CC 你好, 由於每個家庭用車的距離和頻率都不同，以下我給你一些客觀數據作參考，可能對你更有用。 汔油車(5人車)，每100公里約60元油費; 而電車每100公里約13元，晚上充電約10元。這裡用電車都幾方便，很多地方都有得充電，但當然充電時間會比入油長。而Call車這裡就更方便，DIDI是最貴我們很少叫，我們通常用其他平台，如哈囉，T3出行和萬順叫車等，遠程有時叫順風車(獨享)就更划算。舉例: 非繁忙時間打車，30公里約40-50元，DIDI是70多元。 住宅停車場費，一般都算便宜(拱北除外)，例如珠海南屏華發新城(豪宅)每月是500元，而斗門翠湖苑每月只需70元。 CC 我們很歡迎提問，因為同是港澳人回到大灣區居住，人生路不熟，互相分享資訊可以讓我們大家快些融入內地生活，發揮互助精神 😄。
I am in mainland now. We can browse youtube, facebook and my google calendar too. They are my daily use software. ☺️ You can add my WhatsApp or wechat. We can share more information to you. wa.me/85294816280 whatsapp: +852 94816280 wechat ID：ChinaHousing1
Thank you for your message 😀. China is a nice place for retirement. Many people moved to Zhuhai and ZhongShan in the past few years. If you need more information about retirement in China, please feel free to add my whatsapp at wa.me/85294816280 whatsapp: +852 94816280
Brian Lau 你好😊，珠海市人民醫院和中大五院都係較好較受歡迎既三甲醫院，而較新既就有珠海市婦幼保健院。 如果在珠海就醫，你可以試吓睇唔同既醫院和醫生，掛號費連診金一般係¥15-30，檢查費和藥費另計，因為除咗醫院，我們經驗所得能遇到一位夾得來既醫生係好重要，好似我之前遇到一位很好既醫生就喺中西結合醫院，而阿囡既眼仔我們試了不同醫院，最後覺得中大五院既眼科部係最好，希望以上資料幫到你 😊 ruclips.net/video/zZTUZkMxT0g/видео.html
其實國內看病，言語溝通問題和兩地醫學名詞略有不同，再加國內醫生專業水平參差，這些都會影響我們睇醫生時的體驗。人都是病了才去找醫生，當屢屢碰上不適合的醫生，難免會全然否定國內醫療，覺得回港就醫更有保證，這個絕對理解。但我們一家，包括家公的糖尿病和白內障、奶奶的眼底問題、囡囡的遠視檢查、和我個人身體的調理等，幸運地在不同的國內醫院都能遇到一些合適的醫生。 希望以上個人愚見可以幫到Annie Li 和各位觀眾朋友🌈。
![[大量醫學實證]食鈣片＝防骨質疏鬆？反而令你生腎石、風濕、心血管病！｜教你2招免費補鈣大法｜不是陰謀論｜中文字幕](/img/1.gif)
閣下嘅資訊對準備返國內生活的人十分有用，真的謝謝你呀！🙏🙏🙏👍👍👍
Dave, 😄多謝你既支持呀!
小弟都在深圳南山住過幾年，也曾搞過小生意，亦會簡唔時到惠州渡假，起初感覺幾舒服，地方又大物價又便宜又多嘢食生活好多嘢都可以用手機app處理到，但到你遇到被欺騙被坑甚至同政府部門交涉，你就會感受到反感同無語，基本上生活上好多坑，一唔小心就有損失，人們習慣互割韭菜，沒有同情心(就算有都自小被教不要多管閒事因怕被套路)，短視只看眼前利益，用盡方法揾你著數，賺咗你錢就唔理售後甚至失蹤不回等。
總結：之前真係有諗過將來在大陸退休，但經過幾年在大陸生活已撤銷呢個想法，因為一個地方最最最重點係人的質素，引申出嚟嘅所有嘢都係由人去決定的。另外我敢講大陸人大部分都唔當香港人係自己人，呢點我好肯定，大陸可以去吃喝玩樂去消費，但不適合長期生活。
Joe, 您好！多謝您的分享 😊
可能我在大陸沒有做生意，所以住了3年多沒有被欺騙被坑。我覺得做生意真係唔簡單，世界各地都要小心，我朋友做trading亦分享有些外國買家寄貨後唔俾錢又或者壓價等，能做生意的真係唔簡單👍🏻
至於人呢方面，珠海和中山我哋暫時既感覺都唔錯，上次我家70幾歲既奶奶在超市買完嘢唔記得攞電話，個職員追出嚟俾番佢，坐巴士又會有人讓座，質素比以前提升咗好多🌠
有機會嚟珠海呢邊住吓感受吓，因為珠海係十大宜居城市之一，跟深圳惠州會有些分別，所以我視察後也選擇了移居珠海🏡
@@chinahousing 我都有朋友在珠海多年，早2個月去珠海探佢珠海地方係改善咗好多，廣州/佛山/中山/肇慶都有去過，呢幾個地方的確會好啲，因為相對上多本地人，而且都係講廣東話為主，可能你未遇到要同任何政府部門交涉，未親身感受過佢哋做事的作風，見識過後或者會有另一感覺，唔一定需要做生意，例如你揸架電動車代步佢哋話你架車超標違規就可以立即沒收你架車，你要攞翻要俾二至三千蚊，又見過一位中年女士過馬路被罰款哭着跪求俾次機會，但卻仍被當街無情地大聲斥責，是發生在深圳最繁盛的南山區。有能力的話，我會選擇馬來西亞，醫療/環境/文化/語言/生活指數都幾好，起碼上網唔洗要VPN先，馬來西亞亦奪得全球最佳醫療國家榮譽，明白各人選擇唔同，都祝你生活愉快。
@@joe3223 你說得對😊，不同人有不同需要，每個地方都有優點和缺點，找個合適自己的最重要~💖
馬來西亞也是一個不錯的地方，但因為我要常常來往香港澳門，而珠海有24小時關口出入，有任何事可以馬上回港，較為合適我和家人。
至於電動車，我在珠海都有俾交警收咗去，又係要¥2000先可以攞番，証明係一視同仁😂，不過那時候我才知道珠海市區係禁用電動車，自己做錯了，所以雖然"心痛"那架新買的電動車，但也沒有取回。如果喜歡用電動車代步，可以考慮到中山肇慶等，那些地區是容許用合法電動車的🚴
以為你在講緊香港，看來每個地方也有好人和壞人吧
香港咪仲多老千
溫馨提示：當大家在珠海安頓好後，每月的家居雜費，例如：柴米油鹽、清潔用品、紙巾雜項，每人每月需約50-100元，豐儉由人😊
❤️❤️新影片分享: "同大家行下內地超市，睇下12類日常食用品價格" ruclips.net/video/I33_JulvXSM/видео.html
我一直好想知這些生活在珠海的平均每月開支，無意中找到了妳的影片，非常有幫助，謝謝分享🙏🏼
@CC CC 多謝您既留言😊，日後有咩關於珠海生活既嘢想知多d，歡迎留言或whatsapp我.
