#TalkFood
HTML-код
- Опубликовано: 5 сен 2024
- 近幾年大家意識到公共屋村的珍貴,想在它們未被消失之前,尋寶留念兼打卡,而南山邨就是其中之一。
位於石硤尾和又一村之間的南山邨,建於1975年,八幢樓宇分佈不同位置建成,有着十分獨特的建築幾何美學。
前往南山邨可在石硤尾港鐵站B2出口,沿着直路就可到達南山廣場。沿路可見很多舊式的設施、商店、士多,從街市走上平台,偌大室外空間,左右放了兩組彩虹橋,三段高矮不一、綠黃白色半圓鋼架,是元祖級初階馬騮架,配搭綠白色舊式公屋背景,每個角度都是打卡位。
離彩虹橋不遠處有一個巨型飛行棋場,位置就在南泰樓內街,人走進去這個巨型棋盤,你就是一隻飛機棋,跟朋友即興來一場飛行棋大賽,小時候的快樂就是如此簡單。
南山邨除了打卡位多,還有不少街坊老店值得光顧,全是南山邨的好滋味。
品香樓最人氣,人氣小炒、茶記西餐,由早餐到宵夜,都有街坊光顧,也是城大學生和附近波友的飯堂。不要看品香樓的店面新淨,其實已經開業四十多年,以份量足,味道好作招徠。招牌名菜都有一個人氣排行榜,最多人喜歡的,有風沙雞和火焰蜜椒牛柳粒。
金黃色的風沙雞,鋪滿炸蒜,皮薄香脆,雞肉嫩滑且充滿蒜味,吃起來不覺油膩,蘸淮鹽或喼汁吃更有風味。火焰蜜椒牛柳粒上桌後,店員點火,形成火焰,牛柳粒鬆化,重黑椒味,送飯一流。可惜薯仔不夠脆,只微微煎過。
還有一杯品香樓朱古力,頂頭滿滿忌廉,入口順滑,雖味道較普通,但卻是城大學生的美好回憶。
被稱為「南山三寶」之一的C+屋,主打開心價雪糕,開業十多年,很受附近的年輕人歡迎,一球雪糕才$7,味道選擇多,近三十種雪糕口味,以曲奇、荔枝和豆腐味最人氣,難怪是學生午飯後甜點的高CP之選。老闆說:「賣這個價錢都是過過日神,退休玩吓,做到現在」。
說到南山邨最老的味道,這間在冬菇亭的老粥檔「南樂園」,沒有街坊不認識。 南山邨落成四十六年,而南樂園就開業快要四十五年,是僅餘的第一代一手牌檔。
老闆曾生是第二代,十二歲跟爸爸落鋪開檔,上至做腸粉、炸油炸鬼,下至開檔執枱。 他每天仍然凌晨四時到粥店打點,堅持所有食品自家製,價錢便宜,日日新鮮。粥檔有售的,這裏幾乎都找得到,油器、腸粉、粢飯、粉麵、糉……交由經驗的員工、師傅負責。
他說自己一大早回店,先搓麵糰,準備炸油炸鬼及煎堆,然後處理其他瑣碎事,包括洗米、浸米、包糭、調腸粉粉漿等。
油炸鬼是粥檔招牌,麵糰即日手搓,且火喉控製好,條條色澤金黃,外脆內軟,入口有韌性,平日每天賣近二百條,以往五六日高峰時段,賣近千四條。
豆漿用店內舊式磨豆機新鮮製成,豆味清鮮濃郁,入口微甜,老闆說配油炸鬼吃最好不過。如此簡單的組合,卻有很大的驚喜。
南樂園賣的都是港式簡單粥品,白粥、皮蛋瘦肉粥、魚片粥、艇仔粥、牛肉粥、豬紅粥……粥底落足心機,用珍珠米和香米連同腐竹去煲。煲粥師傅每天凌晨二時煲粥,單單水滾就要一小時,煲粥就要三個小時。天氣凍生意好的時候,煲超過五六十斤米。粥底非常綿密,帶微微腐竹味,配炸兩或腸粉吃,窩心美味。
