Shah Villa Jim Corbett National Park । Mohan Tigers । Was Mohan Tiger Man Eater? Stay Inside Forest

Ye vaadiyan, ye pahaad, ye khula aasmaan aur ye jungle. Sab kuch din mein jitna khoobsurat lagta hai, raat ko utna hi khatarnaak ho jaata hai. Jahan din mein gayein ghaans charti hai, gaon wale apna kaam karte hain aur chote chote bache school jaate hain, wahan raat ko chital Hiran aur baagh ke beech, chuhe billi ka khel chalta hai.
Aap mein se jitne logon ne Vivek Awasthi ji ke videos dekhen hain, unhone iss jagah ko pehchaan liya hoga. Jee haan, aaj hum Jim Corbett ke Mohaan area mein bane Shah Villas mein hain. Kuch hi mahino pehle bana ye homestay bohot hi jaldi famous ho gaya hai.
Aur iska sabsa bada karan hai ki ye Corbett ke wildlife corridor pe hi bana hai. Jaise ki ye mor jo aap dekh rahe hain, ye theek sadak ke uss paar, homestay se lagbhag 30 meter ki duuri pe tha. Aur sirf mor hi nahi, yahan pe chital Hiran, sambar Hiran, haathi, aur baagh bhi dikhayi dete hain.
Humare stay ke daruan ye mor lagataar do din tak mating call lagata raha aur aise hi naachta raha. Waise toh iska mu dusri orr tha, par fir bhi iska naach bohot hi sundar lag raha tha.
Aur mor se kuch hi duur pe ye school ke bache dikhayi diye, jo ki pareeksha shuru hone se pehle aapas mein gapshap kar rahe the. Inko dekh ke apne school ke din yaad aagaye. Kaise pareeksha ki adhoori taiyaari mein bhi, sab milke hassi mazaak kiya karte the.
Toh Shah Villas ek bahar se ek bade se ghar jaisa dikhta hai. Aur iske andar 4-5 kamre bane hain. Homestay hone ke karan yahan ka khana iske owner khud banate hain. Neeche hi inki apni shop hain, jahan ghar ki zaroorat ka har chota chota samaan milta hai.
Agar aapne humare Sunderkhal ke videos dekhe hain, toh aapko pata hoga ki Chota Bheem Maggie point ke Veeru bhaiya ke paas ek Bunty naam ka dog hai. Aur yahan bhi hume, banti jaisa ek dog mila. Aakhir school ke pados mein bane iss homestay ko, iss dog ko aise baagh ki khaal jaisa paint karne ki zaroorat kyun padh gayi?
Ek kaam karte hain. School ke inn bachon ki zindagi ke bheetar chal dekhte hain ki yahan ke khatre kya kya hain? Ramangar jaane wali jo sadak hai, wo iss homestay se bass kuch hi meter ki duri pe hai. Jahan ye school ke bache aapko khade dikh rahe hain, iske thoda hi upar Ramnagar ki sadak jaati hai.
Ek roz shaam ko lagbhag 8 baje ek baagh sadak kinare baitha tha. Aur ussi samay do log bike pe Almora se wapas aa rahe the. Aisa maana jaata hai ki tabhi iss mod pe, jahan bus jaati dikh rahi hai, baagh ne unn bike walon pe hamla kar diya.
Hamle mein ek insaan toh bach nikla par dusre ko baagh kheench ke theek iss homestay ke saamne le aaya. Kuch hi dino ke baad uske shareer ke avshesh yahin pass mein van vibhaag ko mile. Pahadon mein rehne wale Mahesh Ji ka iss kisse ke baare mein kya kehna hai, aaiye jaante hain.
Toh yahan ke har din ki pareshaniyan ka sunke hume ehsaas hua ki kaise humare bachpan inn bachon se alag tha. Humara darr hota tha, homework na karne pe master ji ki maar ka. Lekin ye bache, har roz jungle janwaron ke beech rehkar bhi, padhai kar ke kuch banna chahte hain.
Chaliye ab aapko thodi Jhalak homestay ke andar ki bhi de dete hain. Yahan rehne mein hume koi pareshani nahi hui. Khana swadisht tha aur kamre bhi saaf suthre. Haan kyunki hum 3 log the, toh chote kamre mein adjust karna thoda mushqil tha, par fir bhi wildlife ke itna kareeb rehke hume bohot mazza aaya.
Agar aapko ye homestay acha laga toh zarur yahan aayen, lekin ek baat ka khaas khyaal rakhen. Ye ghar aapka nahi, vanya jeevon ka hai. Toh apne sheher wali aadatein sheher mein rakh ke yahan aake araam se prakrati ka mazza lijiye. Bharpoor saans lijiye aur saamne ghane jungle ko nihariye. Video ko ant tak dekhne ke liye bohot bohot dhanyawaad. Aur agar channel ko subscribe nahi kiya hai, toh zarur kar len.
If you liked this video, please subscribe to our channel Discover Wild Paws:
/ @discoverwildpaws
Social Media Links:
Instagram: / discoverwildpaws
Twitter: / discoverpaws
LinkedIn: / discover-wild-paws
Facebook: / discoverwildpaws
#wild #attack #animals #cruelty #crocodile #shorts #leoaprd #africa #discoverwildpaws

[@bosegaru1]

Hi, I am Prasad from HYDERABAD, Vivek Awasthiji ka Subcriber, all the best 💐💐💐

[@DiscoverWildPaws]

Thank you so much 🙏🏻

[@KrishnaSharma-ce6un]

Beautiful. ❤❤

[@DiscoverWildPaws]

Thank you.

[@SaddamKhan-vm9yd]

Nice video

[@DiscoverWildPaws]

Thank you.

[@m.qaisar24h40]

I am Pakistani from Karachi Jim Corbett very very amazing jungle and . Mohan and shah vala

[@DiscoverWildPaws]

Yes. Thank you.

[@mangal5118]

Nnice

[@DiscoverWildPaws]

Thank you Mangal! 🙏🏻

[@PrashantSharma-uw1oj]

discover wild paws 😊

[@furioustwo_5316]

Sukoon ❤

[@DiscoverWildPaws]

❤️‍🔥🙏🏻

[@kaustavchattopadhyay6759]

Wowww!! Living there is quite a challenge 😮

[@DiscoverWildPaws]

Yes! A major challenge. Cant compare

[@deepalimodi7691]

💞 SAVE :: TIGERS 💞💞💞

[@DiscoverWildPaws]

❤️‍🔥🙏🏻

[@sandeeppurohit394]

टाइगर अटेक के कुछ वीडियो है क्या

[@RCRRAJ-re6do]

Kaise rahte honge itne der ke saye mein .bachche jangle ke raste school jate hai 😱 omg .

[@DiscoverWildPaws]

Bohot mushqil jeevan h

[@SaddamKhan-vm9yd]

Ap ka naam kya h ap batayege

[@deepalimodi7691]

HUMAN BEINGS :: MUST NOT SNATCH :: NATURAL HABITATS FROM WILD ANIMALS & BIRDS.

[@DiscoverWildPaws]

Absolutely. Co existence