Shaxmat Sindarovlar oilasi

BUTUNJAHON SHAXMAT OLIMPIADASI CHYeMPIONLARI BOLALIGIDA HATTO DOSKASIZ HAM SHAXMAT O‘YNAGAN (+Video)
10 yil avval Javohir va Islombek Sindorovlar shaxmat taxtasisiz ham dona surganligi ma’lum bo‘ldi. Ushbu jarayon aks etgan videoni jurnalist Shunqor Choriyev o‘zining ijtimoiy tarmoqdagi sahifasiga joyladi.
"Bundan 10 yil avval Javohir va Islombek Sindorovlar Osiyo chempioni bo‘lganda iste’dod mavzusidagi tok-shouga taklif qilgan edik. (Bu ko‘rsatuvda men ilk bor ekranda ko‘rinish berganman. Holimni ko‘rib kulish yo‘q.) Bugun dunyo taniyotgan Javohir o‘shanda 7 yoshli bola bo‘lgan. Aka-ukaning hayolda, shaxmat taxtasisiz dona surganini ko‘rib, hayratga tushganman. Arxivlarimda o‘sha ko‘rsatuv saqlangan. Uni sizga ham ulashayapman. Bo‘ladigan bola boshidan ma’lum, deb bejiz aytishmagan", - deb yozadi jurnalist.