یا پیر ئامان نەشو جە فکرو، بەدەنگی: شەهرامی مەنسووری

یا پیر ئامان نەشو جە فکرو، بەدەنگی: شەهرامی مەنسووری
ئارەزوومەندیم جە حەد ویەردەن
مەولەوی
ئارەزوومەندیم جە حەد ویەردەن
فراوان خەیلێ تاسەی تۆم کەردەن
قیبلەم بەو ئەحەد بێهەمتای فەردەن
سەوگەند یەکێوەن چەنی تۆم وەردەن
فکر و خەیاڵان وەسواسەی وەفات
دایم نە دڵەن نە ڕووی سەر بەسات
شەوان تا وە ڕۆ فکرم جە لاتەن
ڕۆحی ڕەوانم نە خاکی پاتەن
قاڵبم بێڕۆح، ئەڕوام نەمەندەن
من دانی حەیات زیندەگیم کەندەن
نامت چوون ئەوراد سوبح و ئێواران
موانووش وە گەرم نە پای دیواران
چەمم چوون شاباز وێڵی شکار بۆ
دایم باڵ پەرواز نە سەر دیار بۆ
جە سەرقەڵاوە مەگێڵوون پەی تۆ
دەک دیدەم هەر دوو سەد جار فدێت بۆ
ئامان، هەی ئازیز بینایی چاوان!
گلەم هەن جە تۆ خەیلێ فراوان
یانێ چێش مەیلت فەرامۆش کەردەن
مەر بادەت نە جام بێشەرتی وەردەن؟
وەرنە یانێ چێش نە جاران جارێ
خەبەر نەپەرسی جە ڕاویارێ؟
ئومێدم ئێدەن، ئامانەن ئامان!
جەی فێشتەر ناسۆر نەوزی زامان
ئەحواڵی حاڵات شەرت و وەفاکەت
بکیانە پەرێم تۆبی خوداکەت!
نە ساڵ و نە ماهـ، نە هەفتە نە شەو
نە ساتێ ئارام، نە دەقیقە خەو
نمەشۆم نە چەم، دیدەم، نە دووریت
هەر ئێد موانوون: ئاخ جە مەهجووریت!
ئیسە کێ تاقەت دووری تۆ دارۆ؟
دەک بەرقی غەزەب وە جەسەم وارۆ!
بە سەرگەردت بام، ئەڕواحەکەی وێم!
جوابی سەریح بکیانە پەرێم...
#شەهرام
#شەهرام_مەنصورى
#shahram_mansuri
#مەولەوی #نالی #مەحوی🌸 #مەحوی #زانایانی_ئیسلام #سالم #NRT4 #تایبەت #سرودی_ئاینی #مناجات #ئاینی #قەصیدە #تەریقەت #طریقت #shahram_mansuri #shajaryan #بێخود #شەهرام_مەنصوری #مینبەر #سۆڵەیی #شێخ_ڕەزا #xyz #شێخ_ڕەزای_تاڵەبانی #بێسارانی #صابری #شەهرام_مەنصوری #شهرام_منصوری #تایبەت
#سرودی_ئاینی #مناجات #موناجات #ئاینی #قەصیدە #تەریقەت #طریقت
#shahram_mansuri
#muhamad_amanj

[@Shah_Othman_1309]

زۆر خۆشە ئەم شعر و ئاواز و دەنگە .. بەس خۆزگە ئامێری "دەف" لەگەڵ ئامێری "نەی" تێکەڵ نەکرایە ..!
(لە مەکتوباتی کاک ئەحمەدی شێخ) مترجیم مامۆستا عبدالکریم مدرس لە بەرگی 3 لاپەڕە 332دا دەفەرموێت : شمشاڵ و دەف پێکەوە لەیەک کاتدا حەڕامە ..!
(بەڵام دەف بە جیا ، وە شمشاڵ بە جیا کێشە نیە)