كيفاش نقاد ونجهز السناك ديالي؟ و اشناهو المتريال اللي خاصني ضروري باش نخدم؟
HTML-код
- Опубликовано: 7 сен 2024
- السلام عليكم متتبعي قناة سناك الأصدقاء ، دائما معكم في الفيديو الثاني من السلسلة التعليمية ديال كيفاش تحل سناك وتنجح فيه...
اشترك
/ @snackdesamis
كيفاش تفتح سناك ديالك وتنجح فيه بدون خبرة مسبقة • كيفاش تفتح سناك ديالك ...
كيفاش ندير سناك بأرخص تكاليف؟ أقل من 5 المليون : • كيفاش ندير سناك بأقل م...
فيديو اليوم غادي نهضر ليكم على كيفاش تقادوا المحال ديالكم وكيفاش تصمم الكوزينة و شنو المتريال اللي مهم وضروري يكون عندك باش تخدم...
كيف ما قلت ليكم في الفيديو اللي فات، فالسناك مشي بالضرورة يكون فشي بلاصة كلاص ولكن فشي بلاصة كدوز الناس أو حدا مدارس او شركات ومكاتب... حاولوا انكم ديروا المحل نقي وبسيط فالتصميم ديالو، وأهم حاجة النظافة باش الكليان يلقى راحته والماكلة بنينة.
اول حاجة نبدأ بيها هي الصالة او المكان فين كيجلسو الكليان، فالراحة كتبقى دائما مهمة جدا عند الكليان، لهذا خصك فالتصميم ديال الصالة حاول دير كراسا مريحين، باعد مسافة بين الطاولة و أخرى، باش الناس يهدروا على راحتهم، دير تلفازة او راديو، وازن الصوت باش مايضرش الناس فالودنين.
بالنسبة للطاولات سناك فمكايحتاجوش مناديل او غطاء من الأحسن يكونو ملسين وسهلين فالمسح والتنظيف.
غدي تحتاج واحد طارو ديال الزبل حشاك ديرو فشي قنت يبان الكليان باش ملي يسالي الماكلة يلوح فيه الزبل، بالنسبة اللي عندو طريقة بلاتوات...
بالنسبة للألوال ماتفلسفش بزاف، فاللونين الأحمر والاصفر عندهم تأثير على حاسة الشم والذوق وكتلعب على العقل الباطن و كتخلي الإنسان يتفكر ويحس بالجوع اكثر، داكشي علاش كتلقاهم فالمطاعم الكبرى بحال ماكدونالد و KFC وغيرهم، فحاول دائما تمزج بين جوج الوان متقابلين اللي كيجيو مع بعضياتهم... والى كانت الصالة ضيقة، دير المرايات باش تبان البلاصة كبيرة..
ماتنساش الضو مهم جدا، ضروري دير إضاءة واضحة، فالان البولات LED كيضويو مزيان او كيقتاصدو فالاستهلاك و متشطرش خذ الماركة مزيانة و الجودة...
الدخلة او الباب ديال السناك، خصك تعرف باللي كاينين بزاف الناس كيحكمو على السناك غير من الدخلة او المظهر الخارجي، على هذشي خصك تحاول تحلق على الدخلة تكون متناسقة بين الألوان والاضواء.
بالنسبة الأرضية حاول دير جليج مكايزقلش باش مايزلقش الكليان، خصوصا فالكوزينة بالنسبة للخداما.
غدي يخصك طواليط او دورة المياه يكون كيتوفر على لافابو باش ناس تغسل يدها و مراية و الأهم يكون نقي دايما، حاول دير جليج عادي بيض باش يتمسح دغيا إلى توسخ الحيط...
دير الكونتوار مقابل مع الدخلة ديال الباب، الكونتوار انواع فكاين اللي كيتكون من خشب و ناس كاتشوف دكشي اللي كادير غير فالتصاور و الموني بوغ، و كاين الكونتوار الي كيكون عبارة عن تلاجة كتحط فيها اللحم اللي كطيب مثلا او كدير فيها الشونتيو ديال المأكولات اللي كدير. بالنسبة ليا كنفضل السناك اللي بكونتوار و موني بور حيث كيعطيك سهولة تنقيه، ماشي بحال كونتوار ديال التلاجة اللي خصك كل صباح تقاده و تنقيه مزيان و كيكون عرضة للثلوت اللحم...
