بارك الله فيك ،استاذ على النصائح الثمينة لي راك تمدها لنا ولابنائنا ،استاذ ممكن إذا تقدر فيديو تقدم فيه دروس للاحرار خاصة للطلبة عندهم مدة كبيرة ملي نقاطعو على الدراسة وحبو يحققو حلمهم بالتحصل على الباك واجرك على الله ،وابنائي واخواني لي جوزو هذا العام ربي ينجحكم كامل ،وحتى انتم ممكن تكتبونا في التعليقات اهم القنوات لي ستفدتو منها واهم الاساتذة في كافة المواد وكافة الشعب لكي يستفيد كل طالب نظامي أوحر مهما كانت شعبته وشكرا وبارك الله فيكم وحقق امانيكم يارب
أدعولي ننجح ونحقق حلمي باك2025 الحمد لله طلعت أنا أم لاربعة أطفال وربة منزل بإمتياز عندي شهادة في تعليم الحلويات الغربية لكن..😢حلم الباك بقى في راسي راح نخلي هذ تعليق ونرجع ك نحقق الباك بإذن الله بمعدل ممتاز.
@@KawterNesrine عندك الحق والله وزيد كي يبدا يقرا من اوت ينسا كامل وش قرا ذاك لوقت ويولي غير يعاود ...احسن وقت هو سبتمبر لي يبدا منو يكفيه لوقت ويقدر يدي اي معدل باغيه
انا منقعطة عن دراسة من 2001 2010 كملت بالمراسلة وصلت البكالوريا دخلت المعهد تخرجت مربية أطفال بالصح حلمي متمنية نجيب البكالوريا حابة نبدا من شهر جويلية انصحي من فضلك
نصيحه من عندي عطلة تاع راحه اخطيكم ملقرايه والله او اذا بغيتو نقراو راجع غير مات سمانتين قبل دخول مدرسي لانو المواد الأخرى كلش يتبدل (علوم تجريبيه قصدي )فيهم او الحفظه ابداوها فلفصلل ثاني معناها الانطلاقه القويه هيا من الفصل الثاني والله راح يكفيكم الوقت او ربي ينجحكم ان شاء الله وينجحني انا ثاني باك 2024🥺🤲❤
حتا انا راني متوتر كيفك خايف لمنلحقش لمعدل لي راني ندور عليه لبيها راني نتفرج في هذو فيديوهات ان شاء الله نجيبو معدلات لي حابنها من باكنا لول بش منعادوش تعب تاع باك دوزيام
نصيحة لطلاب بكالوريا 2025 : ما تقروش في الصيف،بداوا حتى سبتمبر، ما تقروش الدروس الخصوصية ،قراوا في الدار من اليوتيوب ، ماديروش دورات، ما ديروش على المقترحات ماعدا الفلسفة، نصيحة من تلميذة اجتازت باك 2024
@@user-nu7fm6pz7u هذا خطأ،العطلة جُعلت لأجل الراحة و الاصطياف و الاستجمام، يمكنك فقط المطالعة و حفظ القرآن ،اما دراسة المواد فهذا اكبر خطأ يفعله التلميذ ،لا يرتاح خلال العطلة الصيفية، ثم يتعب خلال الموسم الدراسي ،هنا عقله اصبح مشوشا و ذاكرته متعبة جدا،رأيت الكثير من التلاميذ درسوا خلال الصيف ،لكن في شهر جانفي و فيفري تعبوا و توقفوا،و هناك تلاميذ بدأو من سبتمبر و تحصلوا على نتائج ممتازة
شكرا استاذ . بكالوريا احرار ان شاءالله بعد انقطاع دراسة 12 سنه من شهادة بيام .كملت بمراسلة ان شاءالله نحقق حلمي انا ادبية لكن طريقتك اعجبتني .احب المخططات. بارك الله فيك ❤
اتعلموا تخططو ،و قائمة المهام المفصلة اليومية، تنظيم الوقت ، ضبط النفس. هاذو هوما الفاصل بين الممتاز والمتوسط ،الاول مرتب نفسو و الثاني يدور في حلقة مفرغة من التاجيل والتسويف و القرارات الخاطئة، ماتكثرش المصادر راه كلش يتعاود ، ماترهقش نفسك لكن لازم التضحيات الباك امتحان عااااادي ، كي تحضرلو مليح ماعندك لاه تخاف ،اصلا مازال الحال باه تبدا 😅
نصيحة من باك 2024 لي راهوضعيف يبدا درك انا بديت في سبتمبر و مخدمتش كيما حبيت مقدرتش نحل بزاف تمارين خاصة في الوحدات الأخيرة و لي وردوا في البكالوريا ( الاسترة 8 ن ) و نشالله حنعاودو هاد العام باش نقدر نجيب معدل لي حابتو و منندمش + بزاف ناس بداو و ميقولولكمش مباعد كي تدخل تقرا تحس روحك ضعييف و تلقاهم يشاركو و يتفاعلو فيالقسم و هم بكل بساطة بداو قبلكم بالتوفيق ❤
روحو تتكاو وحالولو تستمتعو بصيف ديالكم حلو عينكم تبداو ضرك تكرهو وتغلبو سبتمبر وابداو يكفيكم لوقت ويعدي باه تجيبو معدلات عالية مع تنظيم لوقت برك ادا حبيتو ديرو حاجة مليحة هيا تطورو لغات تاعكم فقط لا اكثر ولا اقل
والله منخليها في قلبي معاكم طالبة بكالوريا 2024 اخطيكم من التخمام فلباك من ضك راهو قدامكم 12 شهر 12 شهر قبل الباك راهي عام اتمتعو بلعطلة الصيفية تاعكم عادي العبو عادي اخطيكم من ستراس والباك الباك الباك الباك راهو امتحان عادي شحال من واحد ماخدمش غير على جال هذي العفسة كي تدخلو تقراو في سبتمبر لثم لي تبداو توجدو اوجدو بعقلكم بلا تكثيف اقراو دروسكم عادي كيما اي عام قبل افهمو لبروغرام كيفاه راهو يمشي لحفاظة ما تتقلقوش منها خلاااص اسلامية افهم الدرس ما تحفظوش كي البيروكي خاطرش لي سوجي تع اسلامية راهم فهامة مش حفاظة ركزو على المنهجية تع المواضيع هي الصح هي لي تلمو بيها نقاطي الاجتماعيات هي الساهلة خلاص ما عليك