九龍灣 得寶花園｜租金回報率高達4.6厘 投資者最愛⁉️｜入場253呎一房 叫價310萬元｜40年樓齡有咩要注意？
HTML-код
- Опубликовано: 10 сен 2024
- 【易發睇樓團🏠樓盤住您睇】九龍灣 得寶花園｜租金回報率高達4.6厘 投資者最愛⁉️｜入場253呎一房 叫價310萬元 ｜40年樓齡有咩要注意？
.
得寶花園與德福花園及淘大花園，合稱九龍灣「三寶」。由恒地及新世界合作發展 ，1984年入伙，樓齡約40年。它在淘大花園那邊，新盤皓日的旁邊。由港鐵九龍灣站步行過去，要大約7至8分鐘。雖然稍為遠離港鐵站，惟因附近還有不少巴士及小巴路線往返區內及港九新界，所以出入頗為方便；而作為傳統的舊區，這裡配套也很完善。除了自身設基座商場，提供食肆、民生小店及售賣鮮肉蔬菜的店舖外，附近街道也有地舖；而過去淘大花園及德福花園同樣有商場，以連鎖店為主，但定位各有不同，足以滿足居民不同需要。隨著皓日落成，稍後基座也會再有些商舖，所以居民不用去很遠，已經能照顧起居飲食。這點也是得寶花園即使樓齡偏大，也仍然深受租樓及置業人士歡迎的原因之一。
.
相對於其餘「兩寶」，得寶花園的規模是最小。只有8座，提供約2000伙一房及兩房單位。當中以一房為主打，佔總伙數約三分之二。它與淘大花園涵蓋的戶型是一樣，不過面積較小，甚至是區內開則最小的屋苑。一房實用由253至282平方呎不等，而兩房則介乎381至398平方呎。變相無論是租金抑或總價，都會相對較便宜，更容易入場，也是它的賣點之一。參觀的第一個放盤，都向著全盤最小的單位進發。來自G座高層8室，實用面積253平方呎。業主現時叫價310萬元，呎價約1.22萬元。這個呎數的單位，基本上都是「呂」字廳開則。沒有玄關，惟因空間方正，加上兩廳不是真的很小，合計有約110平方呎。通常「呂」字廳，其中一邊廳的窗戶較小，甚至沒有窗。這裡兩邊均設大窗，有助增加對流通風，惟因近大門一邊得廳，窗戶對著天井，所以較為昏暗，而且不太美觀，可能需要長時間拉上窗簾。至於另一邊窗則正對剛入伙的皓日，變相遮擋了不少陽光，採光一般。假設買家借盡九成按揭，首期就是31萬元。每月供款約1.38萬元，月入要求就是約2.76萬元。
.
第二個放盤，原則屬於「大一房」，282平方呎，採用長直廳設計。不過業主在客飯廳後半部分，劃出多一間睡房，變成兩房間隔。來自F座高層2室，業主現時叫價370萬元，呎價約1.31萬元。因為多了一間睡房，所以客飯廳較剛剛最小的一房還要小，只有約70多平方呎。雖然沒有走廊位，感覺會較實用，惟因多了一間睡房。變成「五門歸心」的格局。兩間睡房約50平方呎，難以同時擺放床及衣櫃，收納空間只能向窗台上發展。假設買家借盡九成按揭，首期是37萬元。每月供款約1.64萬元，月入要求是約3.29萬元。
.
延伸閱讀：
* 得寶花園 www.28hse.com/...
* 更多樓市影片 www.28hse.com/...
.
#得寶花園 #九龍灣 #牛頭角 #細價樓 #三寶 #呂字廳 #一房 #兩房 #淘大花園 #德福花園 #一手 #二手 #呎價 #租務 #成交 #樓市 #地產 #香港 #九龍 #新界 #易發睇樓團 #樓盤任您睇
.
如果大家有咩樓盤想知多啲，記得留言話俾我哋知📢！！
.
［記得幫手like👍我哋嘅Facebook同訂閲🛎RUclips channel啦，仲要將28Hse專頁設定為＂搶先看／See First🧐＂］
.
