Абай облысында Семей орманын қалпына келтіру жұмыстары жалғасып жатыр

БІЗДІҢ RUclips АРНАҒА ТІРКЕЛІҢІЗ: / @informburo31kanal
---------------------------------------------
Абай облысында Семей орманын қалпына келтіру жұмыстары жалғасып жатыр. Бұл жолы Бесқарағай ауданы Жыланды ауылының маңында алпыс мыңға жуық қарағай көшеті отырғызылды. Облыс тұрғындары да «Таза Қазақстан» республикалық акциясына белсене қатысуда.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Бүгінгі шығарылымда:
"Семей орманы" табиғи резерватының «Жаңасемей» орман шаруашылығында мыңнан астам адам жас өскін екті. Түрлі ұйым қызметкерлері, колледж және жоғары оқу орнының студенттері 12 гектар алқапқа қарағай ағашын отырғызып, орманды көркейтуге бір кісідей ат салысты. Акцияға кезекті мәрте қатысқан аймақ басшысы Нұрлан Ұранхаев бұл бастаманың басты мақсаты - орманды сақтау екенін атап өтті.
НҰРЛАН ҰРАНХАЕВ, Абай облысының әкімі:
- Бесқарағай ауданында осы «Таза Қазақстан», «Жасыл аймақ» деген акцияларымыз жалғасуда. Бір реттік акция емес. Қазір тал егіп жатырмыз. Қала, аудандарымызды көркейтіп, абаттандырып, тазартып дегендей. Осындай жұмыстар жыл сайын өтеді. Себебі бізге жаңа мәдениетті, жаңа менталитетті құрып қалыптастыру керек деп ойлаймын.
Биыл резерват аумағындағы 6100 гектар жерге 28 миллион 700 мың көшет отырғызу жоспарланған. Бұл жұмыс екі кезеңді қамтиды. Мәселен, көктемде 5 мың гектардан астам, ал қалған 961 гектарға күзде қарағайдың жас өскіндерін жерсіндіру міндеті тұр.
БОЛАТ БЕРЕКЕНОВ, «ЖАҢАСЕМЕЙ» орман шаруашылығының директоры:
- Бұл орманшылар үшін үлкен көмек болып жатыр. Алғыс айтамыз. Қанша жастар, ұжымдар келіп қарағайлы орманды қалыпқа келтіруге өлшеусіз үлес қосуда. Орманшылар өздері де мұндай жұмыстарды үздіксіз жүргізеді. Бірақ бір мезетте үлкен алқаптарды осылай көп болып қамту өте тиімді. Қолмен мәпелеп отырғызылған көшеттер 90 процентке дейін тез тамырланып, өсіп кетеді.
Арнайы техникадан гөрі өскіндерді қолмен отырғызу өте тиімді дейді орман шаруашылығының мамандары. Ал жалпы «Семей Орманы» резерваты 2025 жылға дейін 119 миллион қарағай ағашын отырғызуды жоспарлаған екен.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық