#MM
HTML-код
- Опубликовано: 18 окт 2024
- #MM #700萬種生活 // 香港最啱踩長板 香港時速最高90公里/小時 時速最高公里/小時
元朗大棠大樹下,有一條已封鎖的山路,閒日人少,周六日是行山人士遛狗,或者模型車愛好者的聚集地。逢周六,晨咁早就有一班人拖著長板上山玩Longboard Downhill(長板落斜),有時自己玩,半分鐘滑到斜坡底;或者大班人在斜坡頂上課。是個適合初學者,或者練習新技術的地方。
「香港的山路,是真的很Hong Kong Style的,好襟劈的。」Thomas係個Longboard Downhill(長板落斜)的運動員,玩板8年,戴上頭盔,把身體盡量縮成流線型嗖一聲下山,在港的山路,他的最高時速超過90km/hr。「我在外國最高時速已過100km/hr。相信只要條路夠斜,我可以去到120km/hr或130km/hr的。」兩年前的國際IDF賽事(International Downhill Federation)排名亞太區十二,是亞洲第三。他和上屆世界冠軍,澳洲籍的Harry Clarke都在香港長大,一起上山練滑板練得一身好功夫。
香港好適合玩Longboard Downhill(長板落斜),但估計在港玩Longboard Downhill(長板落斜)的人約只百來人,相較玩Skateboard的人少。最近Harry回了澳洲,同時更獲邀到菲律賓做教練,有些選手又移民了,仍在港的香港Longboard Downhill(長板落斜)運動員就剩他一個。因為這裡地小山多,而且地方細,所有東西似是濃縮起來:「外國的公路,動輒十幾公里長,彎與彎之間相隔好遠。香港就不是了,一個彎緊接下一個彎,再接下一個彎,好適合像我般要練技術的人。」
Thomas自稱是「最熟悉香港馬路斜路的人」。他跑遍香港山旮旯,找到好多荒廢的、封閉的、少人的斜路。你隨便說一個地方,他都可摷到高中低斜坡娓娓道來。精選山路有幾條: 輕輕鬆,有樂富配水庫附近的一條斜路,是市區難得的一條平日封閉、又闊又多彎的斜路;最靚,一定是東霸。超長斜路,沿住特色六柱石直衝落海,臨尾一個髮夾彎,香港特有。最愛和最癲,是飛鵝山:「非常有香港的風格,極多彎,極窄,然後超長。」今日的他可以5分鐘內由山頂飆下山,更補充:「我知我未到極限㗎,我可以再快啲㗎。這個遊戲永遠都不會完的。」
「我對於這項運動能在香港普及是好有信心的,因為這運動很適合在香港玩。」我們身在好適合玩長板落斜的山城而不自知,同時作為香港少數項目的運動員,食自己是基本。起步之時試過戶口不時只得兩位數。幾年前他跟朋友合資開了香港唯一的長板專門店SBDW,平日在那邊幫忙打理,隨不同季節有時做生態導賞員,或者潛水教練。生活還好,「有時候想做一件事,就不能想太多現實生活的事。這樣甚麼都會做不到。」
疫情下多了人留在香港,滑雪癮起者找到他們的長板組織,買板的學板的人數都增加不少,雖然少了兩年出國比賽的機會,但看著長板界的人數增長,都好開心。他明白過去好多人覺得這運動危險搵命搏,好多人在家人朋友阻止下放棄。但他直言,就是因為知道危險,大家才會更小心去玩。要找無人的山路,要尊重路上的行人,要控制自己的心不能太雄,要有百分百信心才可以走出公路。他説:「玩咁耐我沒弄傷過別人的。也只試過一次手肘甩骹,沒受過大傷的。幸運的是我的家人、太太和朋友,全部都好支持我。所以這是我挺感動的一件事,當然我會繼續保護自己,不會死掉。」
█ 免費的赤道陸上滑雪計劃 試著在港斜坡學滑雪