@@chinahousing 妳好！想請問妳，在珠海一般生活上用車，平均每月油費要多少呢？
CC 你好, 由於每個家庭用車的距離和頻率都不同，以下我給你一些客觀數據作參考，可能對你更有用。
汔油車(5人車)，每100公里約60元油費; 而電車每100公里約13元，晚上充電約10元。這裡用電車都幾方便，很多地方都有得充電，但當然充電時間會比入油長。而Call車這裡就更方便，DIDI是最貴我們很少叫，我們通常用其他平台，如哈囉，T3出行和萬順叫車等，遠程有時叫順風車(獨享)就更划算。舉例: 非繁忙時間打車，30公里約40-50元，DIDI是70多元。
住宅停車場費，一般都算便宜(拱北除外)，例如珠海南屏華發新城(豪宅)每月是500元，而斗門翠湖苑每月只需70元。
CC 我們很歡迎提問，因為同是港澳人回到大灣區居住，人生路不熟，互相分享資訊可以讓我們大家快些融入內地生活，發揮互助精神 😄。
@@chinahousing 十分詳細的資料😍非常感謝🙏🏼對我的預算有很大幫助。謝謝妳！
@@chinahousing 雪文，我們已經過到珠海，但在居住証和微信上遇到很大的問題，可唔可以請教吓妳呀？🙏🏼
退休一定去肇慶，珠海生活節奏快，肇慶物價平，周邊有山有水，未來更多旅遊節目，可以陪同小朋友玩足一星期也玩不完。
多謝你既留言😊
大灣區好多地方都好適合退休，肇慶都係其中一個好地方，我都好喜歡，嗰邊有山又有水，可以行岭羊山、七星岩等，未来仲有室內滑雪場、水上樂園同溫泉酒店👍🏻
@@chinahousing 真好
Raymond 你好, 多謝你既留言😊
我早前都去咗肇慶番嚟，有客戶睇中肇慶個自然靚景同合乎預算，一連買入兩個單位，有時間也可以一齊睇吓個靚景🌳🌲🌴，也可加我whatsapp給你更多資料。
ruclips.net/video/aFSgT7vSra8/видео.html
WhatsApp： wa.me/85294816280
珠海生活節奏快？你同香港比下啦
我喜歡惠州大亞灣，回來香港高鐵也比較快。去深圳又可以.
多謝詳細分享😊👏。我覺得返內地退休或者居住，除咗洗費，醫療同文化差異都好緊要，不過內地居住既空間夠大、人同人無咁迫夾和節奏慢D係吸引既，所以我都有考慮。
Candy, 多謝支持。我們都覺得醫療非常重要，以前買的香港醫療保險現在都自動擴大保障範圍至大灣區, 家人曾住院, 可以claim到。但我們覺得香港醫療是較好。
我都打算去大灣區置業退休，但未有心水係邊區
Hi Joyce, 多謝你既留言 😊
珠海、中山和肇慶都係好多港澳朋友選擇既退休好地方，各有特點，視乎生活習慣和退休預算等等，可以加我whatsapp或微信再詳細跟你分享每個地方的特點，那區較為適合你😉
wa.me/85294816280
whatsapp: +852 94816280
微信ID：ChinaHousing1
文化差异，中国那么大，那么多民族，南北，东西，本身就有文化差异
多謝分享👍🏻👍🏻，我睇咗兩次先肯定無睇錯薯仔只係1.99人仔？
@Cheung Ming, 多謝您的支持😊
你無睇錯，薯仔真係¥1.99，有3個中型size。
Possible to browse RUclips in the mainland? If yes, will not hesitate to move there 🙏
I am in mainland now. We can browse youtube, facebook and my google calendar too. They are my daily use software. ☺️
You can add my WhatsApp or wechat. We can share more information to you.
wa.me/85294816280
whatsapp: +852 94816280
wechat ID：ChinaHousing1
上司幾年前搬咗番中山, 去探過佢, 印象間屋好大, 樓下真係好多樹, 食野好抵, 可惜家下疫情無得番去探佢, 順便跟佢又食又玩。退休都希望搬番去做佢鄰居，不過就要捱多幾年先等到退休。
Sam, 多謝你的留言，係呀! 中山都有很多香港人回去退休，如果你打算回去退休，可以先了解一下中山的樓盤，聯繫我們把資料發給你:
聯絡👩🏻✈️ 雪文:
🔹香港whatsapp :wa.me/85294816280
📞香港電話: +852 9481 6280
🔹澳門whatsapp :wa.me/85368070600
📞澳門電話: +853 6807 0600
🔸微信：+86 18618883130
我喜欢你做得好
Raymond, 多謝你的留言, 收到好開心 😊
中山是几好噶，10 几年前都有想过去中山，，
中山的確是不錯的，Danny有機會你再去中山看一下，也許你會更喜歡😊
非常有用，可以參考😊😊，好好計算在大灣區的生活成本, 支出少了, 生活素質又可提升🎉🎉🎉
Grace 您好！多謝您的收睇和留言 😊
多謝分享，我同太太也準備去珠海住下。
Welcome to Zhuhai 😊, 住落有d咩都可以加我交流吓。
whatsapp: +852 94816280
微信ID：ChinaHousing1
雪文, 多謝分享。醫療是我和先生都比較關心，想請問一下如果不幸要入住內地醫院，香港的保險是否可以cover到呢?
Cynthia 你好, 我都很贊同醫療是很重要。
首先，中國醫院分為三級十等, 由最高三级特等, 三甲, 三乙....至最低的一级丙等。家人曾在珠海入院數天，當時入住是中大附属五院，屬三甲級別，而我們買的是香港中銀醫療保險，之後能成功cliam到，因為中銀保險合同寫明: "如在中國境內，縣級或以上並以西醫診治為依歸的醫院" 就能索償。
當然不同保險機構, 不同的醫療保險都有所不同。所以，建議你先咨詢你所買的保險機構，你和先生的保單所包含的中國境內受保醫院指的是什麼級別或以上和保障範圍。更具體你可以把幾間醫院名稱給他們，要求他們確認是否受保。
在國內居住，若有醫療保險必須先攪清楚保障範圍，日後若有需要便不會慌亂，住得更安心。
另外，珠海有很多三甲醫院，包括中大附属五院, 珠海市人民医院，珠海市妇幼保健院，珠海市中医院...等。
Cynthia 希望這些經驗之談可以幫到你😊。
@@chinahousing 謝謝你詳細既分享，很有用，thz!
你可以買國內醫保每年三幾百元，
多謝您的留言 😊
有內地珠海有物业居住, 便可申請医保, 退休一流❤
多謝你的分享，十分詳細，亦很有用。我的情況：兩夫婦，想在珠海退休。想先以租的形式，去熟習及觀察，是否適合自已，之後如覺得合適，可能會買。但對於醫療，想多了解，你可以給我資訊及分享嗎？我兩都已65周歲，是否已超齡買社保，醫保？這方面，我較為擔心。
社保, 基本上男士過了60歲，女士過了50歲就不能參保了。而醫保就沒有這個限制，你們65歲或之後都可以買。
另外一提，內地的的醫療費用也不輕，如果有較大的疾病需要治療，你會發現醫保絕對幫不上忙，我有位朋友的爸爸，他是內地居民，因肝性腹水已醫了好幾個月，也曾入住ICU，已經用上三十多萬了。
所以建議你如果已有香港醫療保險，不要隨便cut，因為cut咗買唔番。香港醫療保險一般也能承保你的居住地在大灣區(你可以諮詢保險公司確認一下)。如無香港保險，好建議你在香港或內地買份醫療保險。我見內地保險公司(如平安保險)，有些保單60至80歲仍能投保，你可以去諮詢一下。
另外，建議試下找比較方便往返香港的地方租住或購房，因為香港的醫療實在是又便宜又好，而且你跟香港醫護人員溝通會容易好多(內地醫護人員跟我們會有語言和文化差異)。所以作為長者回到內地退休，一定要靠近這個香港醫療網，令自己多份保障和便利。
多謝你的回覆. 我都想住得近拱北口岸，去澳門及香港都方便。國內醫保如何可以買，是否要有居住證？我如在珠海租住，是否都可以辦理？你是移居珠海的港人？@@chinahousing
@stanleylam4279 買醫保是要居住証，我是移居珠海的香港人，有需要可加我whatsapp或微信分享訊息給你😊
wa.me/85294816280
whatsapp: +852 94816280
微信ID：ChinaHousing1
嘩！d菜好平！ 真係要plan吓去珠海退休
多謝您既收睇，珠海呢邊既蔬菜大部份都新鮮而且價錢合理，好適合喜歡食菜既朋友，而且有時間仲可以自己去親手摘吓蔬菜食，保證新鮮😁：
ruclips.net/video/6WYuXegZLoE/видео.html
多謝你的分享
您好！多謝您的收睇和留言 😊
好用心機！👍
您好，多謝您既收睇同留言，睇到好開心😊
长者珠海通,必須有中國地址才可以申請 ? 香港居民如何申請 ?
