HTML-код
- Опубликовано: 29 апр 2023
- #MM #美味道來 #耐人尋味 // 大圍35年瀕臨絕種客家飯店 堅持煮經典客家菜酒糟豬肚尖、蛋角豆腐煲考功夫 家族式經營靠午市地盤客 碟頭飯始於客家菜？梅菜扣肉個「扣」字又點解？
年近80歲的劉重光師傅手腳並用，一手握著沉重的生鐵鑊，一邊以膝頭頂上爐頭按鈕控制大細火，爐頭火猛，「蓬」一聲照亮他臉上的皺紋與稀疏的白髮，看見火候正好順勢熟練地拋一拋鑊，鑊內的豬肚尖劃出一個漂亮的孤形後再落回鑊上。「豬肚尖不好炒，薄身很易過火，太熟就沒嚼頭。」劉師傅正在料理的酒糟豬肚尖已是坊間難得一見的客家菜傳統菜式，一來多工夫，豬肚尖位於連結豬腸道上方大約3吋的位置，只有豬肚的大約四分一，肚尖切走筋膜脂肪，片片切得均一，還逐塊薄切𠝹花，一個豬肚薄切後只有掌心大的肚尖，劉師傅會繼續做，都是因為剩下的材料可以用盡煲豬肚湯。「我這些牛鬥豬、炒肚尖即使是客家菜都沒有做，蛋角豆腐煲都沒有，全香港也沒有這個菜（蛋角豆腐煲）。」娓娓地，美味地，今集為你道來一間由傳統，變成潮流，再經歷瀕臨絕種的正宗客家菜故事。
老派客家人與菜
「醉瓊樓就是我爸爸及朋友一起開設的，泉章居（利舞台）我跟老闆開的，就是我擔大旗幫他開張的。」劉師傅帶著自豪的笑容道。60年代找工作都是一個人介紹另一個人，所以不同的客家菜館之間，不是這個是親戚就是那個的鄉里。劉師傅16歲入行，由60年代月薪只有70元的學師做起，「師傅一般都不教你，當時我常常洗牛柏葉，幾十斤牛柏葉，由黑洗到變白。還有做其他雜事，剁豬肉、釀豆腐。那些師傅很欣賞我認真做、勤力、投入。」劉師傅80年代已經是著名客家菜館泉章居主廚，有萬多元一個月的薪金，80年代太古城一個單位賣大概60萬。1988年他決定自立門戶，在大圍同一位置營業至今，60至70年代是客家菜全盛時期，有過百間客家菜館，但到今日剩餘估計不夠20間。
認真、勤力，是普遍對客家人的印象，客家即是「遷徙」，他們以前習慣到處為家，生活艱難塑造出客家人刻苦個性，好像劉師傅這個老派客家人做到今年79歲還幾乎全年無休負責廚房，每日早上回來就備料準備午市。
午市是每日最忙的時候，本身有另外一份工作的長子浩然，幾乎每日都會回來幫忙，之後又趕去下半場工作，好像劉師傅做的這類傳統客家菜，在講究精緻的新派粵菜興起，及社會更加發達的時代變得越來越式微。平日晚市客人只有小貓三四隻，整天最多客心的時候就是每天地盤工人午飯的時候。
「我們現在都是家庭式做法，我有子女五個，一個女兒四個兒子，現在暫時有兩個兒子在幫忙。」五個子女但沒有一個能進廚房接劉師傅大旗。劉師傅那一輩的大廚接受老派學師訓練，由洗牛柏葉、打荷開始，到慢慢拿鍋學怎樣拋鍋、煎炸東西、控制火候，每天工作十多小時年終無休，終於練得一身客家菜本領，於他眼中五名子女沒一個是有心學習，「他（三兒子阿昌）又不會看油鍋溫度來下鍋，太過猛火也不行，這些他看不透，都沒有心情學，我不會指望他們接手了。」劉師傅苦笑道。所以現時子女與太太都是在樓面幫忙，廚房就全靠劉師傅及另外兩位資深的師傅。
圍村客家菜、東江菜與碟頭飯
香港現行的客家菜大概可以分成兩類，一類是300多年前由山區來到香港定居，融入海邊居民及水上人特色的「圍村客家菜，最出名的就是煮魚鰾。本身來自山區的客家人是不會吃這材料，另一種就是隨著工業發展而興起的「東江菜系」。東江菜系就是50年代陸續來香港的客家移民，他們來到香港要糊口，所以就要適應當時的社會需要，做了一些便宜快簡單適合香港社會人口味的菜，經典例子包括鹽焗雞、梅菜扣肉、釀豆腐等菜式，以上菜式的特點都是可以將它們的碎片縮小成碟頭飯。
