الفراخ المشويه بتتبيلة الحاتي الاصليه مع سلطه طحينه+سلطه المشويات ومايه السلطه بتاعت المطاعم الشعبيه
HTML-код
- Опубликовано: 14 окт 2022
- طريقه عمل الفراخ المشويه علي الفحم وسر تتبيله المطاعم مع سلطه الطحينه وسلطه بلدي ومعاها مايه السلطه المشطشطه بتاعت مطاعم المشويات ومحلات الفول والطعميه وسر لونها وطعمها من المطعم نفسه
المقادير:
فرخه كامله
١بصله كبيره
١حبه طاطم كبيره
٢قرن شطه +١فلفل
٢فص توم
٢معلقه كبيره زيت
٢معلقه خل
لمونه
ملح،معلقه صغيره فلفل اسمر،رشه جوزه الطيب ،كيس من خلطه ال١١بهار ولو مش متاح نحط ربع معلقه صغيره من الكزبره والكمون ومعلقه من السبع بهارات او بهارات الفراخ
السلطه البلدي:
طماطم،خيار،فلفل،شطه،كزبره ع شبت ع بقدونس او المتاح عندك،بصل
عصير لمونه
معلقه خل
طمطمايه مبشوره بدون قشر
فصين توم مفرومين مع نص قرن شطه
ملح،كزبره،كمون،سماق
تلج+مايه
#فراخ_مشوية
#هنا_صلاح
تسلم ايدك بصراحه مش عارفه ازاي انتي عندي ومش بتفرج عليكي قناتك روعه ماشاء الله انصح اي حد يتفرج على القناه هتعجبك اوي مش هتكونوا عاوزين تخرجوا ميرسي ع الوصفه وتسلم عيونك حبيبتي ❤️
يا حبيبتي نورتيني وكلامك الجميل ده فرحني جدا والله تسلميلي ويسلملي زوقك واتمني اشوف تعليقاتك الجميله دي دايما 🥰😘
@@hanakitchen16 ❤️❤️❤️❤️❤️
تسلم ايدك يا هنا وبالهنا والشفا على قلبك يا حبيبتى
الفراخ المشويه تحفه تسلم ايدك جوعتيني يا شيخه تسلم ايديك ياقمر🎉🎉🎉
جميله جدااا ماشاء الله عليكي ياحبيبتي ❤❤❤ ربنا يسعدك يارب 😍
بسم الله ما شاء الله تسلم يدك الف هناء وصحه احلى لايك 👍👍👍👍
شكرا لحضرتك 🌼🌼
تسلم ايديك حاجه لذيذه خالص
شكرا يا حبيبتي 🥰
تسلم ايدك يا حبيبتي
تسلميلي 😍
تسلم اديكى يا احلى هنا من يوم ما جربت اكلك وانا دائما في هنا احبك فى الله ♥️🙋🏻♀️💌
احبك الذي احببتني فيه يا حبيبتي 🥰
والله العظيم انتي اكتشااااااف تسلم إيدك وعنيكي يا قمر
شكرا لحضرتك
تسلم الايادي وربنا يحسن مابين ايديكي روعه
شكرا لحضرتك
احلي فرخ واحلي سلطه تسلم الايادي 🐔🐔🐔🐔
تسلمي يا دينا يا قمر 😍
اول لايك بالتوفيق ان شاء الله معكي في العرض باذن الله
حبيبتي هتنوريني🥰
تبارك الله عليك فراخ مشوية على حقها وطريقها👍
شكرا لحضرتك ونورتيني 😍
ما شاء الله تسلم ايدك 👏👏💯
تسلميلي يا قلبي
حلو اوى اوى اوى بجد ياهنا تحففففه تسلم ايدك
شكرا يا قمر 😍😍
ماشاء الله عليكى فعلا طريقتك جميله جدا مبسوطه وانا باسمعك
كلك زوق يا حبيبتي تسلميلي 😍
تسلم ايدك ما شاء الله 💕
تسلمي 🌼
تسلم ايدك بالف هنا وصحه وعافيه كل وصفاتك جميله
الله يهنيكي 🥰🤗
قمراية 😍😍😍😍
شكرا يا قلبي 😍
ما شاء الله عليكي يا حبيبتي تسلم ايدك وديما بتبهرينا بوصفاتك👍🏻
حبيبتي يا احلي شيف