早晨！多謝您的收睇和留言 😊
長者珠海通可用手機微信申請，因為佢會快遞寄番張証給你，所以要一個珠海收件地址。
而申請好簡單，你在微信輸入"珠海通"就可以找到小程式去申請，有需要可以加我微信，我推"珠海通"程式給你。
微信ID: ChinaHousing1
@@chinahousing 我沒有珠海地址, 拿不到卡😮💨
你好, 剛才我再到"珠海本地宝"找了一下資料，確實如下:
"现时新版长者卡仅限在网上申办，邮寄地址仅限珠海；"
因我是長期病患者，需要回香港睇醫生，請問國內的醫療制度珠海怎樣呢？
在國內，選擇三甲醫院睇醫生唔錯架，而且唔需要排期，例如我想睇眼科，當天預約就可以睇了。
如果有需要，也可以即日來回香港覆診，港珠澳大橋是24小時通關，比較方便😊
之前我都帶女兒在珠海睇眼科，可參考以下影片：
ruclips.net/video/zZTUZkMxT0g/видео.htmlsi=Fm5Vc562Do6LHZGx
番大陸住, 但香港個電話我諗一定要keep番, 因為番香港就要用, 請問你哋係咪用緊一卡兩號? 我見香港中移動、聯通都有這些plan
Tony, 你好, 香港的一卡兩號計劃和每月加錢要多一個內地電話號碼, 兩種形式我們都試過。但後來發覺比較便宜是在內地開一個家居上網連手提(內地號碼)的服務計劃，另外再在香港出一張每年續期的儲值卡(上網付錢就可以續期, 好方便)，把香港電話轉去儲值卡就可以保留原有的香港號碼。而且儲值卡還可以增值大灣區流動數據，那麼身在內地也可以收到whatsapp和上到youtube等。當然你的手提電話須要支援2張sim卡。
Tony, 希望幫到你😄
@@chinahousing 雪文, 唔該晒你😄🙏
你可以將手機号轉去 3hk diy 儲值卡, 365日 plan $270 .
John，😊多謝你的分享，我們都是用同一個plan。
@@johnlee2548 唔該晒你既資料!
請問在內地如何用什麼VPN可去到GOOGLE, FACEBOOK, 手機的SAMASUNG PLAYSTORE APPS?
你可以考慮用香港3的電話卡，可以隨時購買大灣區數據(365天有效期, 45G數據, HK268)，很方便而且費用也相對其他便宜。如果你的用量很大，想用VPN, 可以在GOOGLE搜查VPN服務, 有很多選擇!
好用心👍👍
多謝支持同欣賞
謝分享
@@ching6199 您好😊
多謝你既留言～
多謝分享
您好！多謝您的收睇和留言 😊
謝謝分享🥰🥰🥰🥰🥰
@Abby Cheung, 多謝你😊, 睇到你既留言好開心，我哋會繼續努力 💪🏻💪🏻💪🏻 去拍多D"開心share"既片給大家。
請問你為何會由珠海搬到垣州。珠海環境巿容不是比坦州好多了嗎？
珠海和中山坦洲各有長處，珠海是特區，環境優美，市容和管理較佳，又較優靜，而交通就坦洲較為方便，也較熱鬧，又近珠海既山姆超市(掃貨狂😂)。而最重要係阿女架"校車"🚃，雖然間學校喺珠海，但校車坦洲呢邊上車反而遲半個鐘，小朋友每天可以睡多半小時，精神會更充足番學🤓
所以當朋友問我大灣區邊個樓盤最好？
我答：無一個最好既樓盤，只有最適合您既樓盤😉，而我一家搬咗嚟大灣區已幾年，可以分享d貼士，協助一齊搵呢個好地方🌴🌞🌻
@@chinahousing請問你是在坦州那個屋苑，有沒有推介？
我住在坦洲的佳境康城，呢邊有幾個屋苑都唔錯，各有長短，適合唔同需求既朋友，可加我whatsapp詳細再傾吓😉
wa.me/85294816280
whatsapp: +852 94816280
微信ID：ChinaHousing1
@@chinahousing 我都有興趣 可是88方只剩低層2-3樓
坦洲有其他屋苑，戶型和環境都唔錯，而且佳境康城嚟緊會推出80幾平既單位，可以加我whatsapp了解
wa.me/85294816280
whatsapp: +852 94816280
微信ID：ChinaHousing1
文化那里有差异? 我在美国生活30几年，都吾觉得有差异
您好！多謝您的留言 😊
請問肇慶有沒有高级医院 因已在肇庆購了物业打算兩年后回国退休 只担心医療
Eddie 你好😊，恭喜你好快可以過著幸福的退休生活🤩。
首先，中國醫院分為三級十等, 由最高三級特等, 三甲, 三乙, 三丙, 二甲....至最低的一級丙等。
-------------
🔶肇慶市第一人民醫院 [三級甲等醫院]
官網: www.zqts.com
肇慶市端州區東崗東路9號 (0758-2102100)
它有兩個分院，分別是
北嶺分院: 站北路8號 （0758-2909099） [二甲醫院]
(它以老年病、慢性病康復及感染病區為主)
鼎湖分院: 平安西街4號 （0758-2691306）[二甲醫院]
-------------
🔶肇慶市中醫院 [三級甲等醫院]
(它是以中醫中藥和中西醫結合為特點)
電話 : 0758-2829724
地址 : 廣東省肇慶市端州區端州六路20號
-------------
🔶肇慶市第二人民醫院 [三級醫院]
地址 : 廣東省肇慶市端州區建設二路2號 (0758-2701489)
-------------
🔶懷集縣人民醫院 三級綜合醫院 [三級醫院]
地址 : 肇慶市懷集縣懷城鎮紅旗南路139號 (0758-5522204)
懷集人民醫院(新院區 2025投入使用)
地址 : 肇慶市懷集縣G355
-------------
🔶肇慶市高要區人民醫院 [三級醫院]
地址 : 廣東省肇慶市端州區天甯北路72號 (0758-2233037)
而它有一所分院:
肇慶市高要區人民醫院(南岸分院) [二級醫院]
地址 : 廣東省肇慶市高要區湖西一路 (0758-8208502)
Eddie, 肇慶還有不少醫院，以上都是三級，你看一下近唔近你的退休天地🌞🌲 🌻🌳。
多謝妳回覆 祝身体健康
哇，原来好多港胞要到内地养老啊，最重要的也是选择一家好的医院，一般的病症公立社区医院完全可以的，而且费用也很少的，市立三甲基本什么问题都可以解决，主要是不要去莆田人开的医院，千万不要去，那不是医院，一定要去公立医院，要和当地人交朋友了解哪家公立好一点
惠州混合型只一千.租更平千二房.又近深圳
惠洲也是一個很好的地方👍🏻
Thank you for your report ☺️. Now i can add this place for my retirement consideration ☺️
Thank you for your message 😀.