「他們很多是在解放（50年代）之後來到香港，他們沒有把山區的特色小食或是野味帶來，他們不是要把飲食文化帶來，而是要真的符合香港人的需要，然後在那裡找到出路。」中文大學人類學系教授，本身亦是客家人的張展鴻解釋道。原來在50或60年代以前，社會普遍對到餐廳或館子吃飯的印象就是「一盅兩件」慢慢歎茶，或是一圍枱叫小菜吃那種聚餐感的晚飯。「碟頭飯是50年代出現，開創了一個新的飲食概念的形式。」張教授補充道契機就是1953年石硤尾大火，迫使香港政府選擇一個房屋政策，開始興建公共房屋修橋起路，進入了香港的輕工業發展期。「工人都要吃飯變成來這些店舖吃飯，今天我們看到一些舊式的東江菜店舖有這樣的氣氛，即是下午有很多工人階級光顧，來到叫一個碟頭飯，自己開茶就完成他的午餐繼續工作，這個差不多是香港的輕工業發展造就出來的一種生活模式。」當年的情景就與今天在港興大飯店仍然看到的午市情況一樣，整群工人圍在一枱各自吃自己的碟頭飯，快快吃完就繼續開工。「客家菜一向都有（碟頭飯）的，是我們客家菜才有，後來就茶餐廳都有了，那時（60年代）一元一碟的雞飯、扣肉飯、雜燴飯最受歡迎，工人多數喜歡去客家飯店吃的客家菜夠大份、價錢便宜。」劉師傅笑道。
張教授認為就是經過這段東江菜混合香港發展需要與香港人口味的歷史，令東江菜系客家菜在香港發揚光大，「很多時候我們看到社會有改變，是有外來的衝擊。50年代香港人口大爆發，由戰前160萬人增加到50年代是260萬人，社會的配套需要未必足夠，碟頭飯亦乘時興起。」
經典客家菜式
雖然說東江菜極可能是碟頭飯始祖，但不要以為這樣就代表工夫簡單，阿Sam在菜單裡選了四道還在流傳，又看到客家菜特色的小菜，好像骨髓炆三鮮，味濃廉價的雜燴，將本身用剩的部位不浪費一併善用而出現的菜式。
而酒糟豬肚尖不只考刀功和火候控制，更因為量少，一個豬肚薄切後只有掌心大的肚尖，所以沒甚麼人會做。「我們用酒糟炒，梅州鄉下的酒糟就是最傳統的，通常鄉下人生兒子補身，農村又用這些補身。」
蛋角豆腐煲這個經典客家家常菜看似簡單，但同樣是功夫菜所以沒甚麼人做，蛋皮包入肉碎、魷魚粒、蝦米、馬蹄，最後把蛋角與豆腐放入煲仔以高湯猛火燒滾，加一把生菜就完成了。「下鍋時以蛋包著考功夫，注意雞蛋要打得夠『鬆化』才容易將材料釀入蛋。」客家人釀菜源自北方包餃子的習慣，傳說客家先人從中原南遷後，因嶺南少產麥，過年時吃不到餃子，先想到將餡釀入豆腐代替餃子皮，再演變出釀苦瓜以及這道釀蛋角的菜式。
最後客家菜其中一個招牌菜就是梅菜扣肉，先在五花腩皮搽醬上色，之後炸透豬皮再與不同調味料一同煎香，扣肉是扣在甚麼地方呢？原來「扣」是動詞來解將菜與肉混合的這一下手勢。
好似越傳統的菜式，就越容易扣上繁複困身的工序步驟，老派人那種將整個人生都奉獻上的全情投入，在現代好像變成不切實際的想法，傳統客家菜講究「鹹香肥」，但到現今講求健康飲食的世代就變成高鹽高油高糖，看來食物與價值觀一樣會受時代逐步影響。不過可以肯定的是港興飯店之所以仍然生存，是因為劉師傅仍然執著傳統一套，在現時其他店舖很難找到。
策劃：梁中勝
拍攝：潘志恆、林亦
剪接：林亦
監製：甄俊宇
#大圍 #客家 #客家菜 #酒糟豬肚尖
#蛋角豆腐煲 #碟頭飯 #梅菜扣肉
#梁中勝 #MM_Sam #MillMILK
___
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 RUclips APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
![深扒：馬雲突然消失，又突然出現，支付寶變更控制人，這背後究竟意味着什麼？阿里巴巴崛起與墜落的真相 [She's Xiaowu 小烏]](http://i.ytimg.com/vi/2dP47tZEEZM/mqdefault.jpg)
![Sean Rii, Karyon, Sharzkii - Taungule [My Love] (Official Music Video)](http://i.ytimg.com/vi/eJoMuypbSzQ/mqdefault.jpg)
其實都明白會有好多聲音，好和唔好都知要接受。這個拍攝MM係想帶出一家幾拾年嘅小店在現今香港仍生存緊，點解？就是一份情，家家有本難唸的經，可能屋企有人講錯說話，望大家見諒，多點體諒。明白有愛及包容的心，事情也會舒服點。食餐飯一樣今個餸唔啱咪食下一個餸。其實這個拍攝亦只是想給爸爸一個紀念，可能2年後港興真會因成租金問題或其他原因不能再經營。昨天報道出街，今天舖頭係混亂在此對來到都客人致歉。請見諒！
