اقوي تعديل لتقليل مساحة نسخة الويندوز ( تقريباً نصف المساحة )
HTML-код
- Опубликовано: 1 окт 2024
- أتمني تكون استفدت من الفيديو ومتنساش لو عجبك الفيديو تشترك في القناة
دعمك للقناة ومشاركتك للمحتوي شئ لا يقدر بثمن وتمنياتي لك بكل التوفيق
رابط تحميل NTLite
www.ntlite.com...
رابط تحميل Winreducer
www.winreducer...
لاحظ نقطة مهمة جداً في حالة تطبيق التعديل علي ويندوز 11 :-
في ويندوز 11 البوت بيفسد بسبب حذف الWinSxS من البوت
الحل : في خطوة Winreducer قمنا بوضع علامات علي 4 اختيارات في صفحة WinSxS
لتفادي الخطأ لا يتم وضع علامة علي الإختيارين الذي بأخرهم كلمة (boot.wim)
فقط يتم وضع العلامات علي الإختيارين الذي بأخرهم كلمة Install.wim
او بعد الإنتهاء تستبدل البوت الي بوت ويندوز 10 , أيضاً حتي تتخطي متطلبات ويندوز 11
• افضل طريقة لتخطي متطلب...
رابط فيديو افضل واسهل تعديل علي ويندوز 10 و 11 , تقدر تعرف من خلالة اذاي تدمج التحديثات واللغات
• أفضل و أسهل تعديل علي ...
لو عايز تسأل علي اي حاجة بخصوص محتوي الفيديو اكتبلي في التعليقات
-------------------------------------------------------------------------------------
❤ لدعم المحتوي ❤
ko-fi.com/ankh...
paypal.me/Saee...
saeedmokbel@instapay
-------------------------------------------------------------------------------------
✔ تقدر توصل لمحتوي اكتر وتتواصل معانا من خلال منصاتنا الرسمية ✔
Discord : dsc.gg/ankhtech
Facebook : / ankhtech2
Telegram : t.me/AnkhTech2
-------------------------------------------------------------------------------------
#ankhtech #انخ_تيك
في معلومة حابب اضيفها بالنسبة لبرنامج ntlite لما تيجي تحمل التحديثات طبعا لو ضغطت علي كلمة download مش هايحمل عشان لازم البرنامج يكون مدفوع بس فيه طرييقه اسهل هاتلاقي جنب كلمة download كلمه enqueue اضغط عليها بعد لما تعلم علي التحديثات الي انت عايز تحملها البرنامج اصلا بيكون معلم عل اهم التحديثات المهم لما تعمل كده البرنامج هايضف التحديثات ويحملهم اتوماتيك لما تيجي تيجي تدوس علي apply بعد لما تخلص تعديل الطريقة انا جربتها وحبيت اشاركها
كلام حضرتك مظبوط , للأسف انا مكنتش اعرف الموضوع ده أثناء تسجيل الفيديو , ولو اقم بالضغط عليها من قبل متوقعتش انها تكون شغالة
شكراً لك علي الإضافة , هي بالفعل اسهل من تحميل التحديثات في بعض الأحيان
متميز دائما ومبدع كالعادة يا هندسة
شرح ممتاز ومفيد لكن انا شخصيا بفضل نسخ الويندوز الاصلية المخففة من مايكروسفت مثل نسخ windows 10 enterprise ltsc التي تشتغل على الاجهزة الضعيفة بدون مشاكل ولاتستهلك موارد الجهاز...وتحياتي اليك ايها الاخ الكريم وشكرا على كل المجهودات واتمنى لك التوفيق والنجاح في جميع اعمالك باذن الله 💯💯👍👍👍👍👍👍👍👍👍👍👍👍💯💯
كلام حضرتك مظبوط , وكثير من المستخدمين يفضلون الإصدارات الخفيفة الصادرة من ميكروسوفت
مثل LTSC 2019 و LTSB 2015 و LTSC 2021
شكراً لك علي تشجيعك , كل التوفيق لك ايضاً والصفحة العافية
♥
بالحقيقة انا لا انصح بالوندوز المعدل او المخفف وقد جربت ذلك لان مثل هذه الوندوزات اداءها ضعيف وتفتقر للامان وتفتقد للميزات الاساسية
تمام انا فاهم قصد حضرتك
ولكن من فضلك لاحظ
متقدرش تحكم علي حاجة من تجربة واحدة
بمعني , لو افترضنا حضرتك معاك جهاز ضعيف وامامك اختيار من اثنين
اما ويندوز 7 , ولكن البرامج علية تعطي اخطأ ولا تعمل لانه ويندوز قديم وتم الغاء الدعم عنة
او ويندوز 10 معدل , ولكن البرامج تعمل علية صحيح انه يفتد مميزات تم حذفها ولكن الويندوز يعمل والبرامج تعمل
الفكرة هنا ليست الحصول علي جميع الخصائص والمميزات ولكن الحصول علي ما تريده فقط
بالإضافة , واضح اني حضرتك كان لك تجربة سيئة مع نسخة ويندوز معدلة , لاني بعض النسخ المعدلة جيدة , ولكن ليس جميعها !
