#MM
HTML-код
- Опубликовано: 13 сен 2024
- #MM #旅遊止癮 // 實試全港最近巴士站 10秒快過巴士?油麻地巴士站22年冇巴士線變廣告站
全港約有8千多個巴士站,我們每天都會經過的巴士站究竟有甚麼特別呢?今集《旅遊止癮 》 主持Chucky與《懷疑人生就去散步》aka 巴士迷及巴士研究者林兆榮尋訪不同有趣巴士站。
█ 最靚巴士站提供住宿?
石澳巴士總站大約於1955年建成,屬於包浩斯(Bauhaus)風格的建築,更於2013年獲評為二級歷史建築。巴士總站樓高兩層,下層是車長休息室及候車位置,而上層則是一個謎!林兆榮表示以前巴士司機如果要到石澳駕駛「頭班車」很辛苦,因此他聽說大約50至70年代,上層會用作員工宿舍。而這個巴士總站更是中巴的遺蹟之一。中華汽車有限公司(中巴)曾專營港島區巴士路線,後來於1998年失去專營權,港島區仍可見的中巴年代巴士站則買少見少。
█ 最近距離巴士站10秒可跑到?
根據運輸署的《運輸策劃及設計手冊》,巿區理想的步行距離為400米內。不過柴灣阿公岩道及鯉魚門公園巴士站竟只相距約60米。主持Chucky與林兆榮實試與巴士同時起步,從阿公岩道跑到鯉魚門公園站,看巴士快還是人快。結果林兆榮只花10秒就成功跑到下一個站,Chucky則花了17秒,但仍然比巴士早到站。不過《運輸策劃及設計手冊》中說明除了400米以內,更要考慮地理環境限制、道路安全、交通流量、候車乘客與途人過路空間等。阿公岩道是大斜坡、坡上有住宅入口這些都成為了站與站如此相近的原因。
█ 最偉大發明巴士站大把櫈坐?
交通網絡越來越發達,巴士站成為了常見的街上風景,更催生了某種文化特色,例如坐巴士站欄杆是「飛仔」形象、巴士站是識女生勝地等。巴士站櫈也終於在近十幾年開始出現。不過巴士站櫈數量有限,班次疏落的地方會出現不少非巴士公司提供的設施。例如馬游塘村巴士總站就有至少7張居民自發放出來的櫈供等巴士居民使用。甚至有些地方的鄉村或居民會興建的等車涼亭及特別站亭等,更配合社區需要。而林兆榮亦曾於坪輋創作過類似社區站櫈的企劃。「那時我想大家都會把椅子擺放出來,不如我試試其他物料吧。那時就地取材 ,因為附近有個小竹林,我徵得村長的同意,幫我們劈了一些竹,然後製作了兩個木框,把竹放進去就變了一個很自然、就地取材的社區椅子
。而且竹這個物料本來就很涼爽,可能坐下時會更舒服,而且也很美觀。可惜聽說不夠兩個星期那些竹就被偷了。」
█ 冇巴士的巴士站變「廣告站」?
大家近年留意巴士站應該都是不同的應援廣告燈箱牌。為甚麼巴士站會有廣告?畢竟巴士公司需負責巴士站的日常維修,所以廣告牌就能幫助日常開支,但這種「妹仔大過主人婆」的情況,都不只出現在天星碼頭。林兆榮表示油麻地警署巴士站,自2000年之後就沒有九巴的巴士線經過這個巴士站。站亭卻仍存活了22年,燈火通明,全因這個站亭有三個廣告位,就算沒有巴士線經過失去原本巴士站亭的用途,仍可作用來賺錢的廣告板,明副其實是「搵錢站」。
林兆榮見證了三代巴士公司,一直都很熱愛及研究巴士,更特地考了巴士車長牌。為何他會如此熱愛巴士?這與他成長有關。「可能我小時候已經很喜歡到處走,我覺得坐巴士是最容易到達,又可以帶我到不同的地方的車。小時候家外面就是佐敦道碼頭,現在已經填海成為柯士甸站,那裡以前很美,夕陽時候看到躉船,家人會駕車上船,可能就是在一個交通交匯點成長吧。」如果我們用一個城市學角度去看,道路就是血管,所有交通工具都是血或白血球。我想巴士就是一個這樣的載體,雖然我自己很喜歡巴士,但跳出來作為一個普羅市民的角度,它是一個最容易乘搭的交通工具。
策劃:陳靜雅 Chucky
攝影:許先煜 潘志恆 張志孟
剪接:呂皓怡 簡加希 王樂琳
協力:陳伊鈴
監製:王秋婷
#柴灣 #石澳 #油麻地 #巴士 #歷史建築
#中巴 #廣告 #陳靜雅 #MM_Chucky #MillMILK
立即成為 MM Member 啦,每月只需 HKD 40 咋!傳送門:
/ @mm.millmilk
*建議使用電腦或手機瀏覽器登記,因為目前無法經 RUclips APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY|@chuckyching
/ chuckyching
PHOEBE|@phoebe.unprofessional.journey
/ phoebe.unprofessional....
