#TalkFood
HTML-код
- Опубликовано: 28 авг 2024
- 今次好榮幸收到臺灣觀光協會嘅邀請，TalkFood終於可以衝出香港，參加呢一次台灣味覺療癒之旅！重點係：6日5夜嘅行程，去勻台北、台中、台南、高雄同屏東5個地方，食足23間餐廳，當中仲有米芝蓮餐廳，真係好期待呀！
公費食住玩，遊勻成個台灣，係唔係覺得好歎呢？結論是：原來由飲食記者變做旅遊記者真係唔容易！
雖然好攰，但呢6日5夜所體驗到嘅，絕對新奇有趣，行程超緊湊，竟然10分鐘食晒食個餐！早餐啱啱食完，即刻食超豐富嘅日式燒肉，晚餐繼續殘廢餐食火鍋；最誇張係其中一日食5餐……食得太多，太飽，係會眼神死。不過，當中唔少餐廳嘅體驗，真係100分。行程頭幾日，去咗十幾間特式餐廳，第一集先精選幾間心水餐廳俾大家bookmark低，下次去台灣非常值得跟住去食～
第一間：透明車頂靚景下午茶 @臺北市雙層餐車
臺北市雙層餐車係全台灣第一架雙層用餐巴士，巴士上層採用全景透明車頂，沿途見到台北市著名景點：陶朱隱園、台北101、Apple旗艦店、東區商圈等，陽光明媚天氣好的話，一邊涼住冷氣嘆下午茶，一邊望住頭頂窗外風景，真係幾chill吓㗎～今個季度，臺北市雙層餐車同台北遠東香格里拉酒店合作，推出「戀夏午茶」下午茶套餐，仲有隻可愛恐龍生吐司，影相打卡就啱晒～
臺北市雙層餐車
地址： 110台灣台北市信義區忠孝東路五段68-2號
第二間：對症下藥 即時調配涼茶 @laojianm
老濟安創立於1972年，以售賣青草茶（即台灣嘅涼茶）為主，除咗可以直接到鋪頭買現成嘅青草茶飲，最特別係，呢度仲提供客製化嘅涼茶。老闆將草藥店重新打造，變成很文青風格嘅吧枱形式，拉近同客人嘅距離。想飲杯啱自己體質，又有調理功效嘅涼茶，客人先填寫一份診斷書，例如：會詢問睡眠質素、早上鼻炎情況、皮膚痕癢等問題，然後老闆會了解客人嘅身體狀況，口味喜好等，對症下藥，即時調配出一杯專屬嘅青草茶。若本身有任何身體狀況嘅問題，都可以順道詢問。Y小編請教老闆之後，真係獲益良多，解決咗唔少健康嘅疑惑。呢度嘅涼茶可以揀苦/唔苦，當然飲唔苦，入口真係一啲涼茶嘅甘苦味都冇，反而較清香，呢個體驗特別之餘，仲好有記憶點，一定要試吓～
老濟安Healing Herbar
地址： 108台灣台北市萬華區西昌街84號
第三間：創意客家台菜素食 @ monsoontaiwan
Monsoon係一間預約制餐廳，主打創意客家素食台菜，呢度嘅素菜，配搭新奇有趣，由造型到擺盤，真係靚到嘩嘩聲，食物質素高，唔單止味覺滿足，喺呢度食嘢，「五感」體驗特別，真係有種治癒嘅功效。尤其係同店主交流後，聽完佢講嘅說話，好似上咗一堂人生哲理課，每講一句都起晒雞皮，食餐飯令你獲益良多，享受一次獨特嘅用餐體驗。到底呢餐飯係點？記住要睇片啦～
Monsoon（reservations only)
地址： 111台灣台北市士林區文林路126號3樓
第四間：台南最靚café @thepooltainan
位於台南市美術館2館嘅南美春室，務必加入你下一次嘅台南之旅嘅行程入面，置身於玻璃屋般嘅複合式餐飲空間，無遮擋360度風景，稱得上係台南最靚cafe TOP 1！呢度嘅日光絕對係最好嘅畫筆，隨便影一張相，都會令你大大力去感嘆：「點解可以咁靚！」今次試咗佢哋嘅芒果冰船雞蛋仔，打卡打到啲雪糕融晒，不過配住靚景，點都好食！
南美春室 The POOL
地址：700台灣台南市中西區忠義路二段1號5F
第五間：唔駛$100食到溫體牛@阿裕牛肉涮涮鍋
呢間係出名食溫體牛嘅火鍋店，溫體牛係指即日新鮮屠宰切割，未經過低溫冷藏嘅牛肉。我諗喺香港食真正嘅溫體牛，人均起碼超過$500，但喺台南食，一人份嘅溫體牛肉，竟然唔超過港幣$100！？咁感人嘅價錢，梗係要食盡佢啦！溫體牛肉只需要涮3-5秒就夠啦，食嗰陣，牛肉呈粉嫩嘅顏色，入口新鮮軟嫩，比起平時食嘅牛肉會更有韌勁，肉味更濃，加埋火鍋個牛肉湯底，真係超值得過份，嚟台南一定要bookmark呢間溫體牛火鍋店！
阿裕牛肉涮涮鍋(崑崙店)
地址： 717台灣台南市仁德區崑崙路733-1號
食住咁多先，嚟緊下一集仲有好多精采景點同餐廳，同埋蝦碌趣事發生，記得下個星期準時RUclips睇片！
大家平時去台灣又會點玩點食？歡迎留言話我聽^^
主持、撰文：Yvonne Lam
攝影、剪接：Doris Wong
美術：Anita Lam
鳴謝：臺灣觀光協會香港辦事處 @ taiwan_ttbhk
TalkFood 先填飽肚子再前進
RUclips : / talkfood
Facebook : / talkfood
Instagram : ...
