Nókis rayonı Málimleme- kitapxana orayında «Mexr múriwbet insan ziyneti» atlı ushırasıw boldı.

22-aprel kúni Nókis rayonı Málimleme- kitapxana orayında «Kitapsúyer millet» uranı astında kıtapqumarlıq hápteliginiń 5 kúni «Mexr múriwbet insan ziyneti» atlı imkaniyati sheklengen kıtapqumar oqıwshilar menen ushırasıw keshesi bolib ótdi. Kesheni Málimleme-kitapxana orayı direktorı Liza Nurımbetova ashıp berdi. Keshege Respublika ruwxıy-aǵartıwshılıq orayı Nókis rayonı bólimi bas qánigesi S. Xojaqmetov, mektep oqitıwshilari hám shqıwshilari qatnastı. Respublika ruwxıy-aǵartıwshılıq orayı Nókis rayonı bólimi bas qánigesi S. Xojaqmetov Nókis rayonı Málimleme-kitapxana orayı direktorı Liza Nurımbetovaǵa hám Málimleme-kitapxana orayı jámáátine húrmet jarlıqları hám kitaplar sawǵa etildi. Nókis rayonı Málimleme-kitapxana orayı kóshpeli kitapxanalarında imkániyati sheklengen kıtapqumar oqıwshilar arasında «Elimizdiń qábiliyetli perzentimen» atamasında Nókis rayonı orayında jaylasqan Taxırkól APJ dan Yusupov Batirbay, Sayekeeva Mushtariy, Aqmanǵıt APJ dan Muratbaev Batır Sharapat u'li, Aqterek APJ dan Tabinbaeva Sabira, Baqanshaqli APJ dan Amaniyazova Ayimgúl, Qutankól APJ dan Qudaybergenva Qamajay, Kerder APJ dan Meńlimuratov Zinatdin, Samanbay APJ dan Joldasbaev Rasul imkániyatı sheklengen oqıwshilarimiz súwretler, ertekler, janlı xawazda qosiqlar, jazıwshı shayırlarimizdıń qosiq qatarlarinan úzindiler keltirip ótip, ózleriniń qábiletlerin kórsetip ótti. «Mehr múriwbet insan ziyneti» atamasında belsene qatnasqan imkániyatı sheklengen kıtapqumar oqıwshilarǵa Nókis rayonı Málimleme-kitapxana orayı tárepinen húrmet jarlıqları hám sawǵalar menen sıylıqlandı. Keshe sońında Nókis rayonı Mádeniyat bólimi xızmetkerleri tárepinen koncert baǵdarlaması qoyıp berildi.