ELAINE|@elaine_wow
/ elaine_wow
京|@phaedruslam
/ phaedruslam
KAREN|@karen__yukiu
/ karen__yukiu
MANYI|@manyishum
/ manyishum
SAM|@midwin_
/ midwin_
阿朗|@mm_longgg
/ mm_longgg
NATALIE |@nataliewwong
/ nataliewwong
APPLE | @apple.hiufung
/ apple.hiufung
石澳巴士總站嗰建築師係徐敬直,佢係戰後由上海南來嘅築師中嘅表表者,已經拆咗嘅旺角麥花臣場館、界限街復臨安息日會、農圃道新亞中學都係佢嘅作品,都好有五十年代嘅現代建築特色,簡約實用得嚟又highlight麻石石屎嘅材質美!
顏老闆一直都係正藍軍, 後生嘅時候作為教練帶過中華民國足球隊去柏林奧運, 再之前更加跟過孫中山, 當然會重用民國/國民黨人~
我嘅最高記錄係追左4個巴士站依然追到架車~
就係九巴87B. 我打算由維港灣總站上車但送車尾, 於是我跑上天橋過奧運站, 點知奧運站及富貴街都冇人上車飛站, 好彩富貴街之後紅燈截停左架巴士, 最後我跑到去銘基書院站上車。 架車半粒鐘一班唔追唔得, 當年未有青沙屯馬等。
87B喺大圍呢邊勁兜路,當我miss左新田圍總站的車,行落去新翠就可以搭返同一輛了
87B真係好正
呢三年真係搭多左好多巴士!
寧願預鬆少少時間都會搭~
起碼沿路都有時間沉澱下,又過得到自己嘅心理關口
Respect 🫵🏽
i know how u feel
我同你一樣,但我好啲,因絕大多數時間都係巴士快過鐵路,冇乜特別犧牲
respect 真心巴士點到點方便好多 預啱時間搭巴士好好多
我也是搭多咗巴士和電車🙋
回想起來,以前太依賴地鐵
阿公岩呢兩個巴士站 高位嗰個係比當其是聖巴西流小學同聖巴西流中學學生用 但中學已經喺好多年前校址搬咗去柴灣叫 李福慶中學 而 小學 因為當區 出生率不足 七年前已經停止收生 所以上年已經停辦學校 聖公會收返達地做老人院同幼稚園 連埋主誕堂一齊收 而下邊巴士站 係比以前住 藹寧苑啲人用 現在已經重建造新大廈
一句到尾,估吓我快定架巴士快!
今集巴士站由朝拍到晚,好開心好好玩好熱好好笑,但最重要係認識多咗好多巴士站!多謝榮仔同我哋一齊玩!
睇完今集,大家仲想睇咩題材呢?
留言tell meeee!
巴士
我估我快!
想 Chucky 拍
試一次 "跑樓梯大賽"
會唔會太殘忍?
題外話,今天去處理親友的離世,突然就諗起mm 100k sub. 條片 Chucky 鍚份工多過錫自己,希望mm 各都有進步,熱血出到好片之餘都有空間照顧好自己!💪🏼加油!
期待有條片介紹吓mm 同事們喺work life balance上面嘅進步or 介紹吓mm漸上軌道!
今次以巴士為题才,但配以不同話题去發揮,解究…等表演手法,非常有趣和吸引!希望日後再多些以此為題材,去發掘香港的日常,支持!!!
打情罵俏,好情侶feel!
3:53 「用腳進檔」是半自動排檔變速箱的操作方式:左腳操作的不是離合器踏板,而是轉檔踏板。駕駛時,把排橕桿撥入要轉的檔位,把轉檔踏板踏下,便打開離合器,再放開便接合離合器,同時入了預設的檔。三十年代有些賽車,如 MG Magnette K3 ,都有使用半自動排檔系統。
每次MM+巴膠,件事都變得可愛咗
因為本身香港就係咁可愛!