China is a nice place for retirement. Many people moved to Zhuhai and ZhongShan in the past few years. If you need more information about retirement in China, please feel free to add my whatsapp at
wa.me/85294816280
whatsapp: +852 94816280
可否有介紹廣州生活的混合型？有勞了🙏🙏
您好！多謝您既收睇和留言 😀
我住了3年多珠海，所以可以分享當地既生活成本，日後如有機會到廣州，也會一起分享當地資訊😊
佛山幾好，地鉄交通發達，嘢食又好
內地支付寶可以綁香港mastercard, visa信用咭, 但是否用人民幣扣脹? 即必須有香港人民幣戶口?
不是，普通信用卡可以。透過支付寶簽香港信用卡涉手續費和匯率。
每宗交易金額超過200元人民幣，內地支付寶將收取3%手續費，200元人民幣以下的交易則可豁免手續費。同時，由於在內地是以人民幣簽帳，香港銀行發行的Visa或Mastercard信用卡會收取海外簽帳費用，目前大部分信用卡收取1.95%。至於匯率方面，將由發卡機構即Visa或Mastercard厘定。
三鄉如何看香港電視, 我在三鄉住仲未收到tvb, viutv, 開電視, 仲未慣, 可以幫忙嗎?請指教
Sky blue 你好😊
如果你想睇無線TVB既節目，可以下載 app "埋堆堆"。如果想睇即時電視，我聽朋友說可以用廣電加機頂盒，你可以打電話問一問廣電： 96956
唔好意思，因為而家我屋企用"酷貓"已經夠睇，所以無裝TVB，希望以上資訊可以幫到手🙌🏼
@@chinahousing 感謝我會問廣電的🌻
大陆现在你买个电视，都是安卓系统，可以自己安装影视平台APP，或者电视直播APP，都可以，不过不知道能不能看香港的电视频道，因为大陆这边平时都是直接点播电视剧或者电影，基本不看电视台的直播了！对了，影视APP不购买会员是有广告的，加入会员一年是200-300元人民币左右，可以去掉广告，电视手机上都可以使用这一个会员观看
除左D菜既成本外，要唔要加埋柴米油鹽既成本呢？
Sunny, 你好, 我們主要是計算了日常買菜肉、水電煤和上網等大既消費項目。生活中除了這些，還有如你所說的米油鹽醬料、家品、工具、電器、消耗品、睇醫生、交通，很多瑣碎消費...。
我們主要想透過這個影片，讓大家了解到平日那些主要消費大概是多少，同時知道內地的生活指數。讓打算回到內地的朋友們容易些去計劃。
至於，米油鹽既成本你可以當是每月150元，當然同家人多少是有關係。
雪文妳好，我和老公想試下搬去內地居住，看是否能適應才決定買樓，請問內地租屋跟香港有什麼不同，有什麼要注意呢? 謝謝!!❤
Anita 你好, 我都好贊成先試住一下，兩公婆一起過來親身體驗生活，之後大家共同決定是否適合。 適合就繼續住下去，不太適合就當來渡假和旅遊一段時間。
☑️睇樓流程: 兩地差不多，agent會帶你去睇樓，內地我沒有發現有香港的睇樓紙(睇完單位要簽名確實)
❌租金: 香港租金通常包含了管理費，但內地不包含，要租客另付
☑️佣金: 兩地一樣，都是業主和租客各付租金的50%
❌面積: 香港是實用面積，內地是建築面積
❌傢俬電器: 香港多數是吉屋，內地多是領包入住，即是基本的傢俬電器都有，你拿行李就可以入住。
** 但要注意，當你住下來後，如發現傢俬電器不適合你，業主一般要求保留。舉例，床褥你覺得太硬，你想自己買一張，但業主會要求你保留舊的。所以你入住前一定要確認清楚，溝通好。**
☑️報修: 跟香港一樣，業主要負責維修費用 (如壞電器，爆水管，塞渠等)
☑️終止租約: 租約完結前一個月，雙方均可提出終止租約，須一個月前通知。這跟香港一樣。
Anita, 希望幫到你，如到時你遇到租樓疑問，歡迎咨詢我們😄
@@chinahousing 雪文, 謝謝你的資料，很有用
在大陸居住1定係租屋 租屋减免了許多買樓的麻煩 如屋的質量及管理好不好 如果不好的可選擇别的租 那里平就租那里 如果買的話 遇上爛尾樓或質量不好的樓 那就損失大了
@@jc-ms2gx 多謝你俾既意見。我分享一下個人經驗和體會: 我係香港租樓也租了十年以上(後來買了樓)，經歷過不斷加租、租約到期業主話要轉租給親戚、房子有問題跟業主係維修上爭拗摩擦、屋仔因唔係自己無得自主性去裝一下或弄個訂造櫃等，感覺就係無殼蝸牛(這可能是好多未買樓既香港人的心病)，所以我後來都決心去買個小單位。
我好贊成雪文所講，先租住試下，到時如果能適應到內地生活，我和老公都係會選擇買，始終兩個老年人都想自己有個安樂窩，唔想再經歷租樓那種煩擾和不穩定，能好好享受退休生活。
@@momAnita1340 先租后买，慢慢选，不急的。不过提醒一下，国内房子的房价开始反弹了。估计疫情完全开放后，还会继续反弹。
想問吓珠海治安如何？
珠海而家治安唔錯，晚上出街都安全。
而且呢邊比較少聽到有打劫同偷嘢，係有時會聽到有電騙個案，例如打電話呃你話戶口有問題，叫你過數比佢。
哈哈哈，比早两年的香港安全很多
❤️🏡
透過我們：
您可以足不出戶透過whatsapp/微信了解大灣區任何樓盤資訊，亦可安排免費專車帶您到樓盤親身視察。雪文(Sherman)會給您專業意見，佣金全免。
我們提供一站式置業服務，與您一起辦理簽約、𣾀款、公證、律師、裝修、驗樓等手續，全程跟進處理，中港澳三地跟到足，輕鬆方便，絕對係信心保證。
📲 請加我們WhatsApp/微信，領取任何樓盤的免費資料包及最新資訊參考：
wa.me/85294816280
whatsapp: +852 94816280
微信ID：ChinaHousing1
🚙 報名免費實地考察睇樓團，雪文(Sherman)會給您專業意見，佣金全免，📞即時致電
香港：852-94816280
澳門：853-68070600
內地：86-18618883130
請問現在我去到內地, 每間銀行只能開二類戶口, 那間可開一類戶口? 銀行要什麼條件?
內地銀行現一般只開二類戶口，而買樓和做按揭等有相關需要，可向銀行申請開一類戶口的。
到時跟我們買樓，我們會帶去辦理開戶和其他相關手續，不用費心。
請問珠海那家三甲医院較好呢？
Brian Lau 你好😊，珠海市人民醫院和中大五院都係較好較受歡迎既三甲醫院，而較新既就有珠海市婦幼保健院。
如果在珠海就醫，你可以試吓睇唔同既醫院和醫生，掛號費連診金一般係¥15-30，檢查費和藥費另計，因為除咗醫院，我們經驗所得能遇到一位夾得來既醫生係好重要，好似我之前遇到一位很好既醫生就喺中西結合醫院，而阿囡既眼仔我們試了不同醫院，最後覺得中大五院既眼科部係最好，希望以上資料幫到你 😊
ruclips.net/video/zZTUZkMxT0g/видео.html
有冇話邊到買日常用品平, 街市呢?