📍Facebook: / 28hse
📸Instagram: / 28hse_com
📱Twitter: / 28hse
🎞RUclips: bit.ly/3oG0Stl
40年樓齡，買左全爆一舊錢，大維修一舊錢，我做咩唔用同一舊錢直接買新樓？新樓起碼住十幾年後放唔驚冇人接貨，收樓有問題可以搵發展商執修，二手樓仲要40年好多暗病要硬食，一個漏水已經永無止境玩殘小業主。二手樓只考慮20年樓齡內，除非價錢低到令我願意接受風險。
@@chanvin7829 因為唔夠錢買新樓
@@mckwan5036
新樓一般包家私, 而且主流都係買樓花代表裝修又可以上樓先比
舊樓如果一買即裝修, 樓首期加裝修首期可能仲多過新樓
大維修依D仲要係黑洞數, 更加唔好講大維修都會大大影響樓價
不能同意更多
所以如果堅持要買呢類單位原因應該係對嗰區有情意結，或者係為咗方便屋企人等等，否則都係俾多少少買新樓，唔使搞裝修唔使煩
@@chanvin7829 新樓管理費一般貴到嚇死人，如果40年舊樓有5-6厘回報，作出租諗得過。
睇過樓，完全唔得，又舊又殘，仲要樓下有個街市唔算污糟，但係油淋淋，上到平台又唔係特別舒服，入到間屋更加覺得覺得辛苦
呢兩個盤缺點多，樓齡舊，裝修舊，大維修，仲要遇正呢個巿，區內新盤劈價，優點係巿區同上車門檻低。
我相信百貨應百客，有啲家庭能力有限但又想住巿區嘅可能真係會考慮呢啲盤。
但價錢方面，我只會用銀行估價-裝修費-預計大維修費之後再打個8折去開始諗。而家呢個放盤價真係完全無吸引力
附近係好完善配套, 岩晒單身或家庭人士的日常生活要求。當然, 你要新要時尚感, 呢區同呢幢樓都唔岩你。層樓舊, 都要預筆錢維修, 另外又要預大維修整幢既錢。不過就黎減息, 租金應該會升, 租盤市場會旺返, 呢度LUM SUM少, 實際按需要黎講, 月入3萬幾都可以上車了, 想一試做業主放盤出租的滋味, 呢度岩晒, 識自己簡單裝修下, 低成本就翻下新租出去, 都已經唔錯啦。
雖然話平啲買返嚟可以用啲錢嚟裝修，但有啲位就唔可以靠裝修解決問題。例如個窗台咁鬼大，個單位面積又細，點設計裝修都好。都好難根本解決呢啲問題。又或者話啲喉位，就算你私家喉換晒都好，但公家啲喉一樣都係咁舊。冇得搞。
之後仲要大維修，先唔好計要用幾多錢，大維修嗰陣成個屋苑沙塵滾滾，你都咪話唔煩
和納米樓冇分別 三球嘢 慳D 啦 一球或者考慮吓 幾乎任何一間公屋單位都好過佢😊
如果租住2~3年會考慮得寶，平平地住市區方便返工又生活配套完善。但買樓就唔揀得寶太殘舊，要洗好多錢裝修同大維修，條數仲要係估唔到埋尾幾多錢，而且單位太細啦，買樓但求要個安樂窩有足夠生活空間，咁鬼細除非單身一個人或者得。
個垃圾窗台好煩，鬼咁大晒位，仲要鬼咁高，做傢俬升高張床唔就位，你張床整埋床褥離地到嚇死人，落床要跳落地咁🤣
面積細銀碼總數細，但入過去就知好局促，身形大份d都轉唔到身，傢俬要訂造先啱返間屋比例，你去宜家就咁買唔啱放
睇過樓 太殘真係好難頂
裝修+準備大廈維修除時要預多三五十萬
依D樓正常放租客都會避開, 何況叫價都唔係平過市價
銀行個估價都明顯唔包大維修成本加未來幾年聲音/環境/保安問題
@chanvin7829 謝謝你話俾我哋知睇法😊 請將登入RUclips時的名稱截圖，然後whatsapp至51659760，以便聯絡領取咖啡禮券
殘成甘310萬😂😂under200先合理少少，後面果間仲要370萬🤣🤣現家啲業主獅子開大口叫高咁多，博啲買家以為業主減好多咁
40年樓/未維修/屋要全爆重新裝修8000/尺就差唔多
@chanvin7829 謝謝你話俾我哋知睇法😊 請將登入RUclips時的名稱截圖，然後whatsapp至51659760，以便聯絡領取咖啡禮券
好頭痛
今日睇左三條睇樓片，
全部樓個則都係咁九唔搭八🤦🏿♂️
五門歸心又有 八門一房又有
正正常常起間可以輕鬆擺衣櫃睡床既樓係咪咁難
痴人說夢話，40年樓仲要咁Q貴，新樓平過佢包全新傢電都買到喇！收幾多租都抵唔番樓價以後幾年嘅60%以上嘅跌幅！大家千萬唔好中計！🧐🙄😏🥶
睇過 又細又舊 比多小小買LP6好過
留意到第一個單位窗台有水漬喎...