雖說好多人都因為滑雪回港後,心癢難耐,跑去玩滑板。雖然形似,惟兩項運動的技巧仍有分別。最明顯是跌落雪地跟硬地的分別,恐懼感倍增,另外要做S-Slide動作時,雪板的刀片比四個轆容易多了。Mario本身是滑雪教練,疫下失業做Slash,腳痕,就做實驗吧!推出赤道陸上滑雪計劃,免費教人將Snowboard的技術融入長板,希望學過的人,可以在香港享受滑雪的快感。將來旅行之時,踩在雪地及雪板之上,可以更快克服恐懼,縮短適應及學習的時間。他笑道: 「我這是一個實驗來呢!之前從沒有人把Snowboard的技術融入Longboard長板,雖然有其他模仿Snowboard的活動,但我個人覺得還是Longboard無論技巧上,又或環境上都最似。學會了,你可以去香港不同的山坡嘗試。」他已計劃好去Working Holiday了,剩下的一年時間就跟大家一起做實驗, 「如果開關的話,最快今年6月,澳洲冬天的時候,或者明年冬天,就可以看到結果。」
█ 日日長板代步 8個鐘繞新界一周
阿康住上水,年多前把單車換成長板,返工放工,晴天雨天都踩板代步。Mario稱他為「黐線嗰個」,因為他初時會早幾個站落車踩板到目的地;之後由港島踩板上天星小輪回家;最長試過花七、八個鐘由上水踩板繞新界一圈回家。
香港市區適合踩板咩?不是太多人嗎?阿康整理了香港長板地圖,統計香港路面質地,哪些是磚地會震到人心都散,哪些是平路適合踩板:「香港市區的路面不似早有單車或滑板文化的外國,多以大小不同磚塊砌成,也許方便落雨疏水。」他會繞到市區邊緣,挑人少的地方才踩。如由旺角去深水埗,也許會繞到何文田那邊走,路程比沿彌敦道長,卻能享受踩板的舒適快感。「可能長板的輪比較大,踩一腳已可溜好遠,也比較流暢,好多人以為我踩電動滑板,其實不然。」
阿康覺得,踩板這回事,即使是同一條路線,其實路面狀況都很不同。意想不到地,踩板踩得好,可以訓練香港人最缺乏的--耐性:「要想如何做好平衡,如何踩好每一個彎,要好留意自己,好留意環境,才學懂如何去享受當下。」
策劃:陳慧敏
攝影:林正言、陳港怡、張志孟
剪接:林正言
監製:王秋婷
#長板 #滑板 #滑雪 #山路 #世界冠軍
#澳洲 #瑞士 #香港 #移民 #亞洲
#樂富 #飛鵝山 #髮夾彎 #MillMILK
立即成為 MM Member 啦,每月只需 HKD 40 咋!傳送門:
/ @mm.millmilk
*建議使用電腦或手機瀏覽器登記,因為目前無法經 RUclips APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY|@chuckyching
/ chuckyching
PHOEBE|@phoebe.unprofessional.journey
/ phoebe.unprofessional....
ELAINE|@elaine_wow
/ elaine_wow
京|@phaedruslam
/ phaedruslam
KAREN|@karen__yukiu
/ karen__yukiu
MANYI|@manyishum
/ manyishum
SAM|(付費內容)
阿朗|@mm_longgg
/ mm_longgg
NATALIE |@nataliewwong
/ nataliewwong
APPLE | @apple.hiufung
/ apple.hiufung
後記:
首天拍攝,集合時間係0845,好早啊。然後大家踩起板來都沒有「食飯」概念。吓吓都話:「玩完會食㗎!」即是幾時?「5點零啦!」攝影師面色青了一下。然後聊聊吓又發現,原來Thomas有時候會在山上瞓吊床過夜,方便「一起身拉吓筋就可以滑,好爽。」撈晒所有時間去踩板,享受香港山頭。
跟他們聊香港斜路,發現好多都是沒聽過也沒去過的。這刻還在元朗市中心,15分鐘後就去了安靜的大棠封閉山路,馬路繞山頭一圈完結。黃黃綠綠的樹林間,成為行山人士溜狗,模型車同好們聚集的樂園。轉場大帽山,繞來繞去,又去了一個安靜山頭,遠離了周六市區迫行山的煩囂。只要你早啲出發,就可以在東霸六柱石之下衝落海。連我家附近一條少人用的山路,都有過他們的腳毛。
他們不會隨便在公路練習,不會出現「嚇親司機」的情況。