غير تفهم الدروس من اليوتيوب شغل حكاية وركز فلحفاظة على المصطلحات و الشخصيات والتواريخ هذو فيهم 12 نقطة فلباك كل درس اقرالو تاعو وحدو ونعاودلكم ما تقتلوش روحكم من ضك اقراو عادي افهمو عادي وامشو عادي فدروس نقوللكم وقتاه تزيرو رواحكم كي يدخل افريل لثم وين تكثف مجهوداتك مليييح وتقرا مليييح وهذوك لي رح يقراو فلسفة اول مرة بلاكو تهملوها افهمو الدروس فلقسم خاطرش هي مادة ساهلة تدو فيها 14 كي والو كي تكونو فاهمين منهجية و دروس راكو تشوفو هذوك لي يقولك جيت من المستقبل بش نسلكم هكاك راني انا بلاكو وديرو وش راني نقول ايه ونقطة مهمة ثان نسيت بش نقولهالكم ماديروش ليكوغ اعتمدو على مجهوداتكم وحدكم هذوك الدروس لي ديرهم فليكوغ تضيعو بيهم وقت الطريق وتضيعو دراهمك وديفوا تروحو وما تفهموش دونك اخدم بليوتيوب خير وخير ..ديرو ليكوغ غير فلمادة لي حاس روحك ضعيييييف فيها وماتقدرش تسوفي فيها روحك وحدك ...اخطيكم من الدورات ثان وروحو تقراو فليسي وديرو فروض تاعكم واختباراتكم عادي ...اكبر غلطة ديرها هي تخمم بلي كي تروح لليسي مش رح تستفاد و مايتحسبوش الفصول وذاك الخرطي خاطرش بلفصول تعرف مستواك وين يدور وثان تدي خبرة في التعامل مع المواضيع وطريقة اختيار الموضوع ان شاء الله فدتكم بهدرتي هذي ...ادعولي برك نجيب الباك بلمعدل لي حباتو وربي يوفقكم
لحوايج لي ڨلتيها كامل قمة غير كلمة أبداو من بدية العام الواحد لي يبدأ من بداية العام هذاك لي شايف روحو ممتاز و فاهم مليح مليح وش كان يقرأ في لبروميار و الوزيام أما التلميذ الضعيف يبدأ من دكا و لي حس روحو مازال تعبان يبدأ في نص جويليا و لا في أوت كل واحد و على حساب قدراتو بصح أبسط مثال نمدهولك هذاك لي سامعين بيه كامل كي كمل الباك تاعو بدا يقرا ما داش حتا وقت راحة من 6, إلى 17 فاصل الله يبارك أنا ما نڨلكش هو رآه صحيح 100/100 هو رآه غلط في نقطة أنو ما داش وقت تاع راحة بصح دار المستحيل باش يوصل للهدف تاعوا و العبد لي تهدري عليه نتيا ما يقراش في العطلة هو التلميذ الممتاز و لا التلميذ لي حاب يدي ب10 و 11 و 12
@@user-kn9cu8vh7 نونو انا ماكنتش من الممتازين انا كنت متوسطة كي ضعيف كي الممتاز يبداو في سبتمبر خاطرش كون ييداو من ضك مايجي يوصل ماي يكونو كرهو خاطرش التلميذ الضعيف موالف الريتم لقليل وليلة الرعد كون يبدا ديركت بلاشارج يكره دونك ابداو من سبتمبر راني سيريو والله اقراو كل درس وحدو سيو تفهموه فلكلاسا مليح واذا مافهمتوهش شوفوه فليوتيوب باسكو كي تفهم الدرس راح تجيكم ساهلة بش تحفظو هك تكونو مرتاحين من بعد تولي تركزو غير على الاخطاء تاعكم فصيف تقدرو ديرو لحوايج الجايحين كيما لي كونجيغيزو تع فرونسي وانقلي اذا كنتو مش ملاح فيهم شغل ساعة فنعتر ما عندها ما تظر بصح بش تبداو تقراو كلش من ضك نو نو والله لا انصح بقالكم عام حنا ومزال مخرجتش ريزيلتا تاعنا راكو تخمو فيه؟
استاذ فيديو تاعك رائع، عجبني بزاف، و أصبت بخصوص العادات و نصائحك اهم طريق للنجاح انا عن نفسي كل سلبيات لي ذكرتيها فيا مثلا المؤثرات نهار طول نتفرج عليهم مي نسيي نبعد ❤✨🌸
خاوتي تاع باك 2025 واحد ما يخلعكم أبدا فلخر تاع أوت سمانة لخرة يكفي الحال وتخلص البروقرام في اللخر تاع أفريل عادي ويبقالك ماي مراجعة .... كون تبدا من درك والله وراني نحلف ما تقدر تكمل تبدا تفشل من الفصل اللول ويروحلك الشغف ونصيحة أخرى مني اليكم أقراو كل يوم باه تحكمو الريتم وأقراو بإنتظام ( وتيك توك والإنسطا بلا ما نهدر ) +++++++ واحد ما يخلعكم والله الباك هذا راهو إمتحان عادي
بالاكو تبداو من ضك راح تندمو اسناو حتى اواخر اوت باش تبداو تعالجو نقائص تاع سنة ثانية ثانوي كيما النهايات و حالات عدم تعيين ، قوانين الكيمياء تاع فيزياء ، حفظ تواريخ من كراس بورنان
جماعة نصيحة والله لازم تبداو فأوت پسك والله تنندم لي مبديتش بكري وباينة مش حتفورصي روحك اقرى حوايج الاساسية ونصيحة تبعو استاد نور الدين فلمات ادبيين وعلميين پسك هاد لعام طاحو تمرينات فلباك كيما لي ديرهم هو لااازم تشوفوه واستاذ محمدuniversity هادا يدير مقترحات فلسفة دايمن يطيحو وحتى هاد العام طاحو ي ويدير مقترحات اجتماعيات تاني طاحو وحتى اسلامية يحط مقترحات ومانيش نقول ديرو على المقترحات مي لازم تشوفوهم وتركزو عليهم سيرتو هاد الاستاذ مقترحاتو دايمن حاضرة فلباك وربي ينجحكم كامل وينجحنا حنا تاني لي يفوت من يدعيلي ندي لمعدل لي حاباتو ولكم بالمثل كامل ان شاءلله
