巴黎奧運倒數!TVB直擊精彩賽事 方力申風騷分享成功集郵湯告魯斯
HTML-код
- Опубликовано: 18 сен 2024
- 巴黎奧運開幕進入最後倒數,TVB將為香港市民直擊精彩賽事,呢日奧運節目主持鍾志光、朱凱婷、方力申、黃翠如、鄭衍峰、陸浩明、潘靜文、何泳芍等,聯同一眾專業評述員現身記招公佈詳情,屆時翡翠台節目《東張西望》及處境劇《愛回家·之開心速遞》將會提前播出,而其他常規節目將會暫停,為奧運讓路。各主持分別預告賽事播出時段,而第一個重頭戲當然就係7月26號香港時間深夜一點,2024巴黎奧運開幕典禮,屆時翡翠台將全程為觀眾直擊。
翠如好快就會出發去巴黎採訪奧運,佢曬出啱啱收到新鮮出爐嘅奧運天書,佢會開始努力溫書,希望到時帶畀大家更加豐富嘅資訊。
小方同翠如一樣出發在即,身為前香港游泳代表隊嘅一員,小方特別關注呢個項目嘅賽事,呢位大師兄仲話好期待今屆出戰奧運嘅七位香港泳手可以創出佳績。
小方旗下泳會嘅九歲選手成績優異,但因屬會級別問題無法參加分齡錦標賽,經過小方努力爭取,小朋友終於可以參賽,事件引起社會關注,小方就話會提交意見書畀泳總,希望放寬參賽標準,令所有優秀嘅選手都有公平競爭嘅機會。
小方呢日仲好開心分享之前喺溫布頓網球公開賽同湯告魯斯集郵成功,原來小方一直視對方為偶像,出名親民嘅靚佬湯,即刻送咗個親筆簽名畀小方!
#巴黎奧運盡在TVB #全程直擊精彩賽事 #方力申 #黃翠如 #鍾志光 #朱凱婷 #鄭衍峰 #何泳芍 #陸浩明 #潘靜文 #湯告魯斯 #集郵成功
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0
小加油👏🏼🎉👍🏼
小方加油👏🏼🎉👍🏼😅
翠如旅遊係你強項,加油!!!❤❤❤😍👏
黄翠如小姐做 這類性質的節目頗適含她💪💪💪
方カ申好嘢,敢於挑戰那些不公義的惡習,對整個泳壇有破舊立新的意义,當然亦可提升自己泳會的地位,well done!
支持游泳何詩蓓,羽毛球李卓耀、鄧俊文同謝影雪,努力加油吧💪💪💪💪
潘静雯❤❤TVB阿姐级接班人🎉