Rita Botto e Banda di Avola - A Virrinedda

TESTO
Accattari vurria ‘na virrinedda,
di notti la to porta spirtusari
e vidiri gioia mia quantu si bedda
quannu ti spogli prima di curcari.
E temu ca nun fussi accussì bedda
ca l’occhi nun m’avissiru annurbari,
lassa la porta misa a spaccazzedda
ca ju stanotti ti vegnu a truvari.
E na varcuzza banneri banneri
sta dia d’amuri ni vinni a purtari,
ridianu tutti li cilesti sferi,
trimavanu li specchi di lu mari.
Binidittu lu Diu chi ti manteni
c’accussì bedda ti vosi furmari,
spampinanu li ciuri unn’é ca veni
l’ariu tribulatu fai sirinari.
Avia li trizzi di na Mantalena,
ntesta si miritava na curuna.
Nni la to casa nun ci sta lumera,
lu lustru lu fai tu, stidda Diana.
Catina ca mi teni ncatinatu,
catina chi ncatini l’arma mia,
beni ti vogliu cchiù di lu me ciatu
accussì criu ca vo beni a mia.

[@ignaziogiuseppematteini7631]

Bravissima

[@alfonsodibenedetto2351]

Pieno di verve, ritmo, piacevole.