من الحواج المهمة مكان تحضير الاكل او نقدر نقول الكوزينة، ففيها فين كيوجد الاكل غدي تحتاج فيها لافابو باش تغسل المواعين، التلاجة اللي تكون plan de travail فوقها تحط البان ماري، حداه لابلاك باش طيب، حداه الفريتوز وحدا الفريتوز المكان ديال الفريت وحدا الفريت الباركيتات ديال لامبالاج، بالتوازي مع هدشي دير تلاجة خرا او plan de travail فوقو سلادست (تلاجة ديال الخضرة)، واحد البلاصة فين تفرش السوندويش ديالك، وبالنسبة البريسة بانيني او الطاكوس فخصك تحطها في المكان فين تسد... او تقدر تستغنا عليها ودير الطاكوس في الفرن إلى كانت عندكم البيتزا في السناك فغدي ضرب عصفورين بحجر واحد، فران البيتزا دير فيه كلشي حتى الطاكوس وكيجي لذيذ اكثر.
غتحتاج تلاجة ديال البيتزا مع سلاديت ديالها...
كيف ما غدي تحتاج مكان فين غذي دير السلعة او السطوك، غدي يكون فيه كونجيلاتور و تلاجة، مكان ديال السلعة اللي ماكاتحتاجش التلاجة دير واحد ايطاجير المهم ستف السلعة ودير لكل حاجة بلاصتها ماتبدلش...
ماتنساش تلاجة المشروبات والديسير المهم مازال جاي معانا فيديو مفصل اكثر...
دابا نعطيك المتريال اللي تحتاج بالنسبة لسناك فيه بيتزا مع الطاكوس و البرغر و بانيني:
طاولات وكراسا.
مكان رمي القمامة.
الموني بوغ فين كايبانو تصاور المأكولات.
الكونتوار و لاكيس (القابيطة).
تلاجة مشروباش.
تلاجة بيتزا مع سلاديت ديالها.
فران بيتزا.
لافابو ديال ماعن.
طابلا طويلة او تكون تلاجة.
فورنو باش طيب لي صوص مثلا...
بان ماري باش تحط اللحم ديالك يكون طايب ويبقى سخون.
بلاك.
فريتوز.
اناء او حاوية ديال الفريت تكون مشبكة.
فوق من لابلاك والفريتوز لاهوت او التهوية اللي كيسحب الهواء برا...
فالجهة المقابلة طاولة اخرى طويلة او تلاجة كذلك.
فوقها سلاديت.
بلاتوات.
كونجيلاتور.
تلاجة أخرى او chambre froide.
كنتمنى يكون الفيديو مفيد والحاجة اللي بانت ليكم موضحاش او مافهمتوهاش فخليوا ليا كومونتير وغادي نجاوبكم فالكوكونتير او نقدر ندير ليكم حتى فيديو باش نشرح اكثر.
شكرا لكم على متابعتي حتى اللخر و متنساش دير إعجاب إلى عجبك الفيديو و اشترك لمتابعة السلسلة التعليمية لأسرار السناك.
و السلام عليكم ورحمة الله وبركاته.
لمراسلتنا عبر الصفحة الرسمية في الفيسبوك :
/ 101123675662206
اشنو هي الماكلة اللي مشية مزيان و نقدر نديرها في السناك
• اشنو هي الماكلة اللي م...
هذا هو السوندويش اللي كيتمشى بزاف، صراحة سندويتش لذيذ جدا، اللي بغا يديرو فمحالو مايندمش
• هذا هو السوندويش اللي ...
كيفاش كنعجنوا البيتزا في السناك ديالنا - تعلم كيفاش الديرعجينة البيتزا حترافية
• كيفاش كنعجنوا البيتزا ...
كيفاش الدير صوص الفروماج ديال الطاكوس
• الصلصة السحرية لطاكوس ...
