايا بالعافيه... ياريت تتكلمي عن كتمان النرجسي وليه يخبي عن مراته الأمور الماديه... ليه نفسي افهم
متل زوجي هيك مابتكلم وبخبي وهو فعلاً كريم جداً غريب كتير
ما شاء الله انا لعتبرك قدوة ليا يا ماما كوصر الجميلة، ربنا يقويكي ويتقبل منك ويكرمك دنيا واخرة ويا رب يعينني ابقى زيك كده ويسهلي المواظبة والالتزام 💕
سلامتك أستاذه/ كوثر ..ماتشوفين شر ..أجر وعافيه ...بالفعل كلامك كله صح ..بالذات مع الزوجه بخيل ويحب يذل للاسف 😔 الله المستعان ...ربي يحفظنا ويحفظ عيالنا يارب العالمين ياحي ياقيوم...جزاك الله خير
أنا اللي عندي كريم جدا جدا مع الناس لكن أنا وأولادي بخيل جدا علينا 😢
بالضبط زوجي كريم على الغير بشكل مبالغ فيه أما لي لا يعطيني الا بعد معاناة شديدة.
لذلك لايصدقوني اذا تكلمت انه مقصر معي .
صدقتى فى كل كلمه الحمد لله العاطى هو الله كل فعل بالمن والأذى منه لله الحمدلله أن الرزق بيد الله سبحانه وتعالى ليس بيد أحد
كلام حضرتك كله صح هوه بيعتبرني من املاكه ولا بيستحي ياخد اي مليم يطوله مني باي حجه بس صعب اني اوافق على عطاءه لاخواته ولو بالكلام وهو بيستخسر الاكل اللي بيجيبه البيت وبيذلني بيه اللهم جازه بما هوه اهل اليه
عآآجل انطلقت سـفينة الصلاة على النبي 🌸 محمدﷺ 🌸 فاركب معنا ولا تكن من الغافلين 🥺
فيديو فى الجو ووووون كل حرف فيه
بيطمنى ويعرفنى انى صح فى حكمى عليه
بيستخسر فينا الهوا اللى بنتنفسه
حبيبتي يا ماما كوثر ❤❤
اللوك بتاع حضرتك جميييل جدا
أنا بحبك أوووي يا ماما كوثر ❤❤❤
بارك الله فيكي وجزاكي خيرا وجعله بميزان حسناتك ،وربنا يزيدك من العلم والمعرفه كمان وكمان ويفبض ربنا عليكي من فضله وكرمه ،وتكوني دايما سبب لتوعيه المظلومين واللي مش فاهمين ..وتوضحي ليهم الصواب ..شكرا شكرا لكي يافاضله
رب يسر أمرك ويجبر بخاطرك جبراً تتعجب منه ملائكة السماء وأهل الأرض
تقبل منك الصيام والقيام وصالح الأعمال ورزقك العتق من النار وجميع المسلمين والمسلمات والمؤمنين والمؤمنات الأحياء منهم والأموات آمين يارب العالمين
والله لما تنحكى قدامه خيركم لاهله . بصير يحكي انا احسن واحد مع اهلي وبحكيلي انتي مش من اهلي . وبضل دايما يحكيلي انتي غريبة عني ليش اصرف عليكي بصرف ع اهلي وولادي انتي ما الي .خل فيكي . حسبي الله ونعم الوكيل . حتى مانعني يكون الي اي دخل لو من اهلي يعني لامنو ولامن اهلي ولا حتى انا ادبر اموري اصرف عحالي
بيحب يكون ماسر عين اللي حواليه وحواليكي دايماً مش بيعمل لله كل حاجه وراها هدف فعلاً
طبقت معاه خيركم لأهله🤡قلي المقصود اهلي امي واخواتي😪
مع النرجسي مش حتغمضي عينيك😅
العيشة معاهم قرف، بيتلنو و تحولو زي التعابين، ربي ينصفني و يجيب لي حقي في هاد الشهر الكريم 😢
وبيكره الناس الناصحه اللى بتصرف القرش فى مكانه
وبيكره سييرتهم
حصل حصل والله بيقول عليهم بخلاء هههههه كيف الله اعلم
ألف سلامة عليكِ يا أستاذة كوثر العزيزة 🌷💗
فعلا هم يستخدمون المال كنوع من التسلط و حق التحكم ولذلك مايحبون الي معهم (زوجة _أخت...) ان يكون لهم استقلال مالي أي ان يكون عندهم مالهم الخاص او وظيفة .
