كل شيئ عن اللانسر البومة Lancer Glx Hand Brake
HTML-код
- Опубликовано: 8 сен 2024
- بسم الله الرحمن الرحيم
السلام عليكم و رحمة الله
سمعنا كتير فى السوق المصرى عن اساطير السيارات منها تويوتا كورولا الجمل و مرسيدس زلموكه و الشبح وغيرها كتير من الاساطير اللى ليها اسم مميز عند الشعب المصرى و العربى وده بسبب حبهم للعربيات دى .
النهارده هنقدم واحده من الاساطير دى و هى ميتسوبيشى لانسر GLX او المعروفة ب لانسر البومة
تبعوا معايا ولكن بعد الفاصل
لانسر من انجح العربيات اللى انتجتها شركة متسوبيشى اليبانية و على مدار 10 اجيال و مستمره حتى الان
بداية من 1973 للجيل الاول
الجيل التانى من 1979
الجيل التالت من 1982
الجيل الرابع من 1983
و من اول ظهور للجيل الخامس سنة 1988 بدء المصريين يطلقوا الاسماء عليها و الجيل ده عرف باسم لانسر عيون صفيه
الجيل السادس من سنة 1991 سمى باسم لانسر بطه
و الجيل السابع من سنة 1995 باسم لانسر كريستالة
و الجيل التامن من سنة 2001 كان مختلف شوية لان الجيل ده اتغيرله كذا شكل او بمعنى اصح اتعمله كذا Facelift
بداية من 2001-2003 سمى بالانسر المكواه و من 2003- 2014 وده اللى حلقتنا علشانه انهارده سمى بلانسر بومه
و الجيل التاسع و العاشر اللى ممتد حتى وقتنا الحالى سمى لانسر القرش او لانسر شارك
نرجع بقى للانسر البومه اللى زى ماقولنا قبل كده هى مجرد تغيير شكل فقط عن الانسر المكواه لكن نفس قاعده البناء و الصالون مع اختلاف فقط المواتير المتاحه
فى الاول البومه نزلت بالشكل ده كان الفوانيس و الشبكه ماشيه مع الاكصدامات و بعد كده الاكصدام الامامى برز شوية عن الفوانيس بعد كده اتغريت الشبكه الاماميه للعربية و اصبح شكلها رياضى اكتر و اجمل عن الاول
العربية اتقدمت بموتورين فى مصر موتور
1300 سى سى 88 حصان 120 نيوتن و موتور
1600 سى سى 106 حصان و 150 نيوتن عزم 16 صباب و 1 كامه فقط للموتورين و بنظام حقن و قود انجكشن
وخزان وقود يسع 50 لتر ووزن العربية 1250 كيلو
وكانت بتتقدم بخمس فئات مختلفه
فئتين بينزلو بموتور 1300 سى سى واحده مانويل و التانية اتوماتيك
و 3 فئات بموتور 1600 سى سى كلاسيك و هاف سبورت و سوبر اكشن
ودى النسخ اللى بنزلنا مصر بره بتنزل بامكانيات اكتر من كده مثلا 4 Air Bags مش 2 و زياده فرامل EBD و مواتير متاحه اكتر من اللى بتنزلنا و حاجات تانيه كتير
ومن اهم النقط اللى موجوده فى العربية فتيس العربية الاتوماتيك
بالنسبة لنسخ ال 1300 سى سى الفتيس الاتوماتيك 4 سرعات عادى جدا اللى احنا بنسميه الفتيس العدل مش المدرج
لكن بالنسبة لنسخ ال 1600 سى سى الفتيس الاتوماتيك فيها من اول ظهور العربية فى السوق المصرى لحد 2009 كان فتيس CVT فتيس من رائى ممتاز سلس جدا فى النقلات عمره الافتراضى طويل جدا لو محافظ على صيانته لكن عيبه انو استجابته فى السحب بطيئه شوية و ده مش مناسب للناس اللى بتحب تجرى و تشد بالعربية لكن فى حل لما تحط الفتيس على DS او Drive sport mode بتلاقى اداء مرضى جدا للعربية مع ان ده بيقلل من عمر الفتيس
و الاهم انك تهتم بصيانته و انك تستخدم الزيت المناسب للفتيس لان معظم الناس بتستخدم زيت اوتوماتيك عادى وده بيسبب ضرر كبير جدا للفتيس و بننصح باستخدام الزيت الاصلى من شركة متسوبيشى و هو AFT SP III و هتلاقيه مكتوب فى كتالوج العربية و على مقياس الزيت لكن عيب الزيت ده انه غالى جدا فى بدايل ليه فى السوق المصرى لكنهم مش بنفس كفاءه الاصلى و 1. بديل هو زيت Mobil ATF 320
2. Shell Spirax S3 ATF MD3