七時開始有售的粢飯,飽滿一大條,內裏的油炸鬼、肉鬆和榨菜,下料不手軟,糯米飯爽身,吃得過癮。
這裏還有全深水埗只此一家的古早糯米飯。有別於一般蛇店有售的臘味糯米飯,只有糯米飯、花生、甜豉油和油,屋邨價售$15。糯米煙靭,有米香,加上花生有咬口,是不少老街坊的童年美食。
本可不賣的糉,曾生也會新鮮包製,雖數量不多約三十隻,但絕不用工場貨,為的就是想街坊吃到非集團式味道。綠豆、腩肉、鹹蛋黃兩大隻,餡料滿滿。老闆說:「我唔敢說最好,但不會差過人哋 。」難怪不少已搬離邨的老街坊,也會帶同家人子女回味一番。
曾先生說當年這鋪位招標,只能開粥檔,他說注定他這輩子賣粥。入行以來,他說一直沒離開過,前陣子為了修理被颱風弄壞的帆布帳蓬,不小心從高處掉下來,受傷休息三個月,說是他最長的假期。
問到老闆會否想兒子繼承粥檔,他笑說除非兒子想入行,否則不會,自己能做多久便多久。
南山邨,處處情懷,滿滿人情味,下次到南山邨,除了打卡,不妨支持小店老滋味。
風沙雞 $148/半隻
火焰蜜椒牛柳粒 $118
凍朱古力 $28
品香樓
地址:石硤尾南山村南山商場平台204-205及210-213號鋪
電話:27788791
營業時間:星期一至日06:45pm-12:00am
曲奇雪糕 豆腐雪糕 $7/1球 $13/2球
C+屋
地址:石硤尾南山邨南山商場平台P20號鋪
營業時間:星期一至六 12:00pm-7:00p 星期日休息
油炸鬼$10
甜豆漿$10
白粥$10
粢飯 $25
糯米飯 $15
炸兩 $15
南樂園
地址:石硤尾南山村南山商場平台1號鋪
電話:2778 8720
營業時間:星期一至五、星期日6am-2:30pm 星期六休息
主持、撰文: Sharon Chan
攝影: Peter Li, Fong Ka Him
剪接:Peter Li
美術:Anita Lam
TalkFood 先填飽肚子再前進
RUclips : / talkfood
Facebook : / talkfood
Instagram : ...
#南山邨 #南樂園 #粥店 #品香樓 #南山三寶 #C+屋 #屋邨 #打卡 #風沙雞 #火焰牛柳 #朱古力 #雪糕 #荔枝 #豆腐 #腸粉 #糯米飯 #油炸鬼 #糭 #炸兩 #粢飯 #豆漿 #外賣 #食晏 #早餐 #深水埗 #石峽尾 #街坊嘢 #TalkFood #TalkFood石硤尾
延伸閱讀:
#TalkFood【#達人說】 增肌減脂有啖好食攻略 | 跟住IG爆紅健身教主布甸狗MicMic食邪惡嘢 | 帶住個磅去食飯 | 人肉卡路里計算機 | 食住瘦車仔麵 | Gym友福音快餐店 | 雞胸飯vs焗豬 | 零食甜品點樣買 | 米粉認證之大圍爆餡Bagel | #街坊嘢
• #TalkFood【#達人說】 增肌減脂有啖...
#TalkFood【#街坊嘢】柴灣山旮旯無冷氣點心牌檔 懷舊臘味糯米包 | 潮發粉麵
• 【街坊嘢】柴灣山旮旯無冷氣點心牌檔 懷舊臘...
粥檔樣樣都好味😋原來老闆樣樣都親力親為,真心佩服👍🏻提提大家,粥檔休星期六😊
請問幾點收檔?
