Ra’no gulining suvi. Xayriddin Sultonov hikoyasi asosida radiospektakl

Раъно гулининг суви. Хайриддин Султонов ҳикояси асосида радиоспектакль. 1991 йилда магнит тасмасига туширилган радиоасардаги асосий ролларни Темурмалик Юнусов ва Афзал Рафиқов ижро этишган. Режиссёр: Рустам Қурбонов / Ra’no gulining suvi. Xayriddin Sultonov hikoyasi asosida radiospektakl. 1991 yilda magnit tasmasiga tushirilgan radioasardagi asosiy rollarni Temurmalik Yunusov va Afzal Rafiqov ijro etishgan. Rejissyor: Rustam Qurbonov.
Қадрли китобхон!
Бу бадиий лавҳани «ҳужжатли ҳикоя» деб атамоқчиман. Лекин ундаги барча воқеа-ҳодисаларнинг юз фоиз ҳақиқат эканига кафолат беролмайман. Бироқ, айни пайтда, ҳар қандай бадиий тўқиманинг ёки қўполроқ айтганда, ҳар қандай уйдирманинг ҳам юз фоиз ёлғон эканига тўла кафолат бермоқ мушкул. Бадиий ижодда эса - боз устига… Бас, шундай экан, гап яна ўша эски муаммога - ишонтира билиш санъатига келиб тўхтайди.
Демак, бу лавҳанинг рост нуқталари - яъни илмий-бадиий адабиётда бор гаплар: ўлмас адибимиз Қодирийнинг нондек табаррук сўзлари;
Манн деган рассомнинг Қодирий портретини яратгани; бу ҳужжатли ҳикояда содир бўлажак воқеаларга муаллифнинг сўнмас ишончи.
Бу лавҳанинг тўқима нуқталари - яъни ўша давр ва ўша шароитда содир бўлганини ҳеч ким тасдиқламаган ва шунингдек, содир бўлмаганини ҳам ҳеч ким инкор этмаган нуқталар:
рассомнинг асло ёзилмаган хотиралари;
бу борада муаллифни кутажак танбеҳ-эътирозлар.
Бу ҳикоя Абдулла Қодирийдек буюк сўз санъаткорига бўлган чексиз ҳайрат ва эҳтиромимнинг камтарин ифодаси сифатида вужудга келди. Мумтоз адибимизнинг ўз сўзлари билан айтганда, «мана шунинг далдасида ҳавасимда жасорат этдим, ҳаваскорлик орқасида кечадиган қусур ва хатолардан чўчиб ўтирмадим». Ва шунинг баробарида, мен бир оддий қаламкаш бўлиб, бу лавҳадаги турфа инсоний кечинмаларга, гоҳи ҳазин, гоҳи некбин янграган оҳангларга, ўталмаган бурч изтиробига сидқидилдан ишонгим келди.
Бу ишончга сизнинг ҳам шерик бўлмоғингиздан умидворман, азиз китобхон.
Муаллиф
Qadrli kitobxon!
Bu badiiy lavhani «hujjatli hikoya» deb atamoqchiman. Lekin undagi barcha voqea-hodisalarning yuz foiz haqiqat ekaniga kafolat berolmayman. Biroq, ayni paytda, har qanday badiiy to‘qimaning yoki qo‘polroq aytganda, har qanday uydirmaning ham yuz foiz yolg‘on ekaniga to‘la kafolat bermoq mushkul. Badiiy ijodda esa - boz ustiga… Bas, shunday ekan, gap yana o‘sha eski muammoga - ishontira bilish san’atiga kelib to‘xtaydi.
Demak, bu lavhaning rost nuqtalari - ya’ni ilmiy-badiiy adabiyotda bor gaplar: o‘lmas adibimiz Qodiriyning nondek tabarruk so‘zlari;
Mann degan rassomning Qodiriy portretini yaratgani; bu hujjatli hikoyada sodir bo‘lajak voqealarga muallifning so‘nmas ishonchi.
Bu lavhaning to‘qima nuqtalari - ya’ni o‘sha davr va o‘sha sharoitda sodir bo‘lganini hech kim tasdiqlamagan va shuningdek, sodir bo‘lmaganini ham hech kim inkor etmagan nuqtalar:
rassomning aslo yozilmagan xotiralari;
bu borada muallifni kutajak tanbeh-e’tirozlar.
Bu hikoya Abdulla Qodiriydek buyuk so‘z san’atkoriga bo‘lgan cheksiz hayrat va ehtiromimning kamtarin ifodasi sifatida vujudga keldi. Mumtoz adibimizning o‘z so‘zlari bilan aytganda, «mana shuning daldasida havasimda jasorat etdim, havaskorlik orqasida kechadigan qusur va xatolardan cho‘chib o‘tirmadim». Va shuning barobarida, men bir oddiy qalamkash bo‘lib, bu lavhadagi turfa insoniy kechinmalarga, gohi hazin, gohi nekbin yangragan ohanglarga, o‘talmagan burch iztirobiga sidqidildan ishongim keldi.
Bu ishonchga sizning ham sherik bo‘lmog‘ingizdan umidvorman, aziz kitobxon.
Muallif

[@Ibrohim.polvon]

Зўр асар! Хайриддин Султон-зўр ёзувчи!!

[@GulnoraAkramovna]

КАНДАЙ ТЕНГСИЗ 👍💯, БЕТАКРОР💯👍 , ТИНИК 👍💯ОВОЗ СОХИБЛАРИ ЯШАГАН 🤔🤔🤔, ВА ЯШАБ ОЛАМДАН УТИБ КЕТИШДИ🤔🤔🤔🤔😢😢😢😢 🥱🥱🥱🥱 ОХИРОТЛАРИ ОБОД 🤲 ЖОЙЛАРИ ЖАННАТДА 🤲 ИККИ ОЛАМ САОДАТИГА ЭРИШГАН БУЛСИНЛАР 🤲 АМИЙН 🤲🤲🤲🤲🤲

[@GulnoraAkramovna]

ТЕНГИ ЙУК ОВОЗ СОХИБЛАРИНИ БОРЛАРИНИ ТАНУ ЖОНЛАРИ 💪💪💪💪💪 СОГ САЛОМАТ 🤲 ОМОН БУЛСИНЛАР 🤲 АМИЙН 🤲 ОЛЛОХИМ 🤲 УЗИ МАДАД 💪💪💪💪💪 БЕРСИН 🤲 ПАНОХИДА АСРАСИН 🤲 АМИЙН 🤲 НИМАНИКИ ОЛЛОХДАН СУРАГАН БУЛСАЛАРИНГИЗЛАР ХАММАСИ ИЖОБАТ БУЛСИН ИЛОХИМ АМИЙН 🤲🤲🤲🤲🤲🤲

[@rajabboyraupov5515]

Tengsiz asar, tengsiz ijro, tengsiz bag'ishlov!

[@МаргубаАбдуллаевв]

Рахмат мазза килдиим