الموضوع بيعتمد علي الي اي مدي الشخص الذي قام بتعديلها محترف
واخيراً ادعوك الي تجربة النسخة المقدمة من انخ تيك وتجدها علي الموقع الرسمي من خلال الرابط التالي , ربما تغير وجهة نظرك للموضوع
ankhtech.weebly.com/windows10.html
كامل تحياتي الي شخصك الكريم , وبتمنالك كل التوفيق ودوام الصحة دايماً يارب
@@ankhtech ربنا يباركلك يابشمهندس اتعلمت من حضرتك كتير
ممكن رقم واتساب لحضرتك ببقى عايز استفسر عن حاجات ومحتاج مساعدة ياريت تبعتلى
وشكرا لحضرتك
@@uask2010 اعذرني مش هقدر للأسف
حضرتك في حالة لو واجهت اي مشكلة تقدر تبعتها علي رسائل صفحة الفيسبوك
او من خلال جروب التيليجرام
او في حالة لو حضرتك عندك ديسكورد تقدر تدخل السيرفر وانا بكون متواجد معظم الوقت
@@ankhtech لحضرتك جزيل الشكر والتقدير ولايهمك
طب ممكن تبعتلى جميع لينكات التواصل مع حضرتك
Reserved storage عملت له disable ولكن بعد بعد التثبيت وجدته مستهلك 7giga
من وجهة نظري استهلاك 7 جيجا فقط ده رقم كويس جداً
@@ankhtech كيف الغي تفعيله بشكل نهائي
@@Alaa.891 تلغي تفعيله بشكل نهائي ده حاجة انا نفسي مقدرتش اعملها حتي الأن
وصحيح احياناً بتشتغل بدون اي تدخل من المستخدم
ولازم تطفي تاني
اعتقد اني في بعض خصائص في الويندوز لها تأثير عليها وبتشغلها
واعتقد اني عن طريق الصدفة في بعض التعديلات اللي عملتها
عن طريق حذف كم كبير من خصائص الويندوز , الويندوز وصل لمرحلة اني خلاص بقي مش بيشغلها
طبعاً انا مش عارف اي الشئ اللي انا حذفته ادي الي اني الويندوز مبقاش بيشغلها تاني خالص
ولكن احييك علي ملاحظتك وتجربتك في التعديل
لاني ده حاجة بتاخد وقت كبير ومجهود كبير وفي معظم الوقت بتكون النتائج غير مرضية
@@ankhtech اشكرك واحييك ايضا لموضوعيتك وشروحاتك الثمينة اساس ذلك
بلا زحمه عليك شلون احذف سجل استخدام تطبيقات مايكروسوفت بحيث مايجمع data ، من تدخل على app history ↞Task Manager التطبيقات اجمع data شلون اوقفه بدون حذف تطبيقات ، شكراا الك ع شرح ❤
اعتقد اني مش هتقدر , لازم تحذف التطبيقات علشان تتخلص من تجميعها للداتا
@@ankhtech شلون كدر يمسح مخزون تطبيقات معرف . data اكو بعض نسخ عندي مابيها تجميع
@@خرابيط-ي1د يبقي اكيد في طريقة بس انا مش عارفها حالياً للأسف
اخي الكريم انخ تيك ممكن كيفية حذف جميع اللغات الموجودة داخل ايزو او ملفات الويندوز و اترك لغة واحدة بس وشكرا
ده غير ممكن , طبقاً لواحد من قوانين التعديل وهو "التعديل يسير في اتجاه واحد" ده معناه اني ما تم اضافتة من لغات او تحديثات لا يمكن حذفة
شوف الفيديو ده عشان تفهم اكتر في التعديل علي الويندوز
ruclips.net/video/KM9ofsI3HEM/видео.html
THANKS
ممكن كريقة قفل الخدمات اللي ملهاش لازمة في ويندوز 11
عشان اكون صريح , هو مفيش خدمات ملهاش لازمة ,
هو النقطة اني كل Service بتعمل حاجة معينة , بعض الحاجات ده بيكون ملهاش استخدام مع معظم المستخدمين
المشكلة بتكون صعب تحدد اللي ممكن تقفلة بدون ما يأثر علي باقي الويندوز ويظهر اي اخطاء
الموضوع بيختلف من مستخدم لأخر
للأسف معنديش اجابة محددة اقدر اجاوبك بيها لاني الموضوع متغير
انا عن نفسي بفضل التعديل علي نسخة الويندوز قبل تثبيتها , لاني بيديك تحكم اكبر