حسابي الشخصي على الانستغرام: / snack_des_amis
غريب علاش هد قناة ما وصلاش مليون متابع حيث فعلا قناة تستاهل
شكرا لك الله ينورك
بارك الله فيك أيها الشاب الخلوق والأصل الطيب حفظك الله ورعاك
شكرا على النصائح
شكرا لك على الكومنتير الرائع و مرحبا بك
قناة رائعة إكتشفتها عن طريق الصدفة أتمنى لك الاستمرار
مرحبا خويا... شكرااااا
معلم الله يعطيك الصحة،التواضع و القلب لبيض و النقا و الأناقة اللهم بارك.
اللهم بارك اخي العربي شرح في اعلى مستوى ومفهوم 👍🇲🇦
سلام ولد بلادي تبارك الله عليك كتعطي لمعلومة بتفاصيل انا درت ليك اشتراك و إعجاب
الله يعطيك الصحة خاي شجعتيني على هاد المشروع غادي نتوكل على الله والفضل يرجع الله و ليك خاي
Hadchi bach zwin tawadou3 allah iyser lik amrak inchallah
الله يعطيكم الصحة مشاء الله طرح مواضيع وأفكار عملية بالتوفيق مع مزيد من التألق اخي الكريم
شكرا على المعلومات.حتى انا منكر ف شي محال هنا اسبانيا او معنديش التجربة. راني متبع النصائح ديالك
لا شكر على واجب، نصيحة أخوية إلى لقيتي تخدم شوية في الضومين غدي تاخذ اكتر، أو جيب حرايفي يخدم ليك المحل وخدم معاه وتعلم معاه. غير تهلا فيه ماديا ومعنويا 😉
والله محتاجة للنصائح ديالك لان يلاه دخلت على الموني طاكوس الى كان ممكن تقولي كيفاش نحضرو الله يرحم بها الوالدين مكيجينيش لذيذ وكيتشكاو الزبناء شكرا اخي الفاضل
مرحبا، حاولي تزيدي فيه الصوص فرماج ruclips.net/video/BXsAFI8yU34/видео.html
وشوفي فيديوهات خرين ديال الطاكوس راهم كاينين فالقناة...
Hello kifach ala moni
من الأحسن أختي حاولي تقلبي علا صوص لي تخليك متميزة علا سناكات للاخرين شوفي لفورنيسور لي كاتشري عندو صوصات أقولي لو إعطيك صوص trois poivre أولا Chili tahi حتاش كولشي خدام بالبيكي والجيريان الموضوع طويل...........
بارك الله فيك معلومات قيمة ربي يحفضك
Bravo, lah ysehel lik w ybarek lik f projet
الله يوفقك ف هد الجمعة
chef tbarklah 3lik dakchi flmostawa btwfi9 nchallah👍
انت رجل طيب تابع
شكرا على النصيحه وعلى المجهودات ديالك انا اول مره غادي افتح مطعم سمك ونتمنى تنصحني لاني ما عنديش درايه بهاد دومين راني مخلوعه ولكن متحمسه
نفعتني بزااف الله يسر امورك
الحمد لله هذا يفرحنا
شكرا على المجهودات ديالك . ممكن نعرف التكلفة الإجمالية ما بين الكراء و الإصلاح و الماتريال و شكرا
الله يعطيك الصحة اخويا انا بغيت ندير سناك او خيفة مكرهتش تعطيني نمرتك نتواصل معاك
@@nadiasallami8055 النمرة ديالي انا؟
شكرا على المعلومات المفيدة والنصائح مسيرة موفقة إن شاء الله
مرحبا خويا، شكرا 😊
نتمنى خير و شكرا على المعلومات مسيرة موفقة ان شاء الله
@@ZozoZozo-jp6ev شكرا جزيلا، الله يوفق الجميع، والى حتجيتي اي استفسار نحن رهن إشارتكم...
بالتوفيق وشكرآ على المعلومة🥰🥰🥰🥰🥰
تبارك الله عليك وعلى توضيح جزاك الله عنا كل خير
لا شكر على واجب، مرحبا بك
تبارك الله عليك
الله يوفقك ويسعدك يارب
مكرهناكش تعمل جولة داخل المحل الصالة والمطبخ .
ان شاء الله في مرة أخرى
تبارك الله عليك برافو تحياتي
خويا تباركلاه عليك ان محتاج حريفي . اللهم بارك
الله يبارك فيك اخي... فين عندك المحل؟
@@snackdesamis مديونة
الملاحظة الاولئ ديالي لك اخويا هي طريقة اجابتك الصريحة لكل اسئلة المتابعين. كنشكرك بزااف و الله. لانك فعلا كتفيدنا و باغي لنا الخير و مكتبخلش بالمعلومات القيمة.
جزاك الله خيرا.
وليت متابعة لك ملي لقيت القناة لانني بغيت ندير نفس المشروع و خاصني معلومات عامة.
نتمناو نتوفقو يا رب.
عندي سؤال. انا عندي حاليا 150 الف درهم واش كافية نبدا بها المشروع او نزيد اكثر.
و شكرا بزاااف اخويا
150 الف درهم كافية ان شاء الله، شوفي هذا الفيديو ruclips.net/video/17irLHoGz44/видео.html
كنصحك تعلمي شوية فالضومين وتعرفي مزيان الموني...
شوفي حتى هذا الفيديو : ruclips.net/video/ajBoOJNTplQ/видео.html
@@snackdesamis
شكرا بزااف اخي الكريم. تفرجت فالفيديوهات و خديت افكار كثيرة. بارك الله فيك. غادي نحاول نستقمر كل ما قلتي.
لكن فين نقدر نتعلم او ناخد خبرة. مع العلم كنعرف نطيب و كنجرب غي فالدار
@@soukainaessaid3422 قولي ليا اشنو تخصص اللي باغا الديري بالضبط؟
@@snackdesamis
التخصص اللي درت فيه تجربة هو طاكوس و بيتزا. و كنحاول نلعب على الذوق باش تخرج البنة.
و مع ذلك خاصني دروس نزيد فالتكوين
@@soukainaessaid3422 بالنسبة للبيتزا را الدوق هو العجينة تكون مزيانة، و الماطيشة كاتباع واجدة وبنينة و المدزاريلا مع داكشي اللي كدير كيجي بنين بدون مشاكل...
بالنسبة للطاكوس خص تقني طياب اللحم يكون مقاد فالملحة و داكشي، مع الفريت و الصلصات كتشريهم ruclips.net/video/dEFohSXLK1g/видео.html كتخلي الكيان يشوف الصلصة اللي بغا كديريها غير زعمي صوص حيت كتعطي الدوق...
شوفي فيديوهات ديال الطاكوس عندنا شي حاجة فالقناة...
قناة ممتازة و محتوى مفيد ، ما شاء الله تبارك الله ؛ وفقكم الله
أريد الإستفسار عن انواع الصوص المستعمل في التاكوس و البانيني هل تشتريهم جاهزين أو يتم تحضيرهم عندك ... و ايهم افضل و أقل تكلفة ؟؟
شكرا جزيلا على التعليق...
بالنسبة لانواع الصوص خويا شوف الفيديو
ruclips.net/video/dEFohSXLK1g/видео.html
بالنسبة الى عندك الوقت وتقدر توجدهم فغدي تكون احسن من ناحية الربح
ولكن حاول تشريهم باش تربح الوقت الدير حاجة اخرى
احسنهم الصوص الجيريان
حاول توجد صوص الفروماج هي الطوب بالنسبة للطاكوس فالفيديو
ruclips.net/video/BXsAFI8yU34/видео.html
السلام خويا شكرا بزاف استفدت منك الله يجزيك بيخير . عفاك بغيت نعرف منين خديت المتريال ديالك بحال ثلاجات و الكونطوار و الفريتوز........ و كيفاش نعرف انا ماركة ناخد و شنو لي مزيان
السلام عليكم انا خدام في فرنسا وبغيت نجي نحل مشروع فالمغرب ممكن نهضروا فالفايسبوك الله يحفظك
مرحبا اخي اكتب ليا بريفي في صفحة الفيسبوك
شرح بعفوية كبيرة شكرا
Merci frère 3la kol ma3loumat
Marhba :)
Tbarkelah 3lik a khouya
Lah issahel 3lik
Amin akhay... Chokran
الله يرحم الواليدين، شكرا على كل مجهوداتك
لا شكر على واجب، مرحبا بك
نوع الاكل الي بغيت نقدم عبارة عند ساندويتشات و قبطان اللحم والكفتة ولاداند
@@ZozoZozo-jp6ev ما شاء الله، الله يسخر، اخي تقدر ديرهم فالسندويشات بالشواية على الفحم خدام مزيان و بنان، حاول تزيد الطاكوس، دير السندويش بالخبز و الطاكوس بنفس لعمارة ديال اللحم دير الطاكوس خلي الكليان يختار اللي بغى، ودير فريت و اللعيبات...