我當了半天Spotter(看守人),唯閒日山路真的無幾可有車。有時我顧住看忘了打「OK手勢」,他們明知沒車,還是提早在閘前煞車。當向跑山或者踩單車人的人士說明會有人踩滑板下來,他們笑笑揚手,靠在路旁而行: 「我知道啊,每星期都見啦,慣晒啦。」
山上的大家都玩到熟晒了,一起分享一個安靜隱秘的山林午後。
其實意外就係係你估唔到既時間
閒時無幾可有車 都會有車
撞起上黎唔係講笑 我都試過幾次有人玩滑板係我前面 我即停車 用滑板條友要掂住我架車先停到 我唔停佢死左都似 唔係一次 係幾次啦
@@ddwong7366 3:21
@@ddwong7366 再大都唔夠王叔你先入為主大
@@ddwong7366 你有冇睇過頭D? 頭D有對流車照樣比賽 人哋頭盔保護裝備仲多過啲單車友 閘車唔大曬 但閘完你照開就你問題 人哋都話有人通知有車就停 你比返少少理性 唔好放氣你個腦先 calm down karen
@@ddwong7366 閘車唔係大L曬,你揸車就大L曬係咪? 閘車都係有車夾硬亂入的話佢地自然會叫停隊友
香港年終車死人 或 自己撞車死既新聞見唔少,甚至單車炒車/撞車死都有,但踩板撞死人或撞死自己就真係唔多覺
前年我在和合石拜山, 見到的應是呢班人練習, 佢地會找人流最少時段, 上到和合石山上最高頂端練習. 下滑前先查看下斜人流才決定, 見人少, 給我們預警, 叫我們迴避. 非常尊業, 小心, 及有禮貌的年青人! 當時我和我哥忍不住拍掌激讚他們高超的滑行技術.
外國其實玩 Long Board 都好耐歷史了,之前有睇 D downhill 片覺得一路落山一睇住 D 景咁靚真係超正,
但原來香港有班人玩緊的,多謝 MM 搵到呢 D 題材。
我好鍾意Thomas嘅一句說話:
你要把握當下嘅生活
你就唔可以諗太多生活嘅嘢
respect!
佢2015 年 有人係路上心跌到差d比車撞
都講左幾句野
有人報警 投訴 咪走lo
🤣
最鍾意佢地有齊安全措施
頭盔 護手 護膝 手套!
人無事先可以做到世界冠軍! 🙆🏻♀️❤️
想問下佢哋啲膝頭哥保護 喺邊度買
@@changtommy5202 sbdw longboard shop 🙋🏻♂️
佢地有哂安全措施,但其他馬路使用者冇
大帽山/鹿頸/石澳 大把電單車司機full gear炒車都係88
@@hlau4161 比佢地撞真係唔係講笑
可以考慮做番英文字幕,longboard 在海外都好多發燒友,可以有很多文化交流
我哋都好期待可以輕鬆出國同外國板友踩板嘅日子
唔系掛,系香港玩。。。
@꧁꫞꧂釣魚達人꧁꫞꧂ 你邊到見到車多?…
🙋🏻♂️🙋🏻♂️🙋🏻♂️
好多謝Ah man選擇做呢個題材採訪我地呢班奇異生物,難拍又難剪 地點又山卡啦飯都無得食廁所都無個仲要你幫手做埋spotter🤣 出到黎完美呈現我地嘅踩板日常🤟🏻🤟🏻🤟🏻
希望睇完報導有更多人會黎體驗新生活🤪
Btw 我都覺得踩板尤其玩落斜真係好危險。危險在於當你心態唔好、心理質素差 就好容易受傷。不過諗真啲有邊樣運動唔係咁?就係因為高危我地先更加小心🤟🏻
另外有人話行人路踩板又好危險…
到底專心一志踩板危險啲 定係㩒住電話行路危險啲?🧠🧠🧠
精神上支持你地,行動上呢我哩d肚腩叔叔就難加入你地喇,如果遇到你地閘車我會耐心等候,尊重你地哩項運動
就係知道危險先更加小心,岩呀,好過d人揸車眼高手低亂咁嚟害人害己
@@TsangSiuHan 🙌🏻多謝你支持啊
踩板唔嫌遲🤪外國好多人都係中年先開始踩/重新踩
唔玩咁激踩下單車徑都好過癮🤟🏻
@@3timmmy 好呀😂 有機會去sbdw 了解吓😂 睇片覺得比我以前單車玩山安全同需求既體能少啲,起碼唔洗踩上山 抬車上樓梯先🙈
第時去旅行有得玩snowboard ✌️
加油啊💪
外國呢啲片就睇得多, 原來香港都有人玩仲要玩得咁熱血, 後生真係好, 成班朋友一齊玩, 睇到都開心!
