簡易食譜分享第4️⃣2️⃣集➡️羅漢果陳腎陳皮西洋菜湯

首先多謝再次耐心收看我嘅分享片
今日除咗有片睇之餘，我又有功課交俾大家，係關於羅漢果嘅。點解咁specific 介紹羅漢果呢？ 係因為我早前喉嚨痛，而且失哂聲。呢個期間，我飲用過羅漢果茶，的確係有少少幫助，喉嚨得到少少嘅舒緩。我提議大家平日可多飲用以羅漢果煲嘅湯水或茶，對喉嚨有補健作用。
羅漢果嘅顏色除咗有常見較深色嘅，亦有另一隻淺色嘅。大家稱之為「金羅漢果」，剩係睇有個「金」字都知佢係貴d啦😂。
深色羅漢果同金羅漢果其實都係羅漢果，只係兩者採用不同技術製作，以至每佢哋嘅味道，色澤同功效有所不同。
深色羅漢果以高溫烘乾製作，所以外殼呈深色，味道較甘甜。由於以高溫烘乾，羅漢果嘅維他命C同營養係會流失得較多。
金羅果則以低溫真空脫水製作，所以外殼呈金黃色。味道方面比起深色嘅羅漢果清甜。由於以低溫脫水製作，營養同維他命C可以keep得住，所以價格會貴一d.
我比較喜歡用深色嘅羅漢果煲湯，而金羅漢果我覺得用嚟煲羅漢果茶會啱d. 當然金羅漢果都可以用嚟煲湯，視乎閣下口味而定。
如果飲用羅漢果茶，我會加多一角陳皮同無花果一齊煲25~30分鐘，效果更佳。
希望大家喜歡我嘅分享同like我嘅分享片，多謝大家耐心收看同支持🙏🫡。
#伽家廚房
#多倫多自家製美食
#羅漢果陳腎陳皮西洋菜湯
#適合冬天飲用嘅湯水
#清熱降火
#滋潤喉嚨
#健脾消滯
#絕對唔係例水咁簡單
#羅漢果俗稱神仙果