عندك شوية خبرة فالمجال؟
عندي محل صغير يالله ندير فيه الشواية و المشكل عندي مع السكان ديال العمارة انا بغيت نطلع لاهوط مع العمارة وهما ما قبلوش و قالو لي الناس ديري لاهوط كهربائية حتى يقهرهم الدخان و غدي يوافقوا ليك ما هو رأيك و النسبة للخبرة فالمجال بغيت نجيب حرايفي بالنص انا و هو@@snackdesamis
@@ZozoZozo-jp6ev هو من الأحسن ديري لاهوط حتى فوق العمارة ولكن الناس ماعارفينش فالضومين، كيف ما قلتي دابا يقهرهم الدخان ووافقوا،..
بالنسبة المحل إلى كان صغير حاولي ديري menu قليل وميكونش عامر بزاف ديال الحوايج والى درتي تخصص فشي حاجة احسن... والله يوفق... فنظري ديري تخصص طاكوس بالشواية على الفحم، مع سونزيتشات الخبز فقط. شوفي شي حرايفي ثقة و يكون شاد الحرفة مزيان و قابلي معاه الشغل... والله يوفق..
مساء الله عليك يا أخي
تبارك الله عليك اخي شحال ديرين salad barr
محتوى زوين الله يحفظك
الله يحفظك
خويا تبارك الله عليك الله يحفظك بغيت رقمك الي كنت فالمغرب بغيت منك معلومات على الفران
جزاك الله خيرا اخي الكريم.نقدر نتواصل معاك في الخاص .
بارك الله فيكم شكرا جزيلا
شكرا لك على الكومنتير..
الله اكتر متالك بغيت العرف المشاكل تع المحلبة
السلام عليكم، مشروع محلبة كايتقام رخيص وفيه وحد الربح مزيان، ولكن اهم مشكل فيه هو الموقع، ضروري فشي بلاصة فين كيفطرو و يتغداو بثمن رخيص شوية.. مثلا : شارع كبير، مجموعة شركات، أو مدارس ضروري يكون باين مزيان... والحاجة الثانية المهمة هي الماكلة و الحرشة و المسمن اي حاجة تكون بنينة وناضية، هذ 2 حوايج مهمين زيدي عليه النقا و السرعة فتوجاد الاكل...
الله احفظك اخوية
الله يجازيك بالخير ❤️❤️❤️
شكراً جزيلاً... ❤️😊
احسن قناة
تبارك الله عليك
الله يرحم الوالدين شكرا خويا بزاف
شكرا اخي على الكومنتير...
شكرا بزاف خويا الله يحفضك و الله إلى راني خايفة من المشاكل مع الجيران و الله يسهل الامور
@@ZozoZozo-jp6ev انت اصلا كتقلبي غير على راحة الجيران، شوفي القوانين اشنو فيها، كنظن غدي يعطيوك اوطوريزاسيو باش ديري لاهوط حيت غير مصلحة عامة اصلا...
👍 👍 👍 ولك جزيل الشكر أخي الكريم 👍ياريت لو تظهر لنا لبلاك آلة الطبخ الي طيبتي فيها أي نوع
بالنسبة ليك إلى كنتي في ألمانيا غدي تلقى شي حاجة مزيانة بثمن مناسب مشي بالضرورة المركة تكون top، خصوصا إلى كنتي عاد غدي تبدأ خص تقلل نفقات ما أمكن...
