【

懲教署首屆「#更生伙伴嘉許計劃」頒獎典禮🎖️尋日圓滿舉行，小編好開心可以喺現場見證一眾 #更生伙伴 及 #星級更生伙伴 嘅誕生🤩！
喺典禮上，更有受惠嘅更生人士專程到場，同大家分享佢哋生命蛻變嘅歷程同心聲。得到圓玄學院鼎力支持下，我哋更邀請到《中年好聲音》歌手鄭梓浩及丁文俊為大家獻唱 ，喺獻唱《不再猶豫》一曲時，仲搵嚟懲教署職員、更生青年、「基督教青少年牧養團契」及「天主教教友監獄福傳組織」嘅義工擔任現場伴奏，盡展伙伴同行嘅精神。
首屆「更生伙伴嘉許計劃頒獎典禮」喺一片熱血嘅歌聲下謝幕👏🏻，但呢個並唔係終結，而係一個開始，好多社會賢達都為我哋作出呼籲，希望更多有心人士或機構踴躍加入更生伙伴嘅行列，與我哋喺推動更生工作嘅路上結伴同行。📲立即去片聽下佢哋講啲乜同埋重溫尋日盛況啦。
_________
【 #更生伙伴嘉許計劃 】
表揚持續支持更生工作嘅個人及團體，鼓勵更多熱心人士及機構成為我哋嘅更生伙伴，發展更龐大嘅支援網絡，為決心改過嘅人創造出無限可能，讓更生工作推得更廣、走得更遠，合力建構更安穩和諧嘅社會。
📍想知多啲「更生伙伴嘉許計劃」：bit.ly/3Xl61LU
📲重溫受助人故事：bit.ly/3Rjrzot
_________
#懲教署
#CSD
#更生同行
#更生伙伴嘉許計劃
#創造無限
#走得更遠