بغيت نسقسيك برك انا دروك راني بديت نقرا الفرنسية و الانجليزية بسكو انا ضعيفة بزاف فيهم راني نقرا 2ساعات في النهار برك وبديت شويا دروس تاع التاريخ عند الاستاذ امين ولكن بدون حفظ غير الفهامة برك نقرا غير 2 سوايع في النهار بصح راني خايفة الا ننسى مع الوقت في شهر افريل 😟😟😟 اسكو راني ندير حاجة مليحة ولا لا وبغيت نخلي مواد الاساسية في بداية العام الدراسي
@@user-rd8tc8vt8w و هو تطبيق كي شغل يفتح فيه الاستاذ حصة ويبعتلنا رابط تاعها في قناة تيليغرام خاصة بتلاميذ لي مسجلين عندو ،ايا حنا نكليكيو على هداك رابط ندخلو ديراكت للحصة هاديك ونقراو مع الاستاذ لايف كي شغب وين نقدرو نسقسيوه ونحكيو معاه ويجاوبنا ، بالنسبة للاستاذ عثمان فهو يخدم بتطبيق غوغل ميت وكاين اساتذة يخدمو بتطبيق زووم
انا باك 2024 وراني مستنية النتيجة ولكن نحب نتفرج هاذو الفيديوهات وما علاباليش علاش مي نعطيكم نصيحة ابداو في اوت وحفظو مصطلحات في الفرنسية والانجليزية وكتبو ملخصات اللغة العربية التقاويم النقدية وكذا اما الفلسفة حتى جانفي خذو المقترحات من بروف محمد وقراوهم وفهموهم من عند عادل مقرود وكتبوهم على شكل رؤوس اقلام في اوراق بيضاء ما ااجتماعيات ففهمو الدروس من عند هند شاوش او بورنان وشرو كتاب الخباش وحفظو منه اما الرياضيات من عند نور الدين باسكو يفهم وتاني يعطيك تمارين بكالوريا مش تمارين ساهلين لي يعطوهمن الاستاذ في القسم واما الاسلامية افهموالدروس من عند بوسعادي روعة روعة تفهم غاية وكتبي املخص من عندها وحفظيه في اليوتيوب ولا شري كتابها اما الفيزياء والعلوم فانا ادبية وليس لدي فكرة عن هذه المادتين وانا مادرتش ليكوغ ابدا ولا حتى دخلت في دورات مي اذا انت مثلا علمي فيمكن دير ليكوغ في العلوم الطبيعية ولا الفيزياء وشكرا
![Sean Rii, Karyon, Sharzkii - Taungule [My Love] (Official Music Video)](http://i.ytimg.com/vi/eJoMuypbSzQ/mqdefault.jpg)
رابط مجموعة التيلغرام:
t.me/prof_othmane_bac2025
شكون راح يعاود الباك العام الجاي ❤❤❤❤
بارك الله فيك ،استاذ على النصائح الثمينة لي راك تمدها لنا ولابنائنا ،استاذ ممكن إذا تقدر فيديو تقدم فيه دروس للاحرار خاصة للطلبة عندهم مدة كبيرة ملي نقاطعو على الدراسة وحبو يحققو حلمهم بالتحصل على الباك واجرك على الله ،وابنائي واخواني لي جوزو هذا العام ربي ينجحكم كامل ،وحتى انتم ممكن تكتبونا في التعليقات اهم القنوات لي ستفدتو منها واهم الاساتذة في كافة المواد وكافة الشعب لكي يستفيد كل طالب نظامي أوحر مهما كانت شعبته وشكرا وبارك الله فيكم وحقق امانيكم يارب
بارك الله فيك وجزاك الله خيرا أستاذ ❤❤
شكرا على زرع الامل و الحماس من خلال كلامك
@@mathwithothmane1083 استاذ رسلتلك على حساب فيسبوك
أدعولي ننجح ونحقق حلمي باك2025 الحمد لله طلعت أنا أم لاربعة أطفال وربة منزل بإمتياز عندي شهادة في تعليم الحلويات الغربية لكن..😢حلم الباك بقى في راسي راح نخلي هذ تعليق ونرجع ك نحقق الباك بإذن الله بمعدل ممتاز.
ربي ينجحك وينجحني اختي ❤
@@AminAdli-zu5jn اللهم آمين
ربي ينجحك ❤
ربي نجحنا وينجحك تاني نت
كيفاه راح تبداي انا تاني حابة نبدا بصح خفت لانو عندي سنوات نسيت
لي باغي يقرا لباك 2025 اقسم بالله. نصيحة من قلب ابدا من أوت ابدا من أوبدا من أوت مواد أساسية ابداهم. في أوت
راك غالط سبتمبر توقيت مثالي باسكو لي يبدا فاوت ينسا
سمحلي خويا لي ببدا من اوت كي يوصل مارس افريل صايي يعيا تااع الصح سبتمبر وقت مثالي الطالب يحتاج لتنظيم وقت و استمرار هدا مكان ❤
@@KawterNesrine عندك الحق والله وزيد كي يبدا يقرا من اوت ينسا كامل وش قرا ذاك لوقت ويولي غير يعاود ...احسن وقت هو سبتمبر لي يبدا منو يكفيه لوقت ويقدر يدي اي معدل باغيه
لي بدا في اوت رح ينقص عليه ضغط المواد ويقدر يقرا في راحة مع بداية الموسم
@@mimita5238 نو راكي غالطة يزيد عليه الضغط النفسي اكثر
ادعولي باك 2025 خوتي باش ربي يقدرني
الله يفرحك ابوني ختي راح نفيدكم
youtube.com/@bac2025kc9uv?si=iANUMsc3nxSqiTAm
اختي من فظلك اختي ديريلي إشتراك رايحا نساعدك
بديتي تقراي ولى مزال
@@ishakfisli9662 لا مزال اوت ان شاء الله نبدأ دروك راني مع اونجلري و فرنسي هذا مكان
😊 نصيحة قبل الدخول المدرسي عالجوا نقاءصكم،ربي ينجحنا إن شاء الله
اسمعوني نصيحة من قلب متبداوش دوك خطرش غادي تكرهو كي يقرب باك بداو مع دخول مدرسي بوتيرة صغيرة ومنبعد تزيدو في وتيرة تاعكم نشالله ربي ينجحكم باك 2024
نورمال إذا يديروا الصبور ويخرجو يدورو خطرة على خطرة قارية تجيهم عادي جدا
العلماء حياتهم كومبلي يقراو من صغر حتى يموتو
رأيك انت ومن وجهت نضرك .