75K (往大埔墟站方向)
安慈路同大埔舊墟公園分站距離非常之近
巴士好多時要停消防局十字路口燈位,
就算第一個站追唔到,
去到第二個站都可以追到嗰班車。
4-5歲個陣住石澳, 有坐過一年中巴, 當時無冷氣, 夏天熱到傻, 架車永遠有大小強一家陪你坐全程, 加埋司機F1車手般嘅駕駛速度, 驚嚇度滿分
另外早兩年有本本地出版嘅建築書《迷失的摩登》有講石澳巴士總站嘅建築歷史(本嘢唔難睇, 易入口), 有興趣可以行書店個陣睇吓仲有無貨
榮仔好正 www
拍得好好睇,visual 又夾
多謝!
多謝榮仔!
7:35 未有香島之前,亞公岩道個巴士站落過依家少少,因為要就返香島呢棟新樓,所以將該巴士站向上移到依家位置
最短路線應是深井浪翠園總站到浪翠園2期,只有16米。有234A及234B兩架巴士。
港島南區:最近嘅巴士站係鴨脷洲邨,與鴨脷洲邨利澤樓站,兩者相隔一個燈位
有冇試過跑幾多秒到?
華富邨華泰樓同華富(南)都勁近😂
@@chuckyching6862 無🤣
出入西貢既響鐘、南圍、窩美都好近
咩巴士路線
9:48 辛苦攝影哥哥 成件tee都濕晒🙏🏻👍🏻
佢哋真係好辛苦㗎!
Cam man最快!!
我以前住沙田成日會係銅鑼灣追巴士,正常我係SOGO門口果個站上車,但如果咁岩走車,就會跑去下一個站,佢下一個站係世貿中心海邊果個門口,因為佢依馬路行要兜個大圈,仲要有幾個燈位,而人行係可以穿過駱克道同世貿中心,所以係會快過架巴士 ^^ 我次次都追到
補充一點:
阿公岩道往鯉魚門公園
係同一路線兩個上客點最短行車距離的巴士站
如果計算行人距離就大把站更近
應該叫主持試吓兩個最長行車距離巴士站
E43由曾梅千禧學校去青馬收費廣場
足足43公里
最重要係 8月中路線改道就冇得玩
43公里?????
嘩 呢個真係好長!
@@chuckyching6862 留名等睇你跑!
阿公岩道主要係比下面明華大廈居民用,而鯉魚門公園個站就比上面居民用,所以話雖近,但其實兩個站serve 兩個地方個客,不過而家明華上面個位已經起左個大型屋苑香島先好似攪到兩個站都係serve香島居民
@@yiuming110583 同埋個站又上移左
石澳個巴士站真係好靚,但係二級其實業主要賣要拆,一樣係無保障……
我成日都覺得鄉村郊外呢啲巴士站嘅凳唔係畀人坐嘅……
有啲兜路路線你喺呢個站miss左真係可以行去下個站截返架車。
希望巴士繼續服務大家,唔好畀鐵路獨佔……
喺美國部分城市嘅巴士中途站,系有指定開車時間,即就算巴士早到站都吾會提早開走,所以只要乘客喺指定開車時間前到站,都一定可上車,吾會送車終。😊
其實香港也是跟時間表由總站出車, 只是班次多太長, 費事印出來貼在站牌上
德國都係,香港嘅A41晨早由黃泥頭開嘅特別班都係,早咗到愉翠苑都係會等到正常時間先再開車
清河邨部分路線都會咁做
將生活身邊咁普通嘅事物拍得咁有趣味 好嘢!
2:45 中巴不是新巴的前身, 中華汽車有限公司成立於1923年,由顏成坤創立。新世界第一巴士服務有限公司(新巴)由香港新世界發展有限公司與英國最大地面運輸機構第一集團(FirstGroup Plc)合資。是兩間不同的公司。
可以話係前身嘅,因為中巴執笠啲巴士線由新巴接手哂
其實算係前身黎個陣就算巴士都係改左個logo就照用番,員工都係用番個班,我老豆就係其中一個
中巴未執笠的 而且唔係所有巴士線新巴接手晒
中巴結束專利巴士服務後,仍然提供港運城至北角政府合署的非專利巴士服務,直到2015年
港島有架85號,佢阿公岩村道有時會改得同下一站超近,同你地試118果個站位置好近,仲要係跑平路。
榮仔好跳脫🤣🤣好正
希望可以拍多啲呢種題材!我都日日搭巴士返學,不過冇留意細節XD
😎哈!先要補充一下,重有🚌大嶼山巴士公司!而兩站最近而平路算係大嶼山既"水口村站"啦!都係幾十米內!🚌中巴衰落期另一垢病係"✈飛站+甩班"🦿!果時期一條線車長每日有規定走幾多轉數,所以會跑快飛站"交數",👨👩👧👦然後集體"開局"🤼♀打牌、吹水🥂玩樂啦!其實點解🚎巴士會係好多人回憶?因為好多做👶細佬時,都鍾意坐上層最前窗口位🙉睇野好正!亦係又平又方便🚠"觀光車"咯!
