Талкы. Владимир Васильев: Ыччаты тыаҕа хаалларыы

Владимир Васильев: Ыччаты тыаҕа хаалларарга сири сүөһүлээх, сылгылаах дьоҥҥо, аймахха дууһанан түҥэтиллэр сокуонугар наадыйабыт
“ТАЛКЫ” от ыйын 15 күнүнээҕи биэриитигэр Владимир Степанов кэтэх хаһаайыстыбалаах, тыа хаһаайыстыбатыгар орто салайар үлэҕэ өр үлэлээбит уопуттаах Владимир Васильевтыын урбанизация, глобализация кэмигэр тыа сирин быыһыыр аныгы суоллары кэпсэппиттэрин көрүҥ. Урбанизация тохтообот, “үүт харчытын соҕотуопсуктарга үрдэтиҥ” диэн туолбаты туруорса олордоххо, эстии-быстыы дириҥээн, аҕыйах сылынан сүүһүнэн мөлүйүөҥҥэ тутуллубут таас үөрэх кыһалара үөрэнэр оҕо аҕыйаан сабыллар, нэһилиэктэр 1-3 сылынан да, эстэр суолга киирэр туруктаахтар.
Казахстаҥҥа баһылыыр “Аманат” баартыйа дойду үрдүнэн тыа хаһаайыстыбатын туһаныллыбакка сытар сирдэрин судаарыстыбаҕа төнүннэриигэ, ас-үөл оҥорор дьоҥҥо биэриигэ күүскэ үлэлиир эбит. Оттон биһиэхэ баһылыыр “Биир ньыгыл Арассыыйа” баартыйабыт тыа дьонун кыһалҕатын быһаарыыга тоҕо үлэлэспэтий? Быыбардарга эрэ тиллэрий?

[@СлаваНиколаев-о5ш]

Саха Сирэ араҕыстаҕына эрэ сайдыа, Аан дойдуну кытта бииргэ хаамсыа этэ .