رد وقح جدا هي اعطت رايها اذا لم يعجبك فهو غير موجه لك ..انعدام ثقافة@@Traffic-RiderEnjoy.
نصيحتي يبداو من ضروك وكي يعيااو يدوا ذيك ثلاثة ايام راحة قاع تعب يمشيلهم وكان يقعدو روطار هي لي واعرة بزاف
راي من ريك
اول تعليق و سوف أعيد البكالوريا للمرة الرابعة و إن شاء الله آخير مرة يارب قدرني للوصول إلى هدفي يارب 🤲🙏❤
انا فاني اختي راني باغية نعاودوا للمرة 4 و هدي اخر فرصة نمدها لنفسي لانو و الله عييت بزاف
والله اختي غير صبري وإن شاء الله هاد مرة راح تنجحي وتدي مونسيون ❤️❤️بتوفيق
الله يفرحكم ان شاء الله ابوني
انا دي مرة 3 لي رايحة نعاود حاسة روحي مخدمتش ،و الله اعلم
انا منقعطة عن دراسة من 2001
2010 كملت بالمراسلة وصلت البكالوريا دخلت المعهد تخرجت مربية أطفال بالصح حلمي متمنية نجيب البكالوريا حابة نبدا من شهر جويلية انصحي من فضلك
هذا افضل استاذ في الرياضيات في اليوتيوب خاصة للي ضعاف فالرياضيات
طالب بكالوريا 2024 مر من هنا
مناين نجبدو سلاسل تمارين اختي ادا ممكن قوليلي اسكو من لفايس بوك ولا لالا🤔🙂
@@fofafofa-hv2im خوك + التمارين حل من عند الاستاذ نور الدين مصدر كافي وافي الدروس كاين الاستاذ عثمان
واه هايل
@Opitpoوكاين منصة عقبة بن نافع
@@Opitpoو الباكلوريات السابقة
ادعولي نجيب الباك العام الجاي ان شاء الله ب18 ونحقق حلم بابا الله يرحمو ونفرح ماما دعوة اربعين غريب مستجابة ولكم بالمثل🥺❤
الله اوفق ورحم الاب ديالك . لمهم عملي ليقدرتي عليه الا مجابش الله فالخير في مختاره الله وكتري من الدعاء لوالدك اللهم ارحمه وغفر له
ادعولي نجيب لباك 2025بمعدل ممتاز نفرح والديا ونحقق حلمي ولكم بالمثل 😭🤲🏻
أفضل فيديو شاهدته يخص طلبة 2025
خاوتي ادعولي ندي باك 2025بمعدل لي حاباتو 🤲🏻ونفرح الوالدين دعوة 40غريب مستجابة 🌹
أدعولنا ان شاء الله و بإذن الله ربي يوفقنا لباكالوريا 2025 ونكونو من الأوائل
انا راح نعاود بسك حسيت روحي مخدمتش مليح ان شاء الله نعاودو و نجيبو كيما حبيت يارب😢❤
مام انا ولله مخدمتش طول ومديسيديا نعاودو
مام انا ربي يوفقنا إن شاء الله في باك 2025
مام انا 😭
مام انا 🙃
ان شاء الله ❤️ بالتوفيق للجميع و اتجنبوا الاخطاء تع هاد لعام كامل ناجحين بإذن الله💜
انا باك 2025ادعولي نجيب باك ونفرح ماما 🤲🥺
طلبة باكالوريا 2025 انشاء الله قاع ناجحين ❤
يارب نجحنا كلنا 2025bac
اللهم آمين يارب @@user-rg9be5vt9l
امين ياربي وليد
أن شاء الله
انشاء الله
خاوتي لي حاب يتعلم اللغة الانجليزية في لعطلة هاذي ننصحكم بالاستاذ مراد استاذ هايل
يبدا يعلمك من لمستوى الاول حتى لعاشر انا عجبني واني نقرا من عندو
وين يقري فاليوتيوب ؟ انا تاني حابة نتعلم من الصفر كنت نحوس على كاش استاذ يقري مليح ملقيتش
قناة الأستاذ مراد جد جد ممتازة
يعلمنا كيفاه نحكوها ياااك
عنده قناة
جماعة دعولي نطلع تارمينال راني على جمر جبت معدل لول 10 وزاوج 11 وفترة ثالثة خدمت شوي شوي حمبوكم دعوولي نطلع ولكم بلمثل
نصيحة ماتتقلقوش تمرضو و ما تضغطوش على رواحكم في العطلة تفشلو الطاقة تاعكم تولي تنقص
مكيناش هاد هدرا لحب نجاح يلزم يعاني واجتهاد ويقاسي باه يلحق هدف نتاعه ولي حاب يرتاح يستنا كوارت في نقاط😂❤❤❤❤
دعواتكم لي طالبة باكالوريا 2025 إن شاءلله نتحصل عليه بلمعدل لحاابتو لي ولكل من قال آمين ❤🤲🏻
نصيحه من عندي عطلة تاع راحه اخطيكم ملقرايه والله او اذا بغيتو نقراو راجع غير مات سمانتين قبل دخول مدرسي لانو المواد الأخرى كلش يتبدل (علوم تجريبيه قصدي )فيهم او الحفظه ابداوها فلفصلل ثاني معناها الانطلاقه القويه هيا من الفصل الثاني والله راح يكفيكم الوقت او ربي ينجحكم ان شاء الله وينجحني انا ثاني باك 2024🥺🤲❤
كي تبدو تقرو من دك تعيو فالتالي وقت لباك هك قالو لي فوتو هد العام
ان شاءلله bac2025 فنون ❤
شكون لي حاس روحو مخدمش وخايف ميلحقش للمعدل لي حابو وراح يعاود احرار 😢😭🤌🏽يارب فرحنا
حتا انا راني متوتر كيفك خايف لمنلحقش لمعدل لي راني ندور عليه لبيها راني نتفرج في هذو فيديوهات ان شاء الله نجيبو معدلات لي حابنها من باكنا لول بش منعادوش تعب تاع باك دوزيام
@@OussamaOussama-cy7zb ربي كبير اي حاجة من عند ربي مرحبا بيها 😭