2點收
已經冇咁好味,因一早做定,已前即叫即做😅
其實真係要好多謝CityU學生同埋附近夠多學校多學生❤。如果唔係學生撐住個場,南山邨依個老邨,唔會仲咁熱鬧。多謝❤。
@@sze_lok 真係會變左象山邨😂。話時話,象山邨間快餐都正,係細個既味道。我都係好耐之前睇RUclipsr介紹先識去。吉豬腸蛋炒底紅白汁。正呀。😂😂❤
撐場嘅仲有城大教職員同又一城寫字樓大廈嘅同事。
很欣賞粥店老闆講話做事的實在方式,看似很老實的實在人👍
最欣賞老闆果句「大集團冇得比」
呢種舊式屋邨真係買小見小裏面隱藏住好多老香港獨有既情懷,好回味細路仔個時一碗白粥一條油炸鬼做早餐😅
粥店師博勁,非常欣賞
品香樓現有位置之前是南山酒象,品香樓之前是做上海菜,佬板退休後由太子爺接手,南山酒家又結業,便搬來這位置做,品香樓是有南山邨便有它,不是在這位置做了4O多年,還有順帶一提南山邨正確位置系叫(九龍仔),不是石硤尾
其實是因為我們鄰近石硤尾站,所以便以為南山邨是在石硤尾.
睇黎係街坊,揮個手先。
@@raymondchan6890 平靚正嘅兒時回憶, 以前放暑假實要返南山邨過暑假(陪爺爺麻麻), 大時大節就帶存落嘅零用錢喺樓下士多瘋買. 開心的童年... 感謝南山邨..🙏🙏
@@raymondchan6890我由大坑東邨12座,搬去南逸樓這區共住了3O多年,但己搬走了快2O年
九龍仔😂好耐無聽過呢個名啦。以前細個老豆帶我去九龍仔公園。
40年前經常去粥檔,最喜歡艇仔粥和糯米飯,還有幸和曾家其中一位少爺做同學😂
做飲食同時係自己生意就最辛苦的!咩都係自己
南樂園啲粥同腸粉我食咗三十幾年,感覺真係冇變過,好食,喺宜家社會好難得
冬菇亭之前有家雄記車仔麵,豬皮,蘿蔔,牛腩,豬腸都非常正!如果由第一代在大坑東街市計起,足足超過五十年,衹可惜持牌人離世,第二代接班人如果要繼承就要重新投資裝修以符合牌照要求,但老板説他們衹是小本經營,非常薄利而時間又長,所以去打份工仲好過,結果就執咗笠,非常可惜!
現在已經沒有車仔麵吃了!
隔離一間食意粉,好好味
中學時成日去食仔麵,好味又低食
車仔麵當年都系1,2個人做, 邊有人接手
第一個訪問既哥哥仔好靚仔。
粥哥好野!应攞諾貝尓獎!忠於生活與人羣!❤❤❤❤❤❤❤❤❤❤❤
懷念魷魚🦑伯,在大眾國貨門口的剪魷魚的鉸剪聲、仲有樓梯低啲報紙檔、華人銀行…好多好多
美好的事都離開得咁快😢
大眾國貨、華人銀行都記得,証明係老街坊😅
品香由04年讀City嗰陣都仲放得入口,到而家又貴兼放唔得入口,呢間野真係奇蹟嚟😂
豆腐、提子冧酒、荔枝、椰子雪糕真係好食
粥檔老闆好有料❤
凌晨4點拍片,真係有心人
一品香,以前只是一間舖位,食上海野,十幾二十年前,要埋其它舖位,轉形,所以不同意開了40幾年!
南山邨粥檔,我8-9歲已經去食,現在5張嘢,隔離有檔牛肉麵又係好好食,對面有間賣上海粽好出名,D人特登去買
粥檔隔離檔意粉都好正…
佢果d椰菜午餐肉粒勁重麻油香
我記得細個食係分大$7/中$5/細$3碗咁嗌
可加炸雲呑或者紅腸$1
不過我通常食通粉……
唔係我唔鐘意食意粉
而係睇住夾意粉個呀姐最尾果吓張碗邊果d意粉用手指抆上去撈入個碗度
我接受唔到囉😅
@@eddysiu2661 我指個檔應該你講個檔,幾錢就不知,重係小朋友埋單唔會係我啦😂那時住白田那些安置區,媽媽成日帶我們去食
@@eddysiu2661 這個價錢應該82-85年代的了!40年前.
家湖粽真係最好食嘅上海粽,醬油味道適中,唔會太鹹。
Thank you for the intro. I was a kid grew up in the 70s, watching this video brought me back so many fond memories. The congee shop still holds up the old school cooking style ❤. The crew cook with ❤❤, that’s why their food is so delicious. I’ll definitely check out this shop on my next visit.