المهم نوع او ماركة ديالها سميتها Promo-matt
@@snackdesamis الله يحفظك أخي الكريم 👍
فعلا ..ساكنة في ألمانيا الباييرن
@@mimiboulo6429 باييرن مدينة محركة مزيان واقيلة؟
@@snackdesamis المشكل محلات مغربية غير موجودة
فقط واحد في اوكسبورغ ...للأسف
وبعيد عن السنتر وسط المدينة .....
لكن في ميونيخ موجودين .....
اكسبورغ بعيدة عن ميونيخ ب 60 كلم
الله يرحم الوالدين
السلام عليكم مشتركة جديدة عفاك الا متقول لينا شحال خاص ديال الفلوس للمترييل بحال لي وريتينا وتمن الخدامة الله يسر ليك
هذا المتريال اللي في هذا الفيديو...الى شريتيه حاجة بحاجة و المستعمل غدي يكلفك حتى ل 100.000 درهم كحد اقصى ...وزيد عليهم مصاريف الاصلاح وزيد مصاريف الكرا او الساروت
الله يحفظك ويسر ليك
تحياتي❤❤
ممكن تعطينا بشحال كتقام طاكوس و بانيني وشحال يمكن نربحو فيهم ؟
ان شاء الله غادي ندير دراسة ديال هذا الموضوع ملي نجي المغرب في هذا الصيف ان شاء الله، ونجاوبك في أسرع وقت
Khouya brina n3arfo layrham lwalidine naw3 lmazyan Dyal l matériel
خويا متريال على حساب الجودة كيكون زايد فالثمن، فالمغرب معنديش فكرة على شنو الأحسن، ولكن غدي ندير واحد الدراسة ونعطيك الخبار ...
غادي نسدعك خويا
عافاك داك كونطوار لي داير فوقو la grille o bain marie لي جبتي منو الكفتة واش كونجيلاتور
Positif ola negatif
و شكرا
هداك اللي جبت منه الكفتة كونجيلاتور، و الكونتوار اللي فوقه البان ماري وgrille تلاجة كتبرد عادي.
@@snackdesamis
اودي الله يرحم الواليدين على الرد و التفاعل و الله يسهل أمركم خويا
سلا اخي العزيز شديت محل بغيت ندير سناك ديال الطون(كزوم )باش تنصحني
السلام اخي، توكل على الله، و نصحك حاول تكون عندك الخبرة فيه، وحاول تتعامل مع الفلوس بطريقة احترافية حاول تجمع وكبر المشروع اكثر...
شوف هذا الفيديو ruclips.net/video/-MR2xd_uyw0/видео.html
بالتوفيق اخي اي سؤال مرحبا ولا تردد
انا اول مرة كنشوف قناتك شكرا اخويا بززاف حتا انا بغيت نفتح انشاء الله سناك ولكن بغيت نعرف الاكنت عارف الله يجعلها في ميزان حسناتك انشاء الله شحال يخصني ديال الفلوس المحل عندي وغنجيب اللي يطيب اذن شحال يخصني ديال الدراري اللي يطيبو وبشحال ديال الفلوس يقدر يطلع عليا
مرحبا بك، بالنسبة المحل اللي عندك واش كبير؟ واشنو الماكلة اللي باغا الديري ؟ وفين بلاصة عندك المحل؟
@@snackdesamis شكرا خويا عل الرد الله يرحم ليك الوالدين
بخصوص المحل عندي فمراكش او الماكلة بغيت ندير لصوندويش او الطاكوسات والبيدزا الفريت المهم كاع كل مايخص بالاكل السريع او المحل عندي صغير ماكبيرش
@@fatimamhamdi635
مراكش مدينة سياحية ومزيانة فالخدمة غير يكون شارع كيدوز الناس.
بالنسبة لمحل صغير شوية حاولي متكثريش بزاف ديال السوندويتش، ديري الطاكوس و البيتزا او الطاكوس و السوندويش المهم الطاكوس ضروري يكون هو ديال هذه الوقت. حيت تخصص كينجح.