٢١ صح كلام حضرتك، دايما كان يقول انتي غريبة والعيال اجيب غيرهم، والخير كله لأهله وبعد الصبر اتجوز عليا واحدة معاها ٣عيال ورمانا، وعاوز يكون راجل قدامها وانا اروح لحالي،، بعد الصدمات وموت والدي قررت الطلاق عشان تعبت ومعادش فيا حيل والبنات كبروا ولو عاوزين يكونوا معاه عشان مصلحتهم مش حقف ضدهم وربنا يحفظهم، والحمد لله على كل حال
ولكن هو حتى معي كريم جدا ولكنه يمتلك صفات النرجسي القاسي جدا
فعلا نفس الشئ
وانا كمان
كيف التصرفات مع القسوه إلي بيعملها لأني نفس الشي ومع كثرة القسوه هربت من البيت بما تنصحوني
نفس الشي
بعض النرجسيين يحاولون السيطرة على الضحية بالكرم الزائد حتى تتعلق به خاصة لو مش معاها مال او وظيفة
تحليل دقيق د. كوثر ابدعتى مستنياكى❤❤
مش الكل انا كان لا يديني ولا يريدني اشتغل
اقنع بالموجود من اكل وشرب بس
مع انه معه ملاييين
حسبنا الله ونعم الوكيل على كل نرجسي
الف سلامة عليكي استاذة كوثر وشكرا للفيديو التحفة
انا كانت صديقتي الانتيم كده تقريبا
المهم كانت بتصرف عليا بجد عشان احنا كنا فقرا وحرفيا ممعيش مصاريف اجيب بيهم نسخ الجامعة واي حاجة مدفوعة بالمدرسة مش بجيبها
بس لاحظت بعدين انها كانت اكنها بتشتريني
ولما بتكلم عن اشخاص اداهم ابوها بتفضل تقول انهم لم يراعوا كرمه معاهم ده هو اداهم كذا كذا ألف درهم (يعني بتقولي المبلغ)، وطبعا بعد سنين ولما خلصنا الجامعة حاولت أطلعها من حياتي بالراحة، وهي لاحظت طبعا، وجات مرة تتأكد من حالي معاها وتاخد مني شوية وقود، انا كنت مذاكرة الفيديوهات فوق الممتاز، ف بقت لطيفة بس مديتهاش وقود، بعدها لما خلص اللقاء قامت تفتح حقيبتها بس تراجعت ثانتين، بعدها فتحت الحقيبة واداتني مبلغ كده حلو
تقريبا هي كانت عايزة تتأكد اذا انا لسه تحت السيطرة عشان تشتريني كمان، بس احساسها ان الوقود مفيش كان صادق فا كانت هتتراجع، بس انا كنت لطيفة ومحسستهاش ان في حاجة اتغيرت، فقررت تديني المبلغ ..