小雲,新工作比心機🥰
我搬開左廿幾年😅
魷魚佬應該無左啦……?
記得佢每次孭住個藍黎開檔
個籃成半個人咁高就係佢個檔口喇
佢果d鉸剪聲排隊時聽到已經令人興奮
排到去例牌買鬚(因為可以揀魷魚鬚或肉/翼)
講左買幾多就睇住佢用把鉸剪夾一隻剪一隻再夾再剪…
最後佢用隻匙羹(不)一啖秘製醬汁落去
好食到痺!!!
往是只能用記憶回味……
其實粥檔隔離以前賣意粉都好正架!
佢果d椰菜午餐肉粒勁重麻油香
我記得細個食係分大$7/中$5/細$3碗咁嗌
可加炸雲呑或者紅腸$1
不過我通常食通粉……
唔係我唔鐘意食意粉
而係睇住夾意粉個呀姐最尾果吓將碗邊果d意粉用手指抆上去撈入個碗度
我接受唔到囉😅
南樂園好食,足料👍
推介鹹肉糭,糯米飯☺️
粥檔家庭式經營,老細年輕時以前負責樓面,最喜愛糯米飯,食咗幾十年,可惜我已搬走咗
講句真,粥舖糯米飯真的好好味.豉油和花生真的好好味.
真的好食.
隔壁意粉,最好吃是辣椒油和炸雲吞.
但要$31元,有點貴.
P.S 意粉靈魂是椰菜、午餐肉、蝦米.
但真的幾好食.
意粉係咪轉彎位,對住停車場?真係未食過,以前返學放lunch啲師兄師姐好鍾意去食,但lunch又唔係我首選,因為我見佢應該唔夠我食😂😂,依家仲有冇得食?等我去贖罪。話時話,樹記搬左過黎,依家仲係咪度?我最鍾意佢芙蓉蛋飯。潘記就應該真真正正冇咗啦,可能成家移晒民。
@@pinglam2391 下?無左車仔麵啦?😢我樽橙色辣椒醬同樽裝可樂啊😢 不包飲品的話應該係果間啦😂,一於去試下先。😂仲有華人酒樓,以前幼稚園落校車放學就去搵阿婆。😂好開心。
意粉檔,如果計埋以前在大坑東街市揹住兩個大水桶做走鬼檔時開始,足有五十幾年歷史了!
@@allanallan1182 其實我好細個時幫襯過大坑東第三座地下魚肉/紅腸/雞蛋麵,麵底是普通公仔麵(最平那款),但是魚肉真的好吃.時間好似是1980-1983.
現在是藍球場和公屋了。
背景音樂“獅子山下”.
以前粥鋪嗰啲糯米飯加豉油花生最正👍
拍得好睇!好想去食粢飯豆漿艇仔粥
Hear customers praised the food how delicious it must be yummy n now dessert ❤😢😊👍
有腐竹嘅白粥而家真係好難搵,我童年時經常食,好綿好正!😋
以前冬菇亭樹記$16一碟飯包支裝汽水,當年真係靠佢慳唔少。亦都喺南山留低好多中學時嘅回憶,有時諗起都回心微笑。但品香真係不了,寧願喺冬菇亭食黃記
7:43 真正斗!糯米飯只加花生、蔥粒、豉油同豬油已经正到爆。细路仔時,尤其是冬天早上返學前,一路食住用纸袋包住嘅糯米飯,一路笑在心頭。本身已十分美味,所以當時同依家都唔明點解要加臘味!(除咗可以賣貴D外)
唔係豬油係葱頭炸的油😊
👍
拍得好,食得好。感謝老細。
多謝介紹
我就 form 1 仔 開始 食到現在
。。。真係食足 30幾年 的 好好味 既 魚片艇仔粥
花生豉油糯米飯👍
粥檔好正😊
懷念惜日情懷😢
嘩! 好介紹喔,好想快啲去試❤
哈哈最老的是我由九龍仔到南山邨謝謝你拍南山邨視頻另我🈶️童年的回憶👍👍👍🙏🙏
我12座
南豐樓
到粉嶺
轉眼間,就到花甲
大坑東街坊👍👍👍
@@tzeleungleung3137 咁岩既,😂又係下一站粉嶺。潘記係咪真真正正無做啦?
