80. ABASA SURASI | AL-FATIHA KIDS

#AL_FATIHA_KIDS
ABASA SURASI
«Abasa» so'zi «yuz burishtirdi» ma'nosini bildiradi. Ushbu surai karima mazkur so'z bilan boshlangani uchun unga nom ham bo'lib qolgan.
«Abasa» surasi makkiy suralardan bolib, aqiyda va payg'ambarlikka tegishli masalalarni muolaja qiladi. Shuningdek, unda insonni yaratishdagi, nabototdagi va taomdagi dalillar orqali Alloh taoloning biru borligi isbot etiladi. Yana, «Abasa» surasida qiyomat kuni va uning dahshatlari haqida ham so'z ketadi.
Surai karimaning avvalida a'mo(ko'zi ojiz) sahobiy Abdulloh ibn Ummu Maktum roziyallohu anhuning qissalari keltiriladi. U kishi Payg'ambarimiz sollallohu alayhi vasallamning Quraysh
a'yonlari bilan mashg'ul ekanliklarini ko'rmay, u zot alayhissalomga baland ovoz bilan: «Ey Allohning Rasuli, Alloh o'zingizga o'rgatgan narsadan menga ham o'rgating, deb xalaqit berganlari, Rasululloh sollallohu alayhi vasallam bundan g'ijinib, yuzlarini burishtirganlari va yuz o'girganlari hikoya qilinadi. Bundan keyin esa u zot sollallohu alayhi vasallamga mazkur
ish tufayli itobi ilohiy keladi.
So'ngra Alloh taoloning hadsiz-hisobsiz ne'matlariga qaramay inson noshukr, nonko'r va kofir bolishi haqida so'z yuritiladi.
Keyin esa insonning nazari o'zining taomidagi narsalarga, Alloh taoloning biru borligiga dalil bo'luvchi narsalarga qaratiladi. O'sha narsalardan ibrat olib shukr qilish va iymonga kelishga da'vat qilinadi.
Suraning oxirida esa qiyomat va uning dahshatlari, o'sha kunda kishilar o'zining eng yaqin kishilarini ham tashlab qochishlari, o'shandoq og'ir kunda mo'minlarning holi qandoq bo'ladi-yu, kofirlarning holi qandoq bo'ladi, bayon qilinadi.
Shayx Alijon qori hamda AlQuran.uz jamoasi tomonidan sahifalarimizga joylashtirilgan materiallarga har xil o'zgarishlar kiritib tarqatish va tijoriy maqsadlarda foydalanish qat'iyan taqiqlanadi, shar'an harom hisoblanadi.