معلش التعليقات كانت مقفولة عن طريق الخطأ
انا مش فاهم في ايه , التعليقات بتتقفل لوحديها علي الفيديو ده
سؤال خارج الفيديو هل في نسخك الويندوز 10 و 11 الhyperv مفعل مسبقا في الfeatures؟
@@fedsimohammed5256 مجربش قبل كده الموضوع ده
مش عارف حتي اذا كان لو تم تفعيلها بعد التسطيب هتلاقيها ولا هتحصل مشكلة وهتكون مفعلة ولكن مش ظاهرة
اعتقد اني الموضوع هيحتاج تجربة بنفسك عشان تقدر تعرف النتيجة
وممكن كمان تجرب تفعل الSandbox
وتشوف بعد تثبيت النسخة هتلاقيها شغالة ولا لأ
بقولك انا عملت نفس الي شرحته بالضبط لكن فيه مشكله عندي بسبب winreducer دلوقتي بعد لما بخلص تعديل علي ويندوز ١١ بال ntlite الأيزو بيشتغل عادي علي virtual box وبيتطسب عادي المشكلة بقا لما بكمل التعديل علي winreducer بحذف اب winsxs زي ما انت شرحت بالضبط بس من غير حذف ال winre الهم بعد لما خلصت عملت الايزو عن طريق ال ntlite وجيت اسطب النسخة علي ال virtual box ظهرلي الايرور ده autorun.dll was missing or corrupted المشكلة بتحصل في حالة استخدام ال winreducer بعد حذف ال winsxs عايز حل للمشكلة دي انا عملت نفس الخطوات الي شرحتها بالضبط ونفس المشكلة بتظهر؟؟؟؟
كلام حضرتك مظبوط البوت بيفسد في ويندوز 11
شكراً انك قولتلي
عشان تقدر تحلها قدامك حل من تلاتة
1 - اما تستبدل البوت ببوت ويندوز 10 ,
فيديو افضل طريقة لتخطي متطلبات ويندوز 11
2 - انك تستخدم بوت انخ تيك
فيديو بوت انخ تيك (افضل بوت)
3 - في خطوة WinSxS هتلاقي اني انا عملت علامة علي 4 اختيارات
الإختيارات ده , في منهم اتنين مكتوب في اخرهم كلمة boot.wim
الإختيارين المكتوب اخرهم boot.wim متحطش عليهم علامة
دول الإختيارين اللي بيفسدو البوت
عشان كده مكتوب في اخرهم boot.wim
المفروض التعديل ميفسدش البوت , بس للأسف برنامج Winreducer كالعادة بيعمل مشاكل ...
@@ankhtech متشكر جدا جدا ليك هاجرب وارد عليك
@@ankhtech جزك الله كل خير اشتغلت معايا
@@Mr.AdhaM1 مية مية
هو فولدر winsxs بتاع ايه ؟
و reserved storage ?
دى المفروض لو متفعلة بتعمل ايه ؟
فولدر Winsxs
هو الموجود فيه كل اختيارات الWindows Features
بالتالي بعد التخلص منة تصبح لا تعمل ولا يمكن التغيير فيها بعد تسطيب نسخة الويندوز
بالإضافة اني لازم يكون موجود عشان تقدر تثبت اي تحديثات او تغيير لغة واجهة الويندوز من الإعدادات
والReserved Storage
ده عبارة عن مساحة بيتم إقطاعها من المساحة الحالية وتظهر مستخدمة ولكن تكون غير مستخدمة
بمعني لو كانت مساحة جميع ملفات نسخة الويندوز بعد التسطيب 9 جيجا
ولكن تجد ان المساحة المستهلكة من بارتشن الويندوز حوالي 15 جيجا
اذاً كيف تكون المساحة المستهلكة 15 جيجا ويوجد ملفات مساحتها 9 جيجا ؟
تكون الإجابة علي السؤال , هذه الReserved Storage
اخذت 6 جيجا واظهرتهم متسخدمين ولكن هما غير مستخدمين فقط تم احتجازهم
بالتالي لما بتطفيها مش بيحصل كده , وتظهر المساحة بالظبط مساحة الملفات
في حالة لو الشرح مش واضح او مش فاهمة , قولي عشان اوضح اكتر
@@ankhtech تسلم يا هندسه طب معلش سؤال كمان كتر خيرك
هو ايه الخطوه الى بتخلى النسخه لا تقبل التحديثات بعد التصطيب ؟
حذف ال winsxs ?