一般網購比實體店平，拼多多和淘特通常比淘寶還要平一些，而米油副食品等我們會在淘寶裡的天貓超市買，質量較有保證，電器就會在京東裡買。網購的優點除了選擇多和平一些外，還有送貨和大多享有七天無理由退貨。
希望幫到你😄
如果住所附近沒有街市，全部日用品和食品上網訂購是否也很方便呢？
Esther Chung 你好😊，淘寶同拼多多買日用品都好方便，直接送到屋企。
而食品方面可以透過美團、餓了麼、京東等約一小時直接送到家，也可以透過淘寶既天貓超市"半日達"，呢邊有好多唔同既選擇同優惠，攪到我有時會"選擇困難症"病發😅
除了租金樓價，其他生活開支大概省一半。豐儉由人。
你好😊，多謝你既留言，豐儉由人呢句真係講得好啱👍，我哋可以選擇適合自己既消費模式。
請問你講在Walmart 買嘢，是實體店還是網購？有資料嗎？謝謝
@Ivy Ng 你好 😊，多謝你既留言。
Walmart 網購和實體店價格大致相同，而我哋平時就多數會用網購，因為一來唔洗自己攞咁重，二來網購有時會有優惠劵😍，而呢條片既價格係網購價，網店限送5公里範圍內，珠海有2間Walmart地址如下，有時我都會坐車去實體店行吓shopping 吓 。
1. 前山翠微西路188号沃尔玛购物广场
2. 拱北迎宾南路2095号摩尔广场负1层
另外，珠海除咗Walmart，仲有Sam’s Club，Taste，BLT、Aeon吉之島、華潤萬家等大型超市，而你家附近既小超市、街市、錢大媽等都會有美團網購，好方便的。希望以上資料可以幫到你手 😁
@@chinahousing 谢谢
請問港人長住內地，在港收入係咪亦要交稅呢？
你好,
要看是"有住所"或是"無住所", 而無主所就再去看「六年規則」。
[有住所]
有住所的個人為稅務居民而且在內地有全球徵稅的義務，其所有收入，無論是在內地境內或境外取得，皆需要在內地徵稅。
(有住所指: 如果港人在內地習慣性居住，即通常居住在內地，即使需要去海外短期學習，工作，探親或旅行後都會回到中國的原居住地。而在個稅法中，「住所」是一個特定概念，並不等同如實物意義上的住房。在內地有住所的個人，是指因戶籍、家庭、經濟利益關係而在內地習慣性居住的個人。)
[無住所]
而無住所個人僅就來源於內地境內的所得（不論支付地點是否在內地）徵稅，並若符合新稅法下的個人全球徵稅的寬免要求（即「六年規則」）則不需就全球收入在內地徵稅。
(新稅法中，從2019年起計，停留不足183日的即為「非居民個人」，境內所得基本都要繳納內地稅，境外所得則不需要；而停留超過183日，連續六年間未有離開內地滿三十天，則為「稅務居民個人」，境内境外全球所得均需要交内地税。)
舉例如下:
自2019年開始計算，若港人在內地被視為無住所個人，在內地工作至2024年，然而在境內居住累積滿183天的年度連續不滿六年，這段時間內不會在內地產生全球納稅義務，即其取得的境外支付的境外所得可免繳個人所得稅。
但到了2025年，若港人在華居住滿183天，且沒有單次離境超過30天，那麼在2025年，將在內地負有全球納稅義務 － 需要根據境內和境外取得的所得繳納個人所得稅。
**以上資料僅作參考，稅務問題建議諮詢相關專業人士更為妥當。**
@@chinahousing 多謝你詳細嘅解釋，上網睇完都唔完全明白，你解釋完就明白了！
客氣了😀
不是食3餐就解决人生問題，重要醫療問題，我曾在廣卅遇上無良醫生騙錢，
你好, 😊多謝你既留言。好贊成你所講醫療係非常非常之重要。當離開香港去到其他地方居住，就較難利用到香港咁優質和低廉既醫療網 (背後有一班功不可沒的醫護界人士)。所以如果要選擇回內地居住或退休，而又對國內醫療不太有信心，最好還是選靠近香港的地方，方便日後往返兩地。
大佬，香港看病更可怕排10年都預約唔到，私家掛個號要500紋，真係貴顛啊。。。簡直失控
哈哈哈，千万不要去私人医院，要去社区医院或者市立公有制医院，
@@biubiudfzd3188在大陆哪有医院不坑人😂，港佬不会明白内里
Thanks for your sharing. 👏🏻👏🏻
@Calvin Lo, 多謝你既留言😊
收到好開心，我哋會繼續努力！
沖廁水要收費, 咁真係好甘啊. 係咪國內全部城市都係咁收沖廁費?
你好, 據我所知中國就是用食用水來沖廁, 相信有例外都是少數。香港用海水化淡來沖廁, 日本用再生水/雨水來沖廁，的確每年鏗到很多水。以香港咁小的地方，每年因此就鏗咗2.7億立方米食用水，所以好希望中國能慢慢去效法，令水資源能更有效去運用，始終潔淨水會越來越珍貴, 應該好好愛惜。
請問小孩子上學情況？ 社區文化設施？ 娛樂消遣？ 宗教活動？
J Ho, 你好😊，多謝你的留言。
女兒現在讀小學，很喜歡上學，而我就好欣賞呢邊會教做家務，有執書包同摺衫比賽👚。
社區文化設施方面，有博物館、音樂會、有大小朋友既舞台劇、有球賽、鋼琴表演等。
娛樂消遣有好多選擇，可以去海泉灣和神秘島玩機動遊戲、御溫泉浸溫泉、國家地理中心探索、梵高星空藝術館、到農莊摘菜、沙灘游水、夢幻水城水上樂園、獨木舟、到日月貝睇音樂劇、圖書館、唱K、溜冰等等。
宗教活動呢邊會有教會和廟宇等，不過傳道就只限向18歲以上的成年人，好似我帶女兒去教會，女兒會安排到另一房間跟其他小朋友玩，而我就到大廳一起聽道唱聖詩，聖誕節亦會有慶祝活動。
希望以上可以幫到你了解多一點珠海 😊
background music is very very poor.
您好！多謝您既收睇同留言 💕
我哋會多注意一下背景音樂🎵🎶
請問去了珠海生活如何能回香港工作?
你好。有些人在香港有居所的，就星期一到星期五在香港上班，星期六日就回到內地去。
如果是打算每天到香港上班的，那比較就近就是在機場找份工作。
唔好意思，另外我還想問，在內地普通傷風感冒去看醫生(不是住院)，方便嗎? 收費怎樣? 謝謝!!
大型屋苑可能會有自己的社區診所，或者去醫院看普通科，透過手機的微信公眾號便可以做booking，非常方便。至於診金，視乎你選擇的醫師資質，大概由15至30元。看了醫生後，醫生可能會安排你做檢查，內地是先繳費後做檢查，舉例簡單驗血約5-10元。至於醫藥費，醫生開方後你先繳費後取藥，藥費也不算貴。
我住响大陸二十幾年，睇醫生都系返香港睇，大陸醫療垃圾到你吾信
Spencer 你好, 😊多謝你的分享。
有關內地醫療，本片留言區也有我們詳細的分享，歡迎你閱覽。
你可以自己回來看看。 以前的香港都有派利是的情況, 現在都沒有了, 內地同樣也會進步的, 珠海我們一家人從未有遇過。請放開眼光和胸襟去看世界，凡事求真，不要總活在負面思想裡。
@@man-kitli1572 以前香港咪一樣，醫生至醫院阿嬸全都要收紅包。但世界係會進步的，我同意要"求真"，不要只道聽途說，未清楚就一味唱衰。
珠海住那個區比較好呢
您好呀~ 😊 多謝您既留言，珠海有幾個港澳朋友較熱愛既區域如下。
珠海香洲區適合經常要來回港澳既朋友，該區較為熱鬧，配套齊全，但樓價較高。
珠海金灣區為政府注重區域，很多政府部門已搬到金灣，有新建既大型商場華發商都，附近環境優越，有高爾夫球場，而且鄰近機場，適合喜歡旅遊和享受型的朋友。
珠海斗門區較適合喜歡寧靜既朋友，有黃揚河和勝利河等景色優美地標，也有濕地公園。
因為呢度留言有文字限制，請加我whatsapp或微信我哋可以再詳細傾吓了解吓🔍
wa.me/85294816280
whatsapp: +852 94816280
微信ID：ChinaHousing1
👍goodjob
您好！多謝您的收睇和留言 😊
very useful !!!