والله براحتها وألف شكرا، بس تبقى عطاء لله، لو مش كده انا مش عايزاه، وبردو اتعلمت أحمي نفسي منها ومن كل النرجسيين لي حواليا
شكرا اوي اوي ليكي يا استاذة كوثر على كل المعلومات القيمة دحنا حياتنا اتغيرت كلها
زوجي نرجسي ظاهر بس كسلان ومابيشتغل باستمرار بس وقت في معو بيحب تبزير وهل ممكن يكون نرجسي ظاهر وضعيف بنفس الوقت
أسألكم واسأل السيدة كوثر.. كيف وان النرجسي يدفع الصدقات لله كل يوم وبكثرة... نعم وكذلك يكرم الناس بكثرة.. كيف أرجو الجواب أخوات واخوان... ؟ ؟
ماسبب دفاع النرجسى عن زوجته لو اتظلمت من أهله
وهل دة جزء من دفاعه عن نفسه
وانا بس الليئ اه يا نهار واذلها
الله عليكي .. الله عليكي الله عليكي اجمل دكتوره
يا ربي تقري تعليقي و تساعديني أنا بنتي عمرها ثلاث سنين و ابوها و جدتها النرجسيين بدؤوا يدخلوا في مخها الأفكار المسمومة و يحاولوا يخلوها تتعلق بيهم المشكل انو كل ما امنع زوجي ياخذ البنت عند جدتها النرجسية بيقلب الدنيا و يمنع المصروف و يهدد بالطلاق . و طبعا هي لقت الموضوع بيعمل مشاكل فزادت عناد و حاليا عامل صمت عقابي من ثلاث شهور أتصرف ازاي هل اتطلق أو اسيب بنتي تروحلهم و لما تكبر حتفهم من نفسها انهم مؤذيين
لاحول ولا قوة الا بالله العلي العظيم...كان مسافر ورجع ابنى كان عنده ١٠ سنين...قلب ابنى عليا فى ٣ سنين...وضيع تعب ١٠ سنين فى تربيته....ربنا ينتقم منه هو وأهله الواطيين
@@Username-wu2ps حسبنا الله و نعم آلوكيل
إذهبى معاها ما تسيبهاش لوحدها عندهم
@@sabahabdelsamie5447 لما اروح معاها تتعمد تهينني و تتحكم في كل تفاصيل حياتي أنا ما صدقت حطيت حد و قطعت تواصل معاها نهائى
بنتك صغيره اشغليها بشي ثاني غير بيت جدتها مثلا اعزمي صحباتها او دخليها نادي . الهدف انك تقللي الوقت الي تقضيها في بيتهم ومع الايام تقدري تمنعي بس البدايه تقليل وعدم المواجهة . انا عانيت مع هالموضوع ولين اليوم اعاني منه بس دايما اشغل اولادي عنهم وأحسسهم انهم مش مهمين وان يوم واحد كفايه عليهم وافضل من نصيحتي اذا تتقابلون في الحديقة او مكان عام قدر الإمكان عشان الاولاد ينشغلو عنهم
بارك الله فيك... كلامك صحيح
طلع ابويا وامي عمره وفضحهم في كل حته انه طلعهم جاب هدايا كبيره لاخواتي في جوازهم وكل شويه يعايرني ولما واجهته قدامهم نكر وللاسف ماصدقونيش
والله يادكتورة بأيت احسك عايشة معايا
معانا كلنا ،هههه
عزيزتي كوثر شكرا 🎉❤
والله يادكتوره جلده مانافع معاه اي حاجه
صدقتي كأنك تعيشين معانا
يعمل شنط رمضان ومائدة رحمن وبيته فاضي
أبي كان نرجسي وكريم مع الناس ومع أولاده وأمي كريم
اخويا الكبير كده 🙆♀️🤦♀️🤦♀️
تسلم ايدك 🌹
ربنا يذله يارب
يادكتورة عنا المفهوم الاهل همة ابوه وامه واخواته اما نحنا زيادة عدد جربته وجربتها امي قله انا احسن واحد بار في امه يعني احسن من الرسول عليه الصلاة والسلام يعني لما نقول هيك مارح يصدقو بفكرو انو نحنا نضحك عليهم حسبنا الله ونعم الوكيل فيهم 😢😢
بنات اللي زوجها النرجسي مايصوم ولايصلي لايك
فعلا😂😂😂شفت بعيني
جد يع☹️🥲🐥💔النرجسي مقرف😢
اصدق شي قرأته 😂
❤❤❤
كريم هههااااي😅😅😅😅😅😂
😳😳😳🤭🤭🤭
❤❤❤❤❤