Chucky 好fit,造型好靚👍
耶~你哋講嘢真係好鬼中肯❤️
石澳個站真係好靚
今集好好笑
尤其在 8:33 追巴士
可以試下請主持做多啲無謂挑戰
資料豐富又好好睇
呢個天氣拍戶外...睇見都熱!
辛苦曬👏
成日覺得 廣華醫院 同 油麻地消防局 兩個站己經都好近
同意,每次搭巴士停呢兩個站都好奇怪…
因為廣華醫院要方便應診 或 行動不便的人仕
對港島人黎講 九龍新界啲站真係濕濕碎🤣
可能想方便去旺角啲人掛🫠廣華行去旺角會近啲
睇得出拍得好辛苦。拍到口罩都濕曬。加油啊💪🏻
因為天氣好熱同走咗好多個巴士站!但好開心!
大斜路多站係因為要另巴士減速,分段停車唔會比巴士直沖到底
chucky同阿榮會唔會太cute
cam man都跑到件衫濕哂
天氣咁熱真係辛苦哂
真係辛苦晒攝影師!
好想同榮仔瘋狂行巴士站!
Btw辛苦晒我哋成隊crew❤️
榮仔好互動👍
柴斜明華大廈、鯉魚門公園呢兩個站,成日都希望乘客揀其中一個站落😅
應該係阿公岩道同鯉魚門公園,目測30米🤣
根本停咗”明華大廈”站嘅路線就應該飛咗”阿公岩道”站,直接上去停”鯉魚門公園”站
「明華大廈」現時只有新巴的線會停站
「阿公岩道」也是城巴, 九巴東廊線 落柴斜第一個站
這2站也是很多筲箕灣居民因多條柴灣特快(118, 780, 8) 之利就下車,
這比以筲箕灣作總站的車, 如102, 2X, 720, 更快返到筲箕灣的住所, 因為都不用兜多15-30分鐘的電車路, 尤其是102
其實行東廊車第一站係阿公岩 唔會停明華大廈,咁多巴士落東廊要入兩條線埋站其實好危險,明華大廈主要係比筲箕灣道既巴士停,所以而家都只係得8號會落完東廊停明華大廈
@@rhine123456 因為以前8號由筲箕灣道上柴灣道,唔係由東廊上!
依家最近應該係20A啟德天寰-天寰(對面街),直線距離20米,巴士就要行個迴旋處,人就慢慢行過馬路都快過佢
我還以為是286X的美輝街站和美全樓站, 一個在紅綠燈前, 一個在紅綠燈轉L彎後
@@cheungcheung6259 呢個都算正常,可能個灣大
唔講唔知原來有兩個天寰站,不過第二個天寰99.9%都唔會有人落,要落都係第一個天寰落曬,隔離無建築物,想去德朗邨都有德朗邨站
103 蒲飛路總站出去蒲飛路分站🌚
S64嘅國泰城,國泰城,國泰城同國泰城站都好近㗎
真心配服港島區巴士司機, 半山山路灣多路斜燈口多, 斜路起動技術更勝一籌
Chucky係MM歡樂小姐
🤣🤣🤣 呢個名好笑 多謝你!
