اني سويت انتساب لان معهد و مدرسة و حسيت بضغط كلش قوي و اني مداومت بس اسبوعين و خرب واهسي بالاسبوع الثاني و حتى حسيت نفسي مقصرة بكل الجهات بس من سويت انتساب رجعت حياتي مثل العطلة و امتحن وية اساتذتي و اقرة واني مرتاحة و شكرا لكلامك كلش يفيدنا🤍
جدول للانتساب يبدي من شهر ال11 كون يوميا تقرا اقل شي 10ساعات هذولي ال10 ساعات قسمهم ع 3 مواد باليوم وبهذا الشهر تقرا بس 3 مواد حاول انو تخلص اكثر من3 افصل من كل مادة من هذولي ال3 مواد الي اختاريتهم اذا جنت تدرس ع يوت فه تكدر تخلصهم كلهم بشهر واحد. لان اكو حذوفات واليوتيوب بي وقت هواي من تخلص هذولي ال3 مواد حيجي شهر ال12 هم خلي هدفك انو تخلص 3 مواد ومن يخلصن بهاي الحاله انته مخلص المواد بشهرين اذا اذا جنت تدرس ع اليوت مع تنظيم الوقت بقت مادة وحده تكدر تراجع المواد بشهر الواحد وتقرا هاي المادي وبهاي الحاله انته مخلص كل المواد قبل نصف السنه وامورك عدلة وتمام ومن تخلص امتحانات اكعد ارجع سوي نفس الجدول بس ع شكل مراجعة + شوف اخطاءك بالمتحانات نصف السنه او اي شي عندك نقص بي اكعد تربعله 10 ساعات وهيج حيصير سهل عليك تخيل تخلص المواد قبل امتحانات الوزارية ب3 اشهرررر! !! واااوو وتضل تراجع بالمواد وتراجع وتراجع وتراجع ويجن الامتحانات انت محصل المجموع 700درجه ايبااااااه بس تعال الي ينظم وقته والي مايمل من الكتب وكعدت البيت طبعا هاي فكرتي شدكولون اسويهاااا؟"!!!!
والله العظيم نفس تفكيري بس اني مختلف شويه عنك اني اريد اخلص بشهر فصلين بكل المواد والفصل الثالث بكل المواد يصير بشهر 12 لان شويه اصعب من الفصلين الاولى وعله كولتك اقل شي واحد يقره كون عشر ساعات ومن تجي نص السنه هوه مسيطر
زين إنا سويت انتساب وضباطه نفسي بس شلون ادرس ؟ انا داخله معهد واداوم يومين بالاسبوع وباقي الايام اراجع بيها الفصول الي اخذتها بس شلون اقرا ، يعني كل يوم ماده و اخلص من هاي الماده فصل كامل بيوم لو باليوم ٥ مواد نفس المدرسه
@@soull37 نظمي جدول لنفسك مثلآ اليوم تقسمينه تقرين من كل مادة جزء أفضل من يوم كامل لفصل لأن هذا الشي غلط حتى تتقدمين بالمواد كلها هذا رأيي وبالتوفيق الج 💙
لكل طالب سادس ديقرا و تعبان من الدراسة تذكر : هذا الوقت سيمر هيه مسأله وقت وراح تعدي وتبقى النتيجة فقط ماكو شي ميخلص … اجتهد و الله يوفقك وتذكر هو وياك بكل خطوة
طلاب الانتساب منهج السادس على اليوتيوب حوالي 360 محاضرة والوقت من يوم 11/1 إلى 1/10 حوالي 72 يوم يعني اذا تقرأ كل يوم 5 محاضرات تخلص منهج السادس ب امتحانات نصف السنة 😀😀 هاي نصيحة اخذوها من طالب انتساب مطلع 97 دور اول
اني حاليا معيده دفعه2022 دا اروح كل أسبوع دوام وماغيب وأحضر ويه مدرسات ودا اعوض عن كل تقصير مني لسنة الأولى ادعو لي الله يحقق حلمي وادخل الشي الي أطمح إله وابدع بيه❤
اني سنة ثانية، وداومت لعام وامتحانات بلمدرسة وجربت لوزاري وامتحنت وليوتيوب ولخصوصي وكلشي وشفت من خلال تجربتي لعام انهو المدرسة تركض ركض بلمادة ومتلحك يعني باسبوع اضخم فصل يخلصة ياترى وينطون بليوم 7 تحاضيرر وياهن امتحان وهو شرح موزين بس انتة مجبور تواصل لان ترسب وبلتالي يأثر عليك شهريات بشكل،
بعكس اخويه سوه انتساب وجاب معدل 98.7 الحمدالله والله كلش ماراح يتأثر على طالب اني باجر راح انتساب الانه ما جاي سيطر على مواد الانه ماتعرف ضغوطات تحاضير وكل مدرسه تريد تحضير وين تلحك اذا انت عندك بالجدول كيمياء وفيزياء واحياء ورياضيات وانكليزي وعربي وكلهن تحضير ومتحانات يوميه يعني طالب وين يلحك على يدرس
اهم شي واحد يعتمد ع نفسه ويأخذ قرارت صعبه حتى يشوف مدا قوته اني مو من نوع التزم واسخت هوايه وكوله صارت ضد قراري الي هوه الانتساب بس اتحديت كولشي وقنعت اهلي وسويت انتساب وهسه صرت حريصه ع دراستي اكثر وملتزمه تغيرت 180 درجه وثبتت لنفسي انو قرار صح ويخص مصلحتي وان شاء الله نهايه حلوه
بصراحه اني سويت الانتساب لان الطلاب كلها تلطم من صبح وطاقه سلبيه والمدرسات ميشرحن يعني 5 ساعات دوام ضايعه من يومي وارجع بس اريد انام ف نص يمومي يطير ف الانتساب جان حل مناسب وفرلي وقت هوايه
@@danty0 مداومين فقط امتحان نصف السنه ودخولح عليه وشلون تسوي تروحين لاداره مالتكم شوفيهم شنو محتاجين جنسيتي وجنسية ولي امر واقع حال يملوه لاداره وتعهد خطي ولي امر يملي وهاهيه 😶
كاضم اني بالعطلة ماقريت لأن چنت دور ثاني بالخامس اوهسة حاير شسوي كاعد اقرة فصل فصل من كل مادة اما المدرسة مالي شغل بيهة مجرد اروح اسجل حضور او مراجعة للمواد
انا طالب سادس اداوم بمدرسه اهليه ومستواي زين وجاي اشوف نفسي معتمد على اليوتيوب اكثر من المدرسه والدراسه علي صايره بنسبه 99% وجاي احس روحتي للمدرسه تضيعت وقت لا اكثر وانا من النوع المنظم وقته ومهتم بدروسه ومتخذ قرار وره نصف السنه اسوي انتساب 🙂 شتنصحوني؟
والله ياخوية اني داومت صارلي اسبوع ونص بالمدرسة واحس مدا الهم وبس دا أضيع بوقتي لا اكثر ++مدرساتنه كلهم فاشلات بحيث اكوال لمدرسة الرياضيات ست شرحي هل مثال تكول أخذوا واجب وانتو حلوه ++ اغلب مدرساتنه هي تكون سنتهم الاولى يدرسون بيهه سادس ومعدهم خبرة ابد ++ مدرسة العربي ختمت الاستفهام بأسبوع واني بالعطلة شهر بس ادك والطم ادور ولا تفهم هذا فعل وهذا اسم وهذا فعل استوفى مفعوله بأختصار متفهم ودا اعاني كلشش ++ دا افكر اسوي انتساب بس اني مشكلتي محفظ الاحياء بسرعة عندي صعوبة بس اني كلش زينة بالفهميات ...++كل ما ارجع من مدرسة بس ابجي لين مدا افهم ابد وبس دا أضيع وقتي غبت يوم عن المدرسة حسيت نفسي فهمت وارتاحيت بالقراءة بالبيت .. شتنصحوني اروح انتساب ??
اني نفس حالتك ارجع من المدرسة بين ما اسبح و آكل و انام يصير الغروب و كلشي ما افتهم من يومي و ما الحك اقره و كلش تعبت نفسيتي و ردت اترك هاي السنه وحته غبت يومين كلت حته اترك ومن سمعت حذفوا نص المواد رجعت للمدرسة وهم نفس الحاله كلشي ما افتهم بس تضييع وقت وحسيت نفسي بالعطله اقره زين و افتهم اكثر و اضل اقره تقريبا ١٦ ساعه فكلت اسوي انتساب بس كلش ترددت كلت خاف ما التزم ، اهلي قبلوا و بكلشي وياي ما يعارضوني فكلت اسوي انتساب و ادخل معهد حته التزم اني اشوف انو الانتساب احسن الك اذا جنت انت داخل معهد او من النوع اللي تلتزم سوي انتساب تره المدرسة مراح تضيفلك شي بس التعب و يوميه رزاله
هاي نفسي كل ماارجع من المدرسه ابجي لان احس ضغط عليه ويومي نصه يضيع بالدوام ومن ارجع ارجع تعبانه حتى واهس ماالي اقره 😓💔ف راح اسوي انتساب اشوف هل شي افضلي
@@roserose944 اخخخخخخ💔اليوم كلت لمدرساتي انو ح اسوي انتساب كلهم كرهوني وكاموا يضربون بسامير ويباوعولي صفح اليوم باختصار أتعس يوم ايي فكلت لاهلي عالانتساب مقبلوا لين هي أول سنة الي وكتلهم عالمدرسات كالولي يرسبوج بنصف السنة إذا طلعتي انتساب...... فراح ينقلوني لمدرسة ثانية تقريبا ساعة كاملة يله اوصل الهه صحح راح تتعب بس ع أقل اكو نتيجة💔 إذا اهلج يوافقون عالانتساب وانتي تعرفين تنضمين وقتجج ف سوي احسلج انتي كدهه😭
@@نوُࢪاݪهدِئ-ف8د شوفيي الانتساب حلوو اذا انتي طالبه منتظمه بدراستج وما سختين وتخلصين الماده حلوو اللانتساب هيج بسس اذا تخلصيهه نوم وما درسين حسب المزاج لا ما انصحج وبعدد كلمن يعرف نفسه واما للناس اني من ناحيتي ما اهتم لان انيي اعرف بنفسي واماا للناس اكوو الي طلع معدل عالي وهوه انتساب لان جانن منظم وقته والي ما طلع معدل وعاد لان مجان يهتم وبس اخرر ايام يالله درس هايي ما تفيدد فانصيحتي الج مالج دخل بغيرج انتي كعدي ويه نفسج وشوفي تكدرين لانتساب او لا ❤️
اني مسجله اربع مواد وحولت كيمياء لكتروني احس مدرسة الها اهمية من ناحيه مراجعه لان بالمعهد ميراجعون بفترات متقطعه يجي استاذ باجر امتحانكم مثلا بالفصل اول ولازم اقرا ع كد معهد وابو معهد يجيب بس وزاريات ماكو افكار شوية بينما احس مدرسة صدك الها دور من اشوف طالبات الاسئله اضافة رغم مسجله ٣ مواد فاني بس جمعه وثلاثاء واحد محاضرات عندي وبقية ايام ماعندي فمصارت ضغط بس يوم ثلاثاء ومرات اغيب🙂
ما جاي استفاد من المدرسه ابد بس مجبورة اداوم لان ما اگدر اجبر نفسي امتحن اما الدراسه اكدر ادرس واظل ادرس من دون ملل بس امتحان مكدر امتحن نفسي لان ما احب هيج فاستفاد من المدرسه بهاي الشغله 🥲💔 اما من ناحيه الدراسه فما مستفاده منها وبالاخص مدرس العربي راح يدمرنا لان جاي يطير بالماده واني مو فاهمه شيء 🥺💔 والادب تركه علينا يعني احس راح اتدمر 💔
@@_1iux_ شوفي اكيد انتي هم نفسي كلشي ممفتهمه على مدرسين المدرسة و ترجعين تدرسين عاليوتيوب + شيلي 5 ساعات دوام و ساعتين كعده من الصبح و مسافه الروحه و الجيه و كل هاي و اذا رجعتي نمتي هم يروح من وقتج و ما يبقى شي من اليوم فا الأفضل اذا تشوفين نفسج ما تسختين و تلتهين و تنضمين وقتج الانتساب راح يكون افضل الج 🌹
والله مشكلة اذا استمريت وي المدرسة مجرد بس اخلص وقت لان ممسفادة منهن شي ويركضن بالمادة على حساب الكُل دارس بالعطلة وداخل خصوصي يعني حرفياً لا اسلوب ولا شرح زين يجبروك تكره الدراسه بأكملها ، ومن جه ثانيه اني مو الالتزاميه ولا قاريه بالعطلة وحرفياً محتاره بين الانتساب والدوام وين ما اصفنلها تافله بوجهي 🥲💔💔💔
والله المدرسه فاشله كلش يعني احسب اطلع من 7ونص الصبح لي 2 ارجع للبيت فما الحك اقر كلشي وما ع افتهم كلشي بل مدرسه ولهيك راح اسوي انتساب بس متردده ان شاءلله اسوي انتساب واتوكل على الله 🥰❤
والله بسبب المدرسين الطلاب يلجؤن للانتساب لان يحس يومه ضايع بالدوام والمدرسين طايرين بالماده خلال اسبوع خلصو الفصل الاول والطالب كلشي ممفتهم وبهل حالهالطالب يصيرعنده احباط ميلحك يحضر ولا يكدر يمتحن شهريات
@Sun Wang طالبه يوتيوب فقط اعتماد كلي عل الله ويوتيوب 🌚🧸❤️لاحياتي اني دفعه ٢٠٢١ طلعلت معدل يأهلني لاي جامعه واني حلمي صيدله وبسبب تدخلات الأكبر سننا عل انه اذا عفتي طب راح تندمين طول عمرج فا سمعت كلامهم ودخلت طب موصل بس لاخر سنه واتخذت قراري وسويت اعاده ترشيح فا سويت قراري انه أحول صيدله وحمدلله حولت ونقبلت صيدله وبعد كم يوم ان شاء الله دوامي مرحله اولى، لان اكتشفت اني مااكدر اغيش بغير مهنه اما الصيدله او مااكدر فا الانسان يختار حلمه لان يندم بعدين 🧸❤️،،،، وهسه راح اروح اجيب تعليقاتي يخصن سنه كلها بتفصيل صدكت طويلات بس بقوه الله يفيدنج لان حرفيا ان شاء الله ممقصره ولابحرف🧸❤️
@Sun Wang (ملاحظه هسه راح ابدي انسخ تعليق جدولي وكلامي جان موجه لطالب بده يقره للسادس بهدا شهر عاشر يعني متأخر فا كلامي موجهه اله بجدولي وهو نفس جدول الي اني درست بي بس يفرق اني بديت من عطله صيفيه من خلصت خامس فااكيد لحكت وامتحنت كل مواد دور اول لكن بجدولي لهذا طالب سادس الي ماقاري بالعطله اكيد من منطقي اكله احتمال تأجل مادتين دور ثاني) وهذا تعليق ⬇️ سألتني عل جدول وكلت الحك اذا ابدي اقره من هسه لو اني متوهمه؟ لان قريت تعليق ونسيت ارد،، فإذا سألتني شوف أسألك سؤالين اولا انت مستعد تقره عشر ساعات باليوم وانت تكون رقيب نفسك يعني تقره بلبيت عل يوتيوب فقط وتقدم انتساب من مدرسه حتى ما داوم نهائيا فقط تمتحن نص سنه علمود انه من تنجح نص سنه تنقبل وزاري وخلاص للوزاري يعني دراسه كلها بلبيت اذا مستعد تقره عشر ساعات باليوم وانت تراقب نفسك وتتخلى عن أصدقاء السوء الي اربع وعشرين ساعه دياحه وطربكه تحديدا ذوله تقطع علاقتك بيهم عل سنه تخلي طلعتك وياهم بشهر مره زياده عليهم وتخلي الك صديق صديقين شطار ترافقهم هل سنه ويكونون الك رقيب وانت رقيب الهم ناس تراقب ناس،، اذا مستعد تقره عشر ساعات باليوم وتاخد هل قرار وتتعهد سوي هي اشهر وتعدي اضمن الك مستحيل معدلك ينزل عن تسعين مستحيل مستحيل اذا اتبعت جدول الي راح اكتبه فا اذا تنطي وعد تقره من ثمان ساعات ال عشر ساعات حتى أكتبلك جدول بليل/ اولا لازم لازم لازم تقدم انتساب مدرسه تقتل وقتك ادرس بالبيت مدارس فاشله فا جدولي راح يكون عل اساس انت مقدم انتساب،، لازم تقره من عشر ساعات الى اثنعش ساعه كمعدل يومي، وعادي مو اله يوميا عادي ايام تقره ثمان ساعات او ست ساعات من تكون مختنك لان انت بشر مو الي فا مهم حط عشر ال اثنعش ساعه هدف يومي،،، مع ملاحظه كل نهايه اسبوع اسوون مراجعه وكل نهايه فصل تراجعونه كانما عدكم امتحان بالمدرسه تره اذا مراجعتوا كل فصل تدرسونه تروح دراستكم بشط🌚💔ملاحظه ال كل ماده نزلوا وزارياتها من كوكل عل تليغرام وكلما تخلصون فصل شوفوا وزاريات نظريا بعيونكم اي سؤال بي صعوبه حلوا ورقه وقلم وكبسوا ويا ملزمه ماده، تقسم الاسبوع ثلاث ايام بثلاثه ايام (اول ثلاث ايام تبدي فيزياء ساعه باليوتيوب شوف هي محاضره محاضره ونص حسب مهم تقره ساعه فيزياء ستين دقيقه هاي انت كبالك ملزمه وناشر او دفتر ملاحظات بس الشي الي مامكتوب مرات مثال جديد باليوتيوب بس مدرس ماكاتبه بلمزمته فا انت دفتر فيزيا هو لل الملاحظات الي يذكرهم حسن عبد الكاظم بليوتيوب خلال محاضره وتكتب امثله جديده فا ستين دقيقه بين ما تخلصها عل يوتيوب رادلك فد ساعتين ساعه ونص هيج شي ترجع تسد يوتيوب وتحل شكو سؤال بيدك ورقه وقلم لازم ورقه وقلم ترجع تحفظ الحفظ عادي حفظ بدون ورقه وقلم فا بالمجل حيطير تقريبا ثلاث ساعات فيزيا بين يوتيوب وبين انه طفيت وحليت ورقه وقلم،، قواعد العربي ادرس هم ستين دقيقه عل حمزه جابري وملزمته ماكو داعي تكت ب هب ملزمه صيف ملاحظاتك عليها بس سويلك دفتر تكتب بي شغلات رمزيه مثلا مخطط لموضوع استفهام هيج شغلات انت سويها وره ما تكمل موضوع وجمع معلومات ار خلال ما شوف مقاطع يوتيوب ويذكر شي ملاحظه حمزه الجابري انت ضيفها فا هم بين ما تخلص ستين دقيقه وارجع تراجع تحفظ حفظ طبعا وقاعد العربي حفظ بدون ورقه وقلم فا هم من تخلص يوتيوب وتراجع ويانفسك راح تقريبا ثلاث ساعات تروح، رياضيات حيدر وليد هو توب مدرس مبدع اسمع رزالاته بالمحاضرة😂 وشيكول طبق😂وماكو داعي دفتر هي ملزمه حيدر وليد اعتمد عل ملازم متلحك تكتب دفاتر فقط لل الملاحظات وشي الي ماموجود بالملزمه انت تباع يوتيوب وتقره عل ملزمه،فا هم نفس حاله فيزيا وقواعد عربي هم كملت ستين دقيقه يوتيوب ترجع تحل بيدك ورقه وقلم سؤال سوأل رياضيات وكل مواد علميه ام اي سؤال ينحل ورقه وقلم وعادي تخطأ مره ومرتين وثلاثه وأربعه وتحس روحك غبي حشاك جدا طبيعي والله طبيعي اني جتي فترات ابجي واكول الخاطر الله سنو هل غباء وين اكو بشر يخطأ بسؤال ثلاث وأربع وخمس مرات عادي جدا جدا مهم كلا لليأس 🌚👏🏻فا هم راح يطير ثلاث ساعات وعادي اذا ثلاثه ونص مو مشكله، اسلاميه ملزمه عدنان بياتي هي تقرأه ا عل ملزمه اقره ورقه ورقه ونص خلاص ساعه ساعه ونص )(ثاني ثلاث ايام ادب العربي، احياء، كيمياء، انجليزي) ادب عربي تقره ورقه ونص باليوم ورقه مو صفحه لا ورقه ونص َ يعني رادلك بثلاث ساعات، احياء ثلاث ورقات هم رادلك بثلاث ساعات بين ما تحفظ وتراجعهن، كيمياء أخذها الكتروني عل حسين هاشمي وريح راسك واختصار للوقت واضمن للدرجه توب ان شاء الله لان العربي ميستاهل دوره حمزه جابري ابدا ما مقصر شرحه توب بس هو قواعد يحب مراجعه هواي اما كيميا فا ماكو مدرس مكملها عل يوتيوب فالأفضل الكتروني حسين هاشمي وبرد راسك هم اقره ستين دقيقه عل مقاطع وراها ادرسهن وخل بيديك ورقه وقلم وراجع واحفظ الي ينحفط وَراح يطير ثلاث ساعات اذا مو ثلاثه ونص وهكذا والانجليزي ساعتين باليوم ابدي بي بسره خلص وحده وحده هي وقواعدها وانشاءاتها وهكذا يعني عي اقره بساعتين وين ما توصل سد امشي بسرعه وهي تدريجيا راح يخلص انجليزي واهم شي الانشاء وره ما تحفظه تكتبه ورقه وقلم عل غيب ضروري حتى يثبت بعقلك زين ويوم السابع يكون يوم مراجعه سريع للي قريته مراجعه سريعه مو تتعارك ويا نفسك لا حاول تراجع بهدوء تذكير معلومات للمادتين الي انت تختارهن وتحس يستاهلن تراجعهن،⬇️اتبع تكمل
@Sun Wang هاي وين درست ❤️ الى كل طالبات طلاب الخامس المقبلين للسادس نصائح جنت اتمنى احد ينصحني بيها ❤️اولا رياضيات حيدر وليد ملزمه فيزياء حسن عبد الكاظم اشتروا ملزمه حسن عبد الكاظم يله تبدون تقرون لان يوتيوب مو كل حفظ كامل بالاضافه اشتروا إلى وزاريات حسن عبد الكاظم ملاحظه اكو كم موضوع حفظ فيزياء مراح تلكون حسن عبد الكاظم شارحه فتروحون عل استاذ عصام شمري لان فيزياء متنحفظ لازم لازم فهم لان تنسين احياء اذا تبدون من عطله اشتروا ملزمه ماهر نايف صدك راح تنصدمون من حجمها وتخافون🌚😂بس تره هاي لان كل صيغ وزاريه لنفس جواب يعني تغني عن انه نشوف وزاريات للأحياء لان هي ملزمه ماهر نايف كامله صيغ وزاريه انجليزي علاء السعداوي مع ملاحظات ان شاء الله قصص لازم تترجم وتفهمون قصه حتى اي سؤال يجي جاوبونه🌚💕❤️ عربي حمزه الجابري او احمد نعيمي شرحهم خنفشاري اي واحد تختارون عادي اسلاميه ملزمه عدنان البياتي ادب ملزمه عقيل زبيدي كيمياء مهند سوداني باعوا انتبهوا انتبهوا ال كل كلمه راح اكتبها إياكم إياكم إياكم🌚 من تدرسون عل استاذ مهند سوداني لاتعبرون ٣٥دقيقه باليوم اقصى شي ٤٠دقيقه لاصيرون بروسلي ودرسون محاضره ومحاضرتين كيمياء عل مهند سوداني وبعدين والله مو خوش مدرس لالالالا احنه مو خوش🌚 سألوا مجربه لان مهند سوداني بلمحاضره يعطي كميه ضخمه من معلومات فا باليوم ٣٥ ال ٤٠ دقيقه كلش كلش كافي حتى لو تحسون سهله محاضره تره كيمياء سادس سهل ممتنع يعني دربالكم محاضره تره ازعل ومن ازعل منك تندمون😂🌚💕،،،، اما باقي مواد عادي درسوا محاضره كامله او محاصراين بكيفكم🌚❤️مع ملاحظه كل نهايه اسبوع اسوون مراجعه وكل نهايه فصل تراجعونه كانما عدكم امتحان بالمدرسه تره اذا مراجعتوا كل فصل تدرسونه تروح دراستكم بشط🌚💔،،،ملاحظه كيمياء كل افصل عل مهند ماعدا في حال اكو افصل ممكن متفهمونها عل مهند سوداني مثلا من ممكن فصل ثالث كيمياء متفهمونه عل استاذ مهند سوداني شوفو فصل ثالث عل امجد تره مو معناها صعب بس راعيت اقل مستوايات الطلاب الي مثلي ميفهون عل سريع 🌚💔،، وخامس شارحه حسين هاشمي بطريقه حلوه ،، وسابع محد شارح عضويه مثل إبداع خالد دليمي وثامن صغيرون ورقتين هيج حفظ بكيفكم وين مشوفوا شوفوا😊ممكن امجد سرابي يشرح من تنجحون حفضيات شرح للحفظيات 😄اما ملزمه كيمياء اكيد ملزمه مهندسوداني ملاحظه ال كل ماده نزلوا وزارياتها من كوكل عل تليغرام وكلما تخلصون فصل شوفوا وزاريات نظريا بعيونكم اي سؤال بي صعوبه حلوا ورقه وقلم وكبسوا ويا ملزمه ماده🌚💗وخذوا سكرينات لتعليقي الجريده 😂🌼وشوفوا الكل شخص تعروفوا مقبل للسادس،،،،، مع ملاحظه من تنجحون من خامس يوم مثلا نجحتوا باجر تشترون ملازم عكبه تبدون تقرون😸💔💕حاولوا تخلون هدف دراستكم ١٠ساعات ال ١٢ ساعه وعادي اذا ٨ و٦ او تخلون عطله يوم بين فتره وفتره لان اكيد بشر نتعب بس حاولوا باليوم ١٠ساعات دراسه 🌚💕.ملاحظه الهدف بلعطله الصيفيه مو تخلصون كتب ركض ركض بلا فهم الهدف التقرونه تفهمونه يعني خلصوا نص كتب او اقل بس ضابطيهن فووول ولا كل كتاب بس بلافهم 🌚اهم شي تفهمون الي تقرونه مع ملاحظه بالنسبه للحفظ اقروا ورقه احياء وورقه ادب كلش كافي لازيدون 🌚🌚🌚🌚🌚🌚🌚دوسوا لايك حتى تعليق يصعد حتى غيركم يستفاد بالتوفيق ❤️🤲🏼ملاحظه فصل سادس كيمياء اكو موضوع اسمه (الايتا) سهله بس هاي فقط مراح تفهمونه عل مهند سوداني شوفوا( الايتا) عل امجد سرابي ورجعوا كملوا فصل سادس عل مهند سوداني 🌚💞سمعوا كلام🌚🌝❤️وكذلك ادب عربي كم موضوع ازهر مقدم شارحها بطريقه رسم
@Sun Wang اتبع تكمله⬇️هاي تكلمه تعليق ⬇️ترجع كلما تخلص عشرين محاضره من كل ماده يعني فرضا يوم جان ثلاثا وخلصت واجبك وبليل سفت انت مخلص عشرين محاضره فيزيا كبل دكول باحر عندي امتحان فيزيا شهري وتفرغ يوم الها وتلغي هاي متل يوم سابع مراجعه يوميه لانه انت بده فتره مثل امتحان شهري لان بديت تتقدم بالمواد ان شاء الله تفهمني شقصد يعني تكعد يوم صبح انت مصبح واصل محاضره عشرين فيزياء فا دكول امتخان شهري فيزيا امتحانك عباره عن انه تدرس عشرين محاصره مره الخ حل ورقه وقلم وتراجع حفظ وكل محاضرات عل ملزمه حسن عبد الكاظم وملاحظات ومن تخلص تروح عل ملزمه وزاريات حسن عبد الكاظم وصير تغطي جواب بيدك وجاوب بعيونك فيصير كانما امتحان شهري الك واي سؤال صعب حسيت بي لوفه حله بيدك ورقه وقلم وصيفه للملزمه وهكذا لكل مواد نفس طريقه تماما كلما تخلص عشرين محاضره سوي الك امتحان شهري الي هو اقصد بي مراجعه مثل ما وضحتلك ونفس شي لكل مواد،، بس فرق فيزيا عندك ملزمه وزاريات حسن عبد الكاظم اما باقي مواد لا ماعتدك وزاريات نزل وزاريات عل تليغرام مال خالد حيالي منزل ملزمه وزاريات لكل ماده اكتب وزاريات خالد حيالي عربي عل جوجل تحميل عبر تليغرام وهكذا،، ووزاريات كيميا خالد حيالي تحميل عبر تيليغرام وهكذا نفس طريقه مراجعه وامتحان شهري للفيزاَيا طبق لباقي مواد مع ملاحظه هسه انت خلصت فرضا عشرين محاضره كيميا ودرست مثل ما وضحتلك نفس فيزياء ورحت بنهايه يوم عل ملزمه وزاريات تيليغرام مال كيمياء شكو شي تخس بي لوفه فكره وره ماتحله ورقه وقلم اخذ سكرين للسؤال نفسه ماكو داعي تكتبه لا هي مو انت فتتح ملزمه وزاريات كلما شوف سوال يستحق سكرين ما تلحك تكبت كتابه ضيع وكتك وتعب ايدك ايدك اريده لل دراسه من تدرس وتحل ورقه وقلم ماريد تعبها بترتيب دفاتر وهل خريط لعد الملازم المن، فا خذ سكرين لكل سؤال صعب اوسخيف وتافهع لدرجه انصدمت شون خطأت بحله خذله سكرين وسويلك ملف بالاستديو اكتب وزاريات كيميا راح شي يصير بين ما تخلص سنه ملزمه وزاريات كيميا الي هي فرضا ستميه سؤال بنهايه سنه انت حتكون بملفك وزارت كيميا باستديو حتكون تقريبا مقلسها ستين سوال هاي ملف استيديو هو الي بفتره مراجعه وزاري من تقر كيمياء وتخلص هو هذا ملف وزاريلت الي راح تقرأه اما وزاريات تليغرام اودعانكم🌚🤝🏼لتن هو انت قلصتها واختاريت مخمات ماكو داعي نرجع التلي لان اصلا متلحك وقت ضيق فا ملفات سكرينات وزاريات الاستديو حتكون مختصر زبده وزاريات الي تراجعهن وره ماتخلص كل ماده بفتره مراجعه وزاريات وهكذا نفس طريقه لكل ماده، ماعده فيزيا لان ملزمه وزاريات حسن عبد الكاظم مكفيه وموفيه وأدب عربي واسلاميه وأحياء لاتنزل وزاريات لان انت اصلا بالملزمه كلها وزاريات وأحياء ملزمه ماهر نايف ملزمه بكد بيت هي وزاريات للنخاع متحتاح سوف وزاريات اخياء اصلا لان هي ملزمه متروسه اقره عليها وهاي هيه انت ابدي من يوم اقره عشر ساعات ال اثنعش ساعه خل انطيك اسلوب تحفيزي للدراسه ال كتلك عليه ذكرني بي راح ابدي اكتبلك طريقه لا تقرأها بطريقه متواصله قطع عندك اربعه وعشرين ساعه خير من الله اقره ساعه واستراح عشر دقايق او او او اقره ثلاث ساعات جره وحده واستراح ساعتين نام احجي ويا اهلك سوي شي يونس وهكذا ودائما فكر بسادس يوم واحد لاتفكر عل مدى بعيد كول اني يوم كعدت اني يوم كطالب سادس يريد يطلع معدل لايقل عن تسعين مطالب بان اقره عشر ساعات ال اثنعش ساعه هذا هدفي مت اخلصهن الي هديه بنهايه يوم ساعه ساعتين تريد يوتيوب تتفرج شي تريد تكعد وياعائتك تريد تشوف صديق سوي شي الي تحبه وينفه عنك ويكون هديتك بعد انجاز دراسه من عشر ساعات ال اثنعش ساعه ،، امسح تطبيقات التواصل الاجتماعي بس هل سنه خلي بس تيليغرام لغرض مواصله صديق صديقين شطار يفيدوك تسالهم بسرتل متفهمه وهكذا ويحفزوك ودائما تذكر انه همه ديقررن يوم كله حالي من حالهم مراح اموت انجب والصم واقره بلا واهس بلا خريط غصب انجب واقره (ملاحظه الإنجب هي مو بوجهك تحديدا اني دااكتب كلام كانما لنفسي🌚🤝🏼) كتلك امسح مواقع التواصل الاجتماعي لان يسون اندمان اني تيكتوك وانستا جنت انسه نفسي ثلاث ساعات اربعه وكانما ربع ساعه فا مسحتهن احسن كلعه هنه برامج طايح حظهن مابيهن خير نصهن اخبار مشاهير تافهين لاحكين عليهن خلص سادس واشبع منهن،، بينما يوتيوب من سوف ساعه ساعتين كمكافأه نهايه يووم. تتفرج الك شي برنامج اي شي مقاطع يوتيوب تتونس لان ذاب مبايل وتتفرج مو َسخافه مواقع التواصل الاجتماعي بس توتر ومضيعه وقت،،زين اني كطالب مااحب اكعد من فجر سون بيه مااكدر عادي طوز بكيفك🌚🤝🏼🌚اني الي يهمني تقره عشر ال اثنعش ساعه مايهمني شوكت اني بزيت سادس جنت اكعد بسته وبعدين انام اثنعش بليل بعدين مليت مااكدر اكعد بسته طكت روحي ودمعتي في مقلتي 🌚كما انام لاذان الضهر اكعد اصلي الظهر واترك وابدي اقره بطريقه متقطعه مثل ماذكرت الك وما نام يمنع منعا باتا ان انام الا ان اخلص دراسه عشر ساعات ال اثنعش ساعه فا تشوف ابقى كاعده مرات اذن الفجر يله اخلص وانام مرات اضل للخمسه صبح سته سبعه ما انطمر اله اخلص اقصى حد سبعه صبح انام لاذان ضهر ارجع اكعد،، مسموح الك خلال فتره يووم من تقره مثل نا وضحتلك بطريقه متقطع ساعتين واستراحه وساعه واستراحه وهمدا٤اذا صارت الك استراحه ساعه وحبيت تنام عادي هاي مسموح الك الي اقصد ممنوع تنام ممنوع تنام نومه طويله ام خمس وفوك وانت ممخلص واجبك🤝🏼🌚
السلام عليكم ✨ طبعا اني طالبة ثالث متوسط اول سنه طبعا الصراحه ما عندي احد كبير يفهمني ع الثالث ومدا اعرف اتصرف اني دوامي ظهري وصباحي بحيث ابقه ل ٣ أقره ومال الحك وتبقه عندي نقوصات وما عندي نقطه حافز ✨ ولا مدرسه تسوي واهس واعتمادي الاكثر ع اليوتيوب ف فدوه الي عدها نصيحه تكتب..
