شيلة حفل زواج سعود آل دعيرم || آداء جفران بن هضبان 2024
HTML-код
- Опубликовано: 28 ноя 2024
- شيلة حفل زواج :
سعود بن سالم آل دعيرم
كلمات الشيلـــة :
تفضل يالادب فيض الكلام وطرّب الاسماع
خلاصة تجربة شاعرحطب شعره من ضلوعه
ياسالم طول عمر الادمي بين السما والقاع
مسيّر في كنف من هو له الكفين مرفوعه
اله يجري الكون الفسيح المعطي المناع
تحت تدبيره الحكام والعالم تحت طوعه
نفذ من غرّة القمرا من شعاع النهار شعاع
معه مايكبر الموضوع فبن ادم وموضعه
ياسالم لا تباطاني ولا تشكي ولا ترتاع
وابوك اللي لو تصيبه مجااعه ماشكى جوعه
على مركاه ويحوف القصيد ويضبط الايقاع
يلاعب شاهد المسباح وضروفه تحت كوعه
من الابداع مايظهر لك الدهشه من الابداع
مثل مايظهر الساحر لك الارنب بقبوعه
معه حجه تسوق الحرف للامتاع والاقناع
يسوي لك ليا شاف العيون وساع موسوعه
ثلاث ارباع عمره رايحه في رحلة استطلاع
تعايش فالتناقض لين صار الشعر مشروعه
تبسامه بوجه عداه لين تقول بالاجماع
دموع الادمي هذا من العينين منزوعه
وهو نفسه لو تمره نسايم بارد الذعذاع
خطيرٍ منه لا حرك شماغه نزل دموعه
ياسالم عقب سميتك بسم عود طويل ذراع
هذا الحمل الثقيل اللي ثنى بشعيل كرسوعه
تحلى لو بواحد بالميه من جملة الاطباع
من اللي له دوام النعم مقريه ومسموعه
ابوي مجري الهايب وابوي النادر الفزاع
ياكم مره ضرب صدره وقال الحي لربوعه
صقرنا للنهار اللي مع ليله هريف سباع
رجال تصنع الموقف وهي ماهي بمصنوعه
..
وليل الحفل هذا ذاع طاريه وذكره شاع
على كل المداخل والمخارج في مطبوعه
ياطيب المحفل اللي فيه ماتلقون قاصر باع
تراحيب الحيا للضيف مثنيه ومربوعه
"يا مرحبا يا مرحبا بسم الدعيرم يا ضيوف"
وليا حصل من صوبنا تقصير نرجو المعذره
"هذا فقار الحاشي المردوم في جنب خروف "
"والدله الشقرا تفر الكيف جنب المبخره
"ياسعود خل البشت واللعب وابتجح بين الصفوف"
تراك من قوم لهم فوق البسيطه سيطره
من العجمان والعجمان حدٍ للشوى نزاع
ياويل بليس من عجمي حزم فالليل قنزوعه
على المجموعه الشمسيه ان فكر بنا الطماع
ليا قمنا تصير الكاينه ماهي بمجموعه
يوم ان الدايرة دارت على متوازي الاضلاع
سرينا ليلة فيها عيون بليس مشلوعه
شرينا الموت يوم المجد لايشرا ولاينباع
ورحنا من حراج الموت والاعمار مبيوعه
شمالي القليب وقعةٍ بين الحسا ونطاع
هذا الفعل المهيل اللي فريد شكله ونوعه
نرد الصاع للي صاع صاع يقتفيه الصاع
على رد البرا رداتنا ماهي بمقطوعه
على اسمانا يسمون الرجال وسمي المطلاع
على فعلٍ لنا يومٍ به الجمعين مجبوعه
مغن العز حنا والادب والاحدب البتاع
وريف الصاحب وسيفه وهماله وقرطوعه
رررق
ماشاءالله الله يبارك لكم
ما شاء الله الف مبروك يا ابو سالم
الله يتتم لك على خير يابو دعيرم❤️❤️❤️❤️❤️❤️❤️