@@OussamaOussama-cy7zb اشاء الله يكون تصحيح في صالحنا
@@Bacwithmee362 ان شاء الله🤲😢
الله يفرحكم ان شاء الله ابوني
نصيحة لطلاب بكالوريا 2025 : ما تقروش في الصيف،بداوا حتى سبتمبر، ما تقروش الدروس الخصوصية ،قراوا في الدار من اليوتيوب ، ماديروش دورات، ما ديروش على المقترحات ماعدا الفلسفة، نصيحة من تلميذة اجتازت باك 2024
جزاكي الله خيراً
انا ختي بدات في سبتمبر و مقدهاش الوقت بسك البرنامج طويل
@@SaadiaBenmia كاين غي الفيزياء برنامجها طويل،اما بقية المواد فركزي على الفصل الأول و الثاني، انا كملت البرنامج كله في 10ماي
دراسة في صيف مفيدة جدا باسكو تدربي عقلك على انضباط واجتهاد ❤
@@user-nu7fm6pz7u هذا خطأ،العطلة جُعلت لأجل الراحة و الاصطياف و الاستجمام، يمكنك فقط المطالعة و حفظ القرآن ،اما دراسة المواد فهذا اكبر خطأ يفعله التلميذ ،لا يرتاح خلال العطلة الصيفية، ثم يتعب خلال الموسم الدراسي ،هنا عقله اصبح مشوشا و ذاكرته متعبة جدا،رأيت الكثير من التلاميذ درسوا خلال الصيف ،لكن في شهر جانفي و فيفري تعبوا و توقفوا،و هناك تلاميذ بدأو من سبتمبر و تحصلوا على نتائج ممتازة
ربي يعطيك ما تتمنى استاذ
شكرا راك عاونتني بارك الله فيك
نصيحة من باك 2024 تعيشوا ابداو في اواخر أوت واقراوا عااادي جداا وبوتيرة عادية كل يوم ومتفرصيوش بزااف بيسك راح من لخر متقدروش تقراو وتعقبوها غير نوم
جزاك الله خيرا جاء هذا الفيديو في وقته شكرااالك
بلاكو تبداو من درك راح تندمو كيما ندمت انا كي جا وقت الصح لقيت روحي فشلت وسمانة نتاع الباك مرضت
شكرا استاذ . بكالوريا احرار ان شاءالله بعد انقطاع دراسة 12 سنه من شهادة بيام .كملت بمراسلة ان شاءالله نحقق حلمي
انا ادبية لكن طريقتك اعجبتني .احب المخططات. بارك الله فيك ❤
بارك الله فيك وجزاك الله خيرا ، فعلا فيديو غني بالمعلومات المفيدية
بارك الله فيك استاذ
نصائح قيمة شكرا جزاك الله خيرا 🎉
بارك الله فيك استاذ 💜😊
بارك الله فيك❤
يعطيك الصحة أستاذ فيديو في القمة🌹 و كلامك منطقي جداا و كل من يتبع ما قلت سيصل الى أعلى المعدلات شكرا جزاك الله خيرا
اتعلموا تخططو ،و قائمة المهام المفصلة اليومية، تنظيم الوقت ، ضبط النفس. هاذو هوما الفاصل بين الممتاز والمتوسط ،الاول مرتب نفسو و الثاني يدور في حلقة مفرغة من التاجيل والتسويف و القرارات الخاطئة، ماتكثرش المصادر راه كلش يتعاود ، ماترهقش نفسك لكن لازم التضحيات
الباك امتحان عااااادي ، كي تحضرلو مليح ماعندك لاه تخاف ،اصلا مازال الحال باه تبدا 😅
وتانيك التوكل على الله تعالى اهم شيء
لا تدع الحياة تلهيك عن الصلاة و بر الوالدين
نصيحة من باك 2024 لي راهوضعيف يبدا درك انا بديت في سبتمبر و مخدمتش كيما حبيت مقدرتش نحل بزاف تمارين خاصة في الوحدات الأخيرة و لي وردوا في البكالوريا ( الاسترة 8 ن ) و نشالله حنعاودو هاد العام باش نقدر نجيب معدل لي حابتو و منندمش + بزاف ناس بداو و ميقولولكمش مباعد كي تدخل تقرا تحس روحك ضعييف و تلقاهم يشاركو و يتفاعلو فيالقسم و هم بكل بساطة بداو قبلكم
بالتوفيق ❤
بارك الله فيك شيخ ♡
شكراا ربي يحفظك ❤
انا ثاني رح نعاودو حرة ان شاء الله يارب نوصل وين حابة ❤
أروع استاذ، فعلا طريقتك في الشرح بسيطة غير معقدة و ناجحة جدا جدا 🎩
جزاك الله خيرا❤
شكراً أستاذ سهلتاها علينا جزاك الله كل خير ❤
استاذ في القمة ماشاء الله
جزاك الله خيرا استاذ
مع لاخير يقولو الباك زهر بعد هذا التعب كامل يقولو باك زهر ما هذا؟ الناس مهيش تدي حقها
بارك الله فيك استاذ❤
بارك الله فيك يااستاذ
بارك الله فيك
شكراااا استاذ برك الله فيك❤
استاذ شكرا كل ما كنت اريده وجدته في هذا الفيديو وانطلاقا منه اخترتك انت من أجل الدراسة عندك عام كامل وان شاء الله تكون نتيجة ممتازة ومفرحة
استاذ رائع، صوت واضح و محفز
ربي يحفظك و يجعلك من اهل الجنة يارب 🤍🤲🏻🥺
مشاء الله استاذ نصاءح قيمة بركت
حفظك يا استاذ ويهنيك ويفرحك سهلة عليا ربي يحفظك 🎉❤❤❤❤❤
نتمنى تدعيولي ربي يوفقني في باك 2025 مرض تاعي حبسني و عرقلني نتمنى تدعيولي ربي يوفقني ننجح ونفرح ميمتي
شكر استاذ يعطيك الصحة
ادعولي ندي الباك 2025 خوتي ربي يقدرني ويقدر كل مقبل إنشالله ❤
شكرا على نصائح
