Alalá nº 103 "O Entroido de Vilariño de Conso" - TVG

ALALÁ Nº 103: "O Entroido de Vilariño de Conso"
Emisión en Televisión de Galicia: 17 de marzo do 2009
Non hai nada mellor que estar un domingo frío de entroido co ceo azul e despexado nas montañas de Vilariño de Conso sentindo retumbar en todo o corpo o son ancestral dos bombos dos folións. Así poden describirse algunhas das sensacións que transmite este entroido, pouco coñecido a pesar de estar moi preto de Xinzo, Laza e Verín e de ser un dos máis antigos de Galicia e realmente vistoso.
Os folións son grupos moi numerosos de veciños de tódalas idades que tocan uns enormes tambores de entroido, gadañas e sachos seguindo un ritmo diferente segundo a parroquia. E acompañándoos van os boteiros, as máscaras propias deste entroido, cheas de cor e que bailan e saltan ó son dos bombos.
O domingo xúntanse en Vilariño os folións de varias parroquias. Pero durante o resto dos días de entroido unhas aldeas visitan ás outras co seu folión, merendan xuntos, dedícanse coplas e os máis novos corren a lardeira. Porque se algo caracteriza este entroido, ademais dos bombos e dos boteiros, é o sentimento de unión entre os veciños e a maneira na que participan e disfrutan todos, desde o neno máis pequeno ata o máis vello da aldea.

[@migueldieguezcamba3312]

estos versos son os que mais me gusta amin .Que non se perdan

[@adilacoelho4220]

A folia de Santos Reis, do Brasil, se assemelha a esse festejo

[@soyeric_xd84]

7:56 e eses non son nada comparados cas caretas dos boteiros de 12kg pa arriba, eu non sei como poden con eso e eso é verdade, aos teus lados non ves nada, solo adiante