爸爸👴🏻出年80歲了！
曾經不明白他這麼辛苦為什麼？好應該要退休，好應該放下港興。直到有一日我因自己的工作，突然領略到爸爸的感受🥹原來一間舖頭擁有的是份情感。
他勤勞不怕辛苦，港興就是他一生的心血，在香港地經營一間小店絶不容易，幾拾年經歷了金融風暴、沙士、近這2年幾的疫情，幾拾年轉了幾次業主，租金絕不容易捱，做的不是賺甚麼大錢，有時甚至生活也成難。35年的時間，港興就是我們家人，親戚朋友們見面聚首的地方，有著的是情感。情最濃💕
重點給我爸爸媽媽一個紀念💕
我們看得到感情才重要🥰
希望劉師傅繼續enjoy做出美味小菜。
好感動你有一顆寛廣之❤心。
網上世界有時太不留情，希望你們一家不要太介懷☺️
傳統老店的菜式已越來越少，對劉師傅那份堅持很欣賞，會介紹給喜愛傳統食物的群組，加油！
首先劉師父
用堅持至八十歲
係絕對值得尊重！
第二你們幾兄弟姐妹
有無為排第三果個
投資大亨感到
自豪和嬌傲？
你們這家人
有他，也感到無上光榮嗎？
其實個訪問
已表露了
他是個一事無成
嘅二世祖
"賭神"唔買個咗鋪位自己收租既?......都唔係好叻投資姐... 🤓
其實一個成80歲嘅 人擔起成間飯店已經好叻, 食味就見人見智, 入去幫襯, 一定食得飽
沒有這麼辛勤的爸爸，怎能把他們養育到這麼大。希望他的手藝最終可以傳給一個有心人
阿昌那段訪問， 令人看得非常不舒服。 那副不可一世的樣子， 跨說自己搵幾多錢， 投資搵錢至係正道。 唔好俾我估中， 佢有 天輸到瞓街時， 會後悔冇學好一技之長
@Chun Wang Law 事實有時係好難聽
@@RM-yu5ph 分分鐘其實只係催佢老豆賣鋪分身家
@@RM-yu5ph 好似你條撚樣咩，句句虛偽，你以為仲係舊時港英？
@dionne0711 頭先啱啱至有人話我呢條撚樣， 唔明白阿昌, 跟住即刻刪除留言。 而家你又突然兜番.
阿昌， 我再講多兩句提醒你啦， 我說多， 只是因為你爸爸做的懷舊客家菜份上， 我的童年回憶。 投資嘅嘢， 我亦有些經驗。 真正有錢的人， 不是像你這樣 土豪態度的。 有空去睇下 真正的企業家、 成功投資者的自傳和訪問 ， 你會明白你和他們的分別 。 不過我都知你會即刻 delete 你的留言了.
影片介紹客家菜和訪問劉師傅，內容吸引，非常好看。不過片尾你們公司同事們，隔了兩小時才吃受訪者餐廳的食物，並公開評論食物，實在對被訪者非常不尊重。可能你們認為這只是影片花絮，但確實非常影響觀眾對你們的觀感。
食物好吃與不好吃，應該要有客觀的標準比較，說出來才有意思。個人觀點可以不出現於這類型的影片。
人地比佢採訪 仲要比佢踩
真係…衣家感覺好似反正都拍左就唔好嘥…擺落片尾當彩蛋咁…好唔好食一件事，但係食野一定要趁熱食係基本。
明白，多謝你地意見，我地正在處理🙏
對！ 拍攝得很好，但後面的花絮真的令人憤怒，豆腐 算較好吃但都不算很好吃！點啊？即係叫人唔好去
明白，多謝你嘅意見，我哋正在檢討及處理中🙏🏿
好多謝你哋介紹這間酒樓， 尋找多年， 一直想搵的就是這種童年味道的客家菜。
至於片尾的食評部分， 我覺得絕對不需要 加插。 你們是很專業的記者媒體人， 但你哋絕對唔係識食之人， 以往睇過多次你哋介紹飲食嘅片， 已發覺飲食知識不是你們的強項。 何況你哋食評， 係啲買了幾個鐘後的外賣， 仲係凍嘅， 這樣評論， 有欠公平
擺幾個鐘頭D餸菜岀晒倒汗水，好食才奇怪。😢
講得好，完全有同感，佢哋仲要唔係第一次係咁
@@hongkonger888 任何要煮的外賣， 點都冇可能和即做即吃的美味相比。 尤其中菜著重的是鑊氣。 可能現今的兩餸飯， 搞壞了好多人的味蕾。
@@weatherlaw6793 你講得冇錯， 啲倒汗水， 破壞味道之餘， 合外買啲嘢都局到變曬色了。
做咗超過一年，而且之前來自同一報館，點解人多每日出片既MM重差過人少隔2日出片既米紙呢？
最尾個花絮，其實可以刪咗佢，大圍外賣去柴灣你搵間好食嘅俾我睇。咁樣批評一啲都唔公允。