40年殘樓賣310萬? 業主痴人說夢話定係仲未瞓醒? 我剩係黎睇Mickey. 呢D殘樓冇興趣.
多謝介紹 Support💪🏻💪🏻
得寶啲則怪怪地
殘舊就殘舊啦，年代感😂310萬？130萬都要諗下，咁嘅kam 位
這間樓估值200萬
睇完呢條片 ，🤭果然係「筍盤」。「呢個狀態」都叫得出呢口價，認真🤣 。年代感呢個詞的運用真「奧妙」。空間感可以話去到一個點。。絕對係「😂」，相信拎來劏，回報仲高。
得寶係幾好住，不過一定要裝修😂
再有得平,唔好急
80-90年代恆基樓出名實用率低，間隔差：得寶/翠華/翠屏/河㫠全部都係又細又呃呎。同華懋有得揮😅😅
好抵買~
得寶G座8室令我諗起175萬放既雞佬，呢到只係方便之中比較平投資客收租專用
唔好騙香港人 40年樓未做大维修 要預多30萬以上 而且利息甘高 4.125%，息差仲未反映 租金回報不到0.5%
匯景都系萬2，3蚊呎 地鉄上蓋 得宝明年有机会跌穿1萬蚊呎
呢個代理我睇樓見過佢,係炒家面前就刷鞋仔咁,係咁SELL人買,個炒家都無理佢
全個屋苑好多幢都有冷氣機滴水問題冇人理
😢就穿三字😢
一早穿咗
@@jenniferyuen555嗰邊管理費幾多？收租可能有錢贏
奉勸一句 ! 唔好買樓 ! 銀行收緊樓按勸買家遲啲先買！天有不測之風雲 !
第一個單位最多值200,第二個最多值250, 講完
唔明點解皓日又話喺九龍灣？得寶又話喺九龍灣？明明都係牛頭角
真係百貨應百客
等多2年可能可以買大啲
窗台放洗衣機會唔會負荷過重？又怎樣抬上抬下？
把鬼！😏😏😏
啲樓有mickey真係醜樓都變靚樓
賺埋住咗20幾年加折舊率，賺到300萬啦
又係搵個條利X閣, 成條街咁多AA, 佢最X老點
又殘又舊，景觀暗淡淺窄，開則窄到劏房咁T.T窗台高而深，叫價過高之餘仲要留大錢做大維修，除咗大水魚外都冇乜可能會用影片叫價接盤，業主賺咁多仲要揾下手笨，太過分！
21年賣左四球半走人
仲以9成按揭為例,你做特首都借唔到9成買樓
投資放租低買
出年值兩球
山埃貼士都唔好咁噏呀,早前新聞先至報到個全九龍跌得最慘嘅屋苑就係得寶,叫人哋擺入市都痴線
德寶1房310?你蟹下先啦~隔離出貨你250都冇呀~
太殘太舊
租金回報率高達4.6厘？
隨時得不償失。 🙊
垃圾樓
窗台窗花漏水已經收皮 100萬都未必有人買
一年後收息變八里
講就易 。 同一舊錢買唔到新樓
我只買屬神的家
現在只有傻仔先會買黎收租。岸九仔就圍都係
9成? 間銀行你開?? 你試下買呢啲爛樓借九成 睇下邊個借比你 咪害人啦
間間都係垃圾，介紹黎做咩呀