يعني انا قرايتي من زمان عاليوتيوب وافهم عليه اكثر من المدرسة نفسها بحيث المدرسة مافهم من المدرسين لان شرحهم سريع وطايرين بالمادة وكل يوم ينطون واجبات وامتحانات وتحاضير كلهن دفعة وحدة صرت حتى ما الحك اقرا عالنت وحالي حال السطل وهسه محتار..
للامانه انه مسوية انتساب وانه بصف اول متوسط صراحة الحمدلله جاي ادرس وكل يوم 6 مواد اخذ كل يوم الا جمعه وسبت اقلل من المواد واكتشفت انو صارلي شغف اكثر لمن سويت انتساب قبل جنت ما احضر لمن جنت بل دوام وبل گوة ادرس لكن لمن سويت انتساب صرت ادرس هواي واغلب المواد انه غالبتهم وانصح الانتساب لطلاب الي يدرسون وعدهم شغف انصحك بل انتساب اما اذا جنت مهمل وما عندك جدول ومحتار وترى الانتساب ابددددد مو سهل اغلب الطلاب ما يدبروهة ويعيدون السنه بسبب الانتساب فى ليش تتورط بهيج سالفه الي هية مستقبلك محد يدير بال لمستقبلك غيرك انتة المهم حاول تگعد وية نفسك وشوف اذا انت گد الانتساب لو لا وبس.
@@Xks491 شوفي نفسج تقدرين تسوين الانتساب لان مو سهل ابد انه الحمدلله نجحت من عنده ورحت الانتساب صعب لان محد يدير باله عليج غيرج انتي بل مدرسة جان اكو مدرس يكول شنو المهمات وشنو الداخل ف من تقررين انو تسوين انتساب خلي صديقة تراسلج او انتي تراسليه تسأليه وين وصلتي بل مادة او الامتحان نصف سنة يمتة والى اخرى يعني شغلة متعبة 🥲🦦
والله المدرسة مضيغة وقتي بشكل فضيععع ويركضن بل مواد ركض وياريت يفهمن الواحد واليكتلكم قهر خالينا الاسبوع هاذ كلة امتحانات شهرية وتكومني وحدة والله ليش ما محضرة شو الى ارسبج 🌚💔 و بعدين شنو اذا اسوي انتساب لازم اسجل بمعهد اذا الطالب جاي يفهم عل يوتيوب ماكو داعي 🙂
اني طالبة خامس علمي وصارلي سنتين مريضة(دوخة قوية وخفقان قوي ومرات يغمى عليه)ورحت لهواي دكاترة وبلا فائدة ويادوب جاي اداوم بالخامس بحيث كلساع اغيب واجلت ٥ من امتحانات نصف السنة واكو شخص اقترح علي اسوي السنة الجاية بالسادس انتساب لان اني على هاي حالتي واداوم مااتوقع اطلع من السادس بمعدل زين ف ماعرف والله حايره كلش فدوة ادعولي بلكي اتحسن قبل مااوصل للسادس😞💔💔💔 2023/2/19
أي اكولك او اكلج لاتروح انتساب . لان والله راح تتبهذل بنت عمي راحت انتساب وكعدت بالبيت تدرس ومن رجعت للدوام نصدمت والله وكلش تعبت وملت من البيت مع العلم هي مريضة سكري ف كعدت بالبيت تدرس+بعد بكيفك بس اذا انته مريض اي روح واذا ممريض ليش تروح +لتروح هسه انتساب انصحك لانك طالب خامس مباقيلك بس سادس اعدادي وتروح جامعه يعني تعود ادرس بالمدرسه ولتكعد بالبيت احسلك هذا شي مو زين عليك والله+اذا داومت راح تعرف هواااي اشياء مثل الاسئله الي يجيبوهاا المدرسين وهااي وبعدهاا إن شاءلله تنجح+اني بس حبيت اكلك وبعد بكيفك+بالتوفيق 💗.
@@user-vt8vt7zx7v شكرا على النصيحه جد استفادين كلش واني من البدايه ادري انوا ميفيد اسوي لان الاحسن انعفي وابدي ادرس للسادس بعد نصف السنه بس جان جايلي توتر شوي وكلت لان مستقبلي يعتمد ع السادس ف لازم افكر بكل خطوه اسويها
اني مسجل ماده وحده خصوصي الي هيه عربي ، صديقي مسجل خمسه مواد ضد ارادته من اهله و الولد خطيه يريد ينتسب لان ضميره تعب من المدرسه و المعهد بس ابو ما يقبل ، احمد ربي سجلت بس ماده
4:46 دفعة 24 صح اشوف طلاب و منافسة شي حلو و صار بيه من اشوف احد سابقني ف اني اضغط على روحي ، و الشئ الي غلطت بي و تعلتمة أنو ما اخلي واهس و نفسية جدار يفصل بين دراستي و افكر بعقلانية و احلها بالصلاة و قراءة قران و راحة أو اشوف شي اني مسجلة خصوصي 4 مواد و نفس حالة صاير ضغط و ضيق بوقتي و صايرة خربطة لا خصوصي و لا مدرسة ف قررت اسوي انتساب
@@NoorSabah-fl1mb شدي حيلج فترة و تعدي و تفتخرين بروحج و اذا ما عندج احد يحفزج حفزي روحج و ضغطي على نفسج كلشي يسهل ان شاء الله و اذا عندج احد فاهمج و يشجعج بعد احسن لان هذا شي نادر كلش و بالتوفيق ❤️
آني طالبة خامس علمي عندي محاظرات خارج المدرسة يعني خصوصية + و بالمدرسة يضيع أغلب وقتي و بدون فائدة و المدرسين يطيرون بالمادة و نهائياً ما أفهم عليهم و عَ طريقة شرحهم فَ مجبورة من أرجع من الدوام ميتة تعب و عقلي ما عاد يستوعب شيء فَ أرتاح ساعتين تقريباً أو أنام و هيچ ضاع نص يومي و أروح محاظرات لل٦ المغرب تقريباً و كأنما أول مره أقرأ المادة و بعدها أقرأ التحظير ع اليوتيوب أو وحدي + أحس الإنتساب أحسن بس مادري 🙂.
اني هم طالبه خامس علمي والمدرسه مالتي ابد مو زينه من كل النواحي واني تدرس على النت وصارلي اسبوعين محتاره اسوي لو لا واخاف اذا اسوي اطلع دور ثاني واني شاطره ☹️
البارحه اني سويت انتساب بس وجهة نضري اشوفه احسن شي للطالب الي مايفهم ع شرح المدرسه لان بس يضيع وقت من صبح لحد متجي من المدرسه واكيد راح يرجع تعبان وتنام راح تكعد ب 4نص اليوم طاير الانتساب حلوو اذا جنت انت تكدر تسيطر ع ماده وبدون تسخت ف اني وجهة نضري عكس وجه نضر صانع المحتوى مع العلم اني دراستي يوتيوب فقط بس مو معناها اني اكعد سنه كامله بس ادرس ادرس لا حبيبي اكيد اسوي اليه اوقات خاصه اتفرغ بيها نفسي أرفه عن نفسي
@@nrjes481 اذا عندج امكانيه دخلي خصوصي اما لا تره اليوتيوب يكفي ويوفي واني خلصت عمري ع يوتيوب ومن نجاح لنجاح وان شا الله هاي سنه هم اسماء المدرسيه فيزياء حسن عبد الكاظم كيمياء هاشم الغرباوي رياضيات حيدر وليد انكليزي علاء سعداوي اقتصاد ست نور اقري بنفس جدول الاسبوعي مال مدرسه 7محاضرات باليوم ++نامي من وكت وكعدي ب 6صبح اقري وب 12توقفي استراحي لحد ساعه 2وبلشي قرايه لحد ساعه ب 6 المغرب وستريحي وبلشي قرايه ب 8وانهي ساعه ب 10 والباقي رتاحي ونامي ب 12 اقري بتركيز وكل ماده خلي دفتر ابو 200وكتبي ويه المدرس وراه متخلصين محضارت كلهن كعدي اقري الي كتبتي وبتوفيق 💜
@𐀔 . ڪ لعد لتخصصين بس جمعه وسبت ايام الاسبوع كولهاا اي وقت ما عندج بي شي حتى لو ساعه وحده تخلصيلج موضوع من اي ماده وانتي دتمشين وي مدرستج وتحاضيرهم حتخلصيهن وتسيطرين ع ماده
اي والله تلحكين اني دوامي يومين ب٢ وارجع ب ٥ العصر بهل يومين ما الحك اقرا اي تراكم بس تحاضيري بس وقت الدوام صباحي تلحكين تخلصين تحاضيرج وتخلصين تراكمات
اني راح اسوي انتساب وأبدى بالمواد من جديد ومن شهر 11يوم 1 وجدولي اليوم الواحد اخذ بي تلاث مواد من كل ماده محاضره مثلا يوم كيمياء وفيزياء وأحياء واليوم الثاني رياضيات وعربي وانكليزي ويوم إسلاميه وأدب وادرس من من 12 إلى 15 ساعه باليوم لان حرفيا تركت كلشي يلهيني عن الدراسه +شتنصحوني هيج أكدر اجيب معدل واكمل المواد؟
لا تسوي/ن انتساب لان طالب ل ثالث مو مثل ل سادس و حضر/ي يومي و امتحن شهري لان ح يعلمك/ج نظام ل مدرسين حتا بنص ل سنه ما تنصدم بطريقه اسئلة المدرسة اهم شيء تحظير يومي و تابع ل استاذ او ل استاذه و شوف مدرسين يوتيوب زينين علي صادق زين بس مشكله حل مالته مختصره و اغلب ل مدرسين ما يقبلون بيها ف اعتمد ع حيدر وليد و فيزياء علي الذهبي يموت احسن مدرس حرفيا كيمياء حسين حمزه رهيب ع نص ل سنه قريت بس مراجعه مركزه جبت 95 عربي ست سمر و الاجتماعيات هي اصلاً حفظ ل احياء هماتين حفظ 🙃
وربي الصف 68 وبعد راح يداومن الدور الثاني ومكان ما عندي واني عايده ومعدلي 85 حاولت بكل الطرق اقنع اهلي ماكو فائده من المدرسه و ما جاي يقبلون وتعبت من المدرسه تضيع وقت 💔😭😭
كنصيحة الانتساب بشكل عام فاشل فاشل فا نصيحه من طالبه جربت عادت لا تسوها مدرسه هواي تفرق عن كعده بيت مع احترامي حجي دكتور كاظم حجي صح كلش صحيح انو تفكرون انتضرو يله تسون وبس كل توفيق🤍🤍🤍😻
السلام عليكم اخ كاظم ، عاشت ايدك على هذا الفيديو لكن عندي تعليق واحد واتمنى تعيد التفكير بي بالدقيقة 6:12 كلت شنو لازم نسوي حتى نغير من نفسيتنا وذكرت الغناء . . ذكرت شيء يغضب ربك وربي ، شيء يطرنا من رحمة الله واللي احنى بأوج إحتياجنا الها ، ذكرت اللي قال عنه الرسول صلى الله عليه واله رقية الزنا ، او وسيلة اليه والعياذ بالله ! بصراحة ماتوقعتها منك كان المفروض تنصحهم يقوون علاقتهم برب العالمين ويقرأون قران وادعية ويحافظون على صلاتهم فترة السادس كفيلة بتغيرك نحو الافضل دراسيًا ودينيًا من خلال اجتهاداتك . اتمنى من حضرتك تراجع موضوع الغناء وتشوف رأي الامة الاسلامية عمومًا بي ، وماتنصح احد لطريق الشيطان والزنا ، وكل الاحترام والتوفيق .
@@anoo2_5 الله عز وجل رمى ابليس في جهنم لانه لم يسجد لادم فقط ! خطيئة واحدة كفيلة برميه في نار جهنم رغم تعبده لله سنين طويلة لايعلمها الا هو سبحانه وتعالى ونحن بكل سهولة نقول ، حسنٌ لابأس بالقليل ، كوني على ثقة بداية كل محرم فكرة ، خطوة ، ثم تشعب .
اي حاله حال الصباحي فقط الدخول لان الانتساب درجه دخوله للوزاري هيه درجه امتحان نص السنه فقط حتلو يجيب ٥٠ يدخل اما الصباحي لا يختلف لان عنده درجه الشفوي ودرجه الشهري ودرجه نصف السنه يجمعهوهن ويقسموهن فتطلع درجه دخوله للوزاري شرط يكون زين بالشهريات إذا موزين لازم يشد حيله بنص السنه ويجيب درجه عاليه +حتلو ابو الصباحي تطلعله ٥٠ يدخل هذي بعد ما جمعو درجاته كلهن وطلعتله درجه دخوله بالشهاده ٥٠ @@asdfgcchhf478
سويت انتساب طبعا القرار 100% برأي الطالب اني من نوع الطلاب الي تقرا قليل متوسط ساعتين الى 3 ساعات بليوم واقسم المواد على فترات على طول اليوم ويه المدرسه مستحيل اطلع معدل اذا اطبك ويه المدرسه ادخل وزاري بس اطلع معدل 60 او 70 بلوزاري الي هوه ماله داعي ف قررت وسويت انتساب
@@danty0 يمكن صدك ما وصلهم كتاب صار وياي نفس الشي لحد الاحد الي فات وصلهم وقدمت انتساب انتظر وكل يوم اسألهم عندك صلاحيه تقدم انتساب لحد نهايه هاي السنه 2022 لا تستعجل
الانتساب للطالب الي يحس يومه يضيع بسبب المدرسة تروح من الصبح الطلاب هوسة والمدرسين يطيرون بيك طيارة بالمادة ويريدون تحاضير وانت هنا لازم تراجع وياهم وبهاي الحالة المادة مالتك الي قريتها بالعطلة راح تتوقف بسبب الامتحانات اليومية وتحاضير الي ينطوها بالمدرسة ... بالمناسبة أذا سويت انتساب تگدر تروح تداوم بالمدرسة تمتحن شهري او تغير من نفسيتك محد يمنعك .. بالاخير اگعد وي نفسك وقرر هالقرار وخليك حريص ع مستقبلك وگد المسؤولية لان هالقرار ممكن يخيب او يصيب ... وربي يوفقكم ❤️
والله خويه راح نكمل فصل اول واني مامفتهم منهم شي ويركضون بينه ركض
اخي ابو الانتساب ما يكدر يمتحن شهري
بس حقه يمتحن بنص السنة
ويقبلون نداوم ورا مزاجنة لأن مسوين أنتساب 😂 مستحيل أصلاً
@@كرار-ص3ك1ف ترا احنه راح نخلص فصل الثاني واني هم كلشي مامفتهم لو لا اليوتيوب
نحنا ركضو بلفيزياء بس الكيمياء والرياضيات عدستفيد واقتصاد والباقي لا والله محتارة اخاف اطورط اذا اعمل انتساب
انت اللي تشوف الكومنت هسه متأكد منك حتطلع معدل لبالك وتوصل للشي اللي تريده بس خلي ثقتك برب العالمين عاليه وتوكل ع الله بكل خطوه تخطيها ويارب التوفيق للجميع🤍🫶🏼؛
إن شاء الله
أمين.