仲要擺左兩小時
唔明點解唔係成隊crew 拍完喺果度食埋先，個豆腐炒完擺兩個鐘唔難食都偷笑啦，扣肉又係攤凍哂結哂油餅點食呀。下次唔好咁喇。好唔尊重受訪者。
明白，多謝你嘅意見，我哋正在檢討及處理中🙏🏿
如果師傅堅持要煮，應該支持，因為係佢生存意義，而且係佢專長。
食店揾錢艱難，欣賞老闆嘅堅持。七十九歲拋鑊都仲咁有力，祝身體健康。住大圍，下次經過會試下🤣
作為客家人~一聽你哋介紹客家文化我就覺得好幸福！
而且合照加記錄。。。無價！多謝ｍｍ！！
今集其實個idea好好
點樣適應傳統同現代之間嘅衝突
有師父由細做起做咗幾十年
有人覺得“投資”搵得多過你全日賣飯
拍住都仲拎住部手機撳撳撳
然後再現實咁講好多自己一家人有份嘅舖好多負面嘅嘢
我相信留得呢嗰片段比大家睇
可能都想反映真實嘅一面
不過作為觀眾睇到嘅似乎係負面同衰落
同埋最後食評你買外賣仲要隔咁耐先食係唔係會有影響呢
今時今日~辛苦困難~將來就是文化藝術~謝謝制作~♡♡♡♡♡♡❤
由細食到大 呢間客家菜最啱我！❤️
只是試過一次walk-in 味道差啲。
所以每次都打去預約係唔同啲😋
扣肉係重脂肪野, 越肥既野就越要熱食, 你班友就凍左先寫食評, 評條春咩
本身成條片段都好高質, 無95都有90分, 但落埋個唔專業既食評, 50分啦
明白，多謝你嘅意見，我哋正在檢討及處理中🙏🏿
評論中肯直接，深有同感，95分。如果將評條春改為評粒春，或評條鐵，那就100分了。
一家人好warm，老一輩師傅的敬業👍
客家菜相對「重鹽、重油、多肉」，於追求「抵食」、「飽肚」的年代，非常適合上一代香港勞動強度大的人群
其實客家菜表面係送飯菜, 但係好多菜色都係功夫菜, 好多手功去做, 只不過賣相好粗唔細膩, 唔用貴食材,比人感覺係平嘢
係大陸新派客家菜叫(客語) , 全國幾百間分店....大圍呢間好聽話傳統, 唔好聽的話幾十年都不思進取..
@@tooXtoo 新咩派菜吖,客家菜原味冇曬, 只重包裝, 大6 最叻搞呢D, 用客家菜外殼, 冇客家菜簡樸精髓, 就算做到上市又如何?
你又知香港人做客家菜不思進取?
@@rubychan5714 呢間係不思進取,幾十年前的風格, 一D都唔企理 ,客家菜重油,重味, 依家社會追求健康, 同埋唔會食咁重味...不改良, 漸漸無生意, 無人食,做唔住, 就收皮...講多都無用, 睇下香港有幾多間(存在的)客家菜館.仲有我係話呢間, 唔係話香港人做客家菜不思進取
@@rubychan5714 (「重鹽、重油、多肉」，於追求「抵食」、「飽肚」的年代) 現在年代不同, 食的選擇太多, 重健康,不改變注定生意市場漸漸變細...最後收皮....
個ending想點？🤷🏻♀️如果覺得外賣麻麻地係咪應該試吓新鮮堂食呢？人哋老闆娘都問你地要唔要食飯？再講乜嘢外賣放兩個鐘都冇新鮮咁好食㗎啦。原本睇完都幾想去試吓，而家唔係好明，你哋係推介緊定踩緊間餐廳。最奇係過到阿姐過關出到街（Btw 住附近會去試下😂）
明白，多謝你嘅意見，我哋正在檢討及處理中🙏🏿
@@Cie548 周圍見你慶功興奮過你老母生日
@@grandmaho5800 好似你响街見到啲癲嘅，你唔理佢就得咯喇😂
@@grandmaho5800 懷疑上邊條友係負責人啲friend😂 咁肉緊
@@Cie548 Go see a mental doctor, you need it.
其實個彩蛋係想表達啲咩？
點解要對間餐廳咁唔公平？買完外賣後兩個鐘先食，就話人哋唔好食….
又唔見你去啲大集團買外賣兩個鐘後食, 然後批評?
我本身好鍾意睇mm啲片，但係近排有啲片，採訪同處理手法真係好有問題，可唔可以面對個問題，做出改善, 唔好剪走咗就算….
剪走左，仲想睇佢地幾仆街添……😅😅
我未留過言淨係比開like，但今次真係忍唔住dislike同留言一次過
平時真係好欣賞你哋啲影片，主題精闢又可以帶動觀眾反思
但今次你哋個Ending簡直不知所謂，我明人對食物嘅喜好係主觀嘅
但你個食評起碼要喺公平條件嘅情況下去評論，
試問有乜嘢外賣，過咗兩個鐘會仲係好食?