@@Mohamed.Shosha. بالظبط حذف الwinsxs
هو اللي بيفسد التحديثات
بس خلي بالك , ليس فقط حذف الWinsxs
هو الوحيد اللي بيفسد التحديثات
ولكن أيضاً في تعديلات اخري ممكن تتعمل تفسد التحديثات
في الفيديو فقط حذف الwinsxs
هو اللي فسد التحديثات
@@ankhtech الف شكر و استمر قناتك حلوه فعلا و مختلفه و متعوب عليها بالتوفيق ان شاء الله
@@Mohamed.Shosha. شكراً لك علي تشجيعك , واتمني تقدر تستفاد من المحتوي
وبتمنالك دوام التوفيق والصحة يارب
النسخة دي نفس النسخة الموجودة بالموقع الخاص بيك؟
النسخة اللي انا بستخدمها علي جهازي الشخصي هي النسخة الموجودة علي الموقع الإصدار الUltraLite
النسخة التي تم إنشائها في الفيديو لم يتم رفعها علي الموقع , هي فقط للتوضيح في الفيديو
@@ankhtech ممكن رابط النسخة لو تكرمت و شكرا❤️
@@joangershe4187 دايماً تقدر توصل لكل المحتوي المقدم من خلال الموقع
وده صفحة النسخة علي الموقع
ankhtech.weebly.com/windows10.html
جهازي i3 جيل الثالث
الرامات 4
و كرت الشاشة intel 4000
اي نسخة مناسبة لجهازي استاذ؟
@@joangershe4187 يفضل انك تثبت
SuperLite + Windows Defender
او لو هتثبت مضاد فيروسات اخر مثل افاست يبقي هتثبت
SuperLite
عموماً هو مفيش فرق كبير ما بينهم
الإختيار يرجعلك في كل الأحوال
شرح ممتاز جزاك الله كل خير
عاش عليك والله استمر
لا يوجد محتوى عربي في تعديل الويندوز يستطيع يصل للمستوى العالي هادا شكرا لك
يافندم ده رأي انا فرحان جداً بيه , ده معناه اني بقدم محتوي مفيد
شكراً لك علي تشجيعك وبتمنالك كل التوفيق والإستفادة
لايوجد محتوى مثل محتواك كلهم نسخ ولصق لايوجد ابداع انا احييك لهادا المستوى العالى ❤
الله ينور عليك بارك الله فيك شرح رائع
كويس اني رجعت وكتبتلي تعليق , عشان انت عارف التعليق بتاعك مهم بالنسبالي , بستناه كل فيديو بنزلة 😁
متشكر جدا ياريت تعمل نفس الشرح بس عن ازالة البرامج بحيث تكون افضل واخف ولو فيه مثلا درايفرز ممكن تتشال معاهم
فهمت قصد حضرتك , تمام حاضر هحاول
تسلم ايدك .........يا ريت لو في شرح للنظام الوهمي اشغل العاب عليه
تشغل العاب علي النظام الوهمي , ده ليس الغرض المخصص له
هو الغرض المخصص له اني مثلاً تجرب نسخة ويندوز
تجرب مثلاً برنامج
لو انت مثلاً مبرمج بتعمل برامج او سكربتات , تقدر انك تسطب فيه اكتر من نسخة زي ويندوز 7 و 10 و11 عشان تجرب الحاجة بتعتك عليهم وتتاكد انها شغالة تمام
لكن تشغل العاب معتقدش انها هتكون فكرة عملية , ممكن تشغل لعبة بسيطة زي Solitaire او Mine Sweeper
لكن لعبة فيها جرافيك وبتحتاج كارت شاشة مش هتشتغل وهتظهرلك ايرور لاني مفيش كارت شاشة داخل الجهاز الوهمي
كارت الشاشة اللي راكب في جهاز لا يعبر الي الجهاز الوهمي
@@ankhtech شكرا على الرد بس هو في طريقه بيشغلوا الالعاب على النظام الوهمي للالعاب اللي هي ليها اي بي محدد فبيضطروا يشغلوا النظام الوهمي علشان يفتحوا لعبه ثانيه حاجه زي مثلا VM VirtualBox بنستخدمه في العاب سيلك رود اون لاين برايفت وفي فيديوهات شرح بالانجليزي بس طبعا الواحد مش فاهم حاجه عشان اللغه يعني وكده
@@chief7476 فهمت قصدك
انا كشخص كنت مدمن سيلك رود فهمت قصدك
بس للأسف معنديش معلومات بخصوص الحوار ده
انا مش بعرف اشغل فيها العاب بشكل كبير
فقط بستخدمها استخدام بسيط زي ما وضحتلك
اتمني اني تقدر توصل لشرح يكون واضح بخصوص الموضوع ده
@@ankhtech تمام وتسلم على ذوقك