東新樓樓下間潘記?
@@thinklessthinkmore 潘記,冇乜印象
仲記得冬菇亭嗰檔通心粉,真係成世仔最好食嘅通心粉就係嗰度
仲要係暑假唔開
拍得好靚,好有心機。加油!
中學時成日落去食牛肉粥,好味又抵食
早兩日睇完、今日約埋同事一齊過去、又話食粢飯、炸兩、糯米飯、又話…..😂😂😂
頂、原來佢地由23/6-3/9放暑假😤
唯有等到9月再去😅
糯米飯好味👍
我嫁時也跟老公住過南山邨一段時間也有食過這間粥店,明年回港一定去食呀!
南山村 我最鐘意食就係夜晚阿姐推小贩賣果d燒賣 因為阿姐佢d燒賣全部自己即包即蒸十分好食
嘩,你唔講我都好似唔記得,就算你依家講我印象都好模糊😂,好似係有食過既😂
我那時都有食,一到6至7點,D小販就走晒出來,在地下街市那裏,仲有“粉絲婉仔翅”添!
係。。。但這幾年已經唔見左 姨姨 檔 燒賣車
@@kwoktony2971 人生第一碗碗仔翅
一年前夜晚去見到佢,之後再去佢地話佢好少開檔,有無人知佢下落?
好介紹,油炸鬼超正
懷舊嘅邨 懷舊嘅人
我哋好多年前都有幫襯過食粥呀!🥰😋
好似好好味咁 想試
靚女四點鐘都咁精神
Sharon加油💪🏻💪🏻💪🏻
中學天天在南山邨食午餐……很多店都已經消失了。😢
有新記者Sharon ❤😮
估唔到今集會講到南山村👍👍👍,不過品香樓就真系無粥舖開得咁耐啦。
哎喲,好懷念,好想食呀!
粥檔老細👍
以前白粥最好食,有白果同腐竹,好香好棉,正!
Sharon好靚. 以前南山區仲有好多小販, 中午有炸雞脾, 飯團, 正到爆, 不過消失左了, 印象中冬菇亭蒸飯都好似無做了, 粥鋪真係最耐最耐, 但品香樓我印象中應該廿年左右??
真係4x年, 我細細個就食
小販我都好耐冇見了,聽講而家間唔中6點後都會出現,不過我嗰日就撞唔到🥲
Sharon
@@TALKFOOD 以前晚上真的有,在粥檔轉右邊空地上,晚上很多學生(城大)光顧.
現在只有雞蛋仔好似仍堅持開檔.
但燒賣、牛肉球都沒了。
最最原始煎讓三寶已經消失了。
炸魚蛋、炸雲吞.
不是真的好好味,但是你行過一定會光顧.
現在晚上不准擺檔了,會重罰.
品香樓開咗四十幾年了,以前係做上海菜的,它的上海粗炒一流,到第二代人先開始做小菜。
品看樓真的是二十幾年,很久以前是做上海菜,所以叫一品香,小籠包、上海粗炒,銀絲卷等,但80年代很難在公屋經營,所以東菇亭粥舖、平價意大利粉、茶餐廳仍然可以,但是都很艱難,你看看泰湖在地下,樓下那幾間餐廳都是艱苦經營,晚市已經不及二十年前了.
此外一品香經營不到後,便轉變經營海鮮,加小炒像大棚檔.
直至城市大學和又一城開了後,又一居又入伙後,才多了生客.
品香樓又開始有名氣,最主要她肯開晚市做到零晨十二點(城大學生)可以有地方吹水.
邨內人有但很少這麼夜仍光顧,變相獨市(十點後).
運氣也很重要.此一時、彼一時.
主持膠up, 品香樓個照牌就四十幾年,而家呢間係裝修過的品香樓 二十年左右啦。
以前係city 返學,有早堂一定食左粥檔先去上堂…真係好正
我呢就好鐘意Sharon既
辛苦晒,四點就開工。
粥呢,做仔年代,確係唔錯,自從老老闆瓜咗,老師傅走咗,口味已經唔同往日,冇咁好食😅
粥舖 👍🏻👍🏻👍🏻👍🏻👍🏻👍🏻👍🏻
品香樓好食, 鑊氣夠
好掛住佢碗牛肉粥、糯米飯多豆多色
以前細個唔識欣賞D糯米飯,成日同阿媽講無料既。😂而我人生第一碗艇仔粥,到今時今日,去到邊我都係食艇仔粥。係我既啟蒙😂。話時話,我見餐牌寫大艇粥大牛粥,咩係大艇大牛呢?