أن شاء الله واوكل امري الى الله أن الله بكل شي عليم
اخلص سادس واجي اكلج طلعت لو لا🥺
@@كوثركاظم-ز3ف اني ولد + تطلعين لبالج ماكو شي مستحيل بهالحياة
طبعا اني سويت انتساب والحمدلله معدلي ٩٩
الانتساب ميأثر على الطالب المجتهد
واذا تريدون تعرفون قصتي بالسادس نشرتها الدكتوره مينا واني هم نشرتها بقناتي على اليوتيوب
بالتوفيق يارب✨✨
ممكن التلي مالتج
@@zm.ll7 مع الأسف ما عندي تلي بس تكدرين تكتبين مشكلتج هنا حتى كل الطلاب يستفلادون ان شاء الله
@@hanaa8047 للجميع ان شاء الله
@@medicinelover3549 حياتي يردون تقرير طبي واني مابي شي سويلي حل
اني سويت انتساب لان معهد و مدرسة و حسيت بضغط كلش قوي و اني مداومت بس اسبوعين و خرب واهسي بالاسبوع الثاني و حتى حسيت نفسي مقصرة بكل الجهات بس من سويت انتساب رجعت حياتي مثل العطلة و امتحن وية اساتذتي و اقرة واني مرتاحة و شكرا لكلامك كلش يفيدنا🤍
وضعي نفسج بس حايرة
زين ..هل اسئلة تصف السنة جانت موحدة يعني امتحنتي بنفس اسئلة الطلاب المنتظمين بالدوام
جدول للانتساب
يبدي من شهر ال11
كون يوميا تقرا اقل شي 10ساعات
هذولي ال10 ساعات قسمهم ع 3 مواد باليوم وبهذا الشهر تقرا بس 3 مواد حاول انو تخلص اكثر من3 افصل من كل مادة من هذولي ال3 مواد الي اختاريتهم
اذا جنت تدرس ع يوت فه تكدر تخلصهم كلهم بشهر واحد. لان اكو حذوفات واليوتيوب بي وقت هواي
من تخلص هذولي ال3 مواد حيجي شهر ال12 هم خلي هدفك انو تخلص 3 مواد
ومن يخلصن بهاي الحاله انته مخلص المواد بشهرين اذا اذا جنت تدرس ع اليوت مع تنظيم الوقت بقت مادة وحده تكدر تراجع المواد بشهر الواحد وتقرا هاي المادي
وبهاي الحاله انته مخلص كل المواد قبل نصف السنه وامورك عدلة وتمام ومن تخلص امتحانات اكعد ارجع سوي نفس الجدول بس ع شكل مراجعة + شوف اخطاءك بالمتحانات نصف السنه او اي شي عندك نقص بي اكعد تربعله 10 ساعات وهيج حيصير سهل عليك
تخيل تخلص المواد قبل امتحانات الوزارية ب3 اشهرررر! !!
واااوو
وتضل تراجع بالمواد وتراجع وتراجع وتراجع
ويجن الامتحانات انت محصل المجموع 700درجه
ايبااااااه
بس تعال الي ينظم وقته والي مايمل من الكتب وكعدت البيت
طبعا هاي فكرتي شدكولون اسويهاااا؟"!!!!
زين هية الامتحانات نصف السنه شوكت؟
من وراك خليتني راح اقدم انتساب لان مجاي الحك ع المواد والوقت قصير
يعني شلون كم محاضره تأخذ بيوم
والله العظيم نفس تفكيري بس اني مختلف شويه عنك اني اريد اخلص بشهر فصلين بكل المواد والفصل الثالث بكل المواد يصير بشهر 12 لان شويه اصعب من الفصلين الاولى وعله كولتك اقل شي واحد يقره كون عشر ساعات ومن تجي نص السنه هوه مسيطر
هسه شدكولون اسوي انتساب ؟
لأن والله احس يومي كله يضيع من ورا المدرسة
مختصر مفيد الانتساب ، اذا تعرف وشوف نفسك ملتزم سوي انتساب، اما شوف نفسك راح تأهمل وراح سخت لا والله دوام افضلك☑يعني يعتمد ع شخصيتك وذاتك وضميرك الدراسي وبس💯
زين إنا سويت انتساب وضباطه نفسي بس شلون ادرس ؟ انا داخله معهد واداوم يومين بالاسبوع وباقي الايام اراجع بيها الفصول الي اخذتها بس شلون اقرا ، يعني كل يوم ماده و اخلص من هاي الماده فصل كامل بيوم لو باليوم ٥ مواد نفس المدرسه
@@soull37 نظمي جدول لنفسك مثلآ اليوم تقسمينه تقرين من كل مادة جزء أفضل من يوم كامل لفصل لأن هذا الشي غلط حتى تتقدمين بالمواد كلها هذا رأيي وبالتوفيق الج 💙
@@soull37 اني مسوية انتساب من اسبوع ومبلشة كل يوم 3 مواد ما عدا الإسلامية مرا بالأسبوع وبكيفج بعد
زين اني اشوف نفسي بالدوام ديضيع عليه الوقت كله شسوي دايخه ؟
@@kelen1673 مثل ما قلتو فوق
لكل طالب سادس ديقرا و تعبان من الدراسة
تذكر : هذا الوقت سيمر
هيه مسأله وقت وراح تعدي وتبقى النتيجة فقط
ماكو شي ميخلص … اجتهد و الله يوفقك وتذكر هو وياك بكل خطوة
كس اخت النتيجه سنه ونص اقرا انتساب بس يوتيوب من الصبح لليل طلعت ٩٦٠١٤ وتاليها معهد طبي لحد يقرأ عندك فلوس صير طبيب
@@M_SK_M يعني انته امسوي انتساب وجيت هل معدل + سوي أعاده ترشيح
طلاب الانتساب
منهج السادس على اليوتيوب حوالي 360 محاضرة
والوقت من يوم 11/1 إلى 1/10 حوالي 72 يوم
يعني اذا تقرأ كل يوم 5 محاضرات تخلص منهج السادس
ب امتحانات نصف السنة 😀😀
هاي نصيحة اخذوها من طالب انتساب مطلع 97 دور اول
زين اذا اخذ انتساب شون احسني مضبطه الماده
بس ادرس الماده وزارياته وهاهيه لو اله امتحانات يلا اضبط ممكن النصيحه محتاره بس من هلناحيه 📛!!
@@carpediem1585 امتحانات انتي تسويها
صدك والله ارد اسوي
@@Kanar-z9k اني خايفه من لانتساب
@@Kanar-z9k تمام عمري شكرااا🥺🥺🥺🥺
كاظم سويلنا فديو عن فكرة 💡 الجدول للانتساب ..خصوصا للطلاب المعيدين بمعدلات عالية... لانو مدتنجح وياي جدول مثل المدرسة باليوم6 محاضرات.
+ نفس الوضعية
@@rif6054 ++
أخذلك باليوم 3 مواد كل مادة محاضرتين فقط 🗿
@@HNEEN8641 +++
+
من وجهه نظري الانتساب يوفر وقت كلش هواي للطالب لي ميحب يسخت
انا كذالك
"اتبع روحك، فهي تعرف الطريق." ☺️❤️
اني حاليا معيده دفعه2022
دا اروح كل أسبوع دوام وماغيب وأحضر ويه مدرسات ودا اعوض عن كل تقصير مني لسنة الأولى ادعو لي الله يحقق حلمي وادخل الشي الي أطمح إله وابدع بيه❤
اني سنة ثانية، وداومت لعام وامتحانات بلمدرسة وجربت لوزاري وامتحنت وليوتيوب ولخصوصي وكلشي وشفت من خلال تجربتي لعام انهو المدرسة تركض ركض بلمادة ومتلحك يعني باسبوع اضخم فصل يخلصة ياترى وينطون بليوم 7 تحاضيرر وياهن امتحان وهو شرح موزين بس انتة مجبور تواصل لان ترسب وبلتالي يأثر عليك شهريات بشكل،
والله صح وشعوري هاذا
يعني انتساب افضل
بعكس اخويه سوه انتساب وجاب معدل 98.7 الحمدالله والله كلش ماراح يتأثر على طالب اني باجر راح انتساب الانه ما جاي سيطر على مواد الانه ماتعرف ضغوطات تحاضير وكل مدرسه تريد تحضير وين تلحك اذا انت عندك بالجدول كيمياء وفيزياء واحياء ورياضيات وانكليزي وعربي وكلهن تحضير ومتحانات يوميه يعني طالب وين يلحك على يدرس
من اول سنة لو معيد يلا سوى الانتساب؟
@@zahraa-qn7pm عادي حبيبتي من اول سنه او معيد هم عادي
@@m_a.n19 دخلتي معهد من سويتي انتساب لو انتي تقرينن
@@t_u8 اي داخله معهد هذا شيء اكيد لانه تدريس مو كلش مدرستنه وهم ادرس على يوتيوب تخيل نفسي مسيطره على مواد اني عندي هم شي دخل وزاري
@@m_a.n19 زين انتي نظريتج اذا سويت انتساب و مادخلت معهد بس على اليوتيوب
أكدر انجح يعني نظريا انتي شتكولين
اهم شي واحد يعتمد ع نفسه ويأخذ قرارت صعبه حتى يشوف مدا قوته اني مو من نوع التزم واسخت هوايه وكوله صارت ضد قراري الي هوه الانتساب بس اتحديت كولشي وقنعت اهلي وسويت انتساب وهسه صرت حريصه ع دراستي اكثر وملتزمه تغيرت 180 درجه وثبتت لنفسي انو قرار صح ويخص مصلحتي وان شاء الله نهايه حلوه
شوكت بديتي وشكد جاي تقرين؟
هل الانتساب اختياري وله لازم حالات مرضيه اني مدرستي ما يقبلون يكولون لازم تجيبين تقرير طبي
@@zeena662 اني من سويت انتساب كلولي اكتبي اي مرض بس يكون ما بي تقرير طبي
@@alihussein4248 سويت الأحد و بديت ادرس 4 مواد بليوم هيه وزراياته
@@zeena662 حسب المحافظ مال محافضتك شنو تعلماتهم اني بدون تقرير طبي بس جنسيتي وجنسيه ابوي ولي أمري سوه تعهد خطي وقع وهاهيه وهمه المدرسه يودونه للتربيه
بصراحه اني سويت الانتساب لان الطلاب كلها تلطم من صبح وطاقه سلبيه والمدرسات ميشرحن يعني 5 ساعات دوام ضايعه من يومي وارجع بس اريد انام ف نص يمومي يطير ف الانتساب جان حل مناسب وفرلي وقت هوايه
شنو جدولج؟
لازم داومين لحد ميقبلون الانتساب مالتج لانو ديسجلون غياب خاف تنفصلين
شلون سويتي الانتساب حببتي
اشلون اسوي انتساب ؟
ويصير اداوم يمتى ما اريد؟
@@danty0 مداومين فقط امتحان نصف السنه ودخولح عليه
وشلون تسوي تروحين لاداره مالتكم شوفيهم شنو محتاجين جنسيتي وجنسية ولي امر واقع حال يملوه لاداره وتعهد خطي ولي امر يملي وهاهيه 😶
طبعاً جنت متابعتك بلسادس وجنت بقمه انهياري وشعور انو الدنيا انسدت بوجهي مستحيل انسا ذيج الايام والتعب حرفيا داكتب ونزلت دموعي من اتذكرت مجنت متوقعه يجي يوم وينتهي التعب الي داعيشه وحالياً داكتب هلكلام واني طالبه صيدله صدكوني راح تنتهي ايام التعب وتجيكم ايام احلى لتضيعون هاي الايام الي حتبني مستقبلكم ل٤٠ سنه جايه ❤
هلو عمري ممكن سوال فدوه تنصحيني اسويي انتساب او لا اذا ادخل خصوصييي
@@ديارالحب حبيبتي اني جنت مسويه انتساب ومعتمده بس على الخصوصي
عمري. ننصحيني بالانتساب
@@اسواسو-ك9ب8ظ والله اذا ترديني نصيحتي شوفي نفسج اني هم جنت مثلج هيج ادوور ع احد يرضي رغبتي ويكولي سوي او لا بس تاليتها بحثت ع نفسي وكعدت وياها وصرت كدها واذا تردين انصحج كولج اسئلي نفسج انتي ح سختين لو لا هاي كلمه مو مضبوطه اكولج انتي المن درسين وانتي اذا مستفاده شي من المدرسه سوي لان اول وتالي انتي ح تقرين النص سنه ف بلحالتين تتتقرين تقررررررررررررين تقررررررين وبعد ماكو وقت واني سويت هاي لايام واليكول لانتساب خطا وتخسيت هوا الخطا لان الواحد يدرس اول وتالي ماكلها ف شوفي نفسج وتلاحكيها
يا رب نطلع من السادس ونحن محققين امنيتنا 🥼🩺
آمين يارب 🥺
@@aso2461 آمين
امين
امين يارب العالمين 🙂
آمين يارب
فدوا سويلنا تنظيم الوقت وكم ساعة نقرا بليوم بالنسبة الجماعة الانتساب اتمنى الكل تصعد التعليق حتى يشوفة دكتور كاظم🥺
اي
@@ffhh-qn4pv 🌸🌸
انت بيج شي
والله ياريت
@@احمد-ط1ص1ز ييي مسوية عملية فوق الكبرى😔
كاضم اني بالعطلة ماقريت لأن چنت دور ثاني بالخامس اوهسة حاير شسوي كاعد اقرة فصل فصل من كل مادة اما المدرسة مالي شغل بيهة مجرد اروح اسجل حضور او مراجعة للمواد
ممكن متابعه
انا طالب سادس اداوم بمدرسه اهليه ومستواي زين وجاي اشوف نفسي معتمد على اليوتيوب اكثر من المدرسه والدراسه علي صايره بنسبه 99% وجاي احس روحتي للمدرسه تضيعت وقت لا اكثر وانا من النوع المنظم وقته ومهتم بدروسه ومتخذ قرار وره نصف السنه اسوي انتساب 🙂 شتنصحوني؟
ينسد الانتساب بعد كم يوم
والله ياخوية اني داومت صارلي اسبوع ونص بالمدرسة واحس مدا الهم وبس دا أضيع بوقتي لا اكثر ++مدرساتنه كلهم فاشلات بحيث اكوال لمدرسة الرياضيات ست شرحي هل مثال تكول أخذوا واجب وانتو حلوه ++ اغلب مدرساتنه هي تكون سنتهم الاولى يدرسون بيهه سادس ومعدهم خبرة ابد ++ مدرسة العربي ختمت الاستفهام بأسبوع واني بالعطلة شهر بس ادك والطم ادور ولا تفهم هذا فعل وهذا اسم وهذا فعل استوفى مفعوله بأختصار متفهم ودا اعاني كلشش ++ دا افكر اسوي انتساب بس اني مشكلتي محفظ الاحياء بسرعة عندي صعوبة بس اني كلش زينة بالفهميات ...++كل ما ارجع من مدرسة بس ابجي لين مدا افهم ابد وبس دا أضيع وقتي غبت يوم عن المدرسة حسيت نفسي فهمت وارتاحيت بالقراءة بالبيت .. شتنصحوني اروح انتساب ??
روحي انتساب اذا مدتستفادين من المدرسه بس لازم تلتزمين
اني نفس حالتك ارجع من المدرسة بين ما اسبح و آكل و انام يصير الغروب و كلشي ما افتهم من يومي و ما الحك اقره و كلش تعبت نفسيتي و ردت اترك هاي السنه وحته غبت يومين كلت حته اترك ومن سمعت حذفوا نص المواد رجعت للمدرسة وهم نفس الحاله كلشي ما افتهم بس تضييع وقت وحسيت نفسي بالعطله اقره زين و افتهم اكثر و اضل اقره تقريبا ١٦ ساعه فكلت اسوي انتساب بس كلش ترددت كلت خاف ما التزم ، اهلي قبلوا و بكلشي وياي ما يعارضوني فكلت اسوي انتساب و ادخل معهد حته التزم اني اشوف انو الانتساب احسن الك اذا جنت انت داخل معهد او من النوع اللي تلتزم سوي انتساب تره المدرسة مراح تضيفلك شي بس التعب و يوميه رزاله
هاي نفسي كل ماارجع من المدرسه ابجي لان احس ضغط عليه ويومي نصه يضيع بالدوام ومن ارجع ارجع تعبانه حتى واهس ماالي اقره 😓💔ف راح اسوي انتساب اشوف هل شي افضلي
@@roserose944 اخخخخخخ💔اليوم كلت لمدرساتي انو ح اسوي انتساب كلهم كرهوني وكاموا يضربون بسامير ويباوعولي صفح اليوم باختصار أتعس يوم ايي فكلت لاهلي عالانتساب مقبلوا لين هي أول سنة الي وكتلهم عالمدرسات كالولي يرسبوج بنصف السنة إذا طلعتي انتساب...... فراح ينقلوني لمدرسة ثانية تقريبا ساعة كاملة يله اوصل الهه صحح راح تتعب بس ع أقل اكو نتيجة💔 إذا اهلج يوافقون عالانتساب وانتي تعرفين تنضمين وقتجج ف سوي احسلج انتي كدهه😭
@@جٍميلُِهينآير-س2ز إخخخخخ النه الله😂😭💔 شوفي اذا تشوفين نفسج تكدرين تنضمين وقتجج وتلتزمين فسوي واتوكلي ع ربح انت كدهه والله 🥲...اكيد كلهم ح يكولوج لا تسوين وكذا أنا سويت ورسبت ومن هلسوالف ذولة كسالةة وما يهمهم مستقبلهم وضلو يسختون ف.انتي اذا عندج طموح فطلعين ابو المعدللل والله ++كلشي يعتمد ع طالب وعلى شطارته وحرصة ع نفسه .
من صفات فشل الوزارة في معالجة الزيادة العددية بالطلاب هو الانتساب للصفوف المنتهية وغير المنتهية ...لو القرار يفيد الطالب ما كل سنة ينفذوه
راح اسويي انتساب واسويي جدول خاصص بيه وان شاء الله احقق حلميي 🥹❤️
انه هم مفكره بس يكولون موزين؟ شلون بهاي الحاله حتارينه
@@نوُࢪاݪهدِئ-ف8د شوفيي الانتساب حلوو اذا انتي طالبه منتظمه بدراستج وما سختين وتخلصين الماده حلوو اللانتساب هيج بسس اذا تخلصيهه نوم وما درسين حسب المزاج لا ما انصحج وبعدد كلمن يعرف نفسه واما للناس اني من ناحيتي ما اهتم لان انيي اعرف بنفسي واماا للناس اكوو الي طلع معدل عالي وهوه انتساب لان جانن منظم وقته والي ما طلع معدل وعاد لان مجان يهتم وبس اخرر ايام يالله درس هايي ما تفيدد فانصيحتي الج مالج دخل بغيرج انتي كعدي ويه نفسج وشوفي تكدرين لانتساب او لا ❤️
@@ZT_170 سويتي انتساب؟ وانت معيدة لو لا
گالوا الي بعدها الضوابط ماجايه صحيح؟
والله اني سويت انتساب لان هسه ارجع للبيت ساعه وحده وتبدي محاضراتي بل يوم ثلاث محاضرات ب2 وبل 4 وبل 8 وارجع للبيت بل عشره اتعب ف سويت الانتساب 👌
اليوم سويت انتساب وان شاء الله خير طالبة ثالث متوسط ادعولي ادخل وزاري اتمنى التوفيق ونجاح لكل الطلاب
فدوه شون اسوي ومفتوح حاليا لو لا
نحفظ الفيد إلى منوصل سادس 👍🏻
بوكتكم ماكو بعد انتساب حجي
@رافـضـي يـا عـلـي 😌🤍 رابع علمي .
@@_hackertube7333لاعيني منو كَال .
@@ibxs شنو منو كال هيه هاي سنه بالكوه رجعو سنوات تجي بس للامراض مزمنه سرطان لا سامح الله وغيره
@@_hackertube7333 الله كريم.
اني مسجله اربع مواد وحولت كيمياء لكتروني احس مدرسة الها اهمية من ناحيه مراجعه لان بالمعهد ميراجعون بفترات متقطعه يجي استاذ باجر امتحانكم مثلا بالفصل اول ولازم اقرا ع كد معهد وابو معهد يجيب بس وزاريات ماكو افكار شوية بينما احس مدرسة صدك الها دور من اشوف طالبات الاسئله اضافة رغم مسجله ٣ مواد فاني بس جمعه وثلاثاء واحد محاضرات عندي وبقية ايام ماعندي فمصارت ضغط بس يوم ثلاثاء ومرات اغيب🙂
زين و اذا المدرسة مبيها كادر تدريسي زين كيف بهذه الحاله 😐
@@ياصاحبالزمان-ث7ط اكو انتساب😋😅بهاي الحاله
@@ياصاحبالزمان-ث7ط انتساب
يصير الغي الانتساب عفيه. الي يعرف يجاوبني
ما جاي استفاد من المدرسه ابد بس مجبورة اداوم لان ما اگدر اجبر نفسي امتحن
اما الدراسه اكدر ادرس واظل ادرس من دون ملل
بس امتحان مكدر امتحن نفسي لان ما احب هيج فاستفاد من المدرسه بهاي الشغله 🥲💔
اما من ناحيه الدراسه فما مستفاده منها وبالاخص مدرس العربي راح يدمرنا لان جاي يطير بالماده واني مو فاهمه شيء 🥺💔
والادب تركه علينا يعني احس راح اتدمر 💔
احسه يقره افكاري كل مافكر بشي ينشره😂💛
يي وربي
@@Th0mra والله صح
هسه اني بصراحه ماجاي استفاد من المدرسه شي بس اضيع وقت بس متردده هل انو الانتساب افضل الي لو اشون؟
يا صف
@@بنين-ش7ظ4ق سادس
@@_1iux_ شوفي اكيد انتي هم نفسي كلشي ممفتهمه على مدرسين المدرسة و ترجعين تدرسين عاليوتيوب + شيلي 5 ساعات دوام و ساعتين كعده من الصبح و مسافه الروحه و الجيه و كل هاي و اذا رجعتي نمتي هم يروح من وقتج و ما يبقى شي من اليوم فا الأفضل اذا تشوفين نفسج ما تسختين و تلتهين و تنضمين وقتج الانتساب راح يكون افضل الج 🌹
+ ابد لتفكرين تدخلين معهد او خصوصي نصيحة لان هم مضيعة وقت اكو مدرسين باليوتيوب عمالقة تكدرين تعتمدين عليهم + حجيت هواي 😅
اني قدمت انتساب وخليته ورة ربي بعد وراح اضغط ع نفسي وانشالله اجيب المعدل الي اريدهه
++++
تدرسين يوتيوب لو معهد ؟
@@_w10n معهد داخلة + هم اقرة ع يوتيوب
@@_w10n معهد. والاسلاميه ع ملزمه عدنان البياتي.
شون سويتي الانتساب هم تقرير
اني طالبه سادس عدت سنه وكلشي مافتهم على المدرسات بل مدرسه ويطيرون بل ماده ركض وهاي السنه سويت انتساب وكمت اقره عل يوتيوب وخايفه اذا اتندم من سويت انتساب بس إنشاءالله اتعب علة نفسي وانجح واجيب معدل
بشري بروح ابوج منو افضل
بشرييي
اني متندمه لان سويت انتساب احس نفسي ما ضل عقل عندي لا اطلع لا اشوف طلاب مثلي... ف بهل يوم وبهل لحضه قررت ارجع اداوم
ممفكره اسوي انتساب بس حبيت ادخل الڤيد واشوف كظوميي لان مشتاقلها ومشتاق لنصائحها النا 🥺😔🤍🤍🤍.
يا جماعة صلو صلا استخارة حتى لاتندمون على اي قرار
شنو يعني صلاه الاستخاره
@@لصمتيحكاية-ذ4ظتصلين ركعتين وتدعين دعاء الاستخاره موجود ع يوت اذا تريدين
والله مشكلة اذا استمريت وي المدرسة مجرد بس اخلص وقت لان ممسفادة منهن شي ويركضن بالمادة على حساب الكُل دارس بالعطلة وداخل خصوصي يعني حرفياً لا اسلوب ولا شرح زين يجبروك تكره الدراسه بأكملها ، ومن جه ثانيه اني مو الالتزاميه ولا قاريه بالعطلة وحرفياً محتاره بين الانتساب والدوام وين ما اصفنلها تافله بوجهي 🥲💔💔💔
نفس مدرستنا باسبوع واحد خلصنا افصل الاولى🥰💔
@@ddvbb غضب الله عليهن مچلوبات
+++++++🗿
والله المدرسه فاشله كلش يعني احسب اطلع من 7ونص الصبح لي 2 ارجع للبيت فما الحك اقر كلشي وما ع افتهم كلشي بل مدرسه ولهيك راح اسوي انتساب بس متردده ان شاءلله اسوي انتساب واتوكل على الله 🥰❤
حسوي أنتساب وان شاء الله بأذن الله احقق الي اتمناه✨🥹🤍.
تدرسين ع يوتيوب لو خصوصي ؟
سؤال
@@ياصاحبالزمان-ص7ح يوتيوب
@@is_4lاريد استاذ مضبوط الانكليزي
والله بسبب المدرسين الطلاب يلجؤن للانتساب لان يحس يومه ضايع بالدوام والمدرسين طايرين بالماده خلال اسبوع خلصو الفصل الاول والطالب كلشي ممفتهم وبهل حالهالطالب يصيرعنده احباط ميلحك يحضر ولا يكدر يمتحن شهريات
أحسنتي
وضعي حاليا واريد اسوي وخايفه
@@ربيخلصنيمنالسادس-ش6غ لا لتسوين امشي مع المدرسه وحاولي تلتزمين بالتحضيرات اليوميه
انا همات اريد اسوي بس اعرف ميفيدني + انا رابع وخامس انتساب جربته يدمر
@@doaasabah1919 لمشكله مجاي لحك ع تحاضير ولامتحانات وصارت عليه تراكمات وماعرف شسوي
@@ربيخلصنيمنالسادس-ش6غ والله خيتي مثلي مثلج شنسوي الله كريم هاي اغلب مدارس العراق هيج مدرسينه لاذمه ولاظمير عبالهم كلها داخلها خصوصي واهم شي عدهم تخلص الماده فاهم الطالب مافاهم لاكن الله يشوف احنه ندرس ونسوي اللي علينه والباقي يم الله
يارب نطلع من السادس ونكون محققين للامانينا 🤍🔱
بدون ماسوف مقطع حطيت لايك وطالعه لان اعرف راح يحجي كلام توب،،،، للعلم طلاب طالبات اني طالبه انستاب وهم طلعت معدل ويا اضافه يعبر ميه وقريت وحدي بس يوتيوب 🧸❤️
ممكن متابعه
@Sun Wang طالبه يوتيوب فقط اعتماد كلي عل الله ويوتيوب 🌚🧸❤️لاحياتي اني دفعه ٢٠٢١ طلعلت معدل يأهلني لاي جامعه واني حلمي صيدله وبسبب تدخلات الأكبر سننا عل انه اذا عفتي طب راح تندمين طول عمرج فا سمعت كلامهم ودخلت طب موصل بس لاخر سنه واتخذت قراري وسويت اعاده ترشيح فا سويت قراري انه أحول صيدله وحمدلله حولت ونقبلت صيدله وبعد كم يوم ان شاء الله دوامي مرحله اولى، لان اكتشفت اني مااكدر اغيش بغير مهنه اما الصيدله او مااكدر فا الانسان يختار حلمه لان يندم بعدين 🧸❤️،،،، وهسه راح اروح اجيب تعليقاتي يخصن سنه كلها بتفصيل صدكت طويلات بس بقوه الله يفيدنج لان حرفيا ان شاء الله ممقصره ولابحرف🧸❤️
@Sun Wang (ملاحظه هسه راح ابدي انسخ تعليق جدولي وكلامي جان موجه لطالب بده يقره للسادس بهدا شهر عاشر يعني متأخر فا كلامي موجهه اله بجدولي وهو نفس جدول الي اني درست بي بس يفرق اني بديت من عطله صيفيه من خلصت خامس فااكيد لحكت وامتحنت كل مواد دور اول لكن بجدولي لهذا طالب سادس الي ماقاري بالعطله اكيد من منطقي اكله احتمال تأجل مادتين دور ثاني) وهذا تعليق ⬇️
سألتني عل جدول وكلت الحك اذا ابدي اقره من هسه لو اني متوهمه؟ لان قريت تعليق ونسيت ارد،، فإذا سألتني شوف أسألك سؤالين اولا انت مستعد تقره عشر ساعات باليوم وانت تكون رقيب نفسك يعني تقره بلبيت عل يوتيوب فقط وتقدم انتساب من مدرسه حتى ما داوم نهائيا فقط تمتحن نص سنه علمود انه من تنجح نص سنه تنقبل وزاري وخلاص للوزاري يعني دراسه كلها بلبيت اذا مستعد تقره عشر ساعات باليوم وانت تراقب نفسك وتتخلى عن أصدقاء السوء الي اربع وعشرين ساعه دياحه وطربكه تحديدا ذوله تقطع علاقتك بيهم عل سنه تخلي طلعتك وياهم بشهر مره زياده عليهم وتخلي الك صديق صديقين شطار ترافقهم هل سنه ويكونون الك رقيب وانت رقيب الهم ناس تراقب ناس،، اذا مستعد تقره عشر ساعات باليوم وتاخد هل قرار وتتعهد سوي هي اشهر وتعدي اضمن الك مستحيل معدلك ينزل عن تسعين مستحيل مستحيل اذا اتبعت جدول الي راح اكتبه فا اذا تنطي وعد تقره من ثمان ساعات ال عشر ساعات حتى أكتبلك جدول بليل/ اولا لازم لازم لازم تقدم انتساب مدرسه تقتل وقتك ادرس بالبيت مدارس فاشله فا جدولي راح يكون عل اساس انت مقدم انتساب،، لازم تقره من عشر ساعات الى اثنعش ساعه كمعدل يومي، وعادي مو اله يوميا عادي ايام تقره ثمان ساعات او ست ساعات من تكون مختنك لان انت بشر مو الي فا مهم حط عشر ال اثنعش ساعه هدف يومي،،، مع ملاحظه كل نهايه اسبوع اسوون مراجعه وكل نهايه فصل تراجعونه كانما عدكم امتحان بالمدرسه تره اذا مراجعتوا كل فصل تدرسونه تروح دراستكم بشط🌚💔ملاحظه ال كل ماده نزلوا وزارياتها من كوكل عل تليغرام وكلما تخلصون فصل شوفوا وزاريات نظريا بعيونكم اي سؤال بي صعوبه حلوا ورقه وقلم وكبسوا ويا ملزمه ماده، تقسم الاسبوع ثلاث ايام بثلاثه ايام (اول ثلاث ايام تبدي فيزياء ساعه باليوتيوب شوف هي محاضره محاضره ونص حسب مهم تقره ساعه فيزياء ستين دقيقه هاي انت كبالك ملزمه وناشر او دفتر ملاحظات بس الشي الي مامكتوب مرات مثال جديد باليوتيوب بس مدرس ماكاتبه بلمزمته فا انت دفتر فيزيا هو لل الملاحظات الي يذكرهم حسن عبد الكاظم بليوتيوب خلال محاضره وتكتب امثله جديده فا ستين دقيقه بين ما تخلصها عل يوتيوب رادلك فد ساعتين ساعه ونص هيج شي ترجع تسد يوتيوب وتحل شكو سؤال بيدك ورقه وقلم لازم ورقه وقلم ترجع تحفظ الحفظ عادي حفظ بدون ورقه وقلم فا بالمجل حيطير تقريبا ثلاث ساعات فيزيا بين يوتيوب وبين انه طفيت وحليت ورقه وقلم،، قواعد العربي ادرس هم ستين دقيقه عل حمزه جابري وملزمته ماكو داعي تكت ب هب ملزمه صيف ملاحظاتك عليها بس سويلك دفتر تكتب بي شغلات رمزيه مثلا مخطط لموضوع استفهام هيج شغلات انت سويها وره ما تكمل موضوع وجمع معلومات ار خلال ما شوف مقاطع يوتيوب ويذكر شي ملاحظه حمزه الجابري انت ضيفها فا هم بين ما تخلص ستين دقيقه وارجع تراجع تحفظ حفظ طبعا وقاعد العربي حفظ بدون ورقه وقلم فا هم من تخلص يوتيوب وتراجع ويانفسك راح تقريبا ثلاث ساعات تروح، رياضيات حيدر وليد هو توب مدرس مبدع اسمع رزالاته بالمحاضرة😂 وشيكول طبق😂وماكو داعي دفتر هي ملزمه حيدر وليد اعتمد عل ملازم متلحك تكتب دفاتر فقط لل الملاحظات وشي الي ماموجود بالملزمه انت تباع يوتيوب وتقره عل ملزمه،فا هم نفس حاله فيزيا وقواعد عربي هم كملت ستين دقيقه يوتيوب ترجع تحل بيدك ورقه وقلم سؤال سوأل رياضيات وكل مواد علميه ام اي سؤال ينحل ورقه وقلم وعادي تخطأ مره ومرتين وثلاثه وأربعه وتحس روحك غبي حشاك جدا طبيعي والله طبيعي اني جتي فترات ابجي واكول الخاطر الله سنو هل غباء وين اكو بشر يخطأ بسؤال ثلاث وأربع وخمس مرات عادي جدا جدا مهم كلا لليأس 🌚👏🏻فا هم راح يطير ثلاث ساعات وعادي اذا ثلاثه ونص مو مشكله، اسلاميه ملزمه عدنان بياتي هي تقرأه ا عل ملزمه اقره ورقه ورقه ونص خلاص ساعه ساعه ونص )(ثاني ثلاث ايام ادب العربي، احياء، كيمياء، انجليزي) ادب عربي تقره ورقه ونص باليوم ورقه مو صفحه لا ورقه ونص َ يعني رادلك بثلاث ساعات، احياء ثلاث ورقات هم رادلك بثلاث ساعات بين ما تحفظ وتراجعهن، كيمياء أخذها الكتروني عل حسين هاشمي وريح راسك واختصار للوقت واضمن للدرجه توب ان شاء الله لان العربي ميستاهل دوره حمزه جابري ابدا ما مقصر شرحه توب بس هو قواعد يحب مراجعه هواي اما كيميا فا ماكو مدرس مكملها عل يوتيوب فالأفضل الكتروني حسين هاشمي وبرد راسك هم اقره ستين دقيقه عل مقاطع وراها ادرسهن وخل بيديك ورقه وقلم وراجع واحفظ الي ينحفط وَراح يطير ثلاث ساعات اذا مو ثلاثه ونص وهكذا والانجليزي ساعتين باليوم ابدي بي بسره خلص وحده وحده هي وقواعدها وانشاءاتها وهكذا يعني عي اقره بساعتين وين ما توصل سد امشي بسرعه وهي تدريجيا راح يخلص انجليزي واهم شي الانشاء وره ما تحفظه تكتبه ورقه وقلم عل غيب ضروري حتى يثبت بعقلك زين ويوم السابع يكون يوم مراجعه سريع للي قريته مراجعه سريعه مو تتعارك ويا نفسك لا حاول تراجع بهدوء تذكير معلومات للمادتين الي انت تختارهن وتحس يستاهلن تراجعهن،⬇️اتبع تكمل
