{الدولة المش مستحيلة}(01) لماذا لم تُطبق الشريعة حتى الآن؟
HTML-код
- Опубликовано: 11 сен 2024
- خلينا النهاردة نبدأ موضوعنا بالحدوتة.. على عكس المعتاد..
كان يا ماكان يا سادة يا كرام.. كان فيه قرية صغيرة أهلها سمعوا ان الملك هايجيب فيل كبير في العيد السنوي بتاعهم عشان يفرج الناس عليه.. و الناس عمرهم ماشافوا فيل قبل كده.. فستة من أهل البلد.. كانوا كفيفين.. مابيشوفوش.. قالوا الله.. فيل.. نفسنا نعرف شكله ايه.. بس هانعرف ازاي و احنا مابنشوفش.. لازم نلمسه.. فراحوا للملك يترجوه يسمحلهم يلمسوا الفيل لأنهم مش هايقدروا يشوفوه زي باقي الناس.. و الملك وافق.. بس اشترط عليهم شرط.. انهم بعد ما يلمسوه كل واحد منهم يوصف الفيل بجملة.. قالوله بسيطة.. اتفقنا..
و جه اليوم الموعود.. و جه الفيل.. و اتجمع الناس.. و حضر الملك.. و جه العميان الـ ٦ و حوطوا الفيل و كل واحد منهم قعد لامؤاخذة يحسس عليه..
و بعد ما خلصوا.. راحوا قدام الملك و الناس كلهم.. عشان كل واحد يدلي برأيه و يوصف الفيل بجملة..
أول واحد قالهم.. الفيل يا سادة يا كرام خير اللهم اجعله خير كده.. عامل زي الحبل..
التاني استغرب جدا.. وقال له حبل ايه؟.. ده عامل زي الحيطة ماشاء الله!
التالت ضحك من كلامهم.. و قالهم ايه الهبل ده؟.. حبل و حيطة ايه؟.. ده الفيل ما هو إلا خازوق كبير بس محني شوية..
الرابع اتصدم.. و قالهم فعلا صدق اللي قال عليكم عميان!! يا جدعان الفيل عبارة عن تعبان بس تخين و مكلبظ و مابيعضش!
الخامس قالهم ايه الهبل ده؟.. الفيل يا جدعان عبارة عن حتة جلد كبيرة مدورة..
السادس قالهم انتو مجانين يا عالم؟.. ده الفيل ماهو إلا جذع شجرة!!
ده طلع نبات مش حيوان!..
”بلوت تويست“..
فمر بهم أعرابي.. و بصلهم.. و اتقلب على ضهره من الضحك.. و قالك شوف الهبل اللي قاعدين يحسسوا على جمل و فاكرينه فيل!
متخيلين طبعا إحساس الراجل اللي قال ان الفيل.. اللي هو جمل.. عبارة عن تعبان بس تخين و مكلبظ.. و مابيعضش..
بس الحمد لله ماحدش خد باله منه و من كسفته.. خصوصا وسط الزحمة و الدوشة اللي حواليه.. و الناس كلها ماحدش فيهم سامع التاني.. لأنهم كلهم بيهتفوا سوا و بيقولوا :عيش.. حرية.. عدالة اجتماعية“..
تحميل كتاب "قص الحق" للدكتور (جميل أكبر):
drive.google.c...
حلقات "قص الحق" على يوتيوب:
• قص الحق 1 : مقدمة لت...
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ أحمد-بحيري-ahmed-behir...
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
المصادر:
- أعلم أهل الأرض
www.قooقle.com