我欣賞你哋影片嘅呈現方式同訪談嘅內容十分真實，
但內容嘅真實性唔代表要犧牲應有嘅尊重
100%嘅呈現就係咁？
姑勿論你哋今次嘅食評做法恰唔恰當
都可以反思下果段食評係咪真係有幫到影片想表達嘅思想
我和家人由細食到大,水準一直保持!一個人/一家人一生奉獻比飲食真係值得尊敬,會繼續支持:D
大圍街坊都知港興唔係咩極品美食，但起碼貨真價實手功傳統菜，真係執一間小一間，比你咁攪真係多謝晒。到佢光榮結業果日先話去排隊幫襯先話唔捨得。成班柴娃娃做食評，真係好反感
之前又係大圍間牛腩麵明明難食到嘔可以捧上天。劉師傅係咪無比繕稿費
佢哋成班人， 冇個識食， 以前啲飲食系列 片都已經暴露出， 佢哋對飲食知識的貧乏。 今次片尾仲走去扮食家 ， 評論焗咗兩個半鐘的外賣， 仲係凍食， 咪衰曬囉。
我都好擔心今次的大頭佛， 會令劉師傅 心灰意冷 ， 不再經營下去。
@@RM-yu5ph 其實唔識評咪學下隔離米紙咁搵番個有經驗的嘉賓/食家一齊做食評起碼睇落都會客觀好多
最經典嘅舊式菜館裝修：木風咀，風喉一定用木殼包，傳菜升降機嘅沙啞蜂鳴器聲
我都唔明加個咁樣ending ，究竟你哋想表達啲乜？😵做呢類訪問，唔一定要讚好味，但唔係要咁唔公平，啲小菜放咗兩個鐘唔翻熱就食，然後話人唔好食...
港興加油💪，我午飯晚飯時常幫襯，從來冇失望，識食嘅客一定堂食😊
收錢就讚，大品牌就不停讚，老店小店俾唔起錢落廣告就扮中肯踩兩腳，呢啲仲唔係霸權
曾經每日必到飯店，全家人都好好！
小時候我們小朋友生日爸爸都會帶我們去泉章居吃飯, 現在才知道是劉師傅主理, 謝謝師傳❤️👍
我本身是客家人。細個時聽老爸講，我地原本是中原一帶的人士，不過因為戰亂、工作等原因，一直由北向南移…直到十九世紀到了廣東…不錯，時代是要進步的…不過就算Steve Jobs也講…you can only connect the dots by looking back and you have to trust that the dots will somehow connect in your future…向上流似乎只有炒樓炒股炒炒炒…但生活其實好簡單…無得食，你炒乜都無用…看到有人對做飲食有點鄙夷的感覺…始終後生仔，鴻鵠之志應該有…但生活就只有呼吸之間。
我在 96年至98年，於大圍上班， 中午有時在這客家菜館食飯，成日點碟頭雞飯，確實係幾好食。 諗番起都好多年，間唔中都會去食番次回味一下。
阿昌講嘢好冇禮貌，至憎佢同阿Sam講嗰句，「我收咗錢，比你今日搵嘅更多」😡
+1
+2
常真正客氣菜的味道失去後先知可惜就遲了，希望有人可傳承這種味道！
呢間好好食，以前一直幫襯，不過疫情期間小去，找日再去食晚飯回味下先😊
客家菜有那味道吃了又想回來吃，我的最爱，我到外地方旅行都找客家菜館，馬來西亞及台湾，新加坡我都吃过，很不錯
今次真係衰ending，sam可以當訪問形式去做一個新世代對傳統菜式嘅意見，然後埋尾講返新與舊的思想差距，開頭個故仔令人睇到一份對傳統嘅堅持，拍得好好，點知到最後，返到公司就批評師傅d野食渣，覺到MM好似好假，兩個面孔，亦都對師傅好唔尊重😤
買左2個幾鐘再比同事食,踩９人地,真心ending好Ｌ差
直頭不L知所謂
@@chanmouse6624 梅菜扣肉放兩個鐘唔整返熱嚟食，啲油都瓊哂啦，呢班人根本連基本常識都冇。
明白，多謝你嘅意見，我哋正在檢討及處理中🙏🏿
訪問完傳統野又最尾黎踩人😢不知所謂。似係想有將傳統野加快衰退既嫌疑
好正, 睇埋又準備食飯
其實做完訪問又唔一定要讚間食肆啲食物
但係MM同上次講齊柏林一樣將啲嘢食攤到凍狗晒先食，個食評就真係好唔客觀
不如下次買雪糕買乳酪擺返兩個鐘先食啦
咁又幾PX wo 你好似西家咁屌鋪好過啦 又要做訪問又要屌鋪睇下邊個比你拍🤣
@@foreveryoung6727 收錢做宣傳就話要讚啫，如果係普通訪問都唔可以客觀嘅話，咁就唔好做記者啦
如果覺得食物一般，點解就走去搵人做訪問
老闆好人同你做訪問，你地咁樣洗人一鑊，最後幾個人冇禮貌咁話人野食一般，吾駛你地專登唱好，但都吾好咁踩人啦
明白，多謝你嘅意見，我哋正在檢討及處理中🙏🏿
MM咁樣冼人一鑊並非首次, 之前另一大圍食肆個集負評如潮, 好心咪再攪大圍食肆啦!
今次MM阿茂整餅, 條片主題係傳統客家菜情懷與時代的衝擊， 不是關於酒樓出品的 餸菜是否美味， 不是探店試食， 今次佢哋自作聰明， 唔識食但硬要扮食家， 闖出大禍了。
@@Cie548 yes, 得過且過, 過2日冇人記得了
其實呢見到咁樣嘅留言 ， 我真係戥偉雄哥唔抵 ， 幫襯咗佢10幾年 ， 次次食親都坐低傾兩句，臨走每次都送梅菜扣肉比我 當我係屋企人咁。 我就一撚定係繼續支持 ， 睬你都戇鳩。 人哋家族生意咁撚辛苦 做幾多得幾多，佢同我講都不知幾唔開心 不知幾想有人接手繼續做落去。不過時間唔等人 佢有心冇力 … 唔會再睇你哋 。 dllm
傳統客家菜真係買少見少
既然做得哩個故仔
就應該俾多少少尊重個受訪者
正因為客家菜早已唔係香港主流飲食
唔合大部份人口味係正常
正如我係客家人，都唔會款款客家菜都鍾意食
唔需要讚亦唔需要彈
尊重就可以
上個月第一次幫襯這客家菜館，鹽焗雞和梅菜扣肉很好吃，會再去吃
其實客家菜都濃味，我個人很喜歡，尤其看見他們咁正宗，正👍，更要多碗白飯才完美😊
以前灣仔有間叫「東江大飯店」的客家菜館，記憶猶新。節目講得沒有錯：客家菜比較重口味，因為傳統上客家人從事農業的體力勞動，要求高熱量高鹽分的食品，這就是塑造出客家菜本格的基礎。現今的城市生活環境，和傳統客家菜並不相配，所以日漸式微也可以了解，縱使由名店泉章居的主廚亦如是。
係咪响軒尼斯道近修頓球場？我有食過呀 😅
我食梅江
荃灣都有間東江大飯店 又係客家菜
@@fainhk 梅江正呀
@@ichikasaiko709 依間好食又抵食~20年前讀中學已經幫襯
片尾對劉師傅非常不公平，放了兩少時的食物怎會好食
非常不客觀，無禮，不專業。
😂我覺得個段搞到成段影片主旨不清
要人留意呢類式微餐廳 就唔好擺2個鐘先食嚟評論啦
可能真係正如佢後記講 無特別+今時今日嘅人食嘢口味變遷 想表達呢點 就係影片加埋 唔好後記講
而且人哋就係正正味道濃 好送食 等啲工人開胃食飽飽返工 其實人哋餐廳完成咗佢任務啦
明白，多謝你嘅意見，我哋正在檢討及處理中🙏🏿
本來條片上半部一直感受到劉師傅同太太嘅人情味，但成個故事嘅「情」就喺尾聲由阿仔阿昌嘅一番說話同態度一手破壞哂... 的確，現實可以係好市儈嘅，但阿昌同其他家人嗰種貌(不)合神離，係一種輕視自己父母工作嘅態度，就令人有種唔舒服嘅感覺... 最後合照部份，當其他人關心緊爸爸上鏡靚唔靚仔，阿昌就一影完相就彈開... 呢啲真情流露令人可惜
敗家仔,大仔拎曬老豆老母D$
真！睇到我都覺得條友好黑人憎
俾飯佢食仲要嫌三嫌四就係呢種人
原來做錯嘢，要cut左ending😮。睇留言似乎買咗外賣幾個鐘先去品評人哋d食物，放幾個鐘，咩佳餚都變質啦！
誠意推介!!!!
其實最尾個花絮, 係想帶出d咩?
呢啲老師傅 走一個無一個 respect🫡
另外對片尾有啲反感 真係覺得你們團隊想表達什麼呢?
明白，多謝你嘅意見，我哋正在檢討及處理中🙏🏿
最尾段食評真係無謂左
明白，多謝你嘅意見，我哋正在檢討及處理中🙏🏿
Look so yummy! Want to try
客家菜其實陪住我們一齊成長，當年細个，唔識分是那个鄉吓菜; 梅菜扣肉食得多。希望成繼有望!
anyway! 下次去大圍食飯，都會去幫襯下！支持下😋🌈
The end bit ruins everyone's afford and hardwork of making this special video about our fading culture and traditions.
老师傅坚持的职业精神很值得敬佩。有机会一定会到他们那里试试刘师傅的拿手菜！
我無食過間野，但係人都知買完局兩粒鐘乜野都難食啦下話？
就算佢新鮮整出黎唔好食都好，你地條片主題唔係sell人情味，舊傳統咩？食物味道出唔出色應該唔會係重點，除非佢真係難食到乜咁😅
再者，人地借個場比你，全部一齊幫你做訪問，拍野又驚你地餓問你地使唔使食飯，最後個埋尾咁樣真係睇唔明係咩意思，有冇人出黎解下話係點解要咁樣做
以往都有睇你哋嘅片，因為有好多人同人之間人情味同埋社區嘅關係，今次真係有啲失望。
梅菜扣肉唔會有影響反而會仲入味而且有用保溫飯盒唔會係凍食
MM 呢期興sell吊鋪
你買左2個幾鐘外賣再比同事食,踩９人地,真心ending好Ｌ差,你地咁拍片為乜???
可能沒俾錢落廣告
明白，多謝你嘅意見，我哋正在檢討及處理中🙏🏿
人哋誠意拳拳成家出晒嚟幫你做故事，成家人呀！一個屈尾十喺彩蛋話人哋個扣肉難食，mm您都幾好意思👍🏻mm都係去做返d有錢收既故事做啦！
唔使擔心架 港豬一向好冇記性所以好快會唔記得👍🏻
MM就一個故事，人哋成家一世心血 真係多晒你阿mm
係咪已經重新上傳左,點解我見唔到你地講果段?