اكبر حشوة صراتلي في باكي تاع سنا هيا اني مبديتش بكري وزيد التأجيل والله ندامة جي مع لخر
ان شاء الله ننجح سنا ونعاود لباك ليبر
مام انا ندمت لي مبديتش بكري وراني نخمم نعاود ليبر 😢
وتبقى دراسة في صيف هي افضل ❤ معليش ربي يوفقك انشاء الله راك ناجح❤
شكرا استاذ ربي يحفظك
ما كتب الله لك ستاخذه ❤
طالبة بكالوريا 2025 ادعولي نجيب معدل ممتاز باه نوصل للحلم لي نبغيه😥🤲
نصيحة بداو بكري مالقري غادي تعييو وتفشلو ممبعد بصح في داك الوقت تكونو مكملين وغي تريفيزو وتزيدو تحلو تمارين شوالا متزيروش على رواحكم سييو تقرو الوحدة الاولى فالرياضيات والفيزياء باش كي تدخلو تكونو شويا متقدمين ومتحسوش بداك الخوف تاع راكم روطار ، باك 2025
عندك صح
صح
روحو تتكاو وحالولو تستمتعو بصيف ديالكم حلو عينكم تبداو ضرك تكرهو وتغلبو سبتمبر وابداو يكفيكم لوقت ويعدي باه تجيبو معدلات عالية مع تنظيم لوقت برك ادا حبيتو ديرو حاجة مليحة هيا تطورو لغات تاعكم فقط لا اكثر ولا اقل
الله يهديك نتا راك رجعتو بلا قيمة
على الأقل قول ماتتهاونوش
اللهم التوفيق و النجاح لنا جميعا ❤🤲
بكالوريا2025❤
انا ثاني راح نعاودو ان شاءلله نجيبو بمعدل لي حباتو❤
قناة الأستاذ حلفاوي فالفيزياء وقناة الأستاذ عبدو راضوان
من غدوه حابة نبدا نوجد ل باكالوريا عفاكم دعيو معايا ننجح و نحقق المبتغى نتاعي و بالتوفيق للجميع ❤️🙌🏻
عن قريب حنحطلكم نصاءح وكفاه تتعاملو مع اي مادة وش تحتاجو في كلش طالبة بكالوريا 2024
الله يحفضكم ادعولي ربي حققلي وش نتمناا ولكم بالمثل عدي باك 2025 ادعولي نتفوق
ادعولي باك2025 باش نحقق حلمي
دعولي نجيبه بمعدل لي باغياته باك 2024ني حاسة غادي نعاودو لوكان منوصلش واش حابة💔
قالك واحد الاستاذ مشهور:" كيفاش حاجة تروح قبل ماتجي انا مافهمتش🙂
والله منخليها في قلبي معاكم طالبة بكالوريا 2024
اخطيكم من التخمام فلباك من ضك راهو قدامكم 12 شهر
12 شهر قبل الباك راهي عام
اتمتعو بلعطلة الصيفية تاعكم عادي العبو عادي اخطيكم من ستراس والباك الباك الباك
الباك راهو امتحان عادي
شحال من واحد ماخدمش غير على جال هذي العفسة
كي تدخلو تقراو في سبتمبر لثم لي تبداو توجدو
اوجدو بعقلكم بلا تكثيف
اقراو دروسكم عادي كيما اي عام قبل افهمو لبروغرام كيفاه راهو يمشي
لحفاظة ما تتقلقوش منها خلاااص
اسلامية افهم الدرس ما تحفظوش كي البيروكي خاطرش لي سوجي تع اسلامية راهم فهامة مش حفاظة
ركزو على المنهجية تع المواضيع هي الصح هي لي تلمو بيها نقاطي
الاجتماعيات هي الساهلة خلاص ما عليك غير تفهم الدروس من اليوتيوب شغل حكاية وركز فلحفاظة على المصطلحات و الشخصيات والتواريخ هذو فيهم 12 نقطة فلباك
كل درس اقرالو تاعو وحدو
ونعاودلكم ما تقتلوش روحكم من ضك اقراو عادي افهمو عادي وامشو عادي فدروس
نقوللكم وقتاه تزيرو رواحكم
كي يدخل افريل لثم وين تكثف مجهوداتك مليييح وتقرا مليييح
وهذوك لي رح يقراو فلسفة اول مرة
بلاكو تهملوها افهمو الدروس فلقسم خاطرش هي مادة ساهلة تدو فيها 14 كي والو كي تكونو فاهمين منهجية و دروس
راكو تشوفو هذوك لي يقولك جيت من المستقبل بش نسلكم هكاك راني انا بلاكو وديرو وش راني نقول
ايه ونقطة مهمة ثان نسيت بش نقولهالكم
ماديروش ليكوغ اعتمدو على مجهوداتكم وحدكم هذوك الدروس لي ديرهم فليكوغ تضيعو بيهم وقت الطريق وتضيعو دراهمك وديفوا تروحو وما تفهموش دونك اخدم بليوتيوب خير وخير ..ديرو ليكوغ غير فلمادة لي حاس روحك ضعيييييف فيها وماتقدرش تسوفي فيها روحك وحدك ...اخطيكم من الدورات ثان
وروحو تقراو فليسي وديرو فروض تاعكم واختباراتكم عادي ...اكبر غلطة ديرها هي تخمم بلي كي تروح لليسي مش رح تستفاد و مايتحسبوش الفصول وذاك الخرطي
خاطرش بلفصول تعرف مستواك وين يدور
وثان تدي خبرة في التعامل مع المواضيع وطريقة اختيار الموضوع
ان شاء الله فدتكم بهدرتي هذي ...ادعولي برك نجيب الباك بلمعدل لي حباتو
وربي يوفقكم
