Armenian Genocide Song - "To Live Again" - Ապրիլ Կրկին

Հոգւուս մէջ կ'ոռնայ Տէր Զօրի քամին,
խոլ կանչեր կու գան անապատէն.
Աշխարհը կ'երգէ գարուն է նորէն,
Այցի կ'երթամ ազգիս շիրիմին:
Սիրտս է տխուր, երթս՝ հաստատ,
Արցունք կայ սրտիս, հոգիս է քաջ.
Ծով արեան մէջէն կ'երթամ աննահանջ՝
Փառք երգելով ազգիս նահատակ:
Ապրիլ, կրկին ապրիլ,
Ծաղկել է դարձեալ հայոց գարնան նշենին,
Աչքերս յառած շողուն արեւին,
Ապրիլ կ'ուզեմ ապրիլ:
Ապրիլ, կրկին ապրիլ,
Ծաղկել է դարձեալ հայոց գարնան նշենին,
Աչքերս յառած սուրբ Արարատին,
Ապրիլ կ'ուզեմ ապրիլ:
Ազգ իմ նահատակ յաղթեցիր մահուան,
Յաղթական անցար գաղթի ճամբան.
Մէկ միլիոն խաչ էր ազգիս գողգոթան,
Միլիոն հոգւոյ թռիչք յարութեան.
Ձեռքդ տուր եղբայր, երգենք միասին,
քոյր սիրասուն միացիր մեզի.
Զարթիր իմ լաօ, զարթիր սիրելիս,
Ձայնը հնչեց տուն վերադարձի:
Ապրիլ, կրկին ապրիլ,
Ծաղկել է դարձեալ հայոց գարնան նշենին,
Աչքերս յառած շողուն արեւին,
Ապրիլ կ'ուզեմ ապրիլ:
Ապրիլ, կրկին ապրիլ,
Ծաղկել է դարձեալ հայոց գարնան նշենին,
Աչքերս յառած սուրբ Արարատին,
Ապրիլ կ'ուզեմ ապրիլ: