كيفاش تفتح سناك ديالك وتنجح فيه بدون خبرة مسبقة!!

السلام عليكم متتبعي قناة سناك الأصدقاء، مرحبا بكم في هذا فيديو واللي غدي يكون سلسلة من الفيديوهات التعليمية و التوجيهية ديال أسرار و طرق الخدمة ديال السناك...
في هذا الفيديو غدي نهضروا على الموضوع اللي كيسولوني عليه العديد من الأخوان والاخوات في التعليقات، ديال كيفاش نقدر نحل سناك بدون خبرة مسبقة؟ واش ممكن؟ واش نقدر ننجح؟
انا في هذا الفيديو غدي نجاوبكم على هذه الأسئلة. وبقاو معايا حتى اللخر حيث غذي نعطيكم خلاصة شاملة باش تحلوا السناك ديالكم وتنجحوا فيه ان شاء الله.
ماتنساوش الاشتراك في القناة
/ @snackdesamis
المهم باش ندخل معاكم في صلب الموضوع بلا مقدمات، إلى كنتي من الناس اللي ماباغيش يضرب تمارا في الأول باش يوصل فالفيديو ماشي ليك...
حيث السناك او مطعم كايخد ليك الوقت فالأول فغذي تعول على واحد 10 حتى 12 ساعة ديال الخدمة يوميا، والى كنتي باغي نهار فالسيمانة فحاول تسد مثلا يوم الثلاثاء أو الأربعاء، و حاول تسد الجمعة فالصباح... وانسى الويكاند.
بالنسبة اللي عنده الفلوس وعنده خدمة أخرى وبغى غير يزيد المدخول الشهري ديالو، يقدر يدير سناك و يعطيه لشي واحد كراء ويتفق معاه على شهرية...
او ممكن انك تلقى شريك انت بالخدمة و هو برأس المال إلى كانت الثقة و الصبر حيث الشركة صعيبة، كتبغي ان الانسان يكون متسامح و متزن وصبور في نفس الوقت وملي مكتفاهموش خصكم تلقاو حل بيناتكم...
كيفما كيعرف الجميع باللي صعيب ينجح ليك اي مشروع بلا خبرة مسبقة، ولكن كاينين حالات خاصة كنعرفهم شخصيا نجحوا بلا خبرة فالضومين ديال السناك خاصةً.
مثلا تقدر تعتمد على حرايفي ثقة اللي يقدر سير ليك المحال و يعلمك أسرار الحرفة، و يعطيك المهارة اللي خاصك.
غير تهلا فيه في الخلصة باش يعطي جهده كامل وتشجعه انه يخدم معاك بإخلاص خصوصا ملي كتزاد الخدمة خاصك ضروري تهلا فيه مزيان... عطي باش تأخذ.
دابا غذي نعطيك بصفة عامة كيفاش تدرس المشروع بشكل عام و عاد غدي نعطيك فاللخر كيفاش تحط كلشي فالواقع و تبدا...
انا غذي نهضر ليك اليوم على مشروع السناك او مطعم الوجبات السريعة و اللي كيختالف على المطعم ديال الجلسة (الريسطو).
فاول حاجة خصك تعرفها : هي الطبقة اللي كتبغي هذه النوع من الاكل اللي هوما الشباب، و اغلب الكليان كيكونو من الطبقة المتوسطة، يعني انت ماغديش تحتاج شي بلاصة واعرة و كلاص باش الدير سناك ديالك، ولكن خص تكون بلاصة على شي شارع واللا زنقة كيدوزو منها الناس.
وقلب على شي بلاصة يكون فيها المنافسين اللي كيديرو بحالك قلال شوية.
ثاني حاجة خصك تعرفها: قائمة المأكولات اللي غذي ديرها، من الفيديوهات اللي غاذي يجيو معانا، فيديو ديال كيفاش تختار السندويشات اللي دير، وكيفاش تخدمهم.
كيف ما قلت ليك خصك تكون حافظ مزيان الطريقة ديال كل سندويتش و تكون طريقة سريعة باش تولف الكليان ديالك و تبهرهم بالسرعة اللي كنعتبرها من أهم الأسرار ديال نجاح سناك المأكولات السريعة...