依家九巴巴士站嘅站柱都安裝咗太陽能燈,夜晚有燈方便大家睇站牌
其實以前下面個站並唔係呢個位
個站叫得亞公岩道就梗有原因
Chucky講啱咗一半
個站的確係因為太近香島個停車場入口
以前未起香島既時候
位置正正就在個出入口外面
原意係讓明華大廈既居民使用
而叫「明華大廈」在燈口前個站
因為同東區走廊出口太近,又太細
主要是由筲箕灣電車路上嚟既路線才停
所以個站搬上咗
雖然只係4,50米左右
反而係令所有明華大廈居民
落車行多咗
佢地係講緊上面鯉魚門公園個站呀
@@yuh7618 上面個站一直都係比渡假村同學校用咁多年黎無郁過,係下面個站搬上左先令到兩個站咁近
26號,文武廟到荷李活華庭只有二三十米
自己見過嘅最短距離巴士站,可能係龍翔官立中學至黃大仙站。
mm我係一個巴士迷嚟㗎好多謝你哋出呢一件呀
柴灣道還兩個極近的巴士站,我每天都乘車經過,其實保留只『阿公岩道站』那個便可以,這可以招呼明華大廈一帶住宅,
『鯉魚門公園站』更本無存在必要,因為前少少斜路頂已有『大譚道』站。
街坊🙋試過有次瞓過龍,本身要阿公岩道落車但閂咗門先醒,好掹憎諗住有排都返唔到屋企準備等下個站落車,點知未行到車門架車已經已經埋站😂 平時唔會搭上去,第一次知道兩個站黐得咁埋即刻嬲咗, 因為其實阿公岩道個站係太高,超唔方便。
佐敦道碼頭是在渡船角,不是在柯士甸站,現在柯士甸站上蓋以前是政府建築物
段片講巴士總站。他講的佐敦道碼頭(巴士總站)的確在柯士甸站
好鐘意Chucky, 超型!
7月影片統計:
Pheobe ×3
Chucky ×2
Sam ×2
Sa ×3
京 ×2
Apple x1
Manyi x3
Natalie x3
YoYo x1
Man x1
牙朗 x1
---------------
系列方面:
Weekly-pedia ×3
美味道來 ×1
旅遊止癮 ×7
牌子嘢 ×4
Pantry有嘢斟 x2
700萬種生活 x3
700萬種聲音 x2
試一次 x1
無聊
@@HahaHongKong 神魔呢啲轉珠game都好無聊,點解你又玩既
@@Noname-nu4nv 已幾年冇玩
港島區8號巴士往杏花村方向,祥達中心站至柴灣工業村、祥利街的距離也很短。
因為柴灣工業站個位系紅綠燈😂😂😂😂
8:53 係唔係得我先留意到左邊架林寶堅尼
16:43 變咗生活小貼士,好似唔少人唔知巴士要揚手截車咁(或者純粹老馮等其他人做)
全程睇緊架林寶
拍還拍,咁鬼熱咁跑小心中暑,辛苦曬
欣賞MM嘅創作~講公共交通真係唔容易~民生相關之餘亦好多歷史意義,
假如可以訪問熟悉香港交通歷史嘅行家、planner , 呢條片嘅效果可以好唔同,而且內容可以有唔同延伸,例如油麻地小輪興盛嘅時代專題…渡輪歷史….那些年未有過海隧道,好多人都係搭船過海再轉巴士…所以MM 加油呀!等睇離島渡輪專題
都係香港巴士最靓最精彩
你地後面部林寶堅尼跑車好搶眼 🤩🤩
同林寶賽跑XDD
2A 北角琴行街同港運城兩個站可能得100米,可能平路最近
以前105西環→荔枝角,當巴士到美孚,若車上冇人,不入荔枝角,由美孚即返西環。
梗係藍田基孝中學同康田苑啦...
近到報站都反應唔切😂
柴灣斜嗰兩個站係有原因㗎,下面嗰個係比啲居民,未起豪宅之前係有個屋苑㗎;上面嗰個係比鯉魚門渡假邨,同埋入面間學校啲學生用㗎。
利申:喺嗰度讀書嘅聖巴仔。
以前叫藹寧園,有趣的是,英文名同宜家嘅香島,差唔多一樣
寧波街同九龍中央郵局之間如果撞正架巴士停晌逸東酒店個燈位,而另一邊轉角斑馬線咁啱綠燈嘅話用跑嘅多數可以追到
兩個辛苦晒
說起接車尾
如果在小西灣藍灣半島總站, 西灣河嘉亨灣總站接車尾
你如果想追車是可以: 藍灣半島就跑去曉翠街巴士站, 出柴灣方向那邊,
西灣河嘉亨灣 就跑返內陸, 有電車的筲箕灣道近聖十字徑
這樣應該追到, 因為巴士點都慢過你跑到去
😂😂😂😂
會唔會遲d做下電車站系列,話晒應該係全香港最老的交通工具
可以考慮下!