لحوايج لي ڨلتيها كامل قمة غير كلمة أبداو من بدية العام الواحد لي يبدأ من بداية العام هذاك لي شايف روحو ممتاز و فاهم مليح مليح وش كان يقرأ في لبروميار و الوزيام أما التلميذ الضعيف يبدأ من دكا و لي حس روحو مازال تعبان يبدأ في نص جويليا و لا في أوت كل واحد و على حساب قدراتو بصح أبسط مثال نمدهولك هذاك لي سامعين بيه كامل كي كمل الباك تاعو بدا يقرا ما داش حتا وقت راحة من 6, إلى 17 فاصل الله يبارك أنا ما نڨلكش هو رآه صحيح 100/100 هو رآه غلط في نقطة أنو ما داش وقت تاع راحة بصح دار المستحيل باش يوصل للهدف تاعوا و العبد لي تهدري عليه نتيا ما يقراش في العطلة هو التلميذ الممتاز و لا التلميذ لي حاب يدي ب10 و 11 و 12
أرجعي و ڨوليلي شحال جبتي بعد الباك خيتي جاني الفضول 🙂
@@user-kn9cu8vh7 نونو انا ماكنتش من الممتازين انا كنت متوسطة
كي ضعيف كي الممتاز يبداو في سبتمبر
خاطرش كون ييداو من ضك مايجي يوصل ماي يكونو كرهو
خاطرش التلميذ الضعيف موالف الريتم لقليل وليلة الرعد كون يبدا ديركت بلاشارج يكره
دونك ابداو من سبتمبر راني سيريو والله
اقراو كل درس وحدو سيو تفهموه فلكلاسا مليح واذا مافهمتوهش شوفوه فليوتيوب
باسكو كي تفهم الدرس راح تجيكم ساهلة بش تحفظو هك تكونو مرتاحين من بعد تولي تركزو غير على الاخطاء تاعكم
فصيف تقدرو ديرو لحوايج الجايحين كيما لي كونجيغيزو تع فرونسي وانقلي اذا كنتو مش ملاح فيهم شغل ساعة فنعتر ما عندها ما تظر
بصح بش تبداو تقراو كلش من ضك نو نو والله لا انصح
بقالكم عام حنا ومزال مخرجتش ريزيلتا تاعنا راكو تخمو فيه؟
شكرا أستاذ حفزتني وشجعتني . ديرلنا توقيت للغات اجنبية كيفاش نقراوها ووكتاه . وكفاه نقسم وقتي فيها🥺
نصيحة مجرب ابدا بكري باش تكمل بكري و تكون مرتاح و تراجع برك✅
أبدا بكري باش تعيا بكري 😅
@@dz-mx7iq
انا بديت بكري و حمد لله كملت كلشي بكري و ريحت قبل باك بسيمانة 🤫
@@dz-mx7iq
كل يحكي تجربتوا اعرفوا تردوا☝🏻
صح ختي و الله غير عند حق و مبروك عليك ختي لعزيزة 🎉🎉🎉🎉
طالبة بكالوريا 2025 نقطة قياسية بإذن الله❤❤❤
استاذ فيديو تاعك رائع، عجبني بزاف، و أصبت بخصوص العادات و نصائحك اهم طريق للنجاح انا عن نفسي كل سلبيات لي ذكرتيها فيا مثلا المؤثرات نهار طول نتفرج عليهم مي نسيي نبعد ❤✨🌸
باك 2025 لراه هنا يقول❤❤❤❤
هنا لازم ندخل😂منيتك من صيف والله ربي يحاسبك استغلالي هنا عمبالك معندي منقلك ربي وكيلك
الله يهديك يا أستاد خلي تلاميذ يا خدوا حقهم في عطلتهم على تضغطوا فيهم هاك
خاوتي تاع باك 2025 واحد ما يخلعكم أبدا فلخر تاع أوت سمانة لخرة يكفي الحال وتخلص البروقرام في اللخر تاع أفريل عادي ويبقالك ماي مراجعة .... كون تبدا من درك والله وراني نحلف ما تقدر تكمل تبدا تفشل من الفصل اللول ويروحلك الشغف ونصيحة أخرى مني اليكم أقراو كل يوم باه تحكمو الريتم وأقراو بإنتظام ( وتيك توك والإنسطا بلا ما نهدر ) +++++++ واحد ما يخلعكم والله الباك هذا راهو إمتحان عادي
بالاكو تبداو من ضك راح تندمو اسناو حتى اواخر اوت باش تبداو تعالجو نقائص تاع سنة ثانية ثانوي كيما النهايات و حالات عدم تعيين ، قوانين الكيمياء تاع فيزياء ، حفظ تواريخ من كراس بورنان
دعولنا خوتي ربي يوفقنا ولكم بي مثل انشاء الله❤
طلبة بكالوريا 2025 ان شاء الله كامل ناجحين 🤲
انشاء الله
امين يارب
بارك الله فيك، شيخ أسكو مترشح حر يقدر يتكل على قناتك برك في فهم دروس الرياضيات bac 2025
غير بداو ضركا باك 2025 رانا روطار يااو 😂🤌🏽
ابوني الله يفرحكم
رانا روطار بزاف 😂😂😂😂
@@WalidBouaraba 😂😂wlh
بالعكس هذا هو الوقت الانسب
😂😂😂😂
مشتركة جديدة شكرا لك
جماعة نصيحة والله لازم تبداو فأوت پسك والله تنندم لي مبديتش بكري وباينة مش حتفورصي روحك اقرى حوايج الاساسية ونصيحة تبعو استاد نور الدين فلمات ادبيين وعلميين پسك هاد لعام طاحو تمرينات فلباك كيما لي ديرهم هو لااازم تشوفوه واستاذ محمدuniversity هادا يدير مقترحات فلسفة دايمن يطيحو وحتى هاد العام طاحو ي ويدير مقترحات اجتماعيات تاني طاحو وحتى اسلامية يحط مقترحات ومانيش نقول ديرو على المقترحات مي لازم تشوفوهم وتركزو عليهم سيرتو هاد الاستاذ مقترحاتو دايمن حاضرة فلباك وربي ينجحكم كامل وينجحنا حنا تاني لي يفوت من يدعيلي ندي لمعدل لي حاباتو ولكم بالمثل كامل ان شاءلله
ࢪبي يوفقنا ڪاامل دعولي ننجح 🫂🥹
اسمعي بعيد الشر اتفاءلي بالخير
أنصحكم من كل قلبي بقناة آمين بروف مات فاليوتوب كنت ندي 2و3 فالسنة التانية فالباك بلو ديت 17.5 والله على ما أقول شهيد