3. Hyundai & Kia ATF SP-III
لو مش هتسخدم الاصلى خليك فى زيت كيا و هيونداى نقدر نقول ده البديل الاصح لتغيير الزيت وده عشان الفتيس CVT للاسف لما بيحصل فيه مشكلة مش بيتصلح وده تصريح من شركه متسوبيشى نفسها لو حصل حاجه لاقدر الله بيتغير كله للاسف عشان كده بنحاول نعمله احسن صيانه ممكنه عشان يعيش معاك
و عشان الناس اللى بتحب الجرى متزعلش فى سنة 2010 نزل الفتيس الستيبترونك 4 سرعات و كان ادائه ممتاز بشهاده ملاك العربية
و صالون العربية بيتميز بالبساطه و لكنه مميز جدا ومسابق عصره فى سنه انتاجه سنة 2001 لان كان نفس الصالون اللى نزل فى اللانسر المكواه
خامات بلاستيك لكنه طرى بيديك احساس الرفاهيه وفى نفس الوقت مطعم بالابانوس و ده اللى بيجمله اكتر
بالنسبة للجلوس داخل الكبينه , الصالون واسع نسبيا بيشيل 4 مرتاحين جدا و طفل صغير نظرا لوجود نفق فتيس فى العربية
لكن فى المجمل القاعده مريحه جدا و ده نتيجه تصميم قاعده العجلات ال 2 متر و 60
بالنسبة لشنطه العربية شنطه حجمها 430 لتر مش كبيره قوى يعنى تقدر تقول متوسطه
نيجى لعفشه العربية المميزه فى الفئه دى
عفشة اماميه Macpherson و نظام فرامل ديسكات
و عفشه خلفية Multi-link ودى دايما بتبقى فى الفئه العاليه من العربيات انا تبقى موجوده هنا بيميز العربية و فى نفس الوقت بيعزز من ثبتها و نظام فرامل خلفى طنابير
و فى نقطه مهمة جدا فى الانسر السوبر اكشن ان العفشه الخلفيه فيها بتنزل بعمود اتزان بيفرق كتير فى ثبات العربية من الخلف و ممكن يتركب عادى على الفئات التانيه زى الكلاسيك و الهاف سبورت
معلومات جميله جدا شكرا ع مجهودك
جزاكم الله كل خير.
شرح مبسط وجميل تسلم
حبيبي يا بوده تسلم
ممتاز جدا استمر
حبيبي يا عم خالد
احسن حاجه الشرح بسيط
تسلم يا غالي
ممتاز استمر
الله عليك يا اسطورة
حبيب قلبى تسلم
جميل استمر
تسلم يا غالي
ممتاز
تسلم حبيبي
الانسر البومة اتومبيل عفى والكل يشهد له بكده
سلام عليكم يافندم عايز اعرف نوع فتيس لانسر بومه 2008. 1600 سيسي. اتوماتيك.
cvt
👏👏👏👏
تسلميلى
اعتقد تنك البنزين ٤٥ لتر وليس ٥٠ ..عموما شرح كويس
3aaash
تسلم يا غالي
ابحث عن نظم الكهراب النسر البومه
ممكن اسئل تحويل الانسر بوما من مانيول لاوتوماتيك فى مشكلة ولا لا
على حسب المركز اللى هيحولهالك بس نصيحه بلاش هات واحده اتوماتيك فبريكتها كده احسن
تمام شكرا
عاوزين فيديو تفصيلي عن فئات بومه 2006
2006 زي كل الموديلات مفيش فرق غير نسخ الاوروبي و الخليجي فقط
@@handbrake1956
بيفرق اي عن المصري معلش عشان انا بشتري عربيه تقفيل مصري من واحد صحبي
@@Abdelwahedomar الخليجى بيبقى فيها فرامل EBD زياده عن ال ABS اللى موجود اصلا فى فئه الكلاسيك و طالع و الاوروبى زياده عن الخليجى 6 ايرباج مش 2
@@handbrake1956
بس هو دي الاختلافات لكن البودي والتقفيل بتاع العربيه والخامات واحده
وهل ينفع اركب abd للعربيه
@@Abdelwahedomar كلو واحد لكن للاسف معرف ينفع تركب EBD ولا لا لازم تسال مركز متخصص
هو فيه مانيوال ف النسخه ال ١٦٠٠؟
موجود بس قليلة شوية
فيديو ممتاز .. كنت حابب اعرف ايه الفرق بين الخليجي والعادي .. يعني بلاقي اعلان عن بومه 2010 خليجي .. و 2012 خليجي .. هل بيكون مميز عن المصري في شيء ولا مسميات فقط ؟
فرق فى الصاج و النسخه الكامله فيها EBD غير اللى بتنزلنا مصر اخرها ABS بس
و شكرا لذوقك و كلامك الجميل و يارب تلاقى العربيه اللى بتدور عليها باذن الله و لو بتحب السرعه و سهوله الصيانه خليك فى موديلا 2010 و طالع اللى فيها الفتيس الستيبترونك