@@0.o.o 緊係啦,cut片冷處理攪掂
阿昌口吻好大喜功，应該係最令父母激心嘅一個！
我以為依啲叫冇家教😂 麼唔係麼？
但我反而覺得佢好真。佢講既係事實。 唔通真係因為屋企做一行，下一代就一定要放棄自己既人生/理想做埋同一行，即使係個火坑都要跳?
佢話自己賺錢比拍攝人員可能更多嗰種說話技巧 可能比佢煮食技巧更低 不過其他家人都很隨和 媽媽都知阿昌把口好唔掂
阿昌用語少少無禮但唔係無道理
開返關通街加租，幾多小本生意要執笠
到真係煮到拎埋獎，好好生意，業主見到又加租(拎米芝連都可以加到執)
做廚又困身無私人時間
唔繼承好正路
如果佢用自己方法維到生，其實都無需要judge佢
頭半part都係講爸爸媽媽親切，刻苦。到個仔嗰度，睇到個仔完全同父母完全相反。爸爸留住間鋪，分分鐘係驚個仔有日投資失利，幾十歲人講嘢唔醒又懶，唔會搵到其他嘢做，先繼續做間鋪。始終人冇可能永遠都咁順利，尤其係佢而家係靠運氣維生 。 佢阿哥細細聲話佢啲投資係賭博，即係應該買高風險嘅投資，唔係就咁買下股票咁簡單。
真系莫名其妙，最后个片段可不可以删掉重新上传，完全破坏了整部片的质素
正確...地鋪開飲食, 一個月頭三個星期D錢都係比業主....時間又長又困身...
最尾個Part感受其實可以skip左佢，你地出片有無諗過想表達d咩？成件事而家表達就係客家情懷，但係外賣唔好食唔岩你地口味，諗唔明最尾段片既意義
明白，多謝你嘅意見，我哋正在檢討及處理中🙏🏿
@@mm.millmilk ❤
看到香港傳統客家菜，賣嘅係大件家常式。之前响大陸（深圳）見到客家菜成功蛻變，變成現代化版（變成餐廳式，份量細啲），蛋角煲都受新一代歡迎。
或者香港都係要向呢方面發展，客家菜先有出路。
要突顯新一代唔大喜歡傳統客菜，其實真係唔使加後面公司食嗰段（做多咗啦），公司食2個鐘後，就算棒場都話差啲。
正片中啲仔女嘅反應，其實已顯示新嘅唔做，因宜家嘅一般食客唔好傳統啦。
傳統客家菜沒市場吧,你睇下泉章居同醉瓊樓 果D 仲邊有後生走去食?差不多執鬼晒
又係衰ending, 都唔係第一次啦!! 果d監製阿姐冇察覺咩?! MM又一"杰作"
家人都接受大哥的言論，其他人的批評也不算甚麼。新舊世代對傳統保留或放棄是自然發生的，舊有的東西總要微變化才能延續。
好心最尾段食評咪鬼出啦,只會顯示你班友既無知同唔專業,絕大部分食物擺2個鐘先食都唔會好食架啦
明白，多謝你嘅意見，我哋正在檢討及處理中🙏🏿
Channel開左超過一年依然無知同唔專業, 根本冇進步過, 趕出片趕出禍
@@awonghk
「趕出片趕出禍」👈全中🤣🤣🤣
從前係區區有自己嘅醉瓊樓，之外仲有好多翠瓊樓，醉琼樓，東江樓⋯⋯三個字「平靚正」👍🏼 咸雞扣肉釀豆腐。三鮮骨髓同梅菜扣肉真係老幼咸宜，炒肚尖就少有得食（可能係比較貴），釀蛋角直頭未見過。
呢間吃飯好有客家味道
呢間個蒸肉餅超出色
又一班冷氣房食評家 好心你地啲花絮唔好為拍而拍啦
明白，多謝你嘅意見，我哋正在檢討及處理中🙏🏿
Thank you for sharing 🥰🥰
家，大家珍惜😊👍
我覺得佢個仔既評論太睇得起自己 而最主要係 你地每一個都係靠你老豆既一雙手藝養大 佢從業至80歲做左60年 唔想放棄非常正常 所有既回憶都係呢度 珍貴既回憶奕係由佢去建立 比番一份respect 啦唔該 鐘意又好唔鐘意又好 呢樣野係佢人生既最主要部分 奕係佢自豪既部分 你唔想唔感興趣好正常 但你咁講一句學黎冇用 嘩 真係想屌柒你
就我自己與廣東的客家朋友交流
我自己也是客家人（台灣）
白斬雞，湯圓，客家菜包（粄）
是共同的食物
像台灣有薑絲炒豬腸，客家小炒，福菜肉片湯，桔葉豬腸湯，米苔目，麻糬
有趣的是，廣東客家人做客家菜包有加切碎的臘腸
台灣這邊我37歲了從小就是吃菜包長大
我們是包蘿蔔絲白胡椒粉豬肉碎
粄當然也是自己揉
咦, 唔見左最尾喎, 你搵樣熱食放個鐘仲好食先講
The post-credit scene was too much! It was disappointing and felt like a cheap gimmick!