تبارك الله عليك ✌
عندي واحد السؤال....في نلقا ناس لي كيقادو panneaux شكرا
كاينين خويا، فين مدينة انت؟
@@snackdesamis casa/mohemadia
@@alaaeddine2514 المهم دابا نسول ليك وحد الصديق، ونخلي ليك النمرة ديال شي واحد. اكتب لينا في صفحة الفيسبوك سناك الأصدقاء باش نتواصل معاك.
@@snackdesamis اوك شكرا
شكراً أخي . لا تنسى تقول لينا بكم تكلفة المشروع. وشكرا .
من وإلى ب درهم
نعم اخي الفيديو القادم عن التكلفة وغدي نعطيك اقل تكلفة ان شاء الله... تسنانا راه مع العطلة الصيف ماكاينش بزاف الوقت 😊
@@snackdesamis
عطلة سعيدة.
@@snackdesamis السلام عليكم خويا عندي سؤال الله يجزيك تجاوبني راجلي لبناني شاف و مغرب علي عامين دابا صراحة ما كرهتش يدخل هنا يدير سناك. كيفاش نديرو الا غنبداو من صفر يعني زيرو درهم واش نلقى شي بنك يدعمنا واخا هو اجنبي
@@halimaaboukhoder7948وعليكم السلام، شفت باللي الابناك كتسلف بنسة زيادة تصل إلى 2%، (منصحكش بالكريدي ديال البنك) ، المهم الضمانات اللي كيطلبو وهما المحل والمتريال... دابا خصك تشوفي البنك واش تقبل الأجنبي والا لا.. فحالت ماقبلوش حاولي ديري الشركة السناك بالاسم ديالك...
@@snackdesamis شكرا بزاف على الجواب عندك صح أبناك كيزيدو بزاف
شكران بزاف الله يحفظك
شكرا الله يحفظك على الكومنتير
و الدخلة إلى فيها باب الزاج يدير فيه الإنسان سطيكر مكتوبة عليه شي حاجة باش الزبون يبان ليه و ميخرݣش فيه و توحل معاه
سلام عندي محل فيه 30متر كاري واش يجيني فيه سناك مزيان
لم تتكلم عن الاثمنة شحال يكلفنا هادشي فالمجموع
الثمن يختلف، بحال هدشي قد يكلفك حتى 30 مليون...
اخي نسولك بنسبة ليا المحل ديالي كاين فالصف ديالي نيت طاكوس .. واش نزعم ولا لا ؟
السلام عليكم... أخي غير زعم وحاول تكون مختلف في الطاكوس عليهم، شوف هذا الفيديو ruclips.net/video/8iOsPHZHAQ4/видео.html
شكرا لك🙏
كيفاش دير إشهار للمحل باه يتشهر في اقصر وقت بروموسيو ولا كيفاش
دير بروكوسيو و خلص الإشهار في الفيسبوك و غوغل و طبع فلاير و فرقهم
@@snackdesamisشكرا
حبيت نفتح واحد صغير نبيع فيه غير التاكوس
نعم اخي فكرة ممتازة
شاهد هذا الفيديو ruclips.net/video/X2TUBArvM9Y/видео.html
سلام عفاك كان قلب على شيواحد يخدم سناك و شكرا
السلام، فينا مدينة؟
خويا ممكن نمرتك راني متبعك ملي يالله فتحتي القناة
مرحبا اخي الكريم، كتب ليا في صفحة الفيسبوك و نعطيك نمرة في بريفي.
شكرا
خويا فين اللي حسن واش فريتوز كهربائية ولا ديال الغاز؟الله يسر ليك الامور❤
ديال الغاز احسن، ولكن الفريتوز الجودة ديالها في اللتر، كل ماكانت كاتهز كثر كل ماكانت احسن... الله يوفق
@@snackdesamis شكرا اخي والله الا غي النصائح ديالك باش بادي تبارك الله عليك الله يوفقك حتا نتا في ما حطيتي يديك انشاء الله
خويا عندي سناك غي صغير و بغيت ناخد ديال 5لتر واش مزيانة
@@youssefjosef1507 شوف ديال 8لتر إلى قدرتي، حيت إلى جاب الله كانت الخدمة غدي تحتاج وحدة كبيرة شوية... 5 لتر كتعطل إلى جاتك الخدمة
@@youssefjosef1507 شوف ديال 8لتر إلى قدرتي، حيت إلى جاب الله كانت الخدمة غدي تحتاج وحدة كبيرة شوية... 5 لتر كتعطل إلى جاتك الخدمة
Khoya bghit chi decorateur snack
Ina mdina nta?
