طعم الحاجات مع عمر طاهر | الحلقة الرابعة - المحشي " اختبار كشف الشخصية"
HTML-код
- Опубликовано: 23 авг 2023
- المحشي " اختبار كشف الشخصية" مع عمر طاهر
#طعم الحاجات #عمر طاهر #الطعمية
انتهت الغربة
انتهت المغامرة اللي بتخوضها حباية الكوسة
في طريقها من الصينية
لحد ما تقابل الأرز في الطبق
أخيرًا اتقابلوا واشتبك مصيرهم في كيان واحد
المحشي
بيقولوا القراءة السهلة
بيكون وراها كتابة صعبة
نفس الكلام في المحشي
كل حاجة فيه سهلة
ماعدا تحضيره
سهولة أكله هي سبب شعبيته
على سفرة واحدة بيرضي ناس ملهاش علاقة ببعض
القطمة اللي بتدوب في بؤك بأقل مجهود
بترضي الطفل اللي لسه مخرجش من مرحلة السريلاك
وبترضي كبار البيت اللي أسنانهم مبقتش في أحسن حال
بترضي الكسول اللي عايز يشبع في أقل عدد خطوات ممكن
وبترضي الجرئ اللي بيسأل إذا كان لسه في تاني في الحلة جوه
شعبية المحشي عابرة للطبقات
زي صوت محمد رشدي
رصة مبهجة بتكلفة معقولة
زي جنينة الأزهر
المنافسة على الصدارة بين الفلفل والكوسة
الفلفل بيراهن على مزازة الغلاف الرقيق
اللي بيتقدم جواه كتلة الأرز
والكوسة بتراهن على صلابة ناعمة
بتدي الموضوع شوية جدية في مواجهة الكون
وفي خناقة الباذنجان الأبيض والأسود
بيخسر الأسود لأن غمقانه بروز المرارة
ويكسب الأبيض لأنه قدر يبروز التسكيرة
شروط الشراكة في المحشي صعبة جدًا
بيرفض كل أنواع الطبيخ جنبه
ماعدا الملوخية
بينتصر للفراخ البلدي على أي مشويات غالية
ومن بين كل المقبلات اللي ربنا خلقها
مبيرتاحش لحاجة قد اللفت البلدي
المحشي بيقدم للواحد مشاعر شبه
مشاعر رجوع البني أدم لأهله وبيته بعد سفر
وتعب تحضيره فيه بهجة
زي بهجة تعب رفع الصيفي وتنزيل الشتوي
أكلة فيها ونس
شبه ونس فيلم الحفيد
وشقق العمارة بتميز الشقة اللي طابخة محشي
بالسهولة اللي بتميز بيها تتر برنامج الشيخ الشعراوي
أكلة ضحكتها خفيفة لكن تلمس القلب
زي قراءة فاتحة بنت عمتك
وممكن تستخدموا كاختبار شخصية
اللي بترمي حباية قرنفل جوه خلطة الأرز
ست بتعرف تسوي
اللي بتسويه في حلة
أم بالفطرة
واللي بتسويه في الفرن
الشاي والرغي معاها منتهى السعادة
اللي بياكل الحباية على بوء واحد
شخص يمكن الاعتماد عليه
اللي بيفضي شوية أرز عشان يستطعم الخضار
شخص حكيم ممكن تستشيره
اللي بيرمي معلقة ملوخية على حباية الفلفل
ده فاكهة العيلة حرفيًا
ممكن تعمل لنفسك أي شوية أكل وتقعد تاكل لوحدك
ماعدا المحشي
بيجبرك دائمًا تدور على حد تقسم معاه
لو المحشي بيغني هيقولك القالك حبيب
أكلة فلسفتها اللمة والزحمة
بس مش زحمة كوبري أكتوبر الظهر
أقرب للطافة زحمة المولد
المحشي أكتر أكلة تطبطب بيها على حد
وأسهل طبق تجني بيه شوية مودة
وأكتر أكلة بتحقق مقولة شعر مجهول
بعد امتلاء المعدة، يبدو كل شئ وكأنه قصيدة
bit.ly/Yalla_Zest_YT لا تنسوا لايك للفيديو واشترك في قناتنا لمشاهدتنا كل وصفاتنا:
bit.ly/All_From_Zest اتفرج على وصفات أكتر من هنا:
Follow Zest on Social Media :
FACEBOOK : bit.ly/Yalla_Zest_FB
INSTAGRAM : bit.ly/Yalla_Zest_Insta
RUclips : bit.ly/Yalla_Zest_YT
#zest #yallazest #زست 
Хобби
الله عليك يااستاذ عمر الله على فلسفة المحشى وضفيرة المشاعر اللى المحشى بيضفا على اللي بيكلوه تحياتي ليك ولفريق عملك 🌹
انت السهل الممتنع اد ايه انت شبهنا
الله على جمال الكلام الى احلى من الاكل لكن التشبيه جميل الاكل المصرى
الجميل الى زى حضرتك يا مصرى يا اصيل ربنا ما يحرمناش منك ابدا
ابداع لذيذ استاذ عمر طاهر
مش ممكن رائع 👍👍👍👍👍💖
الله المحشي واللفت المخلل😍 وخصوصا لو بتنجان أبيض
انا جعت 😊
أرخم حاجة فى الحلقات دى انها بتخلص بسرعة.. ماتجرب تعملها ٣ ساعات 😅😅😅
اذكر انني خلال سنوات اقامتي الخمس في القاهرة قدر لي أن اهدي صديق مغربي حلة محشي مع بطة مشوية وللمفارقة كان صديقي في ذلك اليوم مريض ويقيم لوحده، الاثر الذي تركه هذا التصرف في وجدانه بالرغم من بساطته كان عظيما جدا وبالمناسبة عزمني صديقي بعد ذلك مرات كثيرة وهو يذكر حلة المحشي ولم ينس الجميل البسيط لغاية اليوم ...
مش ممكن يا اخي كده
تحفههههه
فين أهم طبق ورق العنب أجمل أكلة في العالم !!! و فين محشي الكرنب !
رائع كعادتك يا عمر ❤️