Buxoro tumanida bo'lib o'tgan yoshlar festivali

“So‘fikorgar” mahallasida bo‘lib o‘tgan tadbirlar doirasida mahalla yoshlarning bo‘sh vaqtlarini mazmunli tashkil etish, ularni qo‘llab-quvvatlash, sport bilan shug‘ullanishlariga undash va vatanparvarlik hissini yanada rivojlantirish maqsadida «Yangi O‘zbekistonni yoshlar bilan birga quramiz!»shiori ostida yoshlar festivali bo‘lib o‘tdi.
Tadbir Buxoro tumani hokimligi, Yoshlar ishlari agentligi tuman bo‘limi, Milliy gvardiya Buxoro viloyati bo‘yicha boshqarmasi hamda «Vatanparvar» tashkiloti tuman O‘STK hamkorligida tashkil etildi.
Festival «Sog‘lom hayot yo‘lida 5000 qadam» shiori ostida ommaviy yurish marafoni bilan boshlandi.
Marafondan so‘ng, 7-maktab stadionida Prezidentimiz tomonidan ilgari surilgan beshta muhim tashabbusni amalga oshirish maqsadida «Besh tashabbus - besh imkoniyat!» shiori ostida yoshlarning bo‘sh vaqtlarini mazmunli tashkil etish, ularni qo‘llab-quvvatlash, sport bilan shug‘ullanishlariga undash va vatanparvarlik hissini yanada rivojlantirish maqsadida tadbirlar tashkil etildi.
Festivalda harbiy orkestr tomonidan ijro etilgan kuy-qo'shiqlar, faxriy qorovulning ko'rgazmali chiqishlari, ayniqsa, qo'l jangi namoyishlari yoshlarda o'zgacha taassurot qoldirdi.
Buxoro tumani hokimligi axborot xizmati