گفتوگۆی باڵۆن لەگەڵ نووسەری بەنێوبانگ ئازاد بەرزنجی
HTML-код
- Опубликовано: 20 мар 2024
- ئازاد بەرزنجی: وەرگێڕ و سەرۆکی دەزگای سەردەم
• "وەرگێڕان دەبێتە هۆی دەوڵەمەندكردنی زمان" خولەکی 08:00
• "شەقام و شۆستەكان پڕبووە لە نووسین و وەرگێڕانی خراپ" خولەکی 15:00
"وەگێڕێكی نەزان، لە نووسینێكدا (گلانی ئەسپێکی) بە هەڵە وەرگێڕابوو، لەجیاتی بنووسێ ئەسپەكە گلا یان كەوت، نووسیبووی (كەبابی ئەسپەكە)". ئازاد بەرزنجی نووسەر و وەگێڕ و بەرپرسی دەزگای سەردەم، لە بەرنامەی گفتوگۆی باڵۆن، بەو جۆرە باس لە نوكتەكانی بواری وەرگێڕان دەكات و جەخت لەوەش دەكاتەوە كە کتێبی وەرگێڕدراوی خراپ بە لێشاو لە كتێبخانەكاندا هەیە، ئەوەش بۆ ئەوە دەگەڕێتەوە كە "لە كایەی وەرگێڕاندا هیچ چاودێرییەك نییە، بۆیە شەقام و شۆستەكان پڕبوون لە نووسین و وەرگێڕانی خراپ".
ئازاد بەرزنجی لە زمانەكانی عەرەبی، فارسی و ئینگلیزییەوە وەرگێڕانی هەیە بۆ سەر زمانی كوردی و 18 کتێبی وەرگێڕاوە، بەڵام لەنێو كورد دا شكور مستەفا و عەزیز گەردی و عەبدوڵڵا حەسەن زادە، بە كەسانێكی شارەزای بواری وەرگێڕان پێناسە دەكات و دەشڵێت "هێمنی موكریانی زمانێكی جوانی باڵای شیعری هەبوو، كە هەمیشە بۆ من جێگەی سەرنج بووە".
ئازاد بەرزنجی، لە سەرەتاكانی كاركردنی خەیاڵی بۆ ئەوە نەچووە كە ببێتە وەرگێڕ، چونكە لەكاتی لاویدا كتێبخانەیەكی گەورەی لەبەردەست نەبووە تاوەكو هۆكاربێت بۆ ئەوەی بەرەو دونیای نووسین و وەرگێڕان هەنگاو بنێ. بەبڕوای بەرزنجی وەرگێڕ دەبێت پاشخانێكی رۆشنبیری فراوانی هەبێت ئەوجا دەبێتە وەرگێڕێكی باش و گوتیشی "قورسترین وەرگێڕان، وەرگێڕانی شیعرە، زۆرجار لە وەرگێڕانی شیعردا فۆڕم دەبێتە قوربانی".
ئازاد بەرزنجی، یەكەمین كاری وەرگێڕانی لە 1979 لە گۆڤاری بەیان بڵاوكراوەتەوە، تاوەكو ئێستاش لە كاری وەرگێڕان بەردەوامە و دەشڵێت "وەگێڕان هۆكارێكی پێشكەوتنی گەلانە، هیچ شارستانیەتێكیش بەبێ وەرگێڕان دروست نابێت، لە هەموو ئەوانە گرنگتر ئەوەیە، وەرگێڕان دەبێتە هۆی دەوڵەمەندكردنی زمان".
ئازاد بەرزنجی، سەرەتاكانی كاركردنی بەشانۆ و دراما دەستیپێكردوە، لە كارێكی دیاری درامای دوای راپەڕینیشدا بەشداربووە، ئەویش درامای (گۆڵە مێخەك)ـە، كە كاتی خۆی ئەو كارە دەنگدانەوەیەكی باشی هەبووە، چونكە لەو درامایەدا چەندین هونەرمەندی بەزموونی وەكو مستەفا ئەحمەد و كەمال سابیر و عوسمان چێوار رۆڵیان گێڕاوە.
كاتێك رەنج سەنگاوی پرسیاری ئەوە لە ئازاد بەرزنجی دەكات، ئایا هیچ رستەیەكی دراماكەی بیرە تاوەكو لەنێو باڵۆنەكەدا بە شێوازی دراما پێشكەشی بكات، ئەو بە نەخێر وەڵامی دەداتەوە، چونكە مێژووی دراماكە زۆر دوورە و هی ساڵی 1991، بەڵام بۆ رازیكردنی پێشكێشكارەكە نمایشێكی دیكە دەكات، بە رەنج دەڵێ "ئەرێ بەراست ئەم باڵۆنە مەترسیدار نییە؟ ناكەوینە خوارەوە؟"رەنج یش نازانێ ئەو جۆرێكە لە نمایش، بۆیە بە جددی وەڵامی دەداتەوە و دەڵێت "نا نا خەمەت نەبێت". ئازاد دەڵێت "ئەوە نمایشەكە بوو كە داوات كردبوو خۆ خراپ نەبوو؟". رەنج پێدەكەنێ و دەڵێت "بەراستی وامزانی بەجددی پرسیار دەكەیت نەك نمایشكردن".
هەر لە نێو باڵۆنەكەدا ئازاد بەرزنجی، وەرگێڕ سەیرێكی خوارەوەی كرد لەپاش كەمێك روانین گوتی"نیشتیمانێكی جوانمان هەیە، بەڵام بەداخەوە لەبەرامبەریدا خەمساردین". لە كۆتایی بەرنامەكەشدا ئەوەی روونكردەوە هەر لە منداڵییەوە حەزی بە فڕین بووە و دەڵێت "ئەمەش جۆرێك بوو لە فڕین سوپاس بۆ ئێوە" . Развлечения
🇹🇯🇹🇯🇹🇯
احلى مقابله مع احلى ابن اخ الطاير مع كاك رنج الله يحفظكم وانتم ذخر للبيادر الكورديه الى المزيد بعون الله تعالى ..انتم مفخره لنا تحياتي ..البرزنجيه
Hîwadarîn Rudaw Media dest çêkirin û dûristkirinî. Fîlmî kurdî bkat.
Da ku ême neçarî fîlmî turkekan nebîn û temaşey neken
❤❤❤
🇹🇯🇹🇯🇹🇯🇹🇯
🇹🇯🇹🇯🇹🇯