#TF衝出香港 #臺灣觀光協會香港辦事處 #台北 #台中 #台南 #臺北市雙層餐車 #老濟安 #青草茶 #Monsoon #客家菜 #素食 #預約制餐廳 #米芝蓮
#南美春室 #臺南市美術館2館 #台南最靚cafe #阿裕牛肉涮涮鍋 #溫體牛 #火鍋 #台灣 #台灣美食 #台灣旅遊 #老字號 #下午茶 #TalkFood #TalkFood台灣
延伸閱讀
#TalkFood【#18區搵食-上大帽山飲早茶初體驗！全自助式飲茶試過未？】朝聖端記茶樓｜必食茶果同奶黃流心馬拉糕｜300度荔枝柴窯燒雞｜雞皮堅焦脆｜必配桂花車厘茄｜荃灣老字號糖水｜芝麻湯丸100
• #TalkFood【#18區搵食-上大帽山飲...
Camman咁靚，應該佢做主持啦😂
食足23餐 Y小編今次唔知要肥幾多磅了😂
其實可以分幾集，分兩，三集介紹下啲餐廳同景點，會好睇好多！感覺好趕！
咦⋯見到小斯喎！😮
今次唔講 Y 小編，但 Camera 靚女好似都吃到肥咗 😂，but 很喜歡妳們拍啲片，加油 💪
辛苦哂Y小編和Camman! 如果分幾集慢慢分享美食更好！
睇得出camman對自己嘅作品有要求,專業! 👍🏻👍🏻👍🏻👍🏻
Yvonne 加油💪🏻💪🏻💪🏻
相比起小編既行程，比較對d食物餐廳有興趣多d，呢條片趕到都唔知食左d咩
辛苦曬啦
其實咁趕做咩呢？你想介紹既係咩？
It was a privilege to go for a paid trip. We understand you had a pack schedule and thank you for taking us along. Perhaps it’s better not to mention how rush it was.
條片睇左三份一已經冇睇落去, 完 !!
歡迎來台灣
成條片只係感到好趕，完全無乜介紹過食物或景點，其實d shot 影得再好，都要個主持介紹下
完全同意，只知好趕地去左邊間餐廳，一日食左幾多餐，完全忽略左「美食」是要介紹的……
睇到我都好趕....
成條片都唔知睇左啲咩 淨係話食左幾多餐 有幾趕。meaningless...請你黎個觀光局真係曬錢 完全冇幫佢promote過
enjoy
食下茶記嗰啲大碗飯，一定有肉燥喺裏面嗰啲，再加埋用飄逸杯沖茶，用陶作坊 Aurli 老岩泥濃縮咖啡杯飲，咁樣應該可以感受下台灣嘅風味……
要拍呢啲美食遊真係要做返勁多運動消耗卡路里😂
y 小編肥左好多 有冇得報工傷呀
時代寓所 我來緊1月會住😆
睇完28分鐘，只係不斷見到小編食食食同趕趕趕，完全無介紹景點同餐廳。我睇片唔係想齋睇小編食食食喎！🙄
咁咪冇睇
全部都係食食同食😂
完全唔明點解要咁趕?食甚麼都無物介紹,只見到"猛吃",好唔掂!!!
@@marcuscheng1222 dllmch唔好喺度講埋呢啲廢渣講嘅話，人家睇唔睇人家決定，唔到你啲“渣”指揮人哋。
@@ellieng779我講咩都輪唔到你渣指揮，
增肥之旅似d喎，返香港肥10磅都似，下次來個減肥之旅。
Yee gloria Chung 都有去 bor
你倆個真係倒米 請埋你去又多怨言
Cant agree more....
17:09 25:59主持的食相好斯文 有禮貌 好好睇。有好多youtuber的食相好難睇 伸哂脷 反白眼 流口水 唔衞生 豬食相。不看Sic Leung , Alfred Chan , Denman826 , 有啖好食
你個台真係冇人咩? 點解係都要叫呢個咁作狀嘅女人? 醜怪咪做幕後囉. 我頂唔順啦.
台灣歡迎香港人使錢，唔歡迎香港人移民。睇清楚嗎？坦白講佢地都幾扒街！
阜字廣東話都唔識讀 唔關有無做research事 係關有無讀書事
你讀書最多
講事實又唔得
@@datastation307 我都係話你讀書多姐，
一路食都淨係話好趕好趕
一個毫無意義的旅程
為 sponsor 而將享受變受罪
其實camman 靚咩鬼，著件緊身衫透個bra,化個妝，就係咁簡單
成條片都好無內容，真係唔知睇咗啲咩，建議可以自己做下research 先介紹返啲真係有關台灣飲食文化同建築特點
Yvonne 加油💪🏻💪🏻💪🏻
Yvonne 加油💪🏻💪🏻💪🏻