多謝你的留言支持😊
我有時都會去珠海買餸，嗰邊d菜多選擇又平過澳門，一次過買幾日餸
另外想問你有無餐廳推介呀？ 我久不久都會嚟珠海行吓食吓嘢
@Connie Wong，多謝你哋既留言同點讚，我哋收到會好開心😊
澳門既朋友可以近近哋去環宇城行吓食吓嘢，嗰邊喜庭自助餐唔錯，值得一試，以下係我哋之前拍過環宇城既環境，我耐唔耐都會去shopping，有機會撞見大家呢~
ruclips.net/video/cJGDHlj6L_A/видео.html
妳住那个屋苑
Hi, Polly 😁
我現住珠海近環宇城，你是已經在珠海住，還是打算搬過嚟？
如果想了解邊區較適合你，想了解更多關於珠海既生活情況，或你已在大灣區，都歡迎加我whatsapp: wa.me/85294816280
+852 9481 6280
+853 6807 0600
你們來珠海都三年了，請問內地醫療夠竟可唔可靠呢🤔?
另外，這裡的留言我全部都看了, 真係答得好詳細，非常謝謝。
Annie 你好😄,
如果一刀切去說可不可靠，說話會欠公允，這裡我儘量較客觀地去說明兩地醫療分別和提出一些建議，相信對大家了解內地情況會更有幫助💖:
由於篇幅較長, 我拆做以下4個留言👇🏻
[香港]
🌻優點~
醫院設備先進，👨⚕️醫生專業水平很高，收費便宜: 街症($50)、公立醫院每日住院費($120)。
🌱不足~
1. 專科輪侯時間很長: 所謂重症和年輕者優先，如果自己是較年長而且未屬重症，等2-3年也是平常。
2. 醫療負荷嚴重: 所以我們有時會遇到醫生迫於無奈快快睇症完畢。若病人想求心安，請求醫生多做檢查也較困難。
這些也是迫令一些港人去看私家醫生和入住私院的原因。
[內地]
🌻優點~
1. 專科不用輪侯，而醫藥費和檢查費也不貴
2. 設備也相當先進(如珠海愛爾眼科醫院就有12層樓)，而且由於醫療負荷不嚴重，醫生有較多空餘幫忙睇症
3. 港澳人士的內地醫保很划算(當然香港醫療保險有些也能cover內地住院費用)
🌱不足~
1. 醫生專業水平參差: 所以遇到適合自己的醫生就要好好記住。如囡囡的遠視和奶奶的眼底問題，我們試了不同地方，最後鎖定是中大五院的眼科部和某位醫生。
2. 醫生會鼓勵病人多做檢查: 據我們所知，醫院要自負盈虧，所以醫生也迫著多叫病人做檢查。雖然檢查費用對港澳人士來說不貴，但有時會覺得醫生目的不太單純。
既然兩地各有長短，就不執拗誰是最好了，☀️倒不如善加利用它們去發揮更大益處，以下是雪文一些個人建議:
1. 需要調理身體，做針灸，服食中藥，可以利用國內低廉的醫療系統(治未病科)，我們都有幫襯。
2. 要看專科但嫌香港輪侯太長，可以先試下看內地專科，做些檢查，收費不貴但可以提前做檢查、看報告和聽取到多一個專業意見也不壞事
(我家公的白內障手術一隻在國內做，另一隻是相隔5年後在香港做，他老人家說效果一樣。)
3. 如果要長期服藥，如高血壓和糖尿病，可以定期回港覆診，家公以前也是每3-4個月回港一次攞藥，順便探下老友記。
其實國內看病，言語溝通問題和兩地醫學名詞略有不同，再加國內醫生專業水平參差，這些都會影響我們睇醫生時的體驗。人都是病了才去找醫生，當屢屢碰上不適合的醫生，難免會全然否定國內醫療，覺得回港就醫更有保證，這個絕對理解。但我們一家，包括家公的糖尿病和白內障、奶奶的眼底問題、囡囡的遠視檢查、和我個人身體的調理等，幸運地在不同的國內醫院都能遇到一些合適的醫生。
希望以上個人愚見可以幫到Annie Li 和各位觀眾朋友🌈。
珠海買餸比我想像中平，而家香港買一餐餸都要80-100蚊
Calvin 你好, 兩地生活指數的確係差了一大截，但當然香港人工又高過珠海好多，都係果度搵果度駛。
請問租2房貴嗎
視乎地區、屋內新淨程度和傢俬情況，一般約2500-3500元
@@chinahousing 謝謝回覆
去左中山住半年, 再睇番你條片, 其實珠海生活費都唔低, 你講嘅, 只係基本生活費, 仲未計住(租金)和雜費, VPN費用. 而且, 每個月都會網購或去醫院睇醫生, 又去左一千幾百, 條數都唔少, 仲有社保/醫保.... 乜都係錢錢錢......
你好😊！ 多謝你既收睇。
呢個視頻係分享一日三餐既基本開支，因為三餐和水電煤係必需。至於租樓、網購同睇醫生等，不是每人都需要，好似租金，這邊大部分香港朋友都已置業，不用另交租金，社保醫保也不是規定買，我也沒有買，沒這項支出。坦白講，如果在中山生活覺得開支唔少，相信在香港更感壓力大，因為無論買餸、租金、網購、上網費用香港既開支相對會更大。
珠海上网，能上RUclips 嗎？
Sam Lok 你好，多謝你既留言😊
我而家喺珠海上緊RUclips，我用香港聯通既一卡兩號連data既月費計劃，有d朋友就用一年既Data卡，有d朋友就"翻牆"，好多唔同既選擇。
装个 VPN 就得拉，。翻去，得鬼闲睇咩，翻去夜夜笙歌，，早茶，午茶，晚饭，宵夜时间都用晒了
背景音樂可以細聲少少....
您好 😊
我哋會多加留意背景音樂既聲量，多謝您的收睇和留言。
咁你知唔知珠海人平均一個月有幾多人工？
你好, 我在網上找到這項資料:
"据国家统计局珠海调查队7月25日数据显示，2024年上半年，珠海全体居民人均可支配收入为34837元。"
所以全年平均收入約為69,674，每月平均為5806元。
Thank you!
阿Ken, 多謝支持!