電車已經有118年歷史囉…
以前中巴佬:站長!幫我兩轉車(濃縮)為一轉!早啲收工!
柴斜3站最主要係服務居民之外, 仲服務3間中學, 亞公岩服務慈幼, 鯉公服務筲箕灣東官立, 大潭道服務筲箕灣官立, 不過之後筲箕灣東官立會搬去安達臣道, 可能就會整合
我試過見過有D巴士站太貼近樹蔭草叢,見過有一次係西貢見到大大隻蜘蛛倍你等巴士,隻蜘蛛有成隻成年男人手掌咁大隻
最近巴士站,我諗海怡站到西村仲近,應該慢行30秒,跑唔洗10秒
藍田啟田道近基考中學,先至係最短距離既巴士站呀😂
靚女MM
拍多啲。
點止快過巴士 直頭快過林寶
咁熱都跑,仲要兩轉,勁!夠專業!
mm第三段有關巴士嘅片!?
chuck色呀chucky😂
因為巴士真係同我地息息相關!
Btw 個個都講Chuck色 變咗口頭禪🤣
182(往中環港澳碼頭)同682B在第一城附近有兩個站,它們在第一城總站和置富第一城設站,我不明呀!
新巴下年冇啦
其實都預咗㗎啦⋯⋯
Daaaamn Chucky is fineeeeeeeeee
Very interesting subject . Never thought about it . 👍
榮仔氹到Chucky好開心🤣🤣🤣
九巴 42 / 45 / 46
清麗商場《 》清麗苑 都好短距離
試過追720 由高山台同太古城中心 距離用跑10-20秒到 好近的巴士站
個男仔氹得Chucky好開心 😂😂😂
龍翔官立中學同黃大仙站都好近
視乎路線,有啲可以好近
屯門豐景園至翠寧站距離很近
細個屋企搬屋,由大角咀搬左去大埔,日日都要搭72號返學,當時又冇冷氣巴,真係好伸苦,記得坐上層,仲要好多人食煙
原價4個8,學生搭半價好以2個4
希望拍多的香港奇景,好好睇咖。
廣華醫院去油麻地消防局仲近
好有趣
香港真系好靓!
Chucky 由朝拍到黑,仲要咁熱,辛苦你同拍攝團隊了!
下次可以考慮下拍街市,因為街市係整個城市的縮影,特別係路邊的寶靈道,香港的太原街等等~~
12:00 附近安達臣道>馬游塘村!跑落去仲快過巴士!🤣🤣🤣
九龍KMB巴士站,,11號巴士去九龍站,在土瓜灣馬頭圍道,方向尖沙咀的馬坑通道站和上瓜灣上鄉道站,距離都非常很近,估計都是60米左右。
closest stop should be Robinson road bus 23 ying wa to peaksville
一向都鐘意搭巴士多過黨鐵!一程到,唔使轉嚟轉去,沿路又可以睇吓風景!同埋長途車可以恰下😂黨鐵恰下好樣衰架麻!
其實超想知阿公啱道落斜果個站點解每架巴士都要必須停嘅呢?試過個站冇人啲巴士都會停架喎!由細細個小學到而家都未搵到答案!🧐🧐
因為嗰條柴灣道又長又斜又S灣,主要讓巴士司機在該站埋站(無論有沒有乘客上落)以減慢下行車速保障乘客安全。另外該個站牌上是有掛住個指示牌指明“所有巴士必須停靠此站”
Thanks!
7:16 那個人這樣過馬路很危險
有個巴士站更短,係85號巴士,由九龍城碼頭開出,第一個部去第二個站跑平路二十秒就到,有機會樓主去實測下,啱的話就讚賞下我
最短巴士站 應該係n216號線 向油塘方向 眾坊街 下一站去文明里
見意玩下8号往杏花邨,柴灣工廠邨,同前一個站仲近過香岛站。
青磚圍往泥圍巴士站,相隔少於50米(試巴士53號,往元朗方向)
火炭嘅銀禧花園同火炭站(88K往顯徑方向)我試過跑過去30秒左右,不過要過一條馬路,仲有214線往長沙灣寶達邨同仁達樓巴士站只差一程電梯仲會有分段收費平$0.8,同5線往尖沙咀方向富山總站同富山邨行前少少已經可以平$0.8,同15A康田苑同基孝中學都好近,最後一定要講85線明華大廈嗰幾座距離好近
成條阿公岩咁長來回各3個站唔算密啦
但係有一兩個距離好近