شيلة مهداة لرجل الاعمال عقاب بن عتيق المهيدلي وابنه نادر | أداء نياف تركي | (حصرياً) 2024

#كحيلان_أفضل_الشيلات
للتواصل والمتابعة عبر المنصات الاجتماعية :
linktr.ee/kahilan0
تشغيل جميع شيلات القناة بمكان واحد
• تشغيل جميع شيلات القنا...
شيلة مهداة لرجل الاعمال عقاب بن عتيق المهيدلي وابنه نادر | أداء نياف تركي | (حصرياً) 2024
كلمات : ضيف الله السميري
يوم اختفى وجه السما والشفق ذاب
تغيّرت معالم المستديره
ليلٍ طوى مع جيته صفحة كتاب
ويومٍ كتب فاللوح شره وخيره
سرايرٍ يدري بها رب الارباب
اللي مايعلم خافي السر غيره
وان طاب ليل اهل الهوى والسهر طاب
ماطاب نوم اللي عيونه سهيره
ممشىً على قلة سنع حرقة اعصاب
وعينً ماتشقى للمراجل ضريره
ودك تقالبك الليالي على الناب
ولا تجود فالحبال القصيره
ومناكفات ابنا العمومه والاقراب
ماودت عيال الرياجيل ديره
الرجل فالماجوب يحسب له حساب
ويحزمونه للطلب بالذخيره
وانا يانادر ماعلي لوم وعتاب
اليا مدحت اصحاب الاسما الشهيره
المرجله نارٍ على راس مرقاب
ودروبها ماهي عليكم عسيره
والمدح له في شانكم سبعة ابواب
مع كل باب نشوف للنعم سيره
مجالسٍ حيه وماقف وترحاب
وسلوم وعزوم وكرامه وجيره
مسندك عودٍ عن الطيب ماغاب
الله من صدوف الليالي يجيره
يلبس من لباس التقى بشت وثياب
ومن التواضع سيدٍ في عشيره
وفي قضيت اللازم وفي فك الانشاب
سيفٍ ماتاكل سلّته من جفيره
انشهد انك فاعل الخير ياعقاب
اسمٍ شهرته فالخطوب الكبيره
مايحضر اسمك غير فـ اعتاق الارقاب
سريرةٍ ياطيبها من سريره
ريفٍ على ربعك وعوناً للاصحاب
واللي سواتك كثر الله خيره
روقيٍ اصوك راس ومعرب انساب
ومشوربٍ ماينتحلا بغيره
من عزوةٍ ماهم على المجد باغراب
تاريخهم تشهد عليه الجزيره
يثنون دون القود ودخيل الاطناب
بالشلف والا بالسيوف الشطيره
عرب واساميهم ماتحتاج لاعراب
يوم المغيره في نحور المغيره
اسم العطاوي يصدح بكل الاقطاب
ماهوب توه فالسنين الاخيره

[@user-kv3re4sd1g]

ثالث وحده الصراح ابدعتو

[@kahilan]

جمهورنا الكرام اسعد الله اوقاتكم بكل خير ومحبة
لا تنسوا الاعجاب والاشتراك وفعلوا إشعارات 🔔 ليصلكم كل جديد

[@user-cw3xs2nh3s]

ابشر

[@user-cw3xs2nh3s]

كفو😎

[@user-cw3xs2nh3s]

كفؤ

[@user-fe8sb8li3q]