Buxoro tumanida chavandozlar mahorat maktabi ochildi

O‘zbekiston Respublikasi Prezidentining 2021-yil 11-martdagi “Yilqichilik va ot sportini yanada rivojlantirish hamda zamonaviy besh kurash va polo sport turini ommalashtirish bo‘yicha qo‘shimcha chora tadbirlar to‘g‘risida”gi hamda 2021-yil 5-avgustdagi “Chavandozlar maktablari faoliyatini tashkil etish chora-tadbirlari to‘g‘risida”gi qarorlarining ijrosini ta’minlash maqsadida bugun, 1-mart kuni Buxoro tumani, “Sheyxoncha” mahalla fuqarolar yig‘ini hududida O‘zbekiston Respublikasi Milliy gvardiyasi tasarrufidagi “Chavandozlar maktabi” ning ochilish marosimi bo‘lib o‘tdi.
Majmuaning tantanali ochilish marosimida viloyat hamda shahar hokimliklari, Milliy gvardiyaning Buxoro viloyati bo‘yicha boshqarmasi mutasaddilari, sport jamoatchiligi, sportchi yigit-qizlar qatnashdilar.