講得非常好, 無論做乜嘢都要尊重自己同尊重其他人, 堅尼地城海濱近月來成為滑板愛好者嘅聚腳點, 為社區帶來一點生氣嘅同時, 亦令許多海濱使用者「生氣」, 一連串嘅問題例如亂拋垃圾, 踐踏農圃農作物, 採摘花朵, 破壞公共設施, 違法吸煙等, 上月更因亂掉煙頭而引發一場火警。 其實滑板係一樣男女老少都適合既有益運動, 但唔希望因為人為嘅問題而令呢項新興運動被標籤為沒有公德心, 欠缺教養的「街頭文化」。
我最近去過,覺得好有街頭文化好有生氣,亂拋垃圾 亂掉煙頭 係咪真係板仔做既先? 我見現場既枱凳設施似乎大部份係非板仔喺度使用食野飲野
係唔係板仔做既唔爭論喇,我支持愛護社區環境人人有責
@@TsangSiuHan 如果你咁講,駛唔駛叫街方們一見到就錄低佢地,以正視聽好唔好!西環街方好樂意咁做。
@@5Brightman 不如你搞清楚自己思路,講得清晰啲? 1999
@@TsangSiuHan 我思路好清晰,明明你都驚啲人冤枉咗佢地亂拋垃圾亂掉煙頭,咁最好一見到有人咁做就拍低去有証有據,到時就係知邊啲人做啦,唔駛再爭論!
@@5Brightman 哦哦,好呀好呀,咁請你公平d錄埋公園其他人,睇吓係咪淨係得你口中既板仔無公德心
我想睇多啲由果位FPV 穿越機機手拍嘅片,有無人有佢channel, 坦白講佢咁樣拍野法真係少啲技術都唔得,啲shot仲要拍得幾靚,我feel到佢已經人機合一咁濟,爽過打機,好堅
m.ruclips.net/user/jerryFPV
@@ICE-ig6sz thanks!! 即刻Subscribe左,哇,啲shot真係拍得勁靚!!
完全想像不到本地有這麼多人在玩這活動,而且也衍生另一種變化意義。需然我沒體能及膽子去接觸,但真的很有趣很有挑戰性。
好喜歡你們做的題材,有好多好特別的介紹,好好看。Mill Milk 加油
以前睇外國啲片就覺得好刺激好專業
估唔到香港都人才輩出, 可惜香港體育乜都係精英化拎好多獎先有配套
好彩暫時呢項運動由器材到訓練洗費唔算大 (至少平過單車),所以要踩得好,主要唔係錢,而係你肯付出幾多時間去做呢件事。
香港地真係臥虎藏龍,好多有趣嘅生活,羨慕
希望他们能拍多些片, 能推广这些运动, 香港山路都好正, 不过一定要注意安全
係啲受訪者嘅眼神之中睇到熱情同享受
好有型, 好有香港味, 仲有沿途風景, 才認識到香港更美麗的一面
比專業更專業嘅選材 及 報道 資料夠 夠新 夠近 ,勁加油
好inspiring,係香港生活可以有唔同方式。slash人生可以好精彩
好鐘意這班年青人,堅持丶保持安全丶好好享受生活
但犯法 邊條出路可以行100?
非常出色的報導,專訪。謝謝!
真係要多謝 ar man 令香港人知道,係香港都有得玩近似滑雪的運動
好好專訪。多謝當中運動員分享。 Mario 免費教受
呢個頻道真係好正好多嘢睇
睇完真係有想玩嘅衝動!
十分正! 剛巧我畫緊長板動畫🤩🥰
勁呀M M,呢類題材都有👏
好鍾意睇呢啲題材🥲熱血arrrrrrr🔥🔥🔥✊add oil!!!!!🔥🔥🔥🔥
之前睇套動漫叫sk8,啲人又係咁樣踩板覺得係動漫先做到嘅運動,原來現實中都做到,好型。
支持有夢想的朋友👍👍
MM d 片咁好睇!!!
DD Wong 你好!我哋絕無刪留言。目前你喺呢條影片留低咗7條留言。請問有否遺漏?