@Sun Wang هاي وين درست ❤️ الى كل طالبات طلاب الخامس المقبلين للسادس نصائح جنت اتمنى احد ينصحني بيها ❤️اولا رياضيات حيدر وليد ملزمه
فيزياء حسن عبد الكاظم اشتروا ملزمه حسن عبد الكاظم يله تبدون تقرون لان يوتيوب مو كل حفظ كامل بالاضافه اشتروا إلى وزاريات حسن عبد الكاظم ملاحظه اكو كم موضوع حفظ فيزياء مراح تلكون حسن عبد الكاظم شارحه فتروحون عل استاذ عصام شمري لان فيزياء متنحفظ لازم لازم فهم لان تنسين
احياء اذا تبدون من عطله اشتروا ملزمه ماهر نايف صدك راح تنصدمون من حجمها وتخافون🌚😂بس تره هاي لان كل صيغ وزاريه لنفس جواب يعني تغني عن انه نشوف وزاريات للأحياء لان هي ملزمه ماهر نايف كامله صيغ وزاريه
انجليزي علاء السعداوي مع ملاحظات ان شاء الله قصص لازم تترجم وتفهمون قصه حتى اي سؤال يجي جاوبونه🌚💕❤️
عربي حمزه الجابري او احمد نعيمي شرحهم خنفشاري اي واحد تختارون عادي
اسلاميه ملزمه عدنان البياتي ادب ملزمه عقيل زبيدي
كيمياء مهند سوداني باعوا انتبهوا انتبهوا ال كل كلمه راح اكتبها إياكم إياكم إياكم🌚 من تدرسون عل استاذ مهند سوداني لاتعبرون ٣٥دقيقه باليوم اقصى شي ٤٠دقيقه لاصيرون بروسلي ودرسون محاضره ومحاضرتين كيمياء عل مهند سوداني وبعدين والله مو خوش مدرس لالالالا احنه مو خوش🌚 سألوا مجربه لان مهند سوداني بلمحاضره يعطي كميه ضخمه من معلومات فا باليوم ٣٥ ال ٤٠ دقيقه كلش كلش كافي حتى لو تحسون سهله محاضره تره كيمياء سادس سهل ممتنع يعني دربالكم محاضره تره ازعل ومن ازعل منك تندمون😂🌚💕،،،، اما باقي مواد عادي درسوا محاضره كامله او محاصراين بكيفكم🌚❤️مع ملاحظه كل نهايه اسبوع اسوون مراجعه وكل نهايه فصل تراجعونه كانما عدكم امتحان بالمدرسه تره اذا مراجعتوا كل فصل تدرسونه تروح دراستكم بشط🌚💔،،،ملاحظه كيمياء كل افصل عل مهند ماعدا في حال اكو افصل ممكن متفهمونها عل مهند سوداني مثلا من ممكن فصل ثالث كيمياء متفهمونه عل استاذ مهند سوداني شوفو فصل ثالث عل امجد تره مو معناها صعب بس راعيت اقل مستوايات الطلاب الي مثلي ميفهون عل سريع 🌚💔،، وخامس شارحه حسين هاشمي بطريقه حلوه ،، وسابع محد شارح عضويه مثل إبداع خالد دليمي وثامن صغيرون ورقتين هيج حفظ بكيفكم وين مشوفوا شوفوا😊ممكن امجد سرابي يشرح من تنجحون حفضيات شرح للحفظيات 😄اما ملزمه كيمياء اكيد ملزمه مهندسوداني
ملاحظه ال كل ماده نزلوا وزارياتها من كوكل عل تليغرام وكلما تخلصون فصل شوفوا وزاريات نظريا بعيونكم اي سؤال بي صعوبه حلوا ورقه وقلم وكبسوا ويا ملزمه ماده🌚💗وخذوا سكرينات لتعليقي الجريده 😂🌼وشوفوا الكل شخص تعروفوا مقبل للسادس،،،،، مع ملاحظه من تنجحون من خامس يوم مثلا نجحتوا باجر تشترون ملازم عكبه تبدون تقرون😸💔💕حاولوا تخلون هدف دراستكم ١٠ساعات ال ١٢ ساعه وعادي اذا ٨ و٦ او تخلون عطله يوم بين فتره وفتره لان اكيد بشر نتعب بس حاولوا باليوم ١٠ساعات دراسه 🌚💕.ملاحظه الهدف بلعطله الصيفيه مو تخلصون كتب ركض ركض بلا فهم الهدف التقرونه تفهمونه يعني خلصوا نص كتب او اقل بس ضابطيهن فووول ولا كل كتاب بس بلافهم 🌚اهم شي تفهمون الي تقرونه مع ملاحظه بالنسبه للحفظ اقروا ورقه احياء وورقه ادب كلش كافي لازيدون 🌚🌚🌚🌚🌚🌚🌚دوسوا لايك حتى تعليق يصعد حتى غيركم يستفاد بالتوفيق ❤️🤲🏼ملاحظه فصل سادس كيمياء اكو موضوع اسمه (الايتا) سهله بس هاي فقط مراح تفهمونه عل مهند سوداني شوفوا( الايتا) عل امجد سرابي ورجعوا كملوا فصل سادس عل مهند سوداني 🌚💞سمعوا كلام🌚🌝❤️وكذلك ادب عربي كم موضوع ازهر مقدم شارحها بطريقه رسم
@Sun Wang اتبع تكمله⬇️هاي تكلمه تعليق ⬇️ترجع كلما تخلص عشرين محاضره من كل ماده يعني فرضا يوم جان ثلاثا وخلصت واجبك وبليل سفت انت مخلص عشرين محاضره فيزيا كبل دكول باحر عندي امتحان فيزيا شهري وتفرغ يوم الها وتلغي هاي متل يوم سابع مراجعه يوميه لانه انت بده فتره مثل امتحان شهري لان بديت تتقدم بالمواد ان شاء الله تفهمني شقصد يعني تكعد يوم صبح انت مصبح واصل محاضره عشرين فيزياء فا دكول امتخان شهري فيزيا امتحانك عباره عن انه تدرس عشرين محاصره مره الخ حل ورقه وقلم وتراجع حفظ وكل محاضرات عل ملزمه حسن عبد الكاظم وملاحظات ومن تخلص تروح عل ملزمه وزاريات حسن عبد الكاظم وصير تغطي جواب بيدك وجاوب بعيونك فيصير كانما امتحان شهري الك واي سؤال صعب حسيت بي لوفه حله بيدك ورقه وقلم وصيفه للملزمه وهكذا لكل مواد نفس طريقه تماما كلما تخلص عشرين محاضره سوي الك امتحان شهري الي هو اقصد بي مراجعه مثل ما وضحتلك ونفس شي لكل مواد،، بس فرق فيزيا عندك ملزمه وزاريات حسن عبد الكاظم اما باقي مواد لا ماعتدك وزاريات نزل وزاريات عل تليغرام مال خالد حيالي منزل ملزمه وزاريات لكل ماده اكتب وزاريات خالد حيالي عربي عل جوجل تحميل عبر تليغرام وهكذا،، ووزاريات كيميا خالد حيالي تحميل عبر تيليغرام وهكذا نفس طريقه مراجعه وامتحان شهري للفيزاَيا طبق لباقي مواد مع ملاحظه هسه انت خلصت فرضا عشرين محاضره كيميا ودرست مثل ما وضحتلك نفس فيزياء ورحت بنهايه يوم عل ملزمه وزاريات تيليغرام مال كيمياء شكو شي تخس بي لوفه فكره وره ماتحله ورقه وقلم اخذ سكرين للسؤال نفسه ماكو داعي تكتبه لا هي مو انت فتتح ملزمه وزاريات كلما شوف سوال يستحق سكرين ما تلحك تكبت كتابه ضيع وكتك وتعب ايدك ايدك اريده لل دراسه من تدرس وتحل ورقه وقلم ماريد تعبها بترتيب دفاتر وهل خريط لعد الملازم المن، فا خذ سكرين لكل سؤال صعب اوسخيف وتافهع لدرجه انصدمت شون خطأت بحله خذله سكرين وسويلك ملف بالاستديو اكتب وزاريات كيميا راح شي يصير بين ما تخلص سنه ملزمه وزاريات كيميا الي هي فرضا ستميه سؤال بنهايه سنه انت حتكون بملفك وزارت كيميا باستديو حتكون تقريبا مقلسها ستين سوال هاي ملف استيديو هو الي بفتره مراجعه وزاري من تقر كيمياء وتخلص هو هذا ملف وزاريلت الي راح تقرأه اما وزاريات تليغرام اودعانكم🌚🤝🏼لتن هو انت قلصتها واختاريت مخمات ماكو داعي نرجع التلي لان اصلا متلحك وقت ضيق فا ملفات سكرينات وزاريات الاستديو حتكون مختصر زبده وزاريات الي تراجعهن وره ماتخلص كل ماده بفتره مراجعه وزاريات وهكذا نفس طريقه لكل ماده، ماعده فيزيا لان ملزمه وزاريات حسن عبد الكاظم مكفيه وموفيه وأدب عربي واسلاميه وأحياء لاتنزل وزاريات لان انت اصلا بالملزمه كلها وزاريات وأحياء ملزمه ماهر نايف ملزمه بكد بيت هي وزاريات للنخاع متحتاح سوف وزاريات اخياء اصلا لان هي ملزمه متروسه اقره عليها وهاي هيه
انت ابدي من يوم اقره عشر ساعات ال اثنعش ساعه خل انطيك اسلوب تحفيزي للدراسه ال كتلك عليه ذكرني بي راح ابدي اكتبلك طريقه لا تقرأها بطريقه متواصله قطع عندك اربعه وعشرين ساعه خير من الله اقره ساعه واستراح عشر دقايق او او او اقره ثلاث ساعات جره وحده واستراح ساعتين نام احجي ويا اهلك سوي شي يونس وهكذا ودائما فكر بسادس يوم واحد لاتفكر عل مدى بعيد كول اني يوم كعدت اني يوم كطالب سادس يريد يطلع معدل لايقل عن تسعين مطالب بان اقره عشر ساعات ال اثنعش ساعه هذا هدفي مت اخلصهن الي هديه بنهايه يوم ساعه ساعتين تريد يوتيوب تتفرج شي تريد تكعد وياعائتك تريد تشوف صديق سوي شي الي تحبه وينفه عنك ويكون هديتك بعد انجاز دراسه من عشر ساعات ال اثنعش ساعه ،، امسح تطبيقات التواصل الاجتماعي بس هل سنه خلي بس تيليغرام لغرض مواصله صديق صديقين شطار يفيدوك تسالهم بسرتل متفهمه وهكذا ويحفزوك ودائما تذكر انه همه ديقررن يوم كله حالي من حالهم مراح اموت انجب والصم واقره بلا واهس بلا خريط غصب انجب واقره (ملاحظه الإنجب هي مو بوجهك تحديدا اني دااكتب كلام كانما لنفسي🌚🤝🏼) كتلك امسح مواقع التواصل الاجتماعي لان يسون اندمان اني تيكتوك وانستا جنت انسه نفسي ثلاث ساعات اربعه وكانما ربع ساعه فا مسحتهن احسن كلعه هنه برامج طايح حظهن مابيهن خير نصهن اخبار مشاهير تافهين لاحكين عليهن خلص سادس واشبع منهن،، بينما يوتيوب من سوف ساعه ساعتين كمكافأه نهايه يووم. تتفرج الك شي برنامج اي شي مقاطع يوتيوب تتونس لان ذاب مبايل وتتفرج مو َسخافه مواقع التواصل الاجتماعي بس توتر ومضيعه وقت،،زين اني كطالب مااحب اكعد من فجر سون بيه مااكدر عادي طوز بكيفك🌚🤝🏼🌚اني الي يهمني تقره عشر ال اثنعش ساعه مايهمني شوكت اني بزيت سادس جنت اكعد بسته وبعدين انام اثنعش بليل بعدين مليت مااكدر اكعد بسته طكت روحي ودمعتي في مقلتي 🌚كما انام لاذان الضهر اكعد اصلي الظهر واترك وابدي اقره بطريقه متقطعه مثل ماذكرت الك وما نام يمنع منعا باتا ان انام الا ان اخلص دراسه عشر ساعات ال اثنعش ساعه فا تشوف ابقى كاعده مرات اذن الفجر يله اخلص وانام مرات اضل للخمسه صبح سته سبعه ما انطمر اله اخلص اقصى حد سبعه صبح انام لاذان ضهر ارجع اكعد،، مسموح الك خلال فتره يووم من تقره مثل نا وضحتلك بطريقه متقطع ساعتين واستراحه وساعه واستراحه وهمدا٤اذا صارت الك استراحه ساعه وحبيت تنام عادي هاي مسموح الك الي اقصد ممنوع تنام ممنوع تنام نومه طويله ام خمس وفوك وانت ممخلص واجبك🤝🏼🌚
اجى بوقته والله جنت حايره كلش
اللهم وفقنا في الدراسه والمعدل العالي
بعون الله راح اسوي انتساب وادرس يوتيوب لان مدرستنا بعيدة عليه ومضيعة للوقت
ادعولي بمعدل97دعوة اربعين مستجابه❤❤
سادس احيائي و باجر راح اقدم انتساب والله جاي اضيع وقت المدرسات بلمدرسه بساع مشن بلماده ومافامين شي وفوكاها يردن امتحانات يوميه وخلصن الفصول الاوله بساع الاحد الجاي يردن امتحانات شهريه🤦♀️
راح اكعد بلبيت ودرس عل يوتيوب🙂💔دعولي بلتوفيق فدوة والكم بلمثل
انتي ياصف + اني هم اريد اسوي انتساب بس شلون اقنع اهلي هاي المشكلة
@@YAQEEN_7. سادس احيائي
اكلج شلون ادرسين؟يعني كم ماده باليوم؟
اليوم رحت للمستشفى ولا دكتور نطاني انتساب 3 دكاتره راجعت مايقبلون وهسه اني حايره شلون
اريد انتساب لأن المدرسه كلش مو من صالحي وسنه ثانيه اريد اركز الفصول الاهيره لأن الأولى سهله علي تقريبا
السلام عليكم ✨
طبعا اني طالبة ثالث متوسط اول سنه طبعا الصراحه ما عندي احد كبير يفهمني ع الثالث ومدا اعرف اتصرف اني دوامي ظهري وصباحي بحيث ابقه ل ٣ أقره ومال الحك وتبقه عندي نقوصات وما عندي نقطه حافز ✨ ولا مدرسه تسوي واهس واعتمادي الاكثر ع اليوتيوب ف فدوه الي عدها نصيحه تكتب..
اني عتبريني اخوج الصغير انصحك سوي انتساب اذا ما جاي تفتهمين الي جاي تقري مجرب
@@مرتضىآلسودآنيے نسد الانتساب 🙂
@@مرتضىآلسودآنيے اني قدمت بس منتضرة
طالبة انتساب 23
ان شاء الله ما اتندم على القرار 🌸.