دير شي سندويش خاص بيك، قلب على شي سندويش ماكاينش عند السنكات اللي حداك وديرو فسناك ديالك وحاول دير تخفيضات فالأول او عروض خاصة..
ثالثاً من أسرار نجاح السناك كذلك المذاق، حاول دير السندويشات بنان، مثلا متنساش الملح في العجين، والطياب يكون مقاد، وباش تحافظ على نفس المداق خاصك تبقى الدير نفس السندويش بنفس الطريقة واخا يتبدل الخدام خص تحاول تفورماتي الخدام اللي يجي جديد على الطريقة اللي بدا بها السناك من الاول.
رابعا كذلك من الأشياء المهمة الثمن، اختيار الثمن مشي شي حاجة ساهلة، الثمن كيتبدل على حسب جودة السلعة اللي غذي دير فالسندويش، وعلى حسب المنطقة اللي انت فيها. حاول انك تشوف قاع السنكات اللي حداك وشوف اثمنة ديال السندويشات اللي بحال ديالك ودير بحالهم او اكثر ومديرش قل وتيق فالجودة اللي كتقدمها ان شاء الله غذي تخدم.
خامس حاجة الفورنيسور، خصك تقلب او تعرف منين غدي تجيب السلعة اللي غذي تخصك، حاول الضور على الفورنيسورات اللي قراب و خذ اثمنة ديال السلعة، ودير واحد المقارنة، قيد كل واحد اشنوا غدي تقدى من عنده، سول ناس اللي خدامين فسناكات خرين، خذ معلومات وقلب في الانترنت باش تلقى اكبر عدد من الفورنيسورات.
حيث ضروري يكون عندك أكثر من فورنيسور.
سادس حاجة خصك ضبط السيسطيم او الطريقة ديال الخدمة، اللي كايبدا من البريبارسيون او كيفاش وشنو خصك توجد الصباح، مثلا إلى عندك الطاكوس خصك توجد صوص تقطع الخضرة الخ...
زيد على التوجاد تنظيم الكوزينة فإلى كنتي باغي تزرب و تكون الخدمة متقونة فواجب عليك توجد مراحل اللي كيدوز منها السندويش ديالك باش يوجد فمن لابلاك لفريتوز حتى موس اللي كتحطو فشي بلاصة خصو ديمة يتحط فبلاصتو... الخ
سابعا من الحوايج المهمة جدا جدا هو الاشهار ، فضروري اول حاجة دير شي علامة كتشعل و كتبين بأن هذا المحال راه سناك.. من بعد دير الفلايور طبع إشهار بتصاور زوينين جيب شي واحد واعر فالتصوير و دير شي فلايور يكونوا واعرين و فرقهم، و حط عندك فالمحل باش ناس ياخدهم معهم هكذا غدي يتعرف المحل من واحد لواحد...
حاول دير اشهارات في السوشال ميديا بحال فيسبوك انستغرام السناب...
لمراسلتنا عبر الصفحة الرسمية في الفيسبوك :
/ 101123675662206
اشنو هي الماكلة اللي مشية مزيان و نقدر نديرها في السناك
• اشنو هي الماكلة اللي م...
كيفاش نقاد ونجهز السناك ديالي؟ و اشناهو المتريال اللي خاصني ضروري باش نخدم؟
• كيفاش نقاد ونجهز السنا...
كيفاش ندير سناك بأقل من 5 مليون و فيه ربح خيالي
• كيفاش ندير سناك بأقل م...
السناك ديالي مخدامش وجا في بلاصة معزولة اشنو الحل؟
• السناك ديالي مخدامش وج...
كيفاش تحسب تكلفة الطاكوس او بشحال كيطلع الطاكوس؟؟
• كيفاش تحسب تكلفة الطاك...
فكرة جديدة لتزيد المدخول و الشهرة ديال السناك ديالك
• فكرة جديدة لتزيد المدخ...
حسابي الشخصي على الانستغرام: / snack_des_amis