二十年前价钱
您好！多謝您的留言 😊
這麼好，為何仍有很多陸人要來港住？,
您好, 多謝留言😊。
各地風光有各人喜愛🌴🌈☀，這條影片係敍述珠海生活上的大致開支，並不是想說兩地哪裡會更好住。每個地方有優點也會有缺點，我哋大家都係想搵一個適合自己既居所而已 🏡😊
香港工资高啊，繁华 ，还有就是有一些大陆的贪官家人亲戚怕被查了牵连到，就跑香港去，这样可以不被查，还有香港身份可以免签证很多国家，有香港身份在考中国的名牌学校非常简单，去清华北大都很简单，大陆人有香港身份等于有了VIP，国家给你们的方便你们不知道用，浪费了😂
燈油火臘未計
你好，片尾有水電煤和上網費用等的資訊分享，多謝你的觀看。
1.5人份量,
您好！多謝您的收睇和留言 😊
祝您新年快樂！身體健康！
您好！多謝您的收睇和留言 😊
祝您新年快樂！身體健康！
我最近大灣區置左業，冇爛尾之餘，40萬買，衣加升到460萬，好值得投資，衣加係低位吸納好時機，大家好好珍惜機會
早晨您好！多謝您的收睇和留言 😊
買什麼地方?回報率這麼高？
@@bensaiylp 大部分都是，你沒投資懂什麼？
吹水😅😅😅
@@珍珠芝 識咩呀你，淨係大灣區已經令我賺左幾倍
👍👍👍👍👍
您好！多謝您的收睇和留言 😊
❤❤
多謝支持
你唔講吓樓价同租有幾貴，睇醫生要幾$，d仔女讀書又要幾$
你好😊
做呢條片時，係想分享我哋每日要面對而且關心既生活成本，呢個係我未搬去珠海時最想知的，所以我哋將心比心❤️去做呢條片既內容，如果你對其他資訊有興趣，可以加我whatsapp 一起分享呢～ 🌷
珠海既樓價係香港既一半或更低，有些樓盤現首付低至5萬元月供幾千的。傷風感冒普通睇醫生就約120元。而小朋友讀書方面，香港人是可以入讀公立學校，免費的，同香港一樣交書簿費就可以了，希望以上資訊幫到手🙌
珠海60歲便可申請免付費的乘車長者卡🎉🎉🎉❤❤❤
E L 您好！好多謝您幫忙更新資訊，令更多朋友們受惠，多謝您😘
但是有一個很重要的問題就是網絡自由度，翻牆這件事，容易嗎？
您好！多謝您的留言 😊
我用緊香港聯通一卡兩號，不用翻牆已經直接上到世界各地既互聯網，有朋友就用澳門或香港既一年data card亦不用翻牆。
如果要翻牆都好簡單，可以去google play 或 apps store download 相關既 apps就可以。
@@chinahousing 我見中移動有一卡兩號大灣區既套餐，但好貴，幾百元得幾GB高速，之後都只有128k，國內網絡覆蓋收得不太好，深圳東莞一入屋就基本無訊號，鄉下地方更加可怕，很多apps要付費，而且不便宜，不付費或試用都好唔穩定，還有電腦iPad需要連線，所以這是我一直掙扎回國內最大的問題，不然，國內空間相對寬敞，生活起來壓力感覺沒這邊大～我見有人成日返大陸，網費屋企Wi-Fi加手機1個月要成千幾，太可怕了！
感謝你既解答，我會看看能不能找到你說的那些方法，網費這個東西能省則省，畢竟他不是飯，不該佔那麼高的生活成本～
我用緊香港聯通$180有11G，一般都夠用有剩，可能我少打機同煲劇。
而data card就180日有100G，計番都係4元一日，而翻牆軟件一般都係每月50-100元。
@@chinahousing 計落都幾貴下，因為個人數據需求都大，按流量計算，好容易滾大數～大陸生活環境上唯一比較差既就係上網方面，其他野都相對全面，只要選對了地方唔係山卡啦的話都幾方便～
如果需求大，可以考慮屋企wifi ¥60, 加翻牆軟件 ¥40，都係¥100 一個月，在家無限data用 😊
医㞠，有私医生診所嗎？
Polly 你好~ 😊
有呀！呢邊有非公營醫生，即"私家醫生"，一般好似香港既"卓健"咁，一個店入面有幾個醫生，你自己選擇好後，在手機掛號然後睇症的。
有钱咩都有
肇庆岩
肇慶市七星岩係中國5A級旅遊景區，而且景區總面積達8.23平方公里，非常大啊，有機會都想同屋企人去行下，欣賞果邊既峰林、溶洞、湖泊和寺觀。
唱K有冇
有呀，都算多的。而且K房一般都幾大, 有很多香港歌可以選擇(可通過手機揀歌)。星期一至五通常有優惠時段 (大概在9:00am-5:00pm)。
請問閣下有否視大陸人為自己人吖！
@@yauky2606 你好😊，在我心中未有自唔自己人呢個想法，就好似我哋喺香港生活一樣，見到唔同宗教或唔同國藉既人唔會特別想係咪自己人，大家都是同一天空下🥰
唔怪得咁多人香港揾錢大陸開餐！😂咁兩三年落嚟又可以係大陸買多幾層樓👍繼續努力做宣傳
yy你好，我們認識回大陸住的朋友，主要有兩類，其一是退休了，另一類是想提早退休的。因為國內的消費比香港低很多，所以他們可以提前退休去享受生活。
還有，國內的房子空間大很多，而且出去走的地方也挺多，的確很適宜他們退休之後四周遊玩的。
但是也有它的缺點，就是醫療。如果要找上好的醫院和醫生，有時候也免不了要回香港看。
封區，一定慳好多，日日免費節目，排隊做核酸，好充實。
中國咁多億人口，喺疫情期間無論確診同死亡數字都比好多國家較低，封區正正係保障人民既生命安全，請問國家封區容易定開放容易？ 身邊少一個感染，就少一個死亡，家人和親友既生命比任何都重要！
news.campaign.yahoo.com.tw/2019-nCoV/index.php
现在不封了，也不做核酸了，放开封控了，可是我看香港、台湾和西方反华媒体和自媒体人士又在喷大陆死一堆人了，请问：到底大陆怎么做你们认为才是对的，还是说你们就是为喷而喷，就是反华反共？笑！
@@chinahousing 你理佢做乜!嘥气啦😂
有錢去什麼地方都可以🎉🎉.
是的, 但也要選擇一個自己和家人都喜歡和適合的地方。何妨很有錢的人真的不太多，有些人回去內地居住，是因為想用少些資金來製造較好的生活條件。始終各人條件都不一樣呀。
小朋友在香港讀書,冇得諗退休,啱小朋友成家後,才能實現這個夢想.
你好😊 多謝你既留言。
而家既樓價屬於低位，又可做按揭，好多朋友會先為日後退休作準備，買定好退休單位，退休前就當渡假，一家人嚟珠海中山享受一下呢邊既飲食同生活💞
米飯，調味料味計
溫馨提示：當大家在珠海安頓好後，每月的家居雜費，例如：柴米油鹽、清潔用品、紙巾雜項，每人每月需約50-100元，豐儉由人😊
❤️❤️新影片分享: "同大家行下內地超市，睇下12類日常食用品價格" ruclips.net/video/I33_JulvXSM/видео.html
個個回大陸居住，拿港幣回大陸消費，香港變了死城。
我愛香港，生在香港，死在香港，與香港共存亡，為香港拼盡最後一口氣！
你好, 欣賞你愛香港和撐香港的情懷。
移居其他地方, 無論是移去外國或移入內地都是正常，每個國家都會有人口流動的情況。
回到內地居住的人，我接觸很多都是因為香港物價太高和租金太貴，他們擔心退休後積蓄會很快給消耗掉，在再沒有收入的情況下，就想去到一個低指數的地方居住。而國內，尤其是大灣區，因為離香港還算近而且廣東話仍然可以通行，所以他們會選擇移居到來。
雖然不在港居住，但大家都仍很關心自己的老家(香港)，每天都是在看香港的新聞，關心香港的時事，看香港的電視節目等。始終大家很多回憶都在香港，很多親人朋友都在香港，怎會捨得她呢!
我也很愛香港，真的!
