Harbiy qasamyod tadbiri (TDPU-2021)

Yurtimiz yoshlari orasida harbiylik kasbiga, vatanga halol, sodiq xizmat qilishga bo'lgan muhabbatni kuchaytirish, ona diyorimiz xavfsizligiga daxldorlik hissi bilan yashashni yoshlar o'rtasida targ'ib qilish muhim vazifalardan biridir. Bunda yurtimizda joylashgan harbiy pedagog kadrlar tayyorlovchi oliy ta'lim muassasalari muhim ahamiyatga ega.
Xususan Nizomiy nomidagi Toshkent davlat pedagogika universiteti, Harbiy ta'lim fakulteti ham yurtimizning barcha hududlariga sifatli ta'lim-tarbiya olgan, mard, vatanparvar va eng asosiysi o'zidagi shu jihatlarni yosh avlodga yetkaza oladigan harbiy pedagog kadrlarni tayyorlash bo'yicha jadal faoliyat olib bormoqda.
Ushbu o'quv yilining so'nggida ham universitet yuzlab shunday harbiy pedagoglarni, mutaxassis sifatida katta hayotga kuzatib qo'ydi. 27-iyun kuni harbiy pedagog kursantlar "Vatan himoyasi-muqaddas burch" shiori ostida harbiy qasamyod qabul qildilar.
Ushbu jarayon haqida qiziqarli tarzda hikoya qiluvchi videorolikni e'tiboringizga havola etamiz.