بارك الله فيك ربي ينجحك ممكن تنفعنا بقنوات في كل المواد للناس لي راهم ضعاف ولاناسيين كامل القراية ،احرار يعني وشكرا
كاين اسلامية قناة الأستاذ شمس الدين
مادة الاجتماعيات الأستاذ قشوبة
مادة اللغة الانجليزية والفرنسية الأستاذ منصوري
مادة اللغة العربية الأستاذ حيقون أسامة والأستاذ خالد حماش
ننصحكم متبداوش والله تن تجربة واصلا راح نعاودو ليبر 2025باذن الله
بغيت نسقسيك برك انا دروك راني بديت نقرا الفرنسية و الانجليزية بسكو انا ضعيفة بزاف فيهم راني نقرا 2ساعات في النهار برك
وبديت شويا دروس تاع التاريخ عند الاستاذ امين ولكن بدون حفظ غير الفهامة برك نقرا غير 2 سوايع في النهار
بصح راني خايفة الا ننسى مع الوقت في شهر افريل 😟😟😟 اسكو راني ندير حاجة مليحة ولا لا
وبغيت نخلي مواد الاساسية في بداية العام الدراسي
@@hanker939 ختي والله مهي مليحة انا لعام ليفات يعني 2024 بدين في جوان وحبست في ديسمبر
ياو الصح اكل في حل المواضيع والله والله يكفيك الوقت ابداي في اوت
@@user-zp5pi9lb5q شكرا
تالمو والفت من اوت لي فات سوا فلاشان يوتيوب ولا دروس الزووم بالاستاذ يقول طلبة باك 2024 جاتني لبكية كي تبدلت المقدمة ولات طلبة باك2025🥺💔 ربي يوفقكم جماعة وحاولو تديو غي نظرة برك ماشي تضغطو رواحكم من دوك لباك راه ساهل علخر مايحشيلكم حتا عبد ويقولكم حالة صعيبة وتحبد ليل مع نهار وماتلحقش باذن الله تلحقو ،ليسونسيال فترة هادا سيو تبعدو على حاجة تاع قرايا ازهاو اخرجو اقرو قرءان بدلو جو لقرايا قد ماقدرتو باسكو ممبعدا راح تجيكم لابريسيو تاع لقرايا توليو تتمنو تخرجو مي ماتقدروش وصراتلي هادي انا شخصيا كنت متحمسة كيفكم دوك وبديت على بكري فلخر شهر اكتوبر ونوفمبر وديسمبر حبست فيهم لقرايا خلاص حتا جانفي باه عاودت ديماريت وهادي ماشها مليحة خلاص سما ديرو حسابكم دوك ماهوش وقت لقرايا دوك تديو نظرة خفيفة وصاي ، ربي يوفقكم ويوفقنا مام حنا ونوصلو وين حابين 🤍🤲
مام انا حسييت. روحي وليت عجوزة🙂
ختي معليهش نسقسيك دروس الزوم واش من تطبيق هدرونا عليه الاساتدة مي مفهمتش ربي يحفظك فهميني هل هو تطبيق ولا واش??
@@user-rd8tc8vt8w و هو تطبيق كي شغل يفتح فيه الاستاذ حصة ويبعتلنا رابط تاعها في قناة تيليغرام خاصة بتلاميذ لي مسجلين عندو ،ايا حنا نكليكيو على هداك رابط ندخلو ديراكت للحصة هاديك ونقراو مع الاستاذ لايف كي شغب وين نقدرو نسقسيوه ونحكيو معاه ويجاوبنا ، بالنسبة للاستاذ عثمان فهو يخدم بتطبيق غوغل ميت وكاين اساتذة يخدمو بتطبيق زووم
نعم هو تطبيق يتم تحميله مثل الواتساب@@user-rd8tc8vt8w
دعولي خاوتي و لكم بالمثل باك 2025 ❤🤲
بنسبة لناس لي متقدرش دير صبور حاولوا ديروا رياضة المشي أو إذا مقدرتوش نقسوا من ماكلا لي مفيهاش فائدة
يا انا ماكلتي طول شلاضة هههه😂
@@user-qn1ow7le1i 😆😆 كيما خرفان
اللهم صلي وسلم على سيدنا محمد وعلى اله وصحبه أجمعين
اللهم صل عليه وسلم
اللهم صل
غدا ستبدأ رحلة التحضير للباك 🫡🤍
ربي معاكم ❤❤❤
خاوتي دعولي نوصل ندي 17 ونفرح انا ويما وبابا
انا باك 2024 وراني مستنية النتيجة ولكن نحب نتفرج هاذو الفيديوهات وما علاباليش علاش مي نعطيكم نصيحة ابداو في اوت وحفظو مصطلحات في الفرنسية والانجليزية وكتبو ملخصات اللغة العربية التقاويم النقدية وكذا اما الفلسفة حتى جانفي خذو المقترحات من بروف محمد وقراوهم وفهموهم من عند عادل مقرود وكتبوهم على شكل رؤوس اقلام في اوراق بيضاء ما ااجتماعيات ففهمو الدروس من عند هند شاوش او بورنان وشرو كتاب الخباش وحفظو منه اما الرياضيات من عند نور الدين باسكو يفهم وتاني يعطيك تمارين بكالوريا مش تمارين ساهلين لي يعطوهمن الاستاذ في القسم واما الاسلامية افهموالدروس من عند بوسعادي روعة روعة تفهم غاية وكتبي املخص من عندها وحفظيه في اليوتيوب ولا شري كتابها اما الفيزياء والعلوم فانا ادبية وليس لدي فكرة عن هذه المادتين وانا مادرتش ليكوغ ابدا ولا حتى دخلت في دورات مي اذا انت مثلا علمي فيمكن دير ليكوغ في العلوم الطبيعية ولا الفيزياء وشكرا
ربي ينجحك وشكرا على النصائح
شكرا ❤❤❤
شكرا
ياودي بداو ف سبتمبر و اجتهدوا راكم تلحقو لعام ره طويل انا بديت ف سبتمبر و عييت فما بالك اللي يبدا دروك هههههه