Bu videoya baxmadan Marketdən KƏRƏ YAĞI ALMAYIN!
HTML-код
- Опубликовано: 10 сен 2024
- #BirBax #Azerbaycan #yağ
Kərə yağı faydalıdır, yoxsa zərərlidir? İnsanların çoxu, hələ də, kərə yağına şübhə ilə yanaşır: “Görəsən, sağlamlığıma ziyandırmı?”, “Damar tıxanıqlığı yaratmaz ki?”, “Kökəltməz ki?” sualları kərə yağını ürəklə yeməyə imkan vermir.
Əvvəllər, “zərərlidir!” deyə, rasiondan çıxarılması tövsiyə edilən, hazırda isə təbiiliyi səbəbiylə “əl-əl axtarılan” kərə yağı haqqında danışmaq istəyirəm bu gün. Əminəm ki bu videodan sonra kərə yağına olan fikriniz tamamilə dəyişəcək. Diqqətiniz məndə olsun.
Kərə yağı süd məhsulları içərisində ən məşhurudur. Lakin bilməlisiniz ki, burada əsas olan inəyin nə ilə bəslənməsidir. Bəli! Sözü birbaşa deyəcəm. İnək nə yeyirsə, biz də orqanizmimizə onu qəbul edirik! Dolayısı ilə də, izah etməliyəm: kərə yağı inək südündən hazırlanır. O inəyin təbii-dağ otlarıyla, yamaclarda, hər cür faydalı bitkinin bitdiyi örüşlərdə otlaması o deməkdir ki, biz də sağlam və tər-təmiz kərə yağı qəbul edirik. Yəni kərə yağının keyfiyyəti inəyin qidasından asılıdır.
Giririk marketə, rəfdə bizi müxtəlif keyfiyyətdə, dünyanın ayrı-ayrı iqlimlərində bəslənmiş inəklərin südündən hazırlanan kərə yağı çeşidləri qarşılayır. Bəs, bizim keyfiyyət ölçümüz nədir? “Tərkibində filan qədər təbii süd var” kimi absurd cümlələr sizi də düşündürüb? Olubsa, rəylərdə yaza bilərsiniz…
Xülasə, demək istədiyim odur ki, keyfiyyətindən əmin olmadığınız kərə yağını alıb, yeyib, sonra da oturub sağlam olmağı ummaq düzgün deyil. Ən keyfiyyətli kərə yağı dağlarda otlayan inəklərin südündən hazırlanır. Fermada yalnız sənaye yemləri ilə bəslənən inəyin südündən hazırlanan kərə yağından təbiilik, sağlamlıq gözləmək doğru olmaz.
“Kənd yumurtası” kriteriyasını xatırlayın. Bu videoda da biz “örüş inəyi” ifadəsini işlədə bilərik. Geniş yamaclarda otlayan, kilometrlərlə məsafədə yeriyən inəyin topladığı vitaminlər südünə qarışır, ordan da kərə yağı vasitəsilə bizim orqanizmimizə daxil olur. Bu yağ əlbəttə faydalı olar. Amma bu, o demək deyil ki, ferma inəklərinin südünün tamamilə keyfiyyətsizdir. Sadəcə, bilin ki, örüş inəyinin südündən aldığınız faydalı maddələrin, ən çoxu, 25-30%-ni ferma inəyinin südündən ala biləcəksiniz. Və sual yaranır: “Niyə 100% fayda qəbul etməyək?”
Bir daha təkrar edirəm, kərə yağının dadından, qoxusundan, kəfinin çox olub-olmamasından daha əhəmiyyətli bir şey var: inəyin nə ilə bəslənməsi. Kərə yağının ən təbii alınma üsulu nehrə çalxalamaqdır. Bunun üçün sağılan süd bir neçə saat sərin yerdə dinləndirilir, sonra üzünün qaymağı, Aşıq Ələsgər demiş, “narın üz”ü yığılır. Sonra həmin qaymaq nehrədə çalxalanır və kərə yağı ayranın üzünə çıxır.
Kərə yağının tərkibində yüksək miqdarda doymuş yağ var. Düzdür, orqanizmimiz bitki yağlarından da doymuş yağlar ala bilir, lakin kərə yağı bu baxımdan ən keyfiyyətlisi və ən zənginidir. Kərə yağdakı yağ turşuları içərisində butirik turşusu daha çox diqqət çəkir. Butirik turşusu klassik zəncirli doymuş yağ turşusudur və ürək üçün zərərli deyil.