咁好！快啲返上大陸居住，唔好再留戀香港啦！👏👏👏
您好，多謝您既留言😊
每個地方都有優點和缺點，讓我們一起去欣賞身邊美好既地方🌈☀🌱🌻
住石岐最好，最方便
石岐係一個唔錯既地方👍🏻
見到咁多人話先租後買，我唔係想講D種諗法啱定唔啱, 只係分享番自己既親身經歷俾大家參考:
我本身租咗1年之後好後悔😔，半年住唔夠就自己買番中山住，第一呢邊管理費係租客俾，每個月租連管理費3000蚊，一年36000，喺大陸已經夠我買晒新屋既傢私，早知唔租留番呢筆錢嚟買傢俬。
第二呢邊租屋係提供全屋傢電，睇樓時已經盡量揾啱自己既，點知瞓落先發覺床褥太硬，問個業主唔要佢床褥得唔得，佢叫我放埋一邊，唔好掉咁浪費，大佬！你係啱我都唔想浪費，所以叫你攞走，間屋有幾大呀？叫佢攞走又唔肯，攪到有間房最後用咗嚟放床褥。
第三就係住既舒適度同方便，因為唔係自己買既屋，有時想加個扶手，加個掛勾，加個牆身架都唔得，因為租人哋樓，唔可以四圍鑽窿。
第四有朋友和家人耐唔耐會上嚟小住，想同佢哋做人面識別或做多幾張門卡又唔好意思揾業主攪，攪到每次出入都要一齊或者夾來夾去。
第五就係物業對業主和租客既態度係會唔同🥴，呢個喺香港時都會，屬正常表現。
第六住住吓試過冷氣壞咗，如果係自己既就即時揾人整，又或者換新啦，個業主要等原廠嚟整，之後又報價又修理來來回回攪咗差不多兩星期，熱到暈😤😤，仲未講個熱水爐........總之而家住番自己買既屋真係自在好多好多倍。
多謝你把親身經歷給大家分享, 相信會對大家有幫助😊
大陸居住一定要加食物安全後的醫療費😮
多謝您既留言，亦明白您既擔心❤，以前我也會擔心大陸食品有問題，淘寶也不會買食物，但搬到國內後，知道有食品安全質量監督局，會定期檢查各項食物，保障食物安全，買有監管的食品是安全的。
同時我也看到大陸有好多身體健康的老人家都超過80歲，也有部份超過100歲，而食物是影響人身體健康既一部份，身體有病痛需要醫療，有時飲食習慣、遺傳、環境和心情都會有所影響，祝我哋大家都健健康康💓❤💕，一起在現實生活和網上發揮正能量💪💪
有病有痛咪一樣要返港治療囉
LCK 你好, 有關內地醫療，本片留言有我們較詳細的分享，歡迎觀看。
我妈长期在广州，唔通病左翻美国医吗？
喺珠海 一個咁繁榮嘅都市 食同著 豐儉由人 最主要係住嘅問題 最重要。
你好, 大灣區裡面，珠海既房價的確喺較貴(相對港澳已經係平一大截)，除了它較為繁榮之外，更接近港澳也是一個原因。所以有些港澳居民會選擇去中山、肇慶等地方生活和退休。當然有些人會嫌肇慶較遠，都會選擇珠海斗門和中山坦洲等，方便日後來回港澳(可能是醫療考量)，而且親朋好友也容易來到作客。
去中山洛，中山平D ，想方便就虎门，高铁两站就到香港，，中山就买靠近南沙的，南沙准备建悬磁浮到香港
中角排名????????????
您好😊，中國有691個城市，珠海係十大宜居城市之一，因為居住環境、生活指數和管理方面等都真係Good 👍
冇計醫療費，肯定貴過香港😮
香港人就有一個好處，可以利用香港的公共醫療，還可以買內地的醫療保險(受保地通常僅在內地)。當然如果本身已在香港買了保險那就更好。
在內地緊急出事進內地醫院就有保險，長期病或計劃性入院治療就可以回到香港。
😆👍😂
早晨！多謝你既留言，一朝早見到好開心😁
祝你有個愉快平安的一天💗
街边炒河粉， 7蚊人民币
係呀，7到8蚊，好夠火候。加肉加配菜就加2蚊。
@@chinahousing 买嘢就去大潤發,壹加壹，买西餅去彩蝶軒,买房吾好要雅居乐(贵)
不如去馬來西亞？保險平 樓平 醫寮讀書
買餸煮飯。也平過人
什麼語言都有？溝通沒問題。 －般老人家 每月四佰港子。包了手術費 八成。
大陸應不可能，陽光與海灘，食 一定平絕 東南亞。
買嘢貴小小，但可以去新山免税店。買
小朋友 教育也算不錯
自己查詢緊？二者對比
當然沒有中國那麼方便？
但不方便也有不方便樂趣！
多謝你既留言，馬來西亞是一個好地方👍，我也喜歡當地的風景和美食。
但因我要常回港探望親友和覆診，所以選擇有24小時過關的珠海，有突發事情也可即時回港。
世界這麼大，祝我哋都搵到一個合適自己的地方❤️
因人而异
Alexhk, 你好！ 多謝你既留言😊
好同意洗費會係因人而異，因為每個人既生活同消費模式都會有所唔同。
珠海，不了，要平去惠州
以價錢計算，珠海是比其他地區貴，但地方規劃和交通方便性真的不錯。
是中國人就請勿用別字。不是中國人就請勿推銷大陸樓盤，唔該！
您好！多謝您的提點和留言 😊
相信您的中文水平比我們高👍🏻，請問那個是錯別字？ 我們會多加留意👓
@@chinahousing 連那個字都不知道就不怪你了，不如請教一下你中學時的中文老師好嗎？
明白😊
希望日後大家都可以在現實生活和互聯網上發揮正能量，互相包容，互相分享💖
@@chinahousing 祝你學業猛進，業務蒸蒸日上！😊
价钱骗人
你好😊
我哋全部數據都係真實數據，有機會嚟珠海親身睇吓了解清楚。
另想請問你為什麼說價錢騙人？ 請問你到過珠海嗎？
嘈到暈! 無需配樂!!!!
您好！多謝您的收睇和留言 😊
新年快樂！祝您身體健康！
我哋日後會多加留意配樂。
不要強銷大陸樓，只報喜，不報 憂！看看有多少爛尾樓。有多少樓被人強占。亦要忍受大媽的噪音，
你好，那個地方沒有買樓風險，大熱既英國和日本樓也有不少。
我覺得我們做channel(地產中介)，最重要既責任係要做到中肯，實話實說，儘量幫大家去避雷。
你可以看一下我們的影片，以下我們全都有向大家揭露事實:
- 樓盤對山墳
- 揭發樓盤沒有預售証 (我們沒有銷售，而該樓盤之後真的出了問題)
- 匯款問題
- 點查預售証和單位附近有厭惡性建築
- 樓盤附近有電欖
- 樓盤下沉花園有水沈可能
- 樓盤出面只有工廠、工業店舖
- 單位有光污染
- 指出樓盤並非對著濕地公園
- 單位裝修有問題
- 樓盤附近公園其實有排都未有
- 樓盤附近華潤萬家早已結業
- 精準說明所有車程和步行時間
- 真的還有很多很多....
而且我們好早時間就不找發展商同事去做樓盤說明，全交由自己去查證和講解，就因為要做到精確和中肯。
channel裡還有很給客人私人訂制的影片，我們都把他們關心的樓盤外內優缺點講得一清二楚。而且有些樓盤我們去到現場，覺得不太對勁，都沒有出片向大家推薦。所有我們都是用心去篩選，真心去做，並沒有濫做。
强占的没有吧，大妈噪音现在少了，可以投诉城管的
下面全是蛇稿!
您好！多謝您的留言 😊
祝您新年快樂！身體健康！