@@thinklessthinkmore 個「大」字代表大碗D,份量多加咁解!佢D碎牛粥係香港現在冇幾多間係呢個味道,大家趁仲有得食,去回味一下
@@boxtv2207 佢D碎牛就係我碗艇仔既寶。每次都係放到最後先食😂
@@thinklessthinkmore 我都好喜歡
糯米飯好正
企企理理,乾乾淨淨
我住九龍塘也經常去食
我以前是住在石硤尾南山村木屋在神召會同 石硤尾警署中間條路上山頂的木屋村。 米雪的男朋友(已經離開人世)的足球員同村 相信亦會有四十五年前左右。不知talkfood 是否講這個 南山邨呢?
白田?
the hostess is very lovely
好懷舊
请问这些店还有开吗
好味道!
品香樓真係City嘅飯堂😂
呢條女會令我繼續想睇落去
起痰
同大埔 LuLu 好似樣
哩間真係幾好食 不過等好耐😂
Sharon Chan is 最正
正 好鍾意食
見到好多中學師妹❤😊
玩飛行棋好正
唔知係咪年紀大
就係(南山邨)所有食物都好好味
不過再次返去都食唔番以前嗰啲味道
唔知係咪80年代好多味精加落呢?
正👍
品香樓只有十多年歷史,舖位才是四十多年,前身是南山酒家。
南山名物仲有燒賣姨姨,即包即蒸即賣
南山酒家,前門後門都勁污糟。每次去文具店都唔想經過。😂
其實一品香是他爸爸做.
跟著是亞哥和弟弟做,亞嫂做收銀.
而亞哥是肥少少,弟弟瘦少少.
兩個成日嘈交,但第二日就無事,每日輸迴.
後來他們搬去新舖換了橙色員工服.
亞哥已經少出現.
品香樓唔只十幾年 至少二十年 細個係個到附近讀書 係學生飯堂
多謝介紹 粥檔真係好食 但一下子好多人去 冧晒檔😂 淨係試到粥同油炸鬼 但好好味 係舊時味道。。。
但唔好意思 各位南山邨邨民 打搞晒😅
同埋多謝 兩位哥哥姐姐介紹埋我地食意粉同奶茶 仲提左我地比錢😂
希望呢d老邨可以多d人認識 同時唔好影響到原居民生活😢
點解冇介紹地下嗰間 上海粽?啲人揸靚車帶工人嚟買喎
點解今次冇拍魷魚鬚架
好像很好吃
小雲頂左y小編?😱
那裡還有一家非常有名一年只賣一次粽子的店.
咁多間上海粽, 南山邨嘅 嘉湖粽最好食
@@chantania6017 他們還在營業嗎?
好正
你好靚女,拍得好。
條女
Fabulous and outrageous
太貴了。
蝦多士呢,南乳豬手呢,籠仔蝦飯呢
粥舖老板曾生是我小學同學呀!唔知佢仲記唔記得呢?四邑同學😅
請問你係邊個呀
你地應該係我四邑學弟,我72年畢業,6年班班主任雷女老師,還是關校長,後來似係我敬愛的趙主任做校長!我每次返香港,都會去大坑東,南山邨,石硤尾行下懷舊,我亞嫂以前就在這裡賣衫!2024,,4月中去探兄嫂,到時早午晚三餐,一定會係南山邨!
你唔好着得咁過分😂3:51個學生仔流晒汗,口窒窒,不時偷望嗰兩球..雪糕🎉
我都頂唔順啦,何況個學生仔😂😂
但我中意y小編多d❤
Sharon ❤❤
我廿年前讀中學日日食咁滯 估唔到仲係度
主持人咁有氣質咁靚女 竟然都有懶音😢
屋。牛。 必須鼻音。。ng, N .. 發聲先
幾十年嘅老店 唔好食嘅都淘汰咗啦 其他原因解年老 比舖租逼走