تسلم ايدك يا نوءه 😋😍❤️❤️
منوره يا لميا 🥰
تسلم إيدك يا هنا انتي تسته لي الملونيه في اليوتيوب أن شاء الله لتكوني أكبر يتيوبر في مصر أختك ام إنس من اسيوط
حبيبتي يا ام انس تسلميلي ومنوراني انتي وكل اهل اسيوط وكلامك الجميل ده مفرحني دايما شكرا لزوقك 🥰
عجبتني طريقتك وفديوهاتك متنوعه اتمنا اكون صديقه ليكي اختك روما شكرا لو صفاتك الحلوه🥰🥰
حبيبتي ده شرف ليا تسلميلي وشكرا لزوقك 🥰
الفراخ جميله ياهنا والسلطه فظييه بس السوماء ده عمرى مجربته
السماق هتلاقيه عند العطار بيبقي حلو اوي فالسلطه البلدي وكمان ممكن تعملي بيه سلطه البصل بتبقي عباره عن بصل وكزبره او بقدونس وشويه سماق وعصره لمونه ونقطه خل ومعلقه زيت بتبقي خطيييره
تسلم ايدك ي هنا بحبك وبحب كل وصفاتك ❤️
حبيبتي وانا بحبك في الله 🥰
تسلميلي ويسلملي زوقك 🌼🌼
@@hanakitchen16 ❤️❤️❤️
تسلم ايدك رووووعه بس ممكن اعرف هو الفحم علي البوتاجاز و لا ايه
لا انا بشوي ع الشوايه ف البلكونه
بس ولعت كام فحمابه ع عين البوتوجاز وروحت حطاهم ف الشوايه وعليهم شويه فحم مش متولعين وهتهوي عليها هتلاقي كل الفحم ولع هتروحي فرداه ف السوايه وتبدأي تشوي بقي
الهوا كان شديد فعلا بس قلب بشرد
الفتره دي احلي فتره فالجو بتبقي طراوه كده ومش حر اوي ولا برد اوي واحلي حاجه الشوي ف البلكونه او الاكل عالسطح ف الجو ده😂
تسلم إيدك حببتى ممكن احط الشواية السلك فى الفران ولالاواعملها ازاى
اه تقدري تحطي الفرخه ف الشبكه وتحطي الشبكه علي صينيه فالفرن والافضل تحطي في الصينيه شويه مايه علشان البخار اللي هيخرج من المايه دي وهي بتغلي هيسوي الفرخه اسرع وتبقي طريه وجوسي وكل ما المايه تقل زوديها وممكن كمان تحطي فيها اي منكهات عطريه لو حابه زي ورق لورا وحبهان وكده ولو الصينيه المونيا حطي معلقه خل في المايه علشان متزرقش
حببتى شكرا لذوق حضرتك
طب انا معنديش شوايه بالفحم ممكن اعملها في الفرن
ايوه عادي تشويها فالفرن وفالاخر ممنك تولعي فحمايه وتطفيها بمعلقه زيت هتعمل دخان هتروحي مغطيه ع الفراخ فالاخر هتلاقي طعمها كأنك شوياها عالفحم
عندي الشبكه بس الفرن مش بيقفل عليها أيدها كبيره اعمل ايه
في شبكات بتتباع حجمها اصغر
ومش شرط ندخلها الفرن ف الشبكه دي
هي بتدي شكل حلو لكن لو مش متاحه ممكن حطها علي شبكه عاديه مش لازم بتتقفل يعني زي بتاعت فرن الكهربا
او لو مفيش خالص ممكن نسويها في صينيه فالفرن وخلاص
يا هنا لوسمحتى بالراحة وانتى بتشرحى بتقولى بسرعة اوى هدى شوية
حاضر في الفيديوهات الجايه ان شاء الله 🤗
طب واللى مش عنده شوايه
@@user-wn6zc7nl6w حطيها علي شبكه او فصينيه في فرن البوتوجاز وفالاخر ولعي قطعه فحم وطفيها بمعلقه زيت وغطي
هتبقي الفراخ كانها مشويه عالفحم