Kərə yağı ilə qidalanan bir insanın qanında butirik tuşusuna hər zaman rast gəlinməz. Çünki butirik turşusu sürətlə yandırılır, maddələr mübadiləsində, belə desək, “əridilir”. Bundan əlavə, butirik turşusu olduqca mükəmməl enerji mənbəyidir. Qaraciyərdə emala məruz qalır, orqanizmin hər bir guşəsinə çatdırılır, başlayır başqa yağların yandırılmasını sürətləndirməyə…
Kərə yağının tərkibində bunlar var:
-A vitamini;
-D vitamini;
-E vitamini;
-K vitamini;
Bəli, kərə yağı qəbul etməklə bu vitaminlərin hamısını birdən almış oluruq. Müntəzəm olaraq kərə yağı yeyən insanlarda bu vitaminlərin əksikliyinə nadirən rast gəlinir. Bu mənada kərə yağının ən yaxın “oxşar”ı yumurtadır. Təbi multivitamin qaynağı olan yumurta və kərə yağı-ikisi birlikdə göz sağlamlığını qoruyur. Örüşdə, açıq təbiətdə, günəş şüaları altında otlayan inəyin südündən alınan kərə yağını qəbul edənlər D vitamini çatışmazlığından da əziyyət çəkməzlər.
Ürək-damar sisteminin müdafiəsini düşünəndə ilk üz tutduğumuz qida əlavələrindən biri balıq yağıdır. Çünki balıq yağı Omega-3 qaynağıdır. Bir sirr açım; təbii kərə yağı da Omega-3 yağ turşuları ilə zəngindir. Üstəlik, tərkibində olduqca cüzi miqdarda Omega-6 var. Omega-6 yağ turşularının orqanizmin “düşməni” olduğunu dəfələrlə vurğulamışam. Bu baxımdan, kərə yağının mütəmadi şəkildə qəbulu orqanizmdə Omega-3 və Omega-6 yağ turşularının balansını qorumaqda orqanizmin ən yaxın köməkçisi olacaq.
Bəs, kərə yağının malik olduğu doymuş yağların orqanizmimizə bir zərəri varmı?
Mütəxəssislər tövsiyə edir ki, hər biri 14-15 qr olmaqla, gündə 2 porsiya kərə yağı yeyilməsi yetərlidir. Elmi araşdırmalardan əldə edilən nəticələr də bu fikri təsdiqləyir. Yəni gündə 30 qr kərə yağı yemək faydalıdır. Bu zaman ürək-damar xəstəlikləri riskinin artacağından qorxmağa dəyməz. Əksinə, gündəlik qəbul edilən 30 qr kərə yağı ürəyi qoruyur.
“Kərə yağı faydalıdır” dedim deyə, gedib-gəlib kərə yağı yeməyin ha! Normaya daim nəzarət etməlisiniz.
Bu yorumu oxuyan sen ❤️ çox xoşbəxt ol inşaallah 🇦🇿
Məsləhətə görə çox sağ olun
İndi dediyiniz kərə yağını tapmaq çox çətindir,inək örüşdə otlasa da örüşdən gələndə çörək hətta unlahazırlanmış başqa yemlər verirlər ki südü çox olsun
Gözəl məsləhət ūcūn cox sag olun.
Sağ olun. Bildik.👍👍👍🇦🇿🇦🇿🇦🇿🇹🇷🇹🇷🇹🇷
Təbrizin iki inək yağı alın.♥️♥️♥️👍👍👍🇦🇿🇦🇿🇦🇿
Çox sağolun
ÇOX SAĞOLUN
Cox sag olun bizi melumatlandirdiniz nehre yaginada haramliq qatanlar var tessufki ☝🤔🙏🏿
Ğüya ki kərə yagıdı hammısı süni hazırlanmış bir şeydi. Heç labaratoriya da onun tərkibini müəyyən edə bilmir.
Tşk edirik 🙏👍🏻🥰
Rəhmətliyin qızı hansı təbii yağdan danışırsan kənddən gələn kərə yağına daqatqı qatırlar
ulu nənəm nehrə yağına çörək doğrayıb yeyirdi.Qaçaq Nəbini Həcəri görmüşdü.qısacası əsrdən çox yaşadı
İndi neyniyək?
Hansı yağı haradan alaq?
Hardan alaq güya yediklerimizin hamisi orqanikdi
99,9% Palma yağı
Tapdıq yeyək.
Tokulmuşdu elə əsl kərə yagi.Qorxudan ən bahlini alliriqki bəlkə budur təmiz😢
Avazın yaxşı gəlir oxuduğun qur an olsa
🐄🐄🐄❤❤❤🐂🐃
Olmayan şey haqqında niyə danışırsınız?Gözəl xanımsan .Ancaq kərə yoxdu axı.
Bildin?
99% qijqirmis , tam vermis kere yaglaridi . Əvvəllər hər həftə spora düşürdüm bu alçaqlarla qaytarmaq istemirdiler qijqirmiş yaği
kilAmetr yox😊kilOmetr