Mustafo - Bomdodimga chorla

Bomdodimga chorla…
Jannat tomon otlandik yo’lga,
Safar uzoq, to’siqlar to’la.
Nafsim yengib, solib qafasga,
Bomdodimga chorla, qoriyam!
Bilasan, uyquga tashna tan,
Lekin, ruh uchun hidoyat shan.
Qalbimda porlasin sakinam,
Bomdodimga chorla, qoriyam!
Barokat yog’ar vaqtdan boshla,
Qo’l duoda, ko’zlaring yoshla,
Namoz ila g’aflatni tashla,
Bomdodimga chorla, qoriyam!
Mening uchun insofni so’ra,
Iymon, taqvo, halolni so'ra.
Kibrdan panoh, salimlik so'ra,
Bomdodimga chorla, qoriyam!
Alloh bizni kutyapti, degin,
Sunnat bizga dastyordir, degin,
Taxtim - siz-siz, solihim, degin,
Bomdodimga chorla, qoriyam!
Qalbing doim oromda bo'lsin,
Tilingni ham zikrga bog'la,
Amallaring savobga to'lsin,
Bomdodimga chorla, qoriyam!
Kerak emas bizga oltin, zar,
Iymonni ol, uzoqdur safar.
Shu yetadi, kerakmas zafar,
Bomdodimga chorla, qoriyam!
Bizning sevgi ¬- Robbimiz uchun,
Yo’limiz bir, qalblar ham butun.
Alloh rizo bo’lishi uchun,
Bomdodimga chorla, qoriyam!
Bizning ishq - yozilmagan doston,
Har lahzasi go’zal guliston,
Tongi birla yangraydi azon,
Bomdodimga chorla, qoriyam!
Senga bitta tarifim yetmas,
Isming hech ham hayoldan ketmas,
Budilnik ham turg’aza olmas,
Bomdodimga chorla, qoriyam!
by Mustafo
for Someone