1. ruclips.net/video/ItxOqHAiYUw/видео.html&lc=UgwvDfC5TsqjtkSOo2h4AaABAg.9Xa7FSMvIC59Xa8NXlFeHe
2. ruclips.net/video/ItxOqHAiYUw/видео.html&lc=Ugwb3oHyBpUU3lKStYR4AaABAg.9Xa5ywOSky89XaFqKh7CdF
3. ruclips.net/video/ItxOqHAiYUw/видео.html&lc=UgxvsDlcd0Sa3tLwow14AaABAg.9X_v1zHcWE99XaFxtEqE43
4. ruclips.net/video/ItxOqHAiYUw/видео.html&lc=Ugygwyy7_jhtt35z_tF4AaABAg
5. ruclips.net/video/ItxOqHAiYUw/видео.html&lc=UgwpnEBfF_j9W5avUF14AaABAg.9X_kgfPUFlY9X_llCs1yWa
6. ruclips.net/video/ItxOqHAiYUw/видео.html&lc=UgxRGdvNUHHn6Omk8CZ4AaABAg.9X_eq06AoLW9Xa8uZ86nLu
7. ruclips.net/video/ItxOqHAiYUw/видео.html&lc=UgxRGdvNUHHn6Omk8CZ4AaABAg.9X_eq06AoLW9XaFdwHRni4
另外,你不斷將同一段留言重複張貼,或被 RUclips 審查系統當作濫發而被自動刪除。
此外,你其中一則留言又提及敏感字眼「炸彈」,都可能觸動到 RUclips 審查系統而被自動刪除。
DD Wong 你好 其實無人得閒刪你, ruclips.net/video/WdATEOx0XVc/видео.html 呢條片入面都有你
MM會唔會拍longboard dancing 同 freestyle
👀✨
阿康可以share 地圖嗎?😍
成日覺得好難起香港踩版代步
唔知點解我post唔到link, 可以試下click入我channel, banner右下角/bio可以見到!
呢個暫時都係我私人既地圖,所以某d路可能會好困難,只供參考啊! 建議踩好所有單車徑先,因為街道充滿意想不到既危機,一言難盡,總之緊記安全至上🙏🏻 因應能力、經驗同路面環境去規劃旅程 Lets push and explore HK🤟🏻
@@HarryLamHK 多謝你提點呀 好人一生平安🙏
支持香港有更多多元運動風氣
但同時亦要注意路況 小心安全
最好問埋保險公司 睇下運動保險包唔包呢種運動
好熱血,如果我係好有錢佬實大大力支持佢地,但未係,等我呀。
香港原來有人玩呢d, 期待親眼睇下
試過滑雪,未學滑真係要學識跌先
跌落雪同跌落馬路真係唔同玩法 😅
其實只要唔好影響人就可以
反正我出街行山咁耐都未試過俾板佬撞 🙂
反而我想了解下佢地對近年興起的「電動滑板」(唔係滑板車!!)的看法,仲有其他如鯊魚板等不同類型的板⋯⋯
因為某些領域,即使近似款,彼此間都唔知點解好似有仇咁⋯⋯
即時令人熱血的題材
mm真係好出色
香港需要熱血癲老👍加油,山路見到吾好屌呀🤣
年青應有自己夢想!讚
求 JOIN 鬆須哥哥個計劃 XDDD 有冇LINK
請問有冇師兄可以教我玩Down hill,本人都係玩長板,一直未有機會玩down hill
好彩香港有Thomas👍🏻
係香港普及長板運動💪🏻
難得找到自己喜歡活動,與一班志同道合人一起參與,實在樂趣無窮,最重是注重安全。
同埋守法
好開心,吾識講,但好香港
長板真係超正
本身踩花板見到呢條片即撐!
真係好岩玩,咁多山
睇到都覺得好刺激, 不過要加倍小心
我地香港可以張哩個運動 申請成國際賽事喇!! 香港有好多路段都夠晒講夠技巧!唔係淨係講個快字
好正😆😆😆😆😆
好有趣的題材,以為香港唔適合玩極限運動,原來有人玩longboard,雖然小眾但有潛力。
追風的香港男男生💛
會唔會有佢哋嘅link可以提供🙏好想睇多啲
熱血就是這樣!
好正,尊重
Woooh! So excited!
So stoked
我想請問王監製, 同林攝影師, 最尾條配樂, 叫做乜嘢名呢?
我覺得幫成條片, 帶出咗一種, 依依不捨每一秒鐘, 必定會成為過去嘅傷感情懷。
請問Thomas先生, 你, 同Clarke先先, 會揀聽啲乜嘢genre嘅音樂去劈山呢?
請問Mario先生, 你又聽咩去劈雪呢?
多請賜教!!
👍👍👍好吸引人觀看的運動!
型到烈呀👍👍👍😍😍😍
Mill Mike 高質👍🏻👍🏻
好L勁!
加油~
可以介紹下香港的rollerblade group嗎?多謝。
真心好型
Thank you for showing this long board.
個頭盔咁有徐錦江經典告型嘅影子
多謝介紹,努力加油
夠新鮮
係正嘅!不過真係要襯候生玩。老咗反應同復完都慢。
好好睇, 多謝
SBDW搞嘅長途賽好好玩!
不過因為疫情🥲唉🥲🥲🥲
多謝G持!
幾時拍單車👍🏻
果條路有冇車,會唔會有危險
講馬路炸彈個啲人到底有冇睇曬條片
期待中…
Thank you😊
Bravo HK long boaders!
good for you guys....looks exciting.... very pro video too....
香港其實好多行山人士,仲有差唔多條條上落山石屎路或者行山徑由朝早到傍晚都咁多人係度,究竟佢哋點玩?安全不限於佢哋本人同時要兼顧其他人。
1. 仲有好多路唔多行山人士
2. 我哋絕對會兼顧其他人,以我哋嘅安全指引,玩咗就嚟10 年都未出過事,所以我哋好想將呢套概念教識更多新血,等板仔同行山人士,甚至乎車,都可以安全共享山野
@@SBDWHK 多謝你地係片中嘅分享,只係擔心香港地細同時真係好多人鍾意行山,而你地玩起時嘅速度往往可以拍得住同車行駛中嘅速度,所以先容易聯想起人車爭路或引致不必要嘅意外。
@@5Brightman 明白,我哋會以身作則確保安全。如果有機會咁啱見到我哋玩,應該就會明點解我哋對安全咁有信心。
以速度為例,新手基本上都係由行路咁慢嘅速度學起。
你好 我自己本身呢係有少少 肥 我想問下 踩滑板 如果我都有啲興趣 假如我咁嘅身型 適合玩嗎
要玩到呢項運動,肥瘦冇咩太大關係,所少少少肥唔成問題。除非你立志要做專業級 skater,咁就要操fit 啦
跑到步嘅人其實已經可以學,有護具加上一步步咁學其實可以避免到好多不必要嘅受傷。
踩longboard不會減速,下斜坡到15~20knh快板就狂搖,然後就要跳車。🙈🙈
香港站同中環站中間都有斜路,我仲遇過有人玩,佢又唔封路喎。。。
你睇左佢地係依度既回覆就會明
佢地話佢地唔會出事 出事既唔係佢地
佢地既回覆我真係火火地
好专业!!!
Wow amazing!
希望有日行山遇到你哋。
撞埋一齊? 我試過 差d同我架車撞埋一齊
Big 細佬 🤣🤣🤣
部份片段係元朗大樹下西,佢地係成日去玩 !
This is so cool!
滑雪教練唔收錢教人超慷慨
絕對係,所以我哋全力 support 佢嘅行動! respect
可以考慮講吓bmx
在市區元滑板,會被看作是街童,會被投訴/被食蕉驅趕/被x逗查老身。
我諗起杜生在頭d講過嘅對白。。。
架穿越機拍得好pro,畫面勁正
香港很多獨特性和吸引力、只是很多時被埋沒
實扑 💪😁🤘
😎..香港真係"麻雀雖少、五臟俱全"!睇落真係極高危玩意,而偏偏傷亡意外都係"電滑板"!我就未玩過,估計高速救命係先掟板、後翻滾擦地!
帶齊護具嘅話,可以有方法落地而0受傷(文字好難形容)
@@SBDWHK 有方法 0 受傷? 個方法係唔玩定係係平路慢慢玩?
你唔好誤導啦 美國既人唔識玩得你地識?你係講緊高速呀
佢地有哂study 研究講左比滑雪更多意外 主要係腦 同spine
我本來只係唔鍾意你地封路玩 但睇左你既回應 你直情收埋既事實
我知你要做生意 但唔係咁做lo
要時間適應嘅速度