（善意提醒）平時好少係RUclips 留言，但今次忍唔住，成條片都好高質👍但除左ending，如果未通知受訪者已出片就cut左ending再出過啦😬好唔尊重受訪者呀，好冇禮貌呀，玩人地咩？唔明呀姐點解咁都比出街😬
明白，多謝你嘅意見，我哋正在檢討及處理中🙏🏿
可能呀姐都唔覺有問題, 總之有片出求其就得啦!!
@@awonghk 哇不能認同更多呀🤣😎👍
根本就係諗住趕出片ｄ膠層阿姐求9其覺得塞多ｄ野落條片以為好L豐富囉🤣🤣🤣🤣🤣點知比聰明又醒目既sam哥又成功又跣一鑊😎👍👍👍🤡
The cuisines look very tasty.
😂好唔好食我唔知
但擺2個鐘先食，想仲好食呢 有啲難度
明白，多謝你嘅意見，我哋正在檢討及處理中🙏🏿
睇晒啲留言，大部份都係對您哋個結尾有好大意見，點解攪成咁！
以為咁樣型，以後唔會再有食店受訪
我係沙田友，多謝介紹港興大飯店。👏🏻👏🏻👏🏻
早前先被拆左嗰霓虹招牌…唉！
如果一間餐廳唔好食, 到底佢哋背後個故仔仲值唔值得做? 如果係咁, 不如你哋試食咗先再決定做唔做訪問
如果係好食, 但同類餐廳越嚟越少, 先有得反思到底係咪功夫菜太講究冇人做先變到越嚟越少, 定係太難食而俾市場淘汰
佢段影片真係唔似表達你所講問題 其實放食評唔好食 若果客觀事實 值得討論
最大問題係 佢擺人哋2個鐘 人哋道餸已經唔係專為外賣而整 仲要擺人2個鐘先講唔好食 佢仲要無補充說明 更加任觀眾點諗 所以啲人覺得佢哋有惡意 我理解
耐不耐由太古城到來吃午餐，欣賞你的出品，好味道，吃得lump.
點解唔試下外賣杯軟雪糕返公司做食評
cut 左ending😨
同埋成個部門，係咪真係冇一個gatekeeper 有能力去用腦，去諗你放兩個鐘去食評係對人唔fair ?唔係咁樣對人做成咗傷害先至嚟話收到意見會檢討，是非黑白都分唔到，不如撫心自問自己拎住個channel 做緊啲乜嘢，你哋唔係做hard news，但基本道德責任都係要守。掉轉頭諗，你哋之前條阿蘇奶條廣告片，拎啲奶嚟煮嘢食，點解又唔擺兩個鐘先食？
😂其實諗諗下 佢都無特別話自己錯 係觀眾覺唔公平情況下食評先cut 其實我無理解錯 佢都無明確講自己有咩做得唔好
我馬拉仔落香港一定去拜訪 我中意鹹油肥
佢個仔係果句搵得多過你乞人憎啫 其餘咩做得掂業主加你租 做飲食斷六親 客家菜無得做好中肯喎😂
Mm係咪比佢串親 所以埋尾要整個食評特登話鳩人難食呀👀
不太專重被訪者的出品
上次又係呢隻呀Sam, 訪問啲法師，一路訪問一路串人, 後來認衰del片
一家人都好團結 有一個另外
我想睇返cut左嗰段😂
下一代,有能力揀,唔會接手做飲食
過時過節返工+不停做,唔係人人頂得住
我係入黎睇ending點樣笑人地啲野唔好食的
有冇人有BACK UP
霸王雞 正 👍🏻👍🏻
哇呢間港興由細食到大，以前團年飯成日都會嚟食，近幾年婆婆走咗就好少嚟食啦，多謝你哋訪問大圍老店呀！！❤
睇完真係嬲，已經唔係第一次，拍專題片懶係嘢咁又講歷史又讚人地堅持繁複工序，點知對最核心嘅食物毫不尊重
主持買外賣唔堂食已經離譜，仲要兩個鐘頭之後先食，然後品評投足又批評又盛，兩個鐘後梗係會冇咁好食喇
人哋最核心嘅嘢就唔重視，成段片用把死人旁白聲喺度為自己既劇本自說自話
你哋都係幫其他食店做返廣告片算啦，唔好侮辱呢啲真係做得好嘅餐廳
「成段片用把死人旁白聲喺度為自己既劇本自說自話」
👆😂🤣🤣🤣🤣👍👍👍👍👍
全中呀！簡直一針見血呀！
"故仔"梗係要咁做架啦，唔係MM戇9觀眾唔鍾意睇架🤣🤣🤣🤣🤣🤣🤣
可以去荃灣東江大飯
都有炒肚尖食吖！
阿昌 你搵幾一日呀
港興，呢間家庭菜，真心好食。
15:33 後記係咪想表達唔好食？
大圍港興都搵到，你地好野呀！
4個鐘都仲未upload過抵俾人屌😊片尾咁講野都會可以出街真係幾匪而所思
代表監製、呀姐可能冇睇過驚冇片出就趕住出街了