【全場精華】高級組銀牌-傑志 2:1 東方
HTML-код
- Опубликовано: 10 фев 2024
- 高級組銀牌 傑志加時入波成功衞冕
旺角大球場周日（11日）「大年初二」上演「高級組銀牌」決賽，傑志連續兩屆與東方爭冠軍，吸引4,570名球迷入場。今場雙方尾段各自有艾里奧、高素巴耶夫被逐，法定時間踢成1比1。加時下半場東方再有巴科爾被逐，最終傑志憑明加索夫絕殺得手，以2比1險勝而回，成功衞冕。
矢志衞冕的傑志，門將保羅傷愈復出擔正，基爾頓、米基爾及查理史葛控制中場，恩查、明加索夫和伊高沙托尼組成進攻三叉戟；至於東方由葉鴻輝把守最後一關，高素巴耶夫和鐘樂安扼守中路，馬高斯聯同丹尼爾在中場掃蕩，入球重任落在巴科爾身上。
今場大戰開賽初段已火藥味甚濃，兩隊各有多名球員遭到對方侵犯，傑志後衞費蘭度更因肩膊受傷退下火線，由羅梓駿入替。東方18分鐘先食一記詐胡，余在言避過對方門將保羅後篤橫，馬希偉力壓羅拔圖撞入，但球證判越位在先。25分鐘輪到巴科爾轉身一抽，但被保羅接實，余在言隨後推順勁射又斜出，兩隊半場互交白卷。
易邊後東方繼續搶攻，孫銘謙入楔「插水式」飛頂被保羅撲出。傑志亦不甘示弱，62分鐘一次反擊，明加索夫起腳但未能考驗葉鴻輝。「藍鳥」之後換入祖連奴加強攻力，但75分鐘卻迎來壞消息，艾里奧因投訴過激「兩黃一紅」被罰離場。
比賽尾段出現小插曲，81分鐘高素巴耶夫被羅拔圖踢跌，球證直指十二碼，馬高斯操刀被保羅「捉到路」，但球證翻查VAR後需要重射，由梁冠聰一射中皓，東方領先1比0。
不過補時階段VAR判高素巴耶夫禁區內犯手球，這名吉爾吉斯後衞更「兩黃一紅」被逐，查理史葛主射第一腳宴客，但VAR指有球員違規，Charlie第2次主射成功射入，最終法定時間兩隊踢成1比1。
加時下半場東方再有巴科爾直紅被逐，餘下時間需要「9打10」，臨完場前打多一人的傑志，憑明加索夫燙射得手，最終以2比1反勝東方，成功捧走今屆銀牌冠軍。
#本地足球 #傑志 #東方 #我撐本地波 #港超聯 #中銀人壽香港超級聯賽 #高級組銀牌 #睇體 
Спорт
入左場。其實，東方踢得好。不過，只可以話足球係咁😢
打多個又開記錄先咁輸！
球證冇偏幫喎。只可以話東方捉到鹿唔識脫角。
其實係到話VAR 都唔明嘈乜?
慢鏡睇番有犯規 咪吹😅
又無錯 又鬧咩呢?
唔通應該仍靠人眼 望到就望 望唔到就繼續
唔好話球証扁幫任何一對，現在V A R見到一点輕微犯規動作,犯咗規就係犯咗規、無得拗數、全世界都是這樣
2:15 what a save
香港VAR 多嘢做個亞洲杯嘅VAR 😭
琴日問咗艾里奧+睇返全場重溫，個波東方撞出界但旁證比東方界外球，艾里奧不滿跟住問球證are you blind,然後旁證就舉旗叫譚炳煥比牌。要知道有D 旁證比人指住鬧都唔會舉旗，呢個就第一時間舉，點解仲有人會話球證偏幫😅
保羅咁都唔係Man of the Match
現場唔似得4000幾人
算係咁喇,香港波都仲有4千幾人睇,仲想點?
譚炳煥好嘢
FIFA 而家嘅犯十二碼、越位啲規則都太過矯枉過正，啲人變咗睇電視都唔喺睇波，阻著球賽進度。射十二碼有邊過唔偷步儘快走入禁區去補一腳，又要睇電視再射過。 啲規則喺死嘅，人就活嘅，過咗手踭幾個cm 就越位，入球無效，不知所謂！
球證首幫助東方先啦, 艾里奧紅牌
真心直接俾個獎牌傑志la
又想話黑哨？😂😂
自己技不如人，就唔好撚喺度怨啦
@@paulpaul1168 咁坦白講其實今日東方踢都好過傑志好多，只係東方好多機會都比保羅化解。就算我係傑迷都覺得傑志贏到係好好彩，但絕對唔係因為球證先贏到囉
有VAR，照道理無以前咁大爭議。
@@Wooooookieeee再睇番錄影,身高手長嘅保羅真係MVP(有啲波,其他守龍真係好難救)
東方踢得好
先排淨係得菁英盃d膠波
今場水平高返晒
有人要封大利是$1600萬給譚炳煥!
東方踢得好好❤，可惜輸球證
咁多年冇睇香港波 都仲係咁搞笑咁蝦碌😂
講真呢場算公道啦
紅牌趕VAR出場
球證又做主角！亂咁嚟
黑哨！
VAR is killing the game.
垃圾波一場😊