@@snackdesamis temara
@@elmondoinfo5659 واش بغيتي دير شي حاجة مجهدة اولا غير شي تجهيز عادي بثمن مناسب؟ قداش عندك المحل؟
@@snackdesamis oui déco modern
@@elmondoinfo5659 ok chof had charika ha numero twasal m3ahom +212 661-984804 kayna fe rabat. Lah iwafa9
كولينا اثمان المعدات الفريتوز الكريا
كين في فيديو اخر خويا... ruclips.net/video/17irLHoGz44/видео.html
شوف ايضا ruclips.net/video/FHmapScoJzA/видео.html
Allahoma yasir 🤍🌹🙏🙏
Fin nachri materiel prix monasib.?
شوف ف avito.ma او facebook market.
خويا كالدير دراسة المشروع؟
خويا واش كاتخدم مع لفرانسيس او لا مع لجالية ؟
كنخدم مع كلشي اخويا 👍👍
مكرهتش نتوصل معاك مباشرة لاني غدي نفتح سناك ان شاء الله
كتب لينا فالصفحة الفيسبوك facebook.com/101123675662206
@@snackdesamis مقاولة حرة .هادا فايس بوك شكرا جزيلا
3afak wach mahal fih 60 mètres wach misaha kafya al bhal had machro3
Oui khoya gher khassak t3raf t9ad mzyan le matériel...
واش هاذ سناك ماشي فالمغرب أخويا ؟
السناك ديالنا اخي في فرنسا...
وبالنسبة للتكلفة
التكلفة :
الإصلاحات و الإشهارات غادي العبو لك بين 30الف درهم و 20الف درهم
المتريال فران البيزا نقي تجيبو ب 5 الف درهم تال 15 الف درهم
تلاجة كونطوار نقية كتلعب بين 5 الف تال 15الف درهم
بريصة كتلعب بين 2500 درهم تال 5000
كرية كذلك بحال البريصة
فريكو كيلعب بين 2000 درهم تال 4000 درهم...
لاهوت شي 5000 درهم.
فريتوز ما بين 1500 و 5000 على حسب الجودة و الكمية..
الماعن رقاق دير ليهم 5000 درهم
الكراء الشهري على حساب المكان 5000 درهم فما فوق في بلايص زوينين .
حاجة مهمة وبزاف خص تكون عندك واحد 2 او 3 مليون سنتيم فجيبك احتياط...
يمكن خاي تزودني برقم الهاتف نتاعك وشكرا
خويا واش مشيتي عقد عمل ل فرنسا سمحلي على تدخل
لا خويا، مشيت قراية، و ملي ساليت قرايتي الجامعية، عجبني ضومين الطياب و درت دبلومات بيتزا ودكشي ديال طياب و خدمت في الضومين شي سنوات قبل مانحل سناك انا والاصدقاء ديالي فالميدان...
حاول تقلب فالطاليان،. إلى جيتي مرحبا بيك في فرنسا، اجي تخدم معايا...
@@marwanmarwan6983 khli Liya nmertk hta nsifat lik message fe Wathsapp
سلام خويا انا بغيت ندير سناك ولكن هو عبارة عن مشواة بالفحم بغيتك تعطيني شي فكرة
@@ZozoZozo-jp6ev السلام عليكم، بالنسبة لمشوات فحم، خص غير بلاصة تكون مناسبة بالنسبة للدخان...
شنو نوع الاكل اللي غدي تقدم في الشواء؟
👍👍
شكرا على المجهودات ديالك . ممكن نعرف التكلفة الإجمالية ما بين الكراء و الإصلاح و الماتريال و شكرا