شو انه رحت لمدير مدرستنا حتى اقدم انتساب بس المدير يقول بعده ما واصل الكتاب إلى المدارس
يمتى يجي الكتاب للمدارس ؟
هسه شسوي اريد اقدم انتساب شلون ؟
@@danty0 الكتاب جاي ولي حد شهر ال 12 ينسد الأنتساب
@@joree3901
لا ما ينلغي لي نهاية السنة بس التقديم عليه ينسد
تندمتي؟
تندمتي !
# نطالب برجوع الانتساب 😢
رجع
@@reda357للكل ؟
يعني انا قرايتي من زمان عاليوتيوب وافهم عليه اكثر من المدرسة نفسها بحيث المدرسة مافهم من المدرسين لان شرحهم سريع وطايرين بالمادة وكل يوم ينطون واجبات وامتحانات وتحاضير كلهن دفعة وحدة صرت حتى ما الحك اقرا عالنت وحالي حال السطل وهسه محتار..
++
و سويت انتساب لو لا ؟
طبعا المقطع طلعلي وره ماسويت انتساب وعود اني جنت منتظرتك ++ المهم ياريت تسويلنه جدول لطلاب الانتساب
للامانه انه مسوية انتساب وانه بصف اول متوسط صراحة الحمدلله جاي ادرس وكل يوم 6 مواد اخذ كل يوم الا جمعه وسبت اقلل من المواد واكتشفت انو صارلي شغف اكثر لمن سويت انتساب قبل جنت ما احضر لمن جنت بل دوام وبل گوة ادرس لكن لمن سويت انتساب صرت ادرس هواي واغلب المواد انه غالبتهم وانصح الانتساب لطلاب الي يدرسون وعدهم شغف انصحك بل انتساب اما اذا جنت مهمل وما عندك جدول ومحتار وترى الانتساب ابددددد مو سهل اغلب الطلاب ما يدبروهة ويعيدون السنه بسبب الانتساب فى ليش تتورط بهيج سالفه الي هية مستقبلك محد يدير بال لمستقبلك غيرك انتة المهم حاول تگعد وية نفسك وشوف اذا انت گد الانتساب لو لا وبس.
اني هم توني سويت وجاي ادرسس
انا ببالي اسوي انتساب بس الاهل ما يقبلون للاسف ويقولون ما تقدرين ف ما عرف شسوي
@@Xks491 شوفي نفسج تقدرين تسوين الانتساب لان مو سهل ابد انه الحمدلله نجحت من عنده ورحت الانتساب صعب لان محد يدير باله عليج غيرج انتي بل مدرسة جان اكو مدرس يكول شنو المهمات وشنو الداخل ف من تقررين انو تسوين انتساب خلي صديقة تراسلج او انتي تراسليه تسأليه وين وصلتي بل مادة او الامتحان نصف سنة يمتة والى اخرى يعني شغلة متعبة 🥲🦦
كم معدلج بلانتساب؟
ها ياعمري وين صرتي اريد استفاد منچ
هسه اني معيده والعام جنت اهليه وامتحنت وجربت
احس الانتساب يفيدني اكثر
اني نفسج
صحيح والله
تعرفين الانتساب لغووو لو موجود ؟!
@@e_m_an ماعرف
ها شسويتن
يارب ان شالله كل الطلاب يحققون احلامهم ويطلعون المعدلات الي يحلمون بيها حلمي 97 ياربب وفقني ادعولي 😭💗
ها
زين اني مسجل معهد واريد اسوي مراجعه للماده الاخذتهة بلمعهد بلمدرسة حتة اضبط نفسي زين
شدوس هسة
سويت انتساب ومن الله التوفيق 🥺💜ان شاء الله نعدي هل فترى ع خير حالنه حال إلي قبلنا ونوصل للي نريده
انت شرحو عن الانتساب فقط لمرحله السادس بس م شرحتهه لبقيه المراحل ياريت لو تشرحه بشكل العام او المراحل الغير منهيه شنو رايك ب انتساب الهم
انتم ميفيدكم متهتمون للمعدل عادي داومي وقري يوتيوب افضل
@@kayon3453 شتسوين بيها
@@حشاكمطالبسادس-ظ6ر منو كلك منهتم للمعدل اكو شغله بالي اريد اسويه وتطلب معدل وهم مو شلون ما جان يعني لازم ٩٧ وفوك ف اريد اعرف ياهوه احسن
@@زهراء-ذ5ن والله ياخويه شكلج انتي تلتزمين لا 🙂لو تيهين المشيتين لا انتي ضاله ولا انتي مسيطره عله مواد بل انتساب
@@حشاكمطالبسادس-ظ6ر ما ادري والله بس اني هواي اتلهه وبنفس الوقت هم اقره واركز بس حسب يعني مو من ذوله ال ٢٤ ساعه يقرون ولا الي ٢٤ يسختون صايره وسط
والله المدرسة مضيغة وقتي بشكل فضيععع ويركضن بل مواد ركض وياريت يفهمن الواحد
واليكتلكم قهر خالينا الاسبوع هاذ كلة امتحانات شهرية وتكومني وحدة والله ليش ما محضرة شو الى ارسبج 🌚💔
و بعدين شنو اذا اسوي انتساب لازم اسجل بمعهد
اذا الطالب جاي يفهم عل يوتيوب ماكو داعي 🙂
والله يركضون بلماده ركض
انتي سويتي انتساب او لا ؟
ان شاء الله انجح من السادس بحق فاطمة الزهراء 🙏
حتى الدعاء غلط
اني عندي مشكلتين اروح للمدرسه اولا فقط اذا تاخرت او اي شي مشاءالله شايفين المدراء العراق بالمدارس والكادر تدريسي وثانيا اني لحد ساعه ١١ بالمدرسه بعد ماكدر افتهم ومدرسينه بس يصيحون
اني طالبة خامس علمي وصارلي سنتين مريضة(دوخة قوية وخفقان قوي ومرات يغمى عليه)ورحت لهواي دكاترة وبلا فائدة ويادوب جاي اداوم بالخامس بحيث كلساع اغيب واجلت ٥ من امتحانات نصف السنة واكو شخص اقترح علي اسوي السنة الجاية بالسادس انتساب لان اني على هاي حالتي واداوم مااتوقع اطلع من السادس بمعدل زين ف ماعرف والله حايره كلش فدوة ادعولي بلكي اتحسن قبل مااوصل للسادس😞💔💔💔
2023/2/19
عندج العافيه وكلشي يهون ان شاءالله وترجع صحتج بس عزيزتي راجعي دكتور الصحه ما تنهمل علاقل علمود دراستج والخفقان لا تشربين جاي ببسي حلويات ولا تنفعلين او حزن والدوخه يجوز فقر دم بس انتي روحي راجعي والشفاء العاجل 🤍?
نفسج ونفس معاناتج وهسه قراري الاخير اسوي انتساب افضل شي
@@haneenjawdathaneenjawdat اني راح ااجل هالسنة لأن مااكدر ابد ادرس
الحمد لله على كل شي
@@n65n8 الحمد لله على كل حال والله رحت لهواي دكاترة وماكو فائدة وراح ااجل هالسنة لأن مااكدر ابد ادرس
@@Farah18. ان شاءالله تتعافين قبل الدوام وتكدرين ادرسين
اني مسويه انتساب ادعولي بالمعدل لعالي
انيهم سويت بس كلولي داومين لحد مينقبل لانو ديسجلوني غياب هل فترة
شلون اسوي انتساب؟
ويصير اداوم يمتى ما اريد؟
@@gh_za لمديره هم ڪلتلي هيج كتله ست ماعندي خط ومااكدر اجي كالت يلا عادي ابقي مراح نسجلج غياب بس من يوصلج لكتاب جيبيه وتعالي. وبعد 6 واجيب لكتاب
@@danty0 الانتساب تروح للمدرسه وهي اتسويه لج + لا بعد اذا سويتي انتساب مايحقلج ادامين ابد اتروحين بس فتره لمتحانات وهاي هي
تنصحوني اسوي انتساب؟ اني صف خامس
اذا اي واذا لا اتمنى تذكرون السبب لان حستفاد من رأيكم بهل شي 💙
تعديل : اقصد عمود بعد نصف السنه ادرس للسادس
المن مسوي انت مو وزاري
أي اكولك او اكلج لاتروح انتساب . لان والله راح تتبهذل بنت عمي راحت انتساب وكعدت بالبيت تدرس ومن رجعت للدوام نصدمت والله وكلش تعبت وملت من البيت مع العلم هي مريضة سكري ف كعدت بالبيت تدرس+بعد بكيفك بس اذا انته مريض اي روح واذا ممريض ليش تروح +لتروح هسه انتساب انصحك لانك طالب خامس مباقيلك بس سادس اعدادي وتروح جامعه يعني تعود ادرس بالمدرسه ولتكعد بالبيت احسلك هذا شي مو زين عليك والله+اذا داومت راح تعرف هواااي اشياء مثل الاسئله الي يجيبوهاا المدرسين وهااي وبعدهاا إن شاءلله تنجح+اني بس حبيت اكلك وبعد بكيفك+بالتوفيق 💗.
@@يآࢪي لا هو طالب خامس مو وزاري. بس طلاب سادس وزاري اوكك،
@@user-vt8vt7zx7v
شكرا على النصيحه جد استفادين كلش واني من البدايه ادري انوا ميفيد اسوي لان الاحسن انعفي وابدي ادرس للسادس بعد نصف السنه بس جان جايلي توتر شوي وكلت لان مستقبلي يعتمد ع السادس ف لازم افكر بكل خطوه اسويها
لا اسوين انتساب
اكثر واحد استفديت منة خلال فترة السادس
كا ضم تحياتي الك جنت دائما تكول فترة
وتهون والحمدلله هانت🙏🤍
هسة اني خامس او ماجاي الحك اقرة من ورة المدرسات يركضن ركض اشووون بل السادس 😢
والله اني حالياً حايره بين الانتساب والدوام واخاف اسوي خاف ما ادخل وزاري
مثلي
دكتور بس والله اني عندي صديقات اني اتمنى مااشوفهم يحطمون المعنويات اني مسجلة بمعهد خصوصي ٥ مواد والكتروني مادتين وقدمت انتساب اشوفها احسن دعيلنا
بتوفيق الج أن شاء الله معدل عالي 🫶🏻 شنو رايج بمعهد ونصايحج اذا ممكن❤
شكد معدلججج امانةةة انيهمم نفسجج 💔🌞وخايفةةة انتسببب نصايحجججج
@@user-dh6qm3pm9s 👽💔💔💔نفس وضعج بس قررت اداوم بس بامتحانات احاول بلكن يقبلون إدارة علمود احياء امتحانات وانكليزي وإسلامية
@@user-dh6qm3pm9s اني مثلج دخلت كيمياء فيزياء عربي و رياضيات واحاول اغيب بدوام اداوم بامتحانات شنو سويتي
طالبة سادس انتساب دفعه 2024 اكبر طوحي ورجائي من الله اني اجيب معدل يسمح لي ادخل كلية صيدله بجامعه الموصل ادعولي
تدرسين معهد لو شنو
اي@@q35_1
وين صرتي؟
@@X_12ht ماجله خمس بعد كلبي وناويه اعيد
فدوة لروح دكتور
استمر بلنشر والله نستفاد
امتحانات نص السنه و الوزاري بيا شهر؟
و اشوكت الواحد يكعد بالبيت ورى نص السنه؟
حسب الطالب يعني اكو اذا ضامن دخولك بعشره ايام يكعد يعني وره عطله نصف سنه يداوم 10 ايام ويكعد بالبيت او اذا يريد ليداوم بس اكو بشهر يكعدون بالبيت
@@ضحى-غ2و شوكت امتحان نص السنه
@@عبوسي-ك2ق1ش بشهر واحد لو 15 بالشهر لو 20
@@ضحى-غ2و شكرا
اني مسجل ماده وحده خصوصي الي هيه عربي ، صديقي مسجل خمسه مواد ضد ارادته من اهله
و الولد خطيه يريد ينتسب لان ضميره تعب من المدرسه و المعهد بس ابو ما يقبل ، احمد ربي سجلت بس ماده
يا اخي انت وردة الله يوفقك و يوفق اخوك و يطلع الاول ع العراق
4:46 دفعة 24 صح اشوف طلاب و منافسة شي حلو و صار بيه من اشوف احد سابقني ف اني اضغط على روحي ، و الشئ الي غلطت بي و تعلتمة أنو ما اخلي واهس و نفسية جدار يفصل بين دراستي و افكر بعقلانية و احلها بالصلاة و قراءة قران و راحة أو اشوف شي
اني مسجلة خصوصي 4 مواد و نفس حالة صاير ضغط و ضيق بوقتي و صايرة خربطة لا خصوصي و لا مدرسة ف قررت اسوي انتساب
+ نفسج اني هم راح اسوي انتساب بس اني ع يوتيوب وخايفه اخاف مالحك اكمل المواد لان عندي تراكمات ف اريد اخلصهن يلا ابده 💔
@@NoorSabah-fl1mbاني هم بس خايف من الملل لان كاعد وحدي وخايف 💔
@@NoorSabah-fl1mb شدي حيلج فترة و تعدي و تفتخرين بروحج و اذا ما عندج احد يحفزج حفزي روحج و ضغطي على نفسج كلشي يسهل ان شاء الله و اذا عندج احد فاهمج و يشجعج بعد احسن لان هذا شي نادر كلش و بالتوفيق ❤️
آني طالبة خامس علمي عندي محاظرات خارج المدرسة يعني خصوصية + و بالمدرسة يضيع أغلب وقتي و بدون فائدة و المدرسين يطيرون بالمادة و نهائياً ما أفهم عليهم و عَ طريقة شرحهم فَ مجبورة من أرجع من الدوام ميتة تعب و عقلي ما عاد يستوعب شيء فَ أرتاح ساعتين تقريباً أو أنام و هيچ ضاع نص يومي و أروح محاظرات لل٦ المغرب تقريباً و كأنما أول مره أقرأ المادة و بعدها أقرأ التحظير ع اليوتيوب أو وحدي + أحس الإنتساب أحسن بس مادري 🙂.
اني هم طالبه خامس علمي والمدرسه مالتي ابد مو زينه من كل النواحي واني تدرس على النت وصارلي اسبوعين محتاره اسوي لو لا واخاف اذا اسوي اطلع دور ثاني واني شاطره ☹️
@@Rawan-de4cn اني هم و اللّٰه أخاف أعتمد ع قرايتي و أرسب + أعتقد التقديم مفتوح لحد ٣١/١٢ فَ خلينا نشوف نفسنا إذا صدگ أحتاجه أسوي 🖤.
طلاب نصيحه لحد يسوي اني العام سويت وكلش مافاتني ب اختصار الانتساب شي فاشل … ضغط المدرسه كلش يفيد امتحاناتها تفيد حتى لو جانت مدرستك مو مضبوطه بس ضغط الامتحانات واليوميات تفيد والاحياء والادب والاسلاميه اذا انت انتساب فراح تغلس عليهن وتشوف الوقت كدامك هواااي وتبقى تترخى وتسخت وتكول اي عندي وقت هواي وتنام ع راحتك
طلاب هسه تكولون مو الكل لا راح اسوي جدول لا داخل معهد اني وداخل كل الدروس بس مهما يكون شي خطا المدرسه تفيد …اسال مجرب 👍🏻
وهاي غير الملل الي راح يصير عندك لان كله انت بالبيت وتحس وحدك تقرا متشوف وياك طلاب ونفس افكارك ونفس معاناتك وواحد يخفف ع ثاني تحس روحك تايه بالانتساب
اني خامس و سويت انتساب و مداقرة بس بالشهريات ، بس العام بالرابع مجنت مسوي انتساب بس جنت بالشهريات اقرة على اليوتيوب و نجحت بدون تعب ، بس كلش خايف اطلع اكمال هاي السنة تنصحني اشيل الانتساب؟
كلامك على فئة متقره من الطلاب لا تشمل الكل
@@Ali-sg4tm ممكن توضحلي ♥️؟
رب الطاقه السلبيه
اكو مثل يكول قل خيرا او اصمت
لتععممون ـلاטּ اكو هوايه درسو انتساب وجابو معدلات عاليه
الانتساب يفيد الطالب المجتهد فاذا انت-ي مفاد الانتساب وياك_ج معناها انت مو مجتهد_ه ومدرستً عدل
لتخوفونً الطلاب عالفاضي
لاتقيسين على روحج تره اكو غيرج ضابطين وقتهم ومنطين كل ماده حقه
البارحه اني سويت انتساب بس وجهة نضري اشوفه احسن شي للطالب الي مايفهم ع شرح المدرسه لان بس يضيع وقت من صبح لحد متجي من المدرسه واكيد راح يرجع تعبان وتنام راح تكعد ب 4نص اليوم طاير
الانتساب حلوو اذا جنت انت تكدر تسيطر ع ماده وبدون تسخت ف اني وجهة نضري عكس وجه نضر صانع المحتوى مع العلم اني دراستي يوتيوب فقط بس مو معناها اني اكعد سنه كامله بس ادرس ادرس لا حبيبي اكيد اسوي اليه اوقات خاصه اتفرغ بيها نفسي أرفه عن نفسي
تنصحيني اقرا ع اليوتيوب وماادخل خصوصي وهل اكدر اضبط الماده هيج واطلع معدل عالي؟
+شنو اسماء لمدرسين لدرسين عليهم؟💜🙏
@@nrjes481 اذا عندج امكانيه دخلي خصوصي اما لا تره اليوتيوب يكفي ويوفي واني خلصت عمري ع يوتيوب ومن نجاح لنجاح وان شا الله هاي سنه هم
اسماء المدرسيه
فيزياء حسن عبد الكاظم
كيمياء هاشم الغرباوي
رياضيات حيدر وليد
انكليزي علاء سعداوي
اقتصاد ست نور
اقري بنفس جدول الاسبوعي مال مدرسه 7محاضرات باليوم
++نامي من وكت وكعدي ب 6صبح اقري وب 12توقفي استراحي لحد ساعه 2وبلشي قرايه لحد ساعه ب 6 المغرب وستريحي وبلشي قرايه ب 8وانهي ساعه ب 10 والباقي رتاحي ونامي ب 12
اقري بتركيز وكل ماده خلي دفتر ابو 200وكتبي ويه المدرس وراه متخلصين محضارت كلهن كعدي اقري الي كتبتي وبتوفيق 💜
@@darkshadow3639 عل أداره المدرسه هوه المدير يسويها بس اخذي وياج ولي امرج ابوج لازم توقيعه
@@darkshadow3639 أمك أو أبوك
@@darkshadow3639 شخص مسؤل عنك
أنت اللي شفت الكومنت أدعيلي نجيب الباك ولك بالمثل وزيادة
ان شاء الله انجحَ واطلع من الثالث واتمنى اصير طالبه رابع ادعولي 😭😭😭😭♥️ .
والله معتمده ع اليوت وسختت بالعطله كلت يجي الدوام والتزم اجه الدوام وهنا كانت الصدمه مدرسات يركضن وتحاضير مكثفه ولعبان نفس بس تعب عاد راح بابا وقع ربع ساعه مطول وخلاص اكتسبت واعتمدت ع نفسي يرب التوفيق النه كلنا دفعه 2023
والله نفسي 🫠🤏
نفسي
@zero اشكد تحتاج وقت يلا تطلع الموافقه 💀
نفسي بس مسويت انتساب🥲
@zero اني رحت للادارة وكتله ماكدر اداوم بعد يعني كعدت قبل الموافقة 🌸 يعني قصدي روحي للادارة وكليهم ماكدر اداوم بعد تحت اي عذر وكعدي اقري مو اله موافقه احنه ثانويتنه كلنه كعدنه حته مانشتت 💔
طبعا يوم سويت انتساب قريتي اني كلها على يوتيوب لان بمدرسةو كشيي ماتفهم ويركضون ركض بينااا بس سويت انتساب وخايفه صراحه 💔💔😩كل يكلون انتساب مازين
من الاخير الطالب الملتزم و يقره انصحه بل انتساب اما طالب الغير ملتزم بدراسه مانصحه يسوي انتساب
اذا اسوي انتساب هسه ١١/١٠ وارجع اعيد من بدايه الافصل واسىويلي جدول الحك منا لنصف السنه لو كولشي ما الحك لان حيل احسني تايهه من بدا الدوام ولحد الان وومضبطه اي شي
تلحكين بعد كومه وقت
@𐀔 . ڪ قررت اني ورتبت اموري مراح اسوي وحمشي وي المدرسه والنقوصات والمواد ممضبطتهن جمعه وسبت اقراهن انتي هم هيج سوي لو تسوين انتساب من هسه وتبلشين لان وكت ديمشي
@𐀔 . ڪ لعد لتخصصين بس جمعه وسبت ايام الاسبوع كولهاا اي وقت ما عندج بي شي حتى لو ساعه وحده تخلصيلج موضوع من اي ماده وانتي دتمشين وي مدرستج وتحاضيرهم حتخلصيهن وتسيطرين ع ماده
اي والله تلحكين اني دوامي يومين ب٢ وارجع ب ٥ العصر بهل يومين ما الحك اقرا اي تراكم بس تحاضيري بس وقت الدوام صباحي تلحكين تخلصين تحاضيرج وتخلصين تراكمات
@𐀔 . ڪ وحتى لو ملحكتي تقرين. تراكمات ميخالف اهم شي اقري تحضير ولتراكمينهن عليج اكثر
زين من اسوي انتساب
اني اريد اقرة الافصل الاولى اراجعهن شلون اسوي جدول ؟
اني راح اسوي انتساب وأبدى بالمواد من جديد ومن شهر 11يوم 1 وجدولي اليوم الواحد اخذ بي تلاث مواد من كل ماده محاضره مثلا يوم كيمياء وفيزياء وأحياء واليوم الثاني رياضيات وعربي وانكليزي ويوم إسلاميه وأدب وادرس من من 12 إلى 15 ساعه باليوم لان حرفيا تركت كلشي يلهيني عن الدراسه
+شتنصحوني هيج أكدر اجيب معدل واكمل المواد؟
حسب يومچ و قدراتچ و الوقت بأيدج استغلي زين
@@shaimaa6345 جدعوة ١٥
٨ساعات او ١٠ بتركيز كلش كافي
ثالث متوسط سنه اولى السجاجين الخبره وينكم فدوه شكو نصيحه عدكم كولوله لا تقصرون +اكيد دعواتكم الي ♡
ادرس الرياضيات على حيدر وليد مع حل كل مثال بيدك وادرس الاحياء كل يوم وحل اسئلة وزاريه من ٢٠١٣ لكل المواد
سوي انتساب
لا تسوي/ن انتساب لان طالب ل ثالث مو مثل ل سادس و حضر/ي يومي و امتحن شهري لان ح يعلمك/ج نظام ل مدرسين حتا بنص ل سنه ما تنصدم بطريقه اسئلة المدرسة اهم شيء تحظير يومي و تابع ل استاذ او ل استاذه و شوف مدرسين يوتيوب زينين علي صادق زين بس مشكله حل مالته مختصره و اغلب ل مدرسين ما يقبلون بيها ف اعتمد ع حيدر وليد و فيزياء علي الذهبي يموت احسن مدرس حرفيا كيمياء حسين حمزه رهيب ع نص ل سنه قريت بس مراجعه مركزه جبت 95 عربي ست سمر و الاجتماعيات هي اصلاً حفظ ل احياء هماتين حفظ 🙃
اني طالبه يوتيوب صح قريت بلعطله بس هسه مدرسه فايدتني صح انو مدرسات مو كلش واكو مدرسات تدريسهن مو زين بس انو شفت بنات واخذت جو لقرايه لصحيح ومجنت اختبر نفسي بامتحان هسه عرفت شلون اقره برغم اني مستواي زين بس طالب يوتيوب مايفيده ابد. اما معاهد لا كلش يفيده لان مدرس فوك راسه وهيج وحتى مدرسه تشوش افكاره فيعني كلش طبيعي اهل معاهد
اللهم صل على محمد وال محمد وعجل فرجهم والعن عدوهم
اني اريد اسوي انتساب وبس ع يوتيوب وبالمدرسه طااايرات المدرسات مدالحگ بس دافڪررر وظغططط ودايصيرر تراڪمات ف راح اسوي انتسااب وع الله وان شاء الله مااتفشل
@@ولايةعلي-ر6ت بس اني طالبة ادبي
اني مثلج💔
@@ooa8083 اني من اليوم مراااح اداااوم ف شنوو راح اعتمد ع نفسي وبس بهل 60 يوم واشد حيلي واضبط مواد مال نصف السنه ان شاء الله
@@fatimamohammed8536 ان شاء الله بس شون اقنع ماما بالانتساب😢
@@ooa8083 اني بچيتتتت وقنعتهااا
يارب ادعولي معدل عالي واحقق حلمي اني وكل طلاب السادس يارب 🤍
اميين
@@YAQEEN_7. 🌹
وربي الصف 68 وبعد راح يداومن الدور الثاني ومكان ما عندي واني عايده ومعدلي 85 حاولت بكل الطرق اقنع اهلي ماكو فائده من المدرسه و ما جاي يقبلون وتعبت من المدرسه تضيع وقت 💔😭😭
حاولي تقنعين اهلج 👍والله نفس حالتي الصف بي48وغير المعيدات الي عددهن 39 تدرين كل ماافتح الموضوع مايرضون كلت لازم اسوي تدخل خارجي اكول لواحد يقنع اهلي اني بالنسبة الي راح اكول لخالتي تقنع امي او خالي المهم نسوي واسطة 😂😂
كلامك عين الصواب دكتور.
اني انتساب وفقط يوتيوب وطلعت 98.5
مبروككك حفزتنيي
@@ممسادس بالتوفيق
@@mohamadmosleh90 شڪراا والك همين خوية
كفو منك يا بطل
اسماء المدرسين الي درست عليهم
سويت انتساب وكلها وكفت ضدي واني مقارية بالعطلة واساسي ضعيف وما متندمه لان سويت انتساب بس الحجي تعبني
زين انتي عداومين هسه او لا
@@kurdgaming2614 ما اعتقد آلة تقرير طبي
@@arai1110 لا ما اداوم
أريد اضحكم اشوية😁😭🤣
صار وياي موقف ماتتصورون شكد فشلت بي
اجت جيرانة علينة وجايبة وياها ورقة كاتبة بيها تردد قناة تريدة من عدنا وإني جنت اقرة برة جان تجي علية دكلي أريد هذا التردد كلتلها اي جان اجي ع التلفزيون اللي صارلي شهر ماشايفتة جان الكة اخواني كاعدين كلتلهم(ياصفحة قناة الكأس😂) جان يكلولي شنو ياصفحة ياربي متت والمرية كاعدة وأني اكتب ونوب جان يجي بابا يكلي ها شكو شوفو المصيبة اللخ (كلتلة وبكل ثقة دا اكتب الجدول لجيرانة🤣) هسه العائلة كلها تضحك علية وأني يومين اضحك ع سالفتي حتى ماتتسولف وابدد مرح انسة هالموقف هذا😂😂
اخير شي راحت وكلتلي شكرا ع الجدول😅😅💔
😂
اني أريد أگل لاهلي تردون عشة أگلهم تردون محاضرة؟
@@سادسسادسسادسسادس عزاا😂😂💔
الانتساب مو زين ب النسبه الي سويت انتساب بس بعدين استخاريت ربي ثاني يوم كرهته وسحبت الانتساب والحمدالله المدرسه احسن وضحك وشقه ودراسه وي صحباتي وهم امتحانات يوميه وشرح مدرسات كلش يفهم يسهل الماده الدوام يخلي وهس للطالب وهم يجبره يخلي يكوم من الصبح ويقرا اكثر ويلتزم
كنصيحة الانتساب بشكل عام فاشل فاشل فا نصيحه من طالبه جربت عادت لا تسوها مدرسه هواي تفرق عن كعده بيت مع احترامي حجي دكتور كاظم حجي صح كلش صحيح انو تفكرون انتضرو يله تسون وبس كل توفيق🤍🤍🤍😻
السلام عليكم اخ كاظم ، عاشت ايدك على هذا الفيديو لكن عندي تعليق واحد واتمنى تعيد التفكير بي بالدقيقة 6:12 كلت شنو لازم نسوي حتى نغير من نفسيتنا وذكرت الغناء . . ذكرت شيء يغضب ربك وربي ، شيء يطرنا من رحمة الله واللي احنى بأوج إحتياجنا الها ، ذكرت اللي قال عنه الرسول صلى الله عليه واله رقية الزنا ، او وسيلة اليه والعياذ بالله !
بصراحة ماتوقعتها منك كان المفروض تنصحهم يقوون علاقتهم برب العالمين ويقرأون قران وادعية ويحافظون على صلاتهم فترة السادس كفيلة بتغيرك نحو الافضل دراسيًا ودينيًا من خلال اجتهاداتك . اتمنى من حضرتك تراجع موضوع الغناء وتشوف رأي الامة الاسلامية عمومًا بي ، وماتنصح احد لطريق الشيطان والزنا ، وكل الاحترام والتوفيق .
🧐
@@anoo2_5 هل اصبحَ الترفيه بما حرم الله حلالًا !!
@@anoo2_5 الله عز وجل رمى ابليس في جهنم لانه لم يسجد لادم فقط ! خطيئة واحدة كفيلة برميه في نار جهنم رغم تعبده لله سنين طويلة لايعلمها الا هو سبحانه وتعالى
ونحن بكل سهولة نقول ، حسنٌ لابأس بالقليل ، كوني على ثقة بداية كل محرم فكرة ، خطوة ، ثم تشعب .
@@villp ابد لٱ تنسى انو احنا بشر مو معصومين عن الغلط واي اانسان ميكدر يمنع روحه عن الغلط. وهذ الشي م̷ـــِْن عد ربنا
@@villp والاغاني انواع مو كل الاغاني سوى اكو ديني واكو تحفيز اوك واكو اغاني سيئه ف هو شي اكيد ميقصد ه̷̷َـَْـُذآ النوع م̷ـــِْن الاغاني يعني تقنعني حتى الاغاني الدينيه حرام وخلي نكون واقعين اذ الاغاني حرام بالاعراس او الافراح يصح نشغل قران ?
اهل الانتساب
دخولك الوزاري يعتمد على نصف السنه فقط فلازم تكون كده وتضمن دخولك
يعني درجة نصف السنة فقط؟ ما يقسمو ولا شي
@@Sarah__865 اي حبيبتي فقط درجه امتحان نصف السنه + درجه الشفوي يجمعهون ويقسموهن وتطلع درجه الماده
@@lforeverex3233 يعني دخول انتساب حاله حال دخول الصباحي اضافه إذا تجيب بمواد 50
@@lforeverex3233 زين سؤال اني متحنت شهرين فرضا وطلع السعي بالكارت اربعين يعني اجيب ستين بنص السنه؟ وانجح وابو الانتساب يجيب خمسين بس وينجح؟
اي حاله حال الصباحي فقط الدخول لان الانتساب درجه دخوله للوزاري هيه درجه امتحان نص السنه فقط حتلو يجيب ٥٠ يدخل اما الصباحي لا يختلف لان عنده درجه الشفوي ودرجه الشهري ودرجه نصف السنه يجمعهوهن ويقسموهن فتطلع درجه دخوله للوزاري شرط يكون زين بالشهريات إذا موزين لازم يشد حيله بنص السنه ويجيب درجه عاليه +حتلو ابو الصباحي تطلعله ٥٠ يدخل هذي بعد ما جمعو درجاته كلهن وطلعتله درجه دخوله بالشهاده ٥٠ @@asdfgcchhf478
طالبة سادس احيائي دفعة 2023ان شاء الله بالتوفيق للجميع الطلاب والطالبات لا تنسوني بالدعائكم آمين يارب العالمين❤✔
يما هستوني افكر بالموضوع واجاني اشعار 🫡.
كاظم اني مسويه انتساب وداخله دورات الكترونيه شتويه لكل المواد فقط رياضيات اعتمدت ع استاذ حيدر عبدالاىمه وهسه متاخره بالرياضيات بعدني بفصل الاول محاضره ٩ راح الحك ع رياضيات؟وشكد محاضره اخلص بالاسبوع ادرسه لحت اخلصه احس متاخره حيل شلون اسيطر عليه؟
نفس شيييي
تره تلحكون والله عدكم سنه كامله شرح تسون بيه
@@meeeeem7490 شلون نفس الشي؟
@@aykook90 ناس يكولون شهر السادس امتحانات واني بديت من شهر العاشر بالدورات
@@يمامه-ج1ث لا ماكو بشهر السادس امتحانات اخر ٤ سنوات كلهن بسابع سؤاء بدايه السابع او نهايته
سويت انتساب طبعا القرار 100% برأي الطالب اني من نوع الطلاب الي تقرا قليل متوسط ساعتين الى 3 ساعات بليوم واقسم المواد على فترات على طول اليوم ويه المدرسه مستحيل اطلع معدل اذا اطبك ويه المدرسه ادخل وزاري بس اطلع معدل 60 او 70 بلوزاري الي هوه ماله داعي ف قررت وسويت انتساب
شو انه رحت لمدير مدرستنا حتى اقدم انتساب بس المدير يقول بعده ما واصل الكتاب إلى المدارس
يمتى يجي الكتاب للمدارس ؟
هسه شسوي اريد اقدم انتساب شلون ؟
@@danty0
يمكن صدك ما وصلهم كتاب صار وياي نفس الشي لحد الاحد الي فات وصلهم وقدمت انتساب انتظر وكل يوم اسألهم عندك صلاحيه تقدم انتساب لحد نهايه هاي السنه 2022 لا تستعجل
@@هيتي شكرا
@@danty0
عفوا